← Back
The Comprehensive Aramaic Lexicon
← Return to the Text Browser
click on the file description for more information
63101: IshGen (Ishodad of Merv on Genesis)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


079:01 ܗܿܝ ܕܚܿܙܐ ܗܘܼܐ ܠܚܝ̈ܘܬܐ ܘܠܒܥܝܪܐ ܕܪ̈ܥܝܢ܂ ܟܕ ܐܦ
079:02 ܚܝ̈ܘܬܐ ܐܟܠܬ ܒܣܪܐ ܡܼܢ ܥܡܝܪܐ ܡܣܬܝܒܪ̈ܢ ܗܘ̈ܝ
079:03 ܗܝܕܝܟ ܘܐܠܐ ܓܡܪ̈ܢ ܗܘ̈ܝ ܚܝ̈ܘܬܐ ܘܒܛܠ ܗܘܼܐ
079:04 ܓܢܣܗ̈ܝܢ܃ ܒܗܿܝ ܕܬܪ̈ܝܢ ܬܪ̈ܝܢ ܐܬܒܪܝ ܘܡܼܢ ܠܐ ܡܕܡ
079:05 ܬܘܒ ܠܐ ܡܨܝܢܢ ܠܡܐܡܪ ܕܐܬܒܪܝ ܡܕܡ܃ ܒܗܿܝ
079:06 ܕܚܕܐ ܙܒܢ ܐܬܬܢܝܚ ܐܠܗܐ ܒܗܘܝܗ ܕܒܪܢܫܐ ܡܼܢ
079:07 ܕܠܡܒܪܐ ܕܢܚܘܐ ܕܠܐ ܚܣܝܪ ܡܼܢ ܒܪ̈ܝܬܐ ܡܕܡ܂ ܕܒܝܬ
079:08 ܐܕܡ ܕܝܢ ܒܕ ܥܕܢܐ ܦܪܝܫ ܗܘܼܐ ܠܗܘܢ ܡܼܢ ܐܠܗܐ
079:09 ܠܣܝܒܪܬܐ܃ ܒܕܗܟܢ ܨܒܼܐ ܕܠܘ ܐܝܟ ܗܢܝ̈ܢ ܕܠܐ ܡܠܬܐ
079:10 ܢܬܐܣܪܘܢ ܒܢܝܢܫܐ ܒܟܪܣܗܘܢ܂ ܐܟܠܩܪܨܐ ܕܝܢ ܟܕ
079:11 ܚܼܙܐ ܠܗܠܝܢ ܕܪܥܝܢ ܘܗܼܢܘܢ ܡܕܡ ܠܐ ܛܥܝܡ ܠܗܘܢ܃
079:12 ܐܣܒܪ ܕܒܢܡܘܣܐ ܟܠܝܢ ܡܼܢ ܕܠܡܐܟܠ ܡܕܡ܂ ܥܠ
079:13 ܗܕܐ ܩܿܪܒ ܫܘܐܠܐ ܒܦܠܓܗ ܕܝܘܡܐ܃ ܗܿܘ ܕܫܬ ܫܥ̈ܝܢ
079:14 ܡܫܡܗܝܢܢ ܠܗ܂ ܐܚܪ̈ܢܐ ܐܡܪܝܢ ܕܡܛܠ ܠܡ ܕܒܥܪܘܒܬܐ
079:15 ܐܬܦܠܓ ܥܒܕܐ ܠܪ̈ܘܚܢܐ܂ ܗܢܘ܂ ܒܗ ܒܥܕܢܐ ܕܩܒܠ
079:16 ܐܕܡ ܦܘܩܕܢܐ܃ ܐܦ ܗܼܢܘܢ ܩܒܠܘ ܥܒܕܐ ܒܪ̈ܥܝܢܝܗܘܢ
079:17 ܘܠܘ ܒܩܠܐ ܫܡܝܥܐ܂ ܐܝܟ ܕܐܦ ܒܗ ܒܥܕܢܐ ܐܬܦܩܕ
079:18 ܐܦ ܗܼܘ ܣܛܢܐ ܕܢܩܘܡ ܥܠ ܐܐܪ ܐܝܟ ܕܠܐܚܪ̈ܢܐ
079:19 ܚܒܪ̈ܘܗܝ ܟܠܚܕ ܥܠ ܥܒܕܗ܂ ܟܕ ܓܝܪ ܐܬܒܩܝ ܒܪܒܘܬܐ
079:20 ܕܝܠܗ ܘܒܗܿܝ ܕܠܒܢܝܢܫܐ ܘܠܒܥܝܪܐ ܘܠܪ̈ܚܫܐ ܫܝܛܐ
079:21 ܐܿܬܐ ܘܦܠܚ܃ ܘܬܘܒ ܚܣܼܡ ܒܒܪܢܫܐ ܕܐܬܩܪܝ ܨܠܡܐ
079:22 ܘܐܨܛܡܥܪ ܟܐܡܬ ܕܢܦܠܚܝܘܗܝ܃ ܒܗ ܒܥܕܢܐ ܢܦܼܠ܂
079:23 ܡܼܢ ܕܢܦܼܠ ܕܝܢ ܥܕܡܐ ܠܥܕܢܐ ܕܫܬ ܫ̈ܥܝܢ ܕܒܗ ܐܼܙܠ
079:24 ܠܘܬ ܚܘܐ܃ ܪܗܿܐ ܗܘܼܐ ܘܚܿܕܪ܂ ܘܡܛܠ ܕܝܼܕܥ ܒܩܛܝܢܘܬܗ
079:25 ܕܗܠܝܢ ܕܒܝܬ ܐܕܡ ܐܠܨܐܝܬ ܩܒܠܘ ܐܦ ܗܼܢܘܢ
079:26 ܐܟܘܬܢ ܢܡܘܣܐ܃ ܩܿܪܒ ܫܘܐܠܐ ܒܕܠܐ ܝܿܕܥ ܗܘܼܐ
079:27 ܕܡܢܘ܂ ܟܕ ܗܕܐ ܒܿܥܐ ܠܡܐܡܪ܃ ܕܡܢܗ ܗܿܝ ܠܡ ܕܠܟܘܢ
079:28 ܒܠܚܘܕ ܟܠܐ ܐܠܗܐ ܕܠܐ ܬܐܟܠܘܢ܂ ܡܛܠ ܗܟܝܠ
079:29 ܕܐܚܪ̈ܢܝܬܐ ܚܠܦ ܐܚܪ̈ܢܝܬܐ ܐܡܼܪ܃ ܨܒܬ ܚܘܐ ܠܡܠܦܘܬܗ

next page