← Back
The Comprehensive Aramaic Lexicon
← Return to the Text Browser
click on the file description for more information
63101: IshGen (Ishodad of Merv on Genesis)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


143:01 ܡܕܒܪܢܐܝܬ ܕܢܦܘܩ ܡܼܢ ܐܪܥܐ ܕܟܠ̈ܕܝܐ܃ ܟܕ ܝܕܝܥܐ
143:02 ܕܡܢ ܪܘܚܩܐ ܥܬܕܗ ܐܠܗܐ ܠܗ ܘܠܐܒܘܗܝ ܒܓܠܝܢܐ܂
143:03 ܐܿܘ ܬܪ̈ܬܝܢ ܙܒܢܝܢ ܐܼܙܠ ܡܼܢ ܠܘܬ ܐܒܘܗܝ܂ ܚܕܐ ܡܼܢ
143:04 ܩܕܡ ܕܢܡܘܬ܃ ܘܚܕܐ ܡܼܢ ܒܬܪ ܕܡܝܬ܂ ܘܟܬܒܐ ܠܗܿܝ
143:05 ܩܕܡܝܬܐ ܥܗܼܕ ܠܚܘܕ܂ ܐܦܢ ܓܝܪ ܐܠܨܐ ܗܘܬ ܕܐܝܟ
143:06 ܓܒܪܐ ܙܕܝܩܐ ܢܥܦܝܘܗܝ ܠܐܒܘܗܝ܂ ܠܘ ܓܝܪ ܠܘܩܒܠ
143:07 ܡܐܬܝܢ ܘܚܡܫ ܫܢܝ̈ܢ ܕܥܘܢܕܢ ܐܒܘܗܝ ܐܡܼܪ ܗܿܝ
143:08 ܕܗܼܘܐ ܐܒܪܡ ܒܪ ܫܒܥܝܢ ܘܚܡܫ ܫܢܝ̈ܢ܂ ܘܬܘܒ ܡܬܒܥܝܐ
143:09 ܕܐܢ ܟܕ ܐܝܬܝܗܘܢ ܥܕܟܝܠ ܒܐܘܪ ܕܟܠ̈ܕܝܐ ܐܬܓܠܝ
143:10 ܠܐܒܪܡ ܕܢܦܘܩ ܠܟܢܥܢ܃ ܠܡܘܢ ܡܼܢ ܕܢܦܼܩ ܬܪܚ܃ ܠܐ
143:11 ܐܼܙܠ ܠܟܢܥܢ܃ ܐܠܐ ܒܚܪܢ ܡܝܬ܂ ܐܢ ܡܛܠ ܕܐܒܪܗܡ
143:12 ܢܐܚܘܕ ܐܪܥܐ ܕܡܘܠܟܢܐ ܒܠܚܘܕ‍{‍̈‍}‍ܘܗܝ ܣܛܪ ܡܼܢ ܢܚܘܪ܃
143:13 ܠܡܘܢ ܠܘܛ ܢܦܼܩ ܥܡܗ܂ ܘܡܢܗ ܕܝܢ ܐܠܨܐ ܗܘܬ
143:14 ܕܢܦܘܩ ܬܪܚ ܡܼܢ ܐܪܥܐ ܕܟܠ̈ܕܝܐ܃ ܘܠܐ ܡܼܢ ܒܬܪ
143:15 ܡܘܬܗ ܕܬܡܢ ܢܦܼܩ ܐܒܪܡ܂ ܘܐܡܪܝܢܢ ܕܟܕ ܐܪܡܝ ܐܠܗܐ
143:16 ܒܠܒܗܘܢ ܕܢܦܩܘܢ ܡܼܢ ܐܪܥܐ ܕܟܠ̈ܕܝܐ܃ ܐܿܘ ܒܓܠܝܢܐ
143:17 ܐܝܟ ܕܐܡܼܪ ܐܣܛܦܢܘܣ܃ ܥܒܼܕ ܕܠܐ ܢܐܙܠܘܢ
143:18 ܬܪܝܨܐܝܬ ܠܟܢܥܢ܃ ܐܦܢ ܬܪܚ ܗܕܐ ܡܬܪܥܐ ܗܘܐ܂
143:19 ܐܠܐ ܕܡܐ ܕܢܦܩܼܘ ܢܫܬܚܠܦ ܨܒܝܢܗܘܢ ܡܼܢ ܣܓܕܬ
143:20 ܦܬܟܪ̈ܐ ܘܢܗܘܘܢ ܐܟܘܬ ܐܒܪܗܡ܂ ܟܕ ܕܝܢ ܚܼܙܐ
143:21 ܐܢܘܢ ܕܠܐ ܐܫܬܚܠܦܘ܃ ܐܦܝܫ ܐܢܘܢ ܒܚܪܢ
143:22 ܘܠܐܒܪܡ ܠܚܘܕ ܦܩܼܕ ܕܢܦܘܩ ܡܼܢ ܬܡܢ܂ ܚܙܿܝܢܢ ܓܝܪ
143:23 ܕܠܐ ܢܚܘܪ ܘܠܐ ܒܬܘܐܝܠ ܘܠܐ ܠܒܢ ܐܫܬܚܠܦܘ܃
143:24 ܐܦܠܐ ܡܼܢ ܕܫܡܥܘ ܥܠ ܟܗܝܢܘܬܗ ܕܐܒܪܗܡ ܘܥܠ
143:25 ܥܘܕܪܢܐ ܐܠܗܝܐ ܕܠܘܿܐ ܠܗ܂ ܠܘܛ ܕܝܢ ܐܟܡܢ ܕܡܕܡܐ
143:26 ܗܘܐ ܒܐܒܪܗܡ܃ ܙܕܩܐܝܬ ܢܦܼܩ ܥܡܗ܂ ܒܕܡܘܬ ܙܪܥܐ
143:27 ܓܝܪ ܛܒܐ ܫܕܪ ܠܗܘܢ ܐܠܗܐ ܠܐܪ̈ܥܬܐ ܕܟܢܥ̈ܢܝܐ܂
143:28 ܕܠܗܠܝܢ ܕܩܢܝܢ ܗܘܘ ܝܕܥܬܐ ܐܠܗܝܬܐ܃ ܝܬܝܪ ܢܙܪܥܘܢ
143:29 ܐܢܘܢ ܠܛܒ̈ܬܐ܂ ܘܠܗܠܝܢ ܕܛܥܝܢ ܢܗܦܟܘܢ ܠܫܪܪܐ܂

next page