← Back
The Comprehensive Aramaic Lexicon
← Return to the Text Browser
click on the file description for more information
63103: IshJer p. 18

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


18:01 ܐܘܠܨ̈ܢܐ ܕܐܣܒܠܘܗܝ ܒ̈ܢܝ ܥܡܗ܃ ܥܠ ܕܡܬܢܒܐ ܗܘܐ
18:02 ܠܗܘܢ܃ ܕܟܕ ܝܕܝܥܐ ܕܠܘ ܒܐܒܗ̈ܐ܂ ܕܐܘܠܕܘܗܝ ܡܬܥܕܠ܃
18:03 ܐܠܐ ܠܗܿܢܘܢ ܥܿܕܠ ܘܡܟܣ ܒܝܕ ܘܝܐ ܕܝܿܗܒ ܠܩܢܘܡܗ܂
18:04 ܗܿܝ ܕܓܒܪ ܡܟܣܢ܃ ܠܘ ܐܝܟ ܡܿܢ ܕܡܢ ܐܒ̈ܗܘܗܝ ܣܝܡ ܗܘܐ
18:05 ܠܗܕܐ܃ ܐܘ ܡܢ ܐܠܗܐ ܐܘ ܡܢ ܐܢܫ܃ ܐܠܐ ܡܫܡܗ ܗܼܘ
18:06 ܠܗ ܕܝܿܢܐ ܘܡܟܣܢܐ܃ ܥܠ ܕܡܬܢܒܐ ܗܘܐ ܠܗܘܢ ܗܠܝܢ
18:07 ܕܕܝܼܢܐ ܘܕܡܟܣܢܘܬܐ܂
18:08 ܗܿܝ ܕܠܐ ܐܫܒܩܟ ܒܛܒܬܐ܂ ܠܘ ܠܢܒܝܐ ܐܠܐ
18:09 ܠܥܡܐ ܐܿܡܪ܀
18:10 ܗܿܝ ܕܡܛܠ ܕܪܘܓܙܐ ܡܠܝܬܢܝ܂ ܗܢܘ܂ ܡܛܠ ܝܕܥܬܐ
18:11 ܕܣܡܼܬ ܒܝ܂ ܡܠܝܬܢܝ ܪܘܓܙܐ ܠܘܩܒܠ ܟܠܗܘܢ ܣܘܥܪ̈ܢܐ
18:12 ܕܒܝ̈ܫܬܐ ܕܗ̈ܘܝܢ ܡܢ ܥܡܐ܂ ܘܕܡܝܐ ܠܗܿܝ ܕܡܿܢ ܡܘܣܦ
18:13 ܠܡܕܥ ‍<‍ܡܘܕܥ#2#‍>‍ ܡܘܣܦ ܟܐܒܐ܂
18:14 ܠܡܢܐ ܗܘܼܐ ܟܐܒܝ ܥܫܝܢ܃ ܘܡܚܘܬܝ ܘܕܫܪܟܐ܂
18:15 ܟܐܒܐ ܕܬܪܥܝܬܗ ܕܢܒܝܐ ܐܝܬܘܗܝ ܗܘܐ ܗܿܝ ܕܠܐ
18:16 ܥܕܟܝܠ ܚܼܙܐ ܗܘܐ ܡܼܦܩܢܐ ܕܡ̈ܠܐ ܕܢܒܝܘܬܗ܂ ܘܥܠ
18:17 ܗܕܐ ܡܬܡܝܩ ܗܘܐ ܡܢ ܥܡܐ܂ ܡ̈ܝܐ ܟܕܒ̈ܐ ܕܠܐ
18:18 ܡܬܗܝܡܢܝܢ ܩ̈ܪܐ ܠܐܝܠܝܢ ܕܒܡܠܐ ܙܒܢ ܡܢ ܡܛܪܐ ܐܘ ܬܠܓܐ
18:19 ܪܕܝܢ ܘܠܘ ܒܐܡܝܢܘ ܡܣܬܬܝܢ ܒܡܒܘܥܝ̈ܗܘܢ܃ ܕܠܗܘܢ
18:20 ܩܿܪܐ ܐܦ ܡ̈ܝܐ ܢܘܟܪ̈ܝܐ܂ ܗܢܘ܂ ܕܗܟܢܐ ܠܡ ܕܡ̈ܝܢ ܡ̈ܠܝ
18:21 ܢܒܝܘܬܝ ܩܕܡ ܥܡܐ܃ ܒܗܿܝ ܕܐܿܡܪ ܐܢܐ ܟܠܝܘܡ܃ ܘܡܦܩܢܐ
18:22 ܕܒܥܒܿܕܐ ܠܝܬ ܠܗܝܢ܃ ܘܡܬܡܝܩ ܐܢܐ ܐܝܟ ܠܐ ܫܪܝܪܐ܂
18:23 ܘܟܕ ܬܢܐ ܐܝܠܝܢ ܕܐܬܦܢܝ̈ ܠܗ ܡܢ ܐܠܗܐ ܚܠܦ ܗܠܝܢ
18:24 ܐܿܡܪ܃ ܐܢ ܬܬܘܒ ܐܦܢܝܟ ܘܕܫܪܟܐ܂ ܐܢ ܬܬܦܢܐ ܡܢ
18:25 ܚܘܫܒ̈ܝܟ ܗܠܝܢ܃ ܘܬܦܘܩ ܡܢ ܩܘܛܥܐ ܗܢܐ ܕܐܫܬܠܛ
18:26 ܒܢܦܫܟ܃ ܠܘܬܝ ܡܦܢܐ ܐܢܐ ܠܟ܃ ܘܩܕܡܝ ܡܩܝܡ ܐܢܐ
18:27 ܠܟ܂ ܗܢܘ܂ ܡܚܘܐ ܐܢܐ ܠܟ ܡܢܗܘܢ ܕܣܘܥܪ̈ܢܐ܃ ܕܣܓܝ
18:28 ܡܓܠܐ ܐܦ̈ܐ ܐܝܬ ܠܟ ܩܕܡܝ܂ ܘܥܠ ܕܡܬܚܫܒ ܗܘܐ
18:29 ܢܒܝܐ ܕܐܘ ܙܥܘܪ̈ܐ ܐܘ ܠܐ ܐܢܫ ܝܿܬܪ ܡܢ ܢܒܝܘܬܗ ܐܿܡܪ ܠܗ
18:30 ܐܠܗܐ܃ ܐܢ ܬܦܩ ܙܠܝܠܐ ܡܢ܃ ܝܩܝܪܐ܃ ܐܝܟ܂ ܐܦܢ ܠܡ

next