← Back
The Comprehensive Aramaic Lexicon
← Return to the Text Browser
click on the file description for more information
63102: IshEz p. 75

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


075:01 ܕܚܡܫ܃ ܡܛܠ ܕܥܘܡܪܐ ܗܘ ܕܚܝ̈ܘܬܐ ܥܒܐ܂ ܗܠܝܢ ܓܝܪ
075:02 ܟܠܗܝܢ ܒܐܘܪܫܠܡ ܫܟܝ̈ܚܢ ܗܘ̈ܝ܂
075:03 ‍{‍47‍[‍XXI܂3‍]‍‍}‍ ܗܿܝ ܕܩܝ̈ܣܝܟ ܪ̈ܓܝܐ ܘܝܒ̈ܝܫܐ܃ ܐܘ ܥܬܝܪ̈ܐ
075:04 ܘܡܣ̈ܟܢܐ܃ ܐܘ ܙܕܝܩ̈ܐ ܘܚ̈ܛܝܐ܂
075:05 ‍{‍XXI܂2‍[‍7‍]‍‍}‍ ܗܿܝ ܕܚܘܪ ܒܡܩܕܫܗܘܢ܂ ܡܩܕܫܗܘܢ ܩܿܪܐ܃
075:06 ܕܢܚܘܐ ܕܠܘ ܕܝܠܗ ܐܝܬܘܗܝ ܡܟܝܠ܃ ܒܗܿܝ ܕܫܢܝ ܠܗ ܡܢ
075:07 ܒܝܢܬܗܘܢ܂
075:08 ‍{‍3‍[‍8‍]‍‍}‍ ܗܿܝ ܕܐܦܩ ܣܦܣܪܝ ܡܢ ܚܠܬܗܿ܂ ܣܦܣܪܐ ܩܿܪܐ ܠܓܙܪ
075:09 ܕܝܼܢܐ܂ ܚܠܬܗܿ ܕܝܢ ܠܡܓܪܬ ܪܘܚܗ܂ ܘܐܘܒܕ ܡܢܟܝ ܙܕܝܩ̈ܐ
075:10 ܣܒܝܪ̈ܐ ܕܠܘ ܒܫܪܪܐ ܙܕܝܩ̈ܐ ܐܢܘܢ܃ ܘܚ̈ܛܝܐ ܓܠܝ̈ܐ܂
075:11 ܝܘܢܝܐ܃ ܘܐܘܒܕ ܡܢܟܝ ܚܛܝܬܐ ܘܥܘܼܠܐ܂
075:12 ‍{‍10‍[‍15‍]‍‍}‍ ܗܿܝ ܕܠܡܪܬܥܘ ܫܪܒܬܗ ܕܒܪܝ܂ ܗܢܘ܂ ܠܡܥܒܪ
075:13 ܘܠܡܪܡܝܘܬܗܿ ܡܢ ܕܘܟܬܗܿ܂ ܚܢܢܐ܃ ܗܢܘ܂ ܠܡܥܒܪ
075:14 ܐܝܬܝܗ܂܃ ܘܡܢ ܟܬܘܒܐ ܐܬܒܠܒܠܬ܂ ܝܘܢܝܐ܃ ܠܡܫܪܐ ܠܡ܂
075:15 ܗܿܝ ܕܐܣܠܐ ܠܟܠ ܩܝܣ܃ ܥܠ ܝܗܘ̈ܕܝܐ ܐܿܡܪ܃ ܕܡܣܠܝܢ
075:16 ܐܝܟ ܩܝܣܐ ܕܠܐ ܦܐܪ̈ܐ܂ ܗܕܐ ܠܗܿܝ ܕܥܒܐ ܕܐܡܼܪ ܠܥܠ
075:17 ܦܪܥܗܿ܂ ܡܛܠ ܠܡ ܕܓܠܝܙܝܢ ܡܢ ܦܐܪ̈ܐ ܕܙܕܝܩܘܬܐ܃ ܐܝܟ
075:18 ܩܝܣ̈ܐ ܕܥܒܐ ܡܬܚܪܒܝܢ ܟܠܗܘܢ܂
075:19 ‍{‍13‍[‍18‍]‍‍}‍ ܘܐܢ ܫܪܒܬܐ ܐܣܬܠܝܬ܃ ܠܐ܂ ܗܢܘ܂ ܐܢ
075:20 ܐܣܬܠܝܬ ܡܛܠ ܥܘܼܠܗܿ܃ ܣܒܪܝܬܘܢ ܕܠܐ ܬܗܘܐ
075:21 ܘܬܬܩܝܡ܂ ܡܬܩܝܡܐ ܬܘܒ ܘܡܬܟܢܫܐ ܒܫܘܠܡ ܫܒܥܝܢ
075:22 ܫ̈ܢܝܢ܂ ܐܚܪ̈ܢܐ܃ ܟܕ ܫܪܒܬܐ ܟܠܗܿ ܗܕܐ ܕܡܬܐܡܪܐ
075:23 ܕܝܠܝ ܐܣܬܠܝܬ ܡܢ ܫܪܪܐ܃ ܠܘ ܒܟܐܢܘܬܐ ܬܗܘܐ ܐܬܝܐ
075:24 ܚܪܒܐ ܥܠܝܗܘܢ܂
075:25 ‍{‍14‍[‍19‍]‍‍}‍ ܗܿܝ ܕܢܬܥܦ ܣܝܦܐ܂ ܗܢܘ܂ ܡܢ ܣܓܝܐܘܬ ܕܡܐ
075:26 ܕܐܿܫܕ܃ ܚܿܡܐ ܦܘܡܗ ܘܡܬܥܒܐ ܘܡܬܦܬܠ܂ ܐܘ ܕܬܘܒ
075:27 ܠܡ ܥܿܛܦ ܣܿܠܩ ܥܠܝܗܘܢ܂ ܘܣܝܦܐ ܕܬܠܬܐ ܕܩܛܘ̈ܠܐ
075:28 ܘܕܫܪܟܐ܂ ܬܪ̈ܬܝܢ ܙܒ̈ܢܝܢ ܣܠܼܩ ܒܒܠܝܐ ܟܕ ܚܪܒܐ ܠܐ
075:29 ܥܒܼܕ܃ ܒܬܠܝܬܝܬܐ ܕܝܢ ܐܚܪܒܗܿ ܘܫܒܗܿ܂ ܘܗܢܐ ܠܡ
075:30 ܣܝܦܐ ܕܢܒܘܟܕܢܨܪ ܪܒܐ ܐܝܬܘܗܝ ܕܡܙܝܥ ܠܝܗܘ̈ܕܝܐ܂

next