← Back
The Comprehensive Aramaic Lexicon
← Return to the Text Browser
click on the file description for more information
63102: IshEz p. 50

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


050:01 ܕܬܛܠܝܠܐ ܡܫܬܡܥ ܗܘܐ܃ ܕܡܬܝܠܕ ܗܘܐ ܡܢ ܩܠ ܢܩܫܐ
050:02 ܕܓܦ̈ܐ ܕܚܝ̈ܘܬܐ܂ ܐܘ ܠܦܘܩܕܢܐ ܕܒܝܕ ܩܠܐ ܡܢ ܗܿܘ
050:03 ܕܠܥܠ ܝܬܝܒ ܗܘܐ܃ ܐܘ ܕܢܫܠܝ̈ܢ ܐܘ ܕܢܗܠܟ̈ܢ܂
050:04 ‍{‍26‍}‍ ܒܝܕ ܟܐܦܐ ܕܣܦܝܠܐ܂ ܗܢܘ܂ ܓܘܢ ܫܡܝܐ܂ ܪܡܿܙ
050:05 ܕܗܘܝܼܘ ܗܿܘ ܕܒܛܘܪܐ ܕܣܝܢܝ ܐܬܚܙܝ ܠܫܒܥܝܢ܃ ܘܬܚܝܬ
050:06 ܪ̈ܓܠܘܗܝ ܐܝܟ ܥܒܿܕܐ ܕܠܒܬܐ ܕܣܦܝܠܐ܂ ܗܢܘ܂ ܐܝܟ ܒܝܡܐ܂
050:07 ܘܙܿܕܩ ܕܢܕܥ ܕܗܿܝ ܕܕܡܘܬܐ ܕܩܪܘܣܛܠܘܣ ܘܗܿܝ ܕܡܛܠܠܐ
050:08 ܘܗܿܝ ܕܡܪܟܒܬܐ ܗܼܝ ܗܝ ܟܕ ܗܼܝ܂ ܗܢܘ܂ ܠܥܠ ܡܢ ܪ̈ܫܝܗܝܢ
050:09 ܕܚܝ̈ܘܬܐ ܘܓܦ̈ܝܗܝܢ܃ ܕܡܘܬܐ ܕܚܝܠܬܐ ܕܩܪܘܣܛܠܘܣ܃
050:10 ܐܝܟ ܡܪܟܒܬܐ ܘܐܝܟ ܡܛܠܠܐ܂ ܘܠܥܠ ܡܢ ܗܕܐ ܕܡܘܬܐ
050:11 ܕܟܐܦܐ ܕܣܦܝܠܐ܂ ܠܥܠ ܡܢ ܗܕܐ ܕܝܢ ܟܘܪܣܝܐ܃ ܟܐܡܬ
050:12 ܒܕܡܘܬ ܟܘܒܫܐ ܬܚܝܬ ܟܘܪܣܝܐ ܣܝܡܐ ܗܘܬ ܣܦܝܠܐ܂
050:13 ܘܠܥܠ ܡܢ ܟܘܪܣܝܐ ܚܙܘܐ ܕܒܪܢܫܐ܃ ܐܝܟ ܕܡܘܬ
050:14 ܒܪܢܫܐ ܐܬܚܙܝ܃ ܕܢܚܘܐ ܕܒܗܕܐ ܕܡܘܬܐ ܐܬܚܙܝ ܘܡܠܠ
050:15 ܥܡ ܒܢܝܢܫܐ ܡܢ ܫܘܪܝܐ܃ ܘܠܚܪܬܐ ܬܘܒ ܒܗܿ ܥܬܝܕ
050:16 ܕܢܬܓܠܐ܂ ܒܗܿܝ ܓܝܪ ܕܐܡܼܪ܃ ܕܚܿܙܝܬ ܥܠ ܟܘܪܣܝܐ ܐܝܟ
050:17 ܕܡܘܬܐ ܘܚܙܘܐ܂ ܕܒܪܢܫܐ܃ ܘܬܘܒ ܐܝܟ ܚܙܘܐ ܕܐܠܗܐ܃
050:18 ܘܐܝܟ ܚܙܘܐ ܕܢܘܪܐ ܡܢ ܠܓܘ ܚܿܕܪ ܠܗ܂ ܗܢܘ܂ ܚܿܙܝܬ ܚܙܬܐ
050:19 ܫܒܝܚܬܐ ܕܪܡܐ ܘܡܥܠܝܐ ܡܢ ܟܠ ܕܡܘ̈ܢ ܕܥܒ̈ܝܕܐ܃
050:20 ܐܝܟ ܕܦܐܐ ܠܐܠܗܐ ܕܢܬܚܙܐ܂
050:21 ‍{‍27ܣ‍}‍ ܡܢ ܚܨܘ̈ܗܝ ܠܡ ܘܠܬܚܬ ܐܝܟ ܚܙܘܐ ܕܢܘܪܐ܂
050:22 ܘܙܗܪܐ ܟܪܟ ܠܗ܂ ܡܢ ܚܨܘ̈ܗܝ ܕܝܢ ܘܠܥܠ܃ ܠܐ ܐܡܼܪ
050:23 ܕܠܢܘܪܐ ܕܡܿܐ ܗܘܐ܃ ܐܠܐ ܕܢܘܪܐ ܠܡ ܟܪܟ ܠܗ܂ ܬܢܢ
050:24 ܕܝܢ ܐܡܪܗܿ ܕܕܡܘܬ ܢܘܪܐ ܗܘܐ܂ ܚܕܝܪ ܗܘܐ ܠܗ ܓܝܪ
050:25 ܘܟܪܝܟ ܠܗ ܡܢ ܙܗܪܐ܃ ܐܝܟ ܕܬܗܘܐ ܝܕܝܥܐ ܕܕܠܐ ܕܡܘ
050:26 ܐܝܬܘܗܝ܂ ܐܦܢ ܬܢܢ ܐܝܟ ܕܒܛܘܪ ܣܝܢܝ ܡܢ ܚܨܘ̈ܗܝ ܘܠܬܚܬ
050:27 ܐܬܚܙܝ܂ ܝܘܢܝܐ ܕܝܢ ܕܡܘܬܐ ܕܐܠܝܩܛܪܘܢ ܐܿܡܪ
050:28 ܕܐܝܬܘܗܝ ܗܘܐ ܡܢ ܚܨܘ̈ܗܝ ܘܠܥܠ ^ܝܘܢܝܐ܃ ܘܒܡܨܥܬܗ ܐܝܟ ܚܙܘܐ ܕܐܠܩܛܪܘܢ ܒܡܨܥܬ ܢܘܪܐ#2#^܂ ܗܢܘ܂ ܕܗܒ ܣܐܡ܂
050:29 ܗܢܘ܂ ܡܕܡ ܕܡܚܠܛ ܘܠܝܬ ܠܗ ܕܡܘܬܐ ܚܬܝܬܐ܂

next