← Back
The Comprehensive Aramaic Lexicon
← Return to the Text Browser
click on the file description for more information
63101: IshGen (Ishodad of Merv on Genesis)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


082:01 ܕܐܠܗܐ ܥܠܝܗܘܢ ܒܬܪ ܚܛܝܬܗܘܢ܃ ܠܬܠܬܝ̈ܗܘܢ ܩܕܡ
082:02 ܚ̈ܕܕܐ ܩܪܒܘ ܟܘܘܢܐ܂ ܘܠܘ ܠܐܕܡ ܘܚܘܐ ܒܦܪܕܝܣܐ܃
082:03 ܠܚܘܝܐ ܕܝܢ܂ ܗܢܘ܂ ܠܣܛܢܐ ܠܒܪ ܡܼܢ ܦܪܕܝܣܐ܂ ܐܝܟ
082:04 ܕܫܐܼܠ ܣܛܢܐ ܩܢܝ̈ܢܝ ܐܝܘܒ ܘܐܬܝܗܒܘ ܠܗ ܕܢܗܘܘܢ
082:05 ܠܒܘܚܪܢܗ ܕܐܝܘܒ܃ ܗܟܢܐ ܫܐܼܠ ܣܛܢܐ ܘܐܬܝܗܒ
082:06 ܡܠܬܐ ܠܚܘܝܐ܂ ܘܐܠܘ ܚܡܣܢܘ ܕܒܝܬ ܐܕܡ ܘܠܐ ܕܓܠܘ
082:07 ܠܒܪܘܝܗܘܢ܃ ܡܬܢܨܚܝܢ ܗܘܼܘ ܐܝܟ ܐܝܘܒ܀
082:08 ‍{‍vܿ6‍}‍ ܘܚܙܬ ܐܢܬܬܐ ܕܫܦܝܪ ܐܝܠܢܐ܂ ܠܘ ܗܫܐ ܚܙܬ
082:09 ܠܐܝܠܢܐ ܚܕܬܐܝܬ܃ ܚܙܐ ܗܘܼܐ ܠܗܿ ܓܝܪ܂ ܐܠܐ ܕܢܐܡܪ܃
082:10 ܗܟܢܐ ܐܫܬܪܚܬ ܘܐܫܬܝܚܢܬ ܠܩܘܒܠܗ ܕܐܝܠܢܐ ܐܝܟܢܐ
082:11 ܕܪܓܬܐ ܣܓܝܐܬܐ ܒܡܐܟܘܠܬܗ ܬܬܝܠܕ ܒܗܿ܂ ܕܐܝܟ
082:12 ܗܕܐ ܗܼܝ ܕܝܢ ܟܠ ܪܓܬܐ ܫܪܝܬܐ ܕܡܬܝܠܕܐ ܒܢܦܫܐ܃
082:13 ܕܥܒܕܐ ܠܗܿ ܕܬܚܘܪ ܒܗܿ ܘܡܐ ܕܡܬܬܚܕܐ ‍{‍ܒܗ‍}‍‍<‍ܒܗܿ‍>‍
082:14 ܕܫܘܦܪܐ ܚܕܬܐ ‍{‍ܩܿܢܐ‍}‍‍<‍ܩܢܝܐ#2#‍>‍܂ ܘܗܿܝ ܕܪܓܬܐ ܗܼܘ ܠܥܝ̈ܢܐ܂ ܗܢܘ܂
082:15 ܝܬܝܪ ܡܼܢ ܟܠܗܘܢ ܕܒܦܪܕܝܣܐ܂ ܐܬܪܓܪܓܬ ܠܚܙܬܗ܃
082:16 ܘܥܠ ܕܐܫܬܓܪܬ ܡܼܢ ܚܙܬܗ ܕܐܝܠܢܐ ܐܡܿܪ܀ ܘܢܣܒܬ
082:17 ܡܼܢ ܦܐܪ̈ܘܗܝ ܘܐܟܠܬ ܘܝܗܒܬ ܐܦ ܠܒܥܠܗܿ܂ ܐܟܠܬ ܗܼܝ
082:18 ܩܕܡܝܬ ܥܠ ܕܐܫܪܬ ܕܒܡܐܟܘܠܬܐ ܗܘܝܐ ܐܠܗܬܐ܃
082:19 ܐܝܟ ܕܬܗܘܐ ܪܫܐ ܠܐܕܡ܂ ܘܟܢ ܝܗܒܬ ܠܗ ܕܢܗܘܐ
082:20 ܡܫܥܒܕܐ܂ ܘܝܕܝܥܐ ܕܗܼܝ ܒܥܬ/ܒܥܠܬ#2#/ ܕܬܗܘܐ ܪܫܐ܃ ܡܼܢ ܗܿܝ
082:21 ܕܐܡܼܪ ܠܗܿ ܐܠܗܐ܃ ܕܥܠ ܒܥܠܟܝ ܬܬܦܢܝܢ ܘܗܼܘ ܢܫܬܠܛ܂
082:22 ܘܝܕܝܥܐ ܕܠܘ ܫܚܝܡܐܝܬ ܢܣܼܒ ܐܕܡ ܦܐܪܐ ܘܐܼܟܠ܂
082:23 ܐܠܐ ܩܕܡܝܬ ܡܠܘ̈ܗܝ ܕܐܿܟܠܩܪܨܐ ܐܡܪܬ ܟܕ ܐܘܣܦܬ
082:24 ܐܦ ܐܚܪ̈ܢܝܬܐ ܕܒܗܝܢ ܫܕܠܬܗ ܠܡܐܟܠ܃ ܘܟܢ ܐܼܟܠ
082:25 ܗܘܼܐ܂ ܢܒܝܐ ܕܝܢ ܫܒܼܩ ܐܢܝ̈ܢ ܠܡ̈ܠܐ ܒܗܿܝ ܕܡܢܗ ܕܣܕܪܐ
082:26 ܝܕܝ̈ܥܢ܂ ‍{‍vܿ7‍}‍ ܘܐܬܦܬܚ ܥܝ̈ܢܐ ܕܬܪ̈ܝܗܘܢ ܘܝܕܥܘ܂ ܚܠܦ
082:27 ܐܠܗܘܬܐ ܒܗܬܬܐ ܩܛܼܦܘ ܘܚܠܦ ܫܘܒܚܐ ܥܪܛܠܝܘܬܐ܂
082:28 ܘܐܢ̈ܫܝܢ ܐܣܒܪܘ ܕܐܫܬܡܠܝܬ ܠܡ ܗܿܝ ܕܐܿܟܠܩܪܨܐ
082:29 ܕܡܬܦܬܚ̈ܢ ܥܝܢܝ̈ܟܘܢ܃ ܒܕܠܐ ܐܣܬܟܠܘ ܕܢܒܝܐ ܠܘ ܥܠ

next page