← Back
The Comprehensive Aramaic Lexicon
← Return to the Text Browser
click on the file description for more information
63102: IshEz p. 62

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


062:01 ܗܿܝ ܕܛܘܫܬܢܝܗܝ ܠܥܡܝ ܒܚܘ̈ܦܢܐ ܕܣܥܪ̈ܐ܃
062:02 ܬܚܘܝܬܐ ܕܝܥܢܘ̈ܬܗܝܢ܃ ܕܐܦܠܐ ܡܢ ܙܥܘܪ̈ܝܬܐ ܡܗ̈ܡܝܢ
062:03 ܗܘ̈ܝ܂
062:04 ‍{‍XIV܂9‍}‍ ܗܿܝ ܕܢܒܝܐ ܟܕ ܢܛܥܐ ܐܢܐ ܡܪܝܐ ܐܛܥܝܬܗ܂
062:05 ܕܡܝܐ ܠܗܿܝ ܕܐܫܠܡ ܐܢܘܢ ܐܠܗܐ ܠܡܕܥܐ ܕܣܪܝܩܘܬܐ܂
062:06 ܘܠܗܿܝ ܕܡܝܟܐ܃ ܕܝܗܼܒ ܡܪܝܐ ܪܘܚܐ ܕܫܘܩܪܐ ܒܦܘܡܐ
062:07 ܕܢܒ̈ܝܐ ܘܕܫܪܟܐ܂
062:08 ‍{‍10‍}‍ ܗܿܝ ܕܢܫܩܠܘܢ ܥܘܼܠܗܘܢ܂ ܗܢܘ܂ ܡܣܡ ܒܪܫܐ
062:09 ܕܚܠܦ ܥܘܼܠܗܘܢ܂
062:10 ‍{‍14‍}‍ ܗܿܝ ܕܐܢ ܢܗܘܘܢ ܒܗ/ܒܗܿ#2#/ ܢܘܚ ܘܕܢܝܐܝܠ ܘܐܝܘܒ܂
062:11 ܡܘܕܥ ܕܝܢ ܒܗܕܐ܃ ܕܒܟܐܢܘܬܐ ܕܐܿܢ ܠܟܠܢܫ ܘܠܘ
062:12 ܒܫܓܡܐ ܘܕܠܐ ܥܘܩܒܐ܂ ܘܐܝܬܝ ܠܣܗܕܘܬܐ ܠܗܠܝܢ
062:13 ܦܪ̈ܨܘܦܐ܃ ܥܠ ܕܟܠ ܚܕ ܒܙܒܢܗ ܠܟܠܢܫ ܐܬܝܕܥ ܘܐܬܢܨܚ܂
062:14 ܢܘܚ ܕܡܛܠ ܙܕܝܩܘܬܗ ܗܘܼܐ ܚܠܦܬܐ ܘܪܫܝܬܐ ܘܥܩܪܐ
062:15 ܕܟܠܗܘܢ ܒܢܝܢܫܐ ܒܬܪ ܐܕܡ܂ ܘܐܝܘܒ ܕܠܟܠܗ ܬܓܡܐ
062:16 ܕܫ̈ܐܕܐ ܐܙܝܥ ܠܩܪܒܐ ܕܠܩܘܒܠܗ ܘܕܫܪܟܐ܂ ܘܕܢܝܐܝܠ
062:17 ܕܒܣܘܥܪ̈ܢܐ ܘܒܡ̈ܠܐ ܠܥܠ ܡܢ ܡ̈ܠܟܐ ܐܬܚܙܝ ܒܗ
062:18 ܒܫܒܝܐ܂ ܘܕܡܝܐ ܠܗܿܝ ܕܐܪܡܝܐ܃ ܕܐܢ ܢܩܘܡ ܡܘܫܐ
062:19 ܘܫܡܘܐܝܠ܂ ܐܦܠܐ ܠܡ ܐܢ ܢܘܚ ܘܕܢܝܐܝܠ ܘܐܝܘܒ ܐܝܬ
062:20 ܒܝܢܬܗܘܢ܃ ܢܬܥܕܪܘܢ ܡܕܡ ܡܢ ܙܕܝܩܘܬܗܘܢ܃ ܐܢ
062:21 ܗܼܢܘܢ ܩܢܘܡܗܘܢ ܠܐ ܡܬܪܨܝܢ܂ ܡܛܠ ܕܐܦ ܢܘܚ ܠܐ
062:22 ܐܫܟܚ ܠܡܫܘܙܒܘ ܠܒܢܝ ܕܪܗ ܡܢ ܡܡܘܠܐ ܒܨܠܘܬܗ܂
062:23 ܘܕܢܝܐܝܠ ܕܨܠܝ ܕܢܚܙܐ ܠܐܪܥܐ ܕܡܘܠܟܢܐܼ ܘܠܐ ܚܼܙܐ܃
062:24 ܘܬܘܒ ܕܠܩܢܘܡܗ ܠܚܘܕ ܢܿܛܪ ܡܢ ܢܟܝܢܐ ܕܒܒ̈ܠܝܐ܂ ܘܐܝܘܒ
062:25 ܕܨܠܝ ܥܠ ܒܢܘ̈ܗܝ ܘܠܐ ܐܫܟܚ ܠܡܛܪ ܐܢܘܢ ܡܢ ܢܟܝ̈ܢܐ
062:26 ܕܣܛܢܐ܃ ܐܠܐ ܠܩܢܘܡܗ ܠܚܘܕ܂ ܗܠܝܢ ܦܪ̈ܨܘܦܐ
062:27 ܠܒܘܝܐܗ ܕܢܒܝܐ ܐܝܬܝ ܐܠܗܐ܃ ܥܠ ܕܨܠܝ ܘܠܐ ܐܫܬܡܥ܂
062:28 ܘܐܢ ܐܢܫ ܢܐܡܪ܃ ܕܗܕܐ ܕܠܩܘܒܠܐ ܗܝ ܠܗܿܝ ܕܨܝܕ
062:29 ܐܒܪܗܡ ܐܬܐܡܪܬ܃ ܕܐܢ ܐܫܟܚ ܒܣܕܘܡ ܥܣܪܐ

next