← Back
The Comprehensive Aramaic Lexicon
← Return to the Text Browser
click on the file description for more information
63103: IshJer p. 05

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


05:01 ܠܢܝܚܐ ܕܫ̈ܕܐ܃ ܡܢ ܩܕܡ ܕܠܐ ܚܦܝܝ ܩܕܡ ܫܒ̈ܝܐ ܬܐܙܠܝܢ
05:02 ܘܒܟܦܢܐ ܘܨܗܝܐ ܬܬܚܒܠܝܢ܂
05:03 ܗܿܝ ܕܐܟܠܬ ܚܪܒܐ ܠܢܒܝܝ̈ܟܘܢ/ܠܒܢܝܟܘܢ#2#/܂ ܗܢܘ܂ ܠܢܒܝ̈ܐ ܕܓ̈ܠܐ܃
05:04 ܐܟܙܢ ܐܚܒ ܒܪ ܩܘܠܝܐ ܘܙܕܩܝܐ ܒܪ ܡܥܣܝܐ܃ ܕܛܓܢ
05:05 ܐܢܘܢ ܢܒܘܟܕܢܨܪ ܒܢܘܪܐ܂
05:06 ܡܕܒܪܐ ܘܐܪܥܐ ܨܗܝܬܐ܃ ܠܦܬܟܪ̈ܐ ܩܿܪܐ ܕܠܝܬ
05:07 ܒܗܘܢ ܚܝܠܐ ܘܦܐܪ̈ܐ܂
05:08 ܡܢܐ ܡܬܩܢܬܝ ܐܘܪ̈ܚܬܟܝ܂ ܡܘܕܥ ܒܝܕ ܗܕܐ ܕܠܘ
05:09 ܡܢ ܟܠܗ ܠܒܗܘܢ ܫܐܠܝܢ ܪ̈ܚܡܐ܂
05:10 ܠܐ ܗܘܐ ܒܦܘܠܫܬܐ ܐܫܟܚܬ ܐܢܘܢ܂ ܗܢܘ܂ ܠܘ
05:11 ܒܛܘܫܝܐ ܚܛܝܢ ܘܣܓܕܝܢ ܠܫ̈ܐܕܐ܃ ܐܝܟ ܓܢܒ̈ܐ
05:12 ܕܟܣܝܐܝܬ ܬܪܥ ܐܣ̈ܐ ܘܓܢܒ̈ ܐܠܐ ܓܠܝܐܝܬ ܘܬܚܝܬ
05:13 ܟܠ ܐܝܠܢ܂
05:14 ܡܢܐ ܡܙܕܠܠܬܝ ܛܒ ܠܡܬܢܐ ܐܘܪ̈ܚܬܟܝ܂ ܗܢܘ܂
05:15 ܡܢܐ ܡܗܿܦܟܬܝ ܘܡܬܚܬܝ ܐܘܪ̈ܚܬܟܝ ܘܡܚܬܟܝ ܕܠܘܬ
05:16 ܡܨܪ̈ܝܐ܃ ܘܡܬܬܓܪܐ ܐܢܬܝ ܨܥܪܐ ܘܩܠܠܐ ܠܩܢܘܡܟܝ܂
05:17 ܗܿܝ ܕܙܢܝܬܝ ܒܪ̈ܥܘܬܐ܂ ܗܢܘ܂ ܒܦܬܟܪ̈ܐ ܘܫ̈ܐܕܐ܃
05:18 ܗܠܝܢ ܕܠܦܘܬ ܡܣܒܪܢܘܬܐ ܕܦܠܚܝ̈ܗܘܢ܃ ܩܝ̈ܘܡܐ
05:19 ܘܡܕܒܪ̈ܢܐ ܘܡܫܬܟܚܝܢ̈ ܐܝܟ ܕܐܦ ܐܠܗܐ ܡܬܩܪܐ ܪܥܝܐ܂
05:20 ܗܿܝ ܕܐܢ ܢܫܒܘܩ ܓܒܪܐ ܐܢܬܬܗ ܘܕܫܪܟܐ܂ ܒܢܡܘܣܐ
05:21 ܥܠ ܙܢܝܘܬܐ ܕܦܓܪܐ ܐܡܝܪܐ܃ ܬܢܢ ܕܝܢ ܥܠ ܫܘܚܛܐ
05:22 ܕܪ̈ܥܝܢܐ܂ ܐܦ ܓܝܪ ܟܠܗܘܢ ܕܚ̈ܠܝ ܐܠܗܐ ܒܛܘܦܣܐ
05:23 ܕܐܢܬܬܐ ܡܡܬܠܝܢ ܒܟ̈ܬܒܐ ܡܛܠ ܗܝܡܢܘܬܗܘܢ
05:24 ܕܒܐܠܗܐ܂ ܘܝܕܝܥܐ ܕܠܦܘܬ ܢܩܝܦܘܬܐ ܡܬܐܡܪܝܢ ܐܦ
05:25 ܓܘܪܐ ܘܙܢܝܘܬܐ܃ ܐܢ ܕܦܓܪܐ ܘܐܢ ܕܢܦܫܐ܂ ܐܝܘ
05:26 ܠܡܪܚܡܢܘܬܗ ܕܐܠܗܐ܂ ܐܿܡܪ ܓܝܪ܂ ܕܐܢ ܬܬܦܢܝܢ
05:27 ܠܘܬܝ ܫܪܝܪܐܝܬ܃ ܠܐ ܡܣܠܐ ܐܢܐ ܠܟܝ ܠܦܘܬ ܫܘܝܘܬܟܝ܃
05:28 ܐܠܐ ܡܣܡܐ ܐܢܐ ܕܫܥܬܐ ܡܢ܂ ܗܿܝ ܕܦܩܿܕܬ ܒܢܡܘܣܐ܃
05:29 ܘܡܬܦܢܐ ܐܢܐ ܠܘܬܟܝ ܘܝܿܨܦ ܐܢܐ ܠܟܝ܂
05:30 ܗܿܝ ܕܙܕܩܬ ܢܦܫܗܿ ܥܡܘܪܬܐ ܕܝܣܪܝܠ ܘܕܫܪܟܐ܂

next