← Back
The Comprehensive Aramaic Lexicon
← Return to the Text Browser
click on the file description for more information
63102: IshEz p. 73

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


073:01 ܐܦܠܐ ܚܐܝܢ ܗܘܘ ܒܡܪ̈ܕܘܬܐ ܕܐܝܟ ܗܠܝܢ܂ ܩܿܪܐ ܠܗܘܢ
073:02 ܕܝܢ ܢܡܘ̈ܣܐ ܘܕܝܼ̈ܢܐ܂ ܡܛܠ ܕܐܝܟ ܢܡܘ̈ܣܐ ܘܕܝܼ̈ܢܐ܃ ܗܟܢܐ
073:03 ܩܪܝܢ ܠܛܒ̈ܬܐ ܕܬܝܒܘܬܐ܂ ܐܚܪ̈ܢܐ܃ ܡܢ ܠܥܠ ܠܡ ܐܿܡܪ܃
073:04 ܕܝܗܒܿܬ ܠܗܘܢ ܦܘܩ̈ܕܢܝ ܘܕܝܼ̈ܢܝ ܐܘܕܥܿܬ ܐܢܘܢ܃ ܕܐܢ
073:05 ܥܿܒܕ ܠܗܘܢ ܒܪܢܫܐ ܚܿܝܐ ܒܗܘܢ܂ ܗܢܘ܂ ܥܣܪܐ
073:06 ܦܬܓܡ̈ܝܢ ܕܗܼܘ ܒܐܝ̈ܕܘܗܝ ܟܬܼܒ܃ ܕܢܛܘܪܬܗܘܢ ܥܘܕܪ̈ܢܐ
073:07 ܡܠܝܐ ܠܒܢܝܢܫܐ܂ ܟܕ ܕܝܢ ܥܒܕܘ ܥܓܠܐ܃ ܘܠܗ ܛܥܐܘܗܝ
073:08 ܘܐܦ ܐܪܓܙܘܗܝ܃ ܐܘܣܦ ܝܗܼܒ ܠܗܘܢ ܦܘܩ̈ܕܢܐ ܕܠܐ
073:09 ܫܦܝܪܝܢ܂ ܗܢܘ܂ ܬܕܟܝ̈ܬܐ ܘܕܒ̈ܚܐ ܕܥܠ ܓܪܒܐ ܘܟܦܣܐ
073:10 ܘܕܫܪܟܐ ܕܠܐ ܡܫܟܚ ܒܪܢܫܐ܃ ܟܡܐ ܕܐܝܬܘܗܝ ܡܝܘܬܐ܃
073:11 ܕܢܛܪ ܐܢܘܢ ܡܫܡܠܝܐܝܬ܂ ܡܐ ܓܝܪ ܕܠܐ ܡܬܢܛܪܝܢ܃
073:12 ܡܣܡ ܒܪܫܐ ܢܿܩܦ ܘܗܢܐ ܡܘܬܐ ܡܘܠܕ ܘܠܘ ܚܝ̈ܐ܂
073:13 ܘܕܡܝܐ ܠܗܿܝ ܕܐܛܥܝ ܡܪܝܐ ܒܝܗܘܕܐ ܥܕܥ̈ܕܐ ܘܫܒܬܐ܂
073:14 ܡܕܝܢ܃ ܐܟܙܢܐ ܕܦܘܩ̈ܕܢܐ ܫܦܝܪ̈ܐ ܕܡܿܢ ܕܥܿܒܕ ܠܗܘܢ
073:15 ܚܿܝܐ ܒܗܘܢ܃ ܡܬܐܡܪܝܢ ܗܿܢܘܢ ܥܣܪܐ ܦܬܓܡ̈ܐ
073:16 ܕܗܒ̈ܢܝܐ܃ ܒܗܿܝ ܕܠܚܘܒܐ ܕܟܝܢܐ ܢܛܪܝܢ ܘܡܢ ܢܟܝ̈ܢܐ
073:17 ܟܠܝܢ܃ ܗܟܢܐ ܐܦ ܦܘܩ̈ܕܢܐ ܣ̈ܢܝܐ ܘܡܘܒ̈ܕܢܐ ܩܿܪܐ
073:18 ܠܛܘܡ̈ܐܐ ܘܠܣܘܝ̈ܒܐ ܘܕܫܪܟܐ܃ ܘܐܬܬܣܝܡܘ ܠܗܘܢ
073:19 ܠܡܛܪ܃ ܒܗܿܝ ܕܒܕܘܟܬ ܡܪܕܘܬܐ ܐܝܬܝܗܿ ܗܘܬ
073:20 ܢܛܘܪܬܗܘܢ܂ ܕܟܠܝܘܡ ܒܡܣܚܘ̈ܬܐ ܘܪ̈ܣܝܣܐ ܘܥܩܪܐ
073:21 ܕܒ̈ܬܐ ܘܕܨܒ̈ܘܬܐ ܕܡܬܛܡܐܝܢ ܢܬܚܫܚܘܢ܃ ܗܠܝܢ
073:22 ܕܒܕܘܟܬ ܐܣܘܪ̈ܐ ܕܦܪܙܠܐ ܥܠ ܥܒܼ̈ܕܐ ܡܪ̈ܘܕܐ ܟܠܝܘܡ
073:23 ܡܬܚ̈ܕܬܢ ܗܘ̈ܝ܂ ܘܡܢ ܗܠܝܢ ܐܡܼܪ ܡܪܢ܃ ܕܬܘ ܠܘܬܝ
073:24 ܟܠܟܘܢ ܠܐܝ̈ܐ ܘܫܩ̈ܝܠܝ ܡܘ̈ܒܠܐ ܘܕܫܪܟܐ܂ ܘܫܠܝܚܐ
073:25 ܠܡ ܬܘܒ܃ ܕܠܐ ܡܙܕܕܩ ܐܢܫ ܡܢ ܥܒ̈ܕܐ ܕܢܡܘܣܐ܂
073:26 ܘܢܡܘܣܐ ܠܡ ܩܿܛܠ ܘܕܫܪܟܐ܂ ܐܢܫ̈ܝܢ ܕܝܢ ܠܡܣܡ
073:27 ܒܪܫܐ ܕܪܒܝܐ ܡܦܫܩܝܢ ܕܝܼ̈ܢܐ ܕܠܐ ܫܦܝܪ̈ܝܢ܂ ܬܘܒ
073:28 ܦܘܩ̈ܕܢܐ ܘܙܕܩ̈ܐ ܩܿܪܐ ܠܕܛܟܣܝܣ ܕܕܒ̈ܚܐ܂ ܗܿܝ ܕܝܢ ܕܠܐ
073:29 ܫܦܝܪ̈ܝܢ܃ ܒܕܠܘ ܐܝܟ ܐܢܢܩܐ ܐܬܦܩܕܘ܃ ܐܠܐ ܡܛܠ
073:30 ܠܗܘܢ ܫܘܚܠܦܐ ܕܡܢ ܫܠܝ ܕܡܢ ܫܒܪܘܬܐ ܠܘܬ

next