← Back
The Comprehensive Aramaic Lexicon
← Return to the Text Browser
click on the file description for more information
63101: IshGen (Ishodad of Merv on Genesis)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


092:01 ܕܝܢ ܡܛܠ ܕܡܣܒܪܝܢ ܗܘܼܘ ܕܐܠܗܐ ܒܦܪܕܝܣܐ ܥܡܪ܃
092:02 ܠܐ ܐܪܚܩ ܐܢܘܢ ܡܢܗ܂ ܕܢܚܘܐ ܕܠܐ ܢܟܪܝ ܐܢܘܢ
092:03 ܡܼܢ ܐܘܟܦܢܗ ܠܓܡܪ܃ ܟܕ ܡܬܓܠܐ ܗܘܼܐ ܥܠܝܗܘܢ
092:04 ܘܡܘܕܥ ܠܗܘܢ ܒܛܝܠܘܬܗ܂ ܬܘܒ ܕܟܕ ܢܚܙܐ ܒܐܡܝܢܘ
092:05 ܢܬܬܢܚ ܕܡܼܢ ܐܝܠܝܢ ܛܘܒ̈ܐ ܐܬܢܟܪܝ ܒܥܠܬ ܚܛܝܬܐ܃
092:06 ܘܐܦ ܠܒܢ̈ܘܗܝ ܢܙܗܪ܂ ܕܟܡܐ ܕܝܢ ܩܘܝܘ ܒܦܪܕܝܣܐ܃
092:07 ܐܢܫ̈ܝܢ ܦܛܥܼܘ ܕܬܠܬܝܢ ܠܡ ܫܢ̈ܝܢ ܐܝܟ ܟܐܡܬ ܢܠܚܡܘܢ
092:08 ܐܢܝ̈ܢ ܠܗܠܝܢ ܕܡܫܝܚܐ܂ ܐܝܟ ܡܿܢ ܕܐܦ ‍{‍ܗܼܘ‍}‍/#2#/ ܐܕܡ
092:09 ܕܬܪ̈ܝܢ ܐܫܬܡܗ܂ ܐܚܪ̈ܢܐ ܕܐܪܒܥܝܢ ܠܡ ܝܘܡ̈ܝܢ܂ ܡܛܠ
092:10 ܨܘܡܗ ܕܡܪܢ ܕܟܐܡܬ ܠܘܩܒܠ ܙܒܢܐ ܕܦܘܢܩ̈ܝ
092:11 ܦܪܕܝܣܐ ܨܡ܂ ܐܚܪ̈ܢܐ ܕܠܐ ܠܡ ܡܨܝܐ ܗܘܼܬ ܕܓܒܝܠܬܐ
092:12 ܕܐܕܡ ܘܕܒܪܬ ܢܩܦܗܿ ܘܣܝܡ ܫܡ̈ܗܐ ܕܚܝ̈ܘܬܐ ܘܡܥܠܬܐ
092:13 ܕܠܦܪܕܝܣܐ ܘܛܪܘܕܝܗ ܘܕܫܪܟܐ ܒܦܠܓܘܬ ܝܘܡܐ
092:14 ܢܗܘܘܢ܂ ܘܐܡܪܝܢܢ ܕܐܝܟ ܕܡܼܢ ܐܠܗܐ ܡܨܝܐ ܐܪܐ܂
092:15 ܒܟܠܗܘܢ ܗܠܝܢ ܝܘ̈ܡܬܐ ܬܠܬܝܢ ܐܘܿ ܐܪܒܥܝܢ ܐܝܟ
092:16 ܕܐܡܪܝܢ ܚܣܼܪ ܠܗ ܠܟܬܒܐ ܣܘܥܪܢܐ ܡܕܡ ܢܐܡܪ ܐܘܿ
092:17 ܡܠܬܐ܃ ܐܠܐ ܠܐ ܐܕܟܪ ܡܕܡ܂ ܡܢܐ ܬܘܒ܂ ܒܟܠܗ
092:18 ܗܢܐ ܙܒܢܐ ܠܥܣܝܢ ܗܘܼܘ ܗܿܢܘܢ ܕܒܝܬ ܐܕܡ ܐܘܿ ܠܐ܂
092:19 ܘܐܝܟܢ ܠܐ ܗܼܘ ܣܛܢܐ ܡܟܣ ܠܗܘܢ ܓܠܝܐܝܬ ܕܡܼܢ
092:20 ܗܿܝ ܕܠܐ ܚܼܙܐ ܐܢܘܢ ܕܛܥܡܝܢ ܐܝܟ ܫܪܟܐ ܕܚܝ̈ܘܬܐ܃
092:21 ܓܒܠܗ ܠܣܡܐ ܗܿܘ ܩܛܘܠܐ܂ ܘܐܝܟܢ ܬܘܒ ܡܣܝܒܪ
092:22 ܗܘܼܐ ܕܠܐ ܒܪ ܫܥܬܗ ܢܣܓܦ ܠܗܘܢ܂ ܐܘܿ ܕܠܡܐ ܐܦ
092:23 ܗܼܘ ܐܟܠܩܪܨܐ ܙܒܢܐ ܕܐܝܟ ܗܢܐ ܟܬܪ ܒܐܘܚܕܢܗ ܘܟܢ
092:24 ܐܫܬܕܝ ܡܢܗ܂ ܐܠܐ ܠܐ ܡܦܣܐ ܡܠܬܗ ܕܡܪܢ܂
092:25 ܚܙܝܬܗ ܠܡ ܠܣܛܢܐ ܕܢܦܼܠ ܐܝܟ܂ ܕܒܪܩܐ ܕܝܢ ܗܕܐ ܗܼܝ
092:26 ܕܥܡ ܕܠܩܗ ܐܦ ܕܘܥܟܗ܂ ܐܦ ܓܝܪ ܦܐܝܐ ܗܘܼܬ ܕܠܓܘ
092:27 ܡܼܢ ܪܗܛܐ ܕܫܒܥܬ ܝܘ̈ܡܐ ܡܕܒܪܢܘܬܐ ܩܕܡܝܬܐ
092:28 ܕܗܠܝܢ ܕܗܘ̈ܝ ܬܬܛܟܣ ܘܬܬܚܡ܂ ܡܣܬ ܕܡܼܢ ܡܦܩܬܐ
092:29 ܕܡܼܢ ܦܪܕܝܣܐ ܘܠܗܠ ܡܕܒܪܢܘܬܐ ܕܬܪ̈ܬܝܢ ܪܗܛܐ

next page