← Back
The Comprehensive Aramaic Lexicon
← Return to the Text Browser
click on the file description for more information
63102: IshEz p. 82

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


082:01 ܗܘ܂ ܘܥܠ ܗܕܐ ܐܡܼܪ ܠܗ ܢܒܝܐ܃ ܕܒܪܢܫܐ ܐܢܬ ܘܠܐ
082:02 ܗܘܼܝܬ ܐܠܗܐ܂ ܝܘܚܢܢ ܕܒܝܬ ܪܒܢ ܘܐܚܪ̈ܢܐ ܡܣܠܝܢ ܠܗܕܐ܂
082:03 ‍{‍3‍}‍ ܕܠܡܐ ܚܟܝܡ ܐܢܬ ܡܢ ܕܢܝܐܝܠ܂ ܗܢܘ܂ ܗܢܐ
082:04 ܕܒܝܘ̈ܡܬܟ܂ ܓܠܝܐ ܗܝ ܕܡܢ ܟܕܘ ܡܢܨܚ ܗܘܐ ܕܢܝܐܝܠ
082:05 ܒܗܿܘ ܙܒܢܐ܃ ܒܝܕ ܐܓܪ̈ܬܗ ܘܦܪ̈ܣܛܓܡܘܗܝ ܕܒܒܠܝܐ܃
082:06 ܕܒܟܠ ܥܡܡ̈ܝܢ ܟܬܼܒ ܘܐܘܕܥ ܥܠܘܗܝ܂
082:07 ‍{‍10‍}‍ ܗܿܝ ܕܒܐܝܕܐ ܕܥܘܪ̈ܠܐ ܬܡܘܬ܂ ܥܘܪ̈ܠܐ ܩܿܪܐ
082:08 ܠܒܒ̈ܠܝܐ ܒܦܚܡܐ ܕܗܢܐ܃ ܒܗܿܝ ܕܐܝܟ ܕܕܡܝܐ ܐܝܬ
082:09 ܗܘܐ ܠܗܢܐ ܓܙܘܪܬܐ܃ ܡܢ ܡܫܠܡܢܘܬܐ ܕܪܕܬ ܠܘܬܗ
082:10 ܡܢ ܚܝܪܡ܃ ܗܿܘ/ܗܿܝ#2#/ ܕܡܢ ܚܘܒܗ ܕܠܘܬ ܕܘܝܕ ܘܫܠܝܡܘܢ܃
082:11 ܠܢܡܘܣܐ ܘܠܓܙܘܪܬܐ ܕܒܗ ܐܬܪܡܝ ܠܡܩܒܠܘ܂ ܘܐܦ
082:12 ܟܬܒ̈ܐ ܡܢ ܥܒܪܝܐ ܠܣܘܪܝܝܐ ܒܡܨܥܝܘܬܗ ܐܬܬܦܩܘ܃
082:13 ܥܠ ܕܗܢܐ ܗܘܐ ܠܫܢܗ܂ ܠܘ ܓܝܪ ܒܐܝܕܐ ܕܒܒ̈ܠܝܐ
082:14 ܡܝܼܬ܃ ܕܗܐ ܟܬܒܐ ܐܿܡܪ ܕܒܠܒܐ ܕܝܡ̈ܐ/ܕܝܡܡ̈ܐ#2#/ ܡܿܐܬ܃ ܐܠܐ
082:15 ܕܒܥܠܠܬܗܘܢ ܟܐܡܬ ܥܿܪܩ ܘܡܬܛܒܥ܂
082:16 ‍{‍12‍}‍ ܗܿܝ ܕܐܢܬ ܛܒܥܐ ܐܢܬ ܕܕܡܘܬܐ ܕܡܠܐ ܚܟܡܬܐܿ
082:17 ܗܢܘ܂ ܐܝܟ ܛܒܥܐ ܐܢܬ ܕܕܡܘܬܐ܃ ܗܿܘ ܕܡܘܕܥ ܥܠ
082:18 ܚܟܡܬܐ ܕܓܠܘܦܗ܂ ܘܫܘܦܪܟ ܘܟܠܗܝܢ ܕܝܠܟ ܡܢ ܐܠܗܐ
082:19 ܐܢܝܢ܃ ܐܦܢ ܦܢܬ ܒܫܛܘܪܘܬܟ ܥܠ ܢܦܫܟ ܘܠܚܟܡܬܟ
082:20 ܐܩܼܨܬ ܐܢܝܢ܂
082:21 ‍{‍12ܣ‍}‍ ܗܿܝ ܕܟܠܝܠܐ ܕܫܘܒܚܐ ܒܥܕܢ܂ ܥܕܢ ܠܥܠܡܐ
082:22 ܢܐ ܩܿܪܐ܃ ܐܝܟ ܡܿܢ ܕܒܪܝܐ ܗܘ ܒܕܡܘܬ ܥܕܢ ܕܢܨܒ
082:23 ܐܝܟ ܟܠܝܠܐ ܠܡ ܕܡܦܬܟ ܒܟܠ ܫܘܦܪ̈ܝܢ
082:24 ܘܐܝܟ ܐܝ̈ܠܢܐ ܕܒܦܪܕܝܣܗ ܕܥܠܡܐ ܫܬܝܠܝܢ܃ ܐܣܒܪܬ
082:25 ܕܫܒܝܚܬ ܡܢ ܟܠܗܘܢ ܡ̈ܠܟܐ܂ ܒܪܡ ܐܟܙܢܐ ܕܛܒܥܐ
082:26 ܘܟܠܝܠܐ ܘܐܝ̈ܠܢܝ ܦܪܕܝܣܐ ܠܘ ܗܼܢܘܢ ܡܬܩܠܣܝܢ܃ ܐܠܐ
082:27 ܫܘܦܪܗܘܢ ܥܠ ܒܪܘܝܐ ܘܥܒܘܕܐ ܡܬܩܨܨ܃ ܗܟܢܐ ܐܦ
082:28 ܫܘܒܚܟ ܕܝܠܟ ܘܕܟܠܗܘܢ ܡ̈ܠܟܐ ܕܥܠܡܐ ܡܢ ܐܠܗܐ
082:29 ܐܝܬܘܗܝ܂ ܐܝܣܦܘܢ܃ ܟܐܦܐ ܗܝ ܕܡܝܪܩܐ ܩܠܝܠ܂

next