← Back
The Comprehensive Aramaic Lexicon
← Return to the Text Browser
click on the file description for more information
63102: IshEz p. 84

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


084:01 ܢܒܝܐ ܥܠ ܥܡܐ܃ ܗܟܢܐ ܐܦ ܒܦܪܨܘܦ ܚܝܪܡ ܥܠ ܡ̈ܠܟܐ
084:02 ܕܒܬܪܟܢ ܐܿܡܪ܃ ܐܘ ܥܠܝܗܿ ܕܡܠܟܘܬܐ܂
084:03 ‍{‍16‍}‍ ܗܿܝ ܕܩܛܠܬܟ ܡܢ ܛܘܪܗ ܕܐܠܗܐ܂ ܗܢܘ܂ ܩܿܛܠ
084:04 ܐܢܐ ܠܟ܃ ܒܕܐܣܟܠܬ ܒܥܡܐ ܗܿܘ ܕܥܿܡܪ ܗܘܐ
084:05 ܒܛܘܪܗ ܕܐܠܗܐ܃ ܐܝܟܢܐ ܕܬܘܒ ܠܐ ܕܬܚܐ ܘܐܦܠܐ
084:06 ܕܬܬܗܦܟ ܒܩܪܝܒܘܬܐ ܕܛܘܪܐ ܩܕܝܫܐ ܬܫܟܚ܂ ܗܿܝ
084:07 ܕܐܘܒܕܟ ܟܪܘܒܐ ܕܡܛܠ ܘܕܫܪܟܐ܂ ܗܢܘ܂ ܐܘܒܕܟ
084:08 ܥܘܼܠܐ ܕܦܠܼܚܬ ܒܟܪܘܒܐ ܘܒܟܐܦ̈ܐ ܕܢܘܪܐ܂ ܗܢܘ܂
084:09 ܒܥܡܡ̈ܐ ܘܒܡ̈ܠܟܝܗܘܢ܂ ܐܘ ܡܛܠ ܥܡܐ ܗܢܐ
084:10 ܕܝܗܘ̈ܕܝܐ ܕܡܢ ܩܕܝܡ ܡܡܠܟ ܗܘܐ ܥܠܝܗܘܢ܃ ܕܘܝܕ
084:11 ܗܘܐ ܐܒܕܢܟ܂ ܐܘ ܐܘܒܕܟ ܟܪܘܒܐ ܕܡܛܠ܂ ܗܢܘ܂
084:12 ܢܒܘܟܕܢܨܪ܂ ܠܕܘܝܕ ܩܿܪܐ ܟܪܘܒܐ ܕܡܫܝܚ ܘܡܛܠ܃
084:13 ܠܢܒܘܟܕܢܨܪ ܕܝܢ ܟܪܘܒܐ ܕܡܛܠ ܠܚܘܕ܂
084:14 ‍{‍18‍}‍ ܗܿܝ ܕܐܦܩ ܢܘܪܐ ܡܢ ܓܘܟ ܘܗܼܝ ܬܐܟܠܟ܂ ܐܘ ܕܡܛܠ
084:15 ܥܡܗ/ܥܘܼܠܗ#2#/ ܢܿܦܩ ܥܠܘܗܝ ܡܣܡ ܒܪܫܐ܂ ܐܘ ܕܡܢ ܪܘܪ̈ܒܢܐ
084:16 ܕܝܠܗ ܡܬܢܟܠܝܢ ܥܠܘܗܝ ܘܡܫܠܡܝܢ ܠܗ܂ ܐܘ ܕܡܛܠ
084:17 ܥܘܬܪܗ ܡܬܓܪܝܢ ܥܠܘܗܝ ܠܡܥܩܪܗܿ ܠܡܠܟܘܬܗ܂ ܗܿܝ
084:18 ܕܛܢܦܬ ܡܩܕܫܟ܃ ܐܘ ܒܝܬ ܡܠܟܘܬܗ ܕܚܼܪܒ܃ ܐܘ ܒܝܬ
084:19 ܦܬܟܪ̈ܘܗܝ ܕܐܫܬܚܡ܂ ܐܢܫ̈ܝܢ ‍{‍ܡܕܝܢ‍}‍/ܒܕܝܢ#2#/ ܬܢܢ܃ ܕܥܠ ܣܛܢܐ
084:20 ܠܡ ܡܕܒܪܢܗܘܢ ܐܡܝܪ̈ܢ ܗܠܝܢ܃ ܒܦܪܨܘܦ ܡܠܟܐ
084:21 ܕܨܘܪ̈ܝܐ ܐܘ ܕܡܨܪ̈ܝܐ ܘܕܫܪܟܐ܀
084:22 ‍{‍XXIX܂10‍}‍ ܗܿܝ ܕܡܢ ܡܓܕܠܐ ܕܣܘܢܐ܂ ܗܢܘ܂ ܡܢ ܚܘܪܒܐ
084:23 ܣܓܝܐܐ ܕܗܿܘܐ ܒܗ܂ ܣܘܢܐ ܠܣܝܢ ܩܿܪܐ ܕܐܝܬܘܗܝ ܣܗܪܐ܃
084:24 ܕܣܓܕܝܢ ܗܘܘ ܠܗ܂ ܐܘ ܥܠ ܫܡ ܐܢܫ ܡܬܩܪܐ܃ ܗܿܘ
084:25 ܕܒܢܝܗܝ ܠܡܓܕܠܐ܃ ܐܘ ܗܿܘ ܕܝܿܬܒ ܗܘܐ ܒܗ ܘܢܿܛܪ ܠܗ
084:26 ܡܢ ܒܥܠܕܒܒ̈ܐ܃ ܐܝܟ ܥܝܕܐ ܕܐܝܬ ܒܬܚܘܡ̈ܐ ܕܡܠܟܘ̈ܬܐ܂
084:27 ‍{‍17‍}‍ ܗܿܝ ܕܒܥܣܪܝܢ ܘܫܒܥ ܫ̈ܢܝܢ܃ ܛܥܘܢܐ ܗܘ ܕܟܬܘܒܐ
084:28 ܐܘ ܕܡܦܩܢܐ܃ ܒܗܿܝ ܕܫܘܠܡܐ ܕܢܒܝܘܬܗ ܒܬܪܟܢ ܡܚܘܐ
084:29 ܕܒܥܣܪܝܢ ܘܚܡܫ ܫ̈ܢܝܢ ܐܬܬܚܡ܂

next