← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
63102: IshEz p. 45

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


045:01 ܕܢܒܝܐ܂ ܗܿܝ ܕܝܢ ܕܚܡܫܬܐ܃ ܥܠ ܫܢܬܐ ܚܡܝܫܝܬܐ ܕܫܒܝܗ
045:02 ܐܿܡܪ܃ ܐܟܚܕ ܘܥܠ ܚܡܫܐ ܒܗ ܒܝܪܚܐ ܪܒܝܥܝܐ ܕܗܼܘ
045:03 ܬܡܘܙ܂ ܢܗܪ ܟܒܪ܃ ܦܪܬ ܐܝܬܘܗܝ܂
045:04 ‍{‍3‍}‍ ܐܝܕܗ ܕܡܪܝܐ܃ ܒܟܠܕܘܟ ܠܡܥܒܕܢܘܬܗ ܩܿܪܐ܃
045:05 ܐܢ ܥܠ ܛܒ̈ܬܐ ܘܐܢ ܥܠ ܡܣܡ ܒܪܫܐ܃ ܘܐܢ ܒܡܠܬܐ
045:06 ܘܐܢ ܒܚܙܬܐ܂
045:07 ‍{‍4ܣܣ‍}‍ ܘܚܿܙܝܬ ܘܗܐ ܪܘܚܐ ܕܥܠܥܠܐ܂ ܒܝܕ ܥܠܥܠܐ
045:08 ܥܠ ܩܠܝܠܘܬܐ ܕܡܐܬܝܬܗܘܢ ܕܒܒ̈ܠܝܐ ܡܒܕܩ܂ ܘܒܝܕ
045:09 ܢܘܪܐ ܥܠ ܚܪܝܦܘܬܐ ܕܡܣܡ ܒܪܫܐ ܕܐܿܬܐ ܥܠ ܥܡܐ܂
045:10 ܐܝܟ ܕܐܦ ܟܠܗܘܢ ܟܬܒ̈ܐ ܐܝܟ ܕܒܣܘܓܐܐ ܒܐܣܟܝܡ
045:11 ܥܠܥܠܐ ܘܢܘܪܐ ܡܟܪܙܝܢ ܡܣܡ ܒܪܫܐ ܕܡܢ ܐܠܗܐ ܐܿܬܐ
045:12 ܥܠ ܒܝܫ̈ܐ܂ ܡܪܝܐ ܠܡ ܒܥܠܥܠܐ ܘܒܟܘܟܝܬܐ
045:13 ܐܘܪܚܗ܂ ܘܐܝܟ ܥܠܥܠܐ ܠܡ ܡܢ ܬܝܡܢܐ ܬܪܗܛ ܘܕܫܪܟܐ܂
045:14 ܠܚܙܘܐ ܕܝܢ ܗܢܐ܃ ܠܘ ܒܥܝܢܝ̈ ܒܣܪܐ ܚܼܙܐ܃ ܐܠܐ
045:15 ܒܥܝܢܝ̈ ܪܘܚܐ܂ ܡܛܠ ܓܝܪ ܕܪܢܝܢ ܗܘܘ ܝܗܘ̈ܕܝܐ܃ ܕܠܐ ܣܟ
045:16 ܡܚܘܐ ܐܠܗܐ ܓܠܝܢ̈ܘܗܝ ܡܨܥܬ ܥܡ̈ܐ ܛܡ̈ܐܐ܃ ܐܠܐ
045:17 ܒܐܪܥܐ ܩܕܝܫܬܐ ܕܦܠܣ̈ܛܝܢܐ܃ ܘܠܐ ܡܟܝܠ ܡܬܒܣܡܝܢ
045:18 ܒܒܛܝܠܘܬܗ ܝܚܝܕܝܬܐ ܕܐܠܗܐ܃ ܘܐܦܠܐ ܡܨܝܢ
045:19 ܕܢܬܚܪܪܘܢ ܡܢ ܫܒܝܐ܃ ܐܝܟ ܡܿܢ ܕܐܬܪܚܩܘ ܡܢ ܩܕܡ
045:20 ܐܦܘ̈ܗܝ ܕܐܠܗܐ ܘܐܫܬܕܝܘ ܠܐܪ̈ܥܬܐ ܢܘܟܪ̈ܝܬܐ܃
045:21 ܠܘܩܒܠ ܗܕܐ ܬܪܥܝܬܐ ܚܘܝ ܐܠܗܐ ܠܢܒܝܐ ܚܙܘܐ
045:22 ܗܢܐ ܪܒܐ܃ ܕܢܚܘܐ ܕܒܟܠܕܘܟ ܐܝܬܘܗܝ ܒܟܝܢܗ
045:23 ܘܒܡܕܒܪܢܘܬܗ܂
045:24 ܓܠܝܢܐ ܗܢܐ ܕܐܬܚܙܝ ܠܢܒܝܐ܃ ܡܒܕܩܢܐ ܗܘܐ
045:25 ܕܐܝܠܝܢ ܕܗܘ̈ܝ ܡܢ ܟܕܘ܃ ܘܕܐܝܠܝܢ ܕܒܗ ܒܙܒܢܐ ܗܘ̈ܝܢ ܗܘ̈ܝ܃
045:26 ܘܕܐܝܠܝܢ ܕܒܬܪ ܙܒܢܐ ܡܣܬܥܪ̈ܢ ܗ̈‍<‍ܘ‍>‍ܼܝ܂ ܡܛܠ ܓܝܪ ܕܥܠ
045:27 ܫܒܝܐ ܕܥܡܐ ܪ̈ܡܙܢ ܗܘ̈ܝ܃ ܘܡܢܗ ܕܫܒܝܐ ܡܢ ܟܕܘ
045:28 ܐܣܬܥܪ ܗܘܐ܃ ܘܡܢܬܐ ܒܬܪ ܩܠܝܠ ܗܘܝܐ ܗܘܬ܃ ܐܦ
045:29 ܗܼܘ ܓܠܝܢܐ ܒܬܪ̈ܬܝܗܝܢ ܡܬܦܠܓ ܗܘܐ܂
045:30 ܟܕ ܒܝܕ ܡܪܟܒܬܐ ܥܠܡܐ ܟܠܗ ܨܝܪ ܗܘܐ ܕܣܝܡ
045:31 ܬܚܝܬ ܐܠܗܐ܃ ܐܝܟ ܕܐܦ ܒܗܿܘ ܡܐܢܐ ܕܦܛܪܘܣ܂

next