← Back
The Comprehensive Aramaic Lexicon
← Return to the Text Browser
click on the file description for more information
63103: IshJer p. 19

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


19:01 ܠܚܕ ܒܪܢܫܐ ܒܠܚܘܕ ܬܫܟܚ ܠܡܥܕܪܘ܃ ܘܡܢ ܙܠܝܠܘܬܐ
19:02 ܘܣܪܝܩܘܬܐ ܬܦܢܝܘܗܝ ܠܘܬ ܘܠܝܬܐ܃ ܗܟܢ ܚܿܫܒ ܐܢܐ
19:03 ܠܟ ܡܝܩܪܐ܃ ܐܝܟ ܡ̈ܠܐ ܕܢܦܩ̈ܢ ܡܢ ܦܘܡܝ܂
19:04 ܐܬܦܩܕ ܕܝܢ ܢܒܝܐ ܕܠܐ ܢܣܒ ܐܢܬܬܐ܃ ܒܕܕܡܝܐ
19:05 ܕܨ̈ܒܐ ܗܘܐ ܕܢܣܒ܂
19:06 ܨܝ̈ܕܐܼ ܒܒ̈ܠܝܐ܂
19:07 ܗܿܝ ܕܒܩܢܝܐ ܕܦܪܙܠܐ ܘܒܛܦܪܐ ܕܫܡܝܪܐ܂ ܗܢܘ܂
19:08 ܕܗܢܐ ܟܠܗ ܠܒܝܫܐ ܒܗܘܢ ܚܛܝܬܐ܃ ܘܩܒܝܥܐ ܘܠܐ
19:09 ܡܬܠܚܝܐ ܡܢ ܠܟܗܘܢ܃ ܒܕܡܘܬ ܐܬܘ̈ܬܐ ܗܿܢܝܢ ܕܒܩܢܝܐ
19:10 ܕܦܪܙܠܐ ܓܠܝ̈ܦܢ/ܓܠܝ̈ܦܐ#2#/܂ ܛܦܪܐ ܕܫܡܝܪܐ܃ ܟܐܦܐ ܗܝ ܕܗܟܢ
19:11 ܡܬܩܪܝܐ܃ ܘܐܘܟܡܐ ܗܝ ܘܒܡܕܡ ܠܐ ܡܬܬܒܪܐ܂
19:12 ܕܪܥܐ ܠܚܝܠܬܢܘܬܐ ܩܿܪܐ܂
19:13 ܘܥܠ ܝܒܠܐ ܡܫܪܪ ܥܩܪ̈ܘܗܝ܂ ܒܕܘ̈ܟܝܬܐ ܕܐܝܬ ܒܗܝܢ
19:14 ܡ̈ܝܐ ܝܿܕܥ ܝܒܠܐ ܘܠܐ ܕܚܿܠ ܡܢ ܚܘܡܐ܀
19:15 ܐܝܟ ܚܓܠܐ ܕܩܿܪܐ܂ ܐܝܟ ܩܩܒܢܐ ܠܡ ܕܗܿܢܘ
19:16 ܥܝܕܗ ܠܘ ܠܒܢܘ̈ܗܝ ܐܦܠܐ ܠܢܩܒ̈ܬܐ ܐܝܟ ܫܪܟܐ
19:17 ܕܦܪ̈ܚܬܐ܃ ܐܠܐ ܠܕܟܪ̈ܐ ܚܒܪ̈ܘܗܝ ܩܿܪܐ ܒܩ̈ܠܐ
19:18 ܡܚܬܚ̈ܬܢܐ܃ ܘܡܓܪܓ ܠܗܘܢ ܕܢܐܬܘܢ ܠܘܬܗ ܠܘ
19:19 ܠܛܒܬܐ܃ ܐܠܐ ܠܡܘܬܐ܃ ‍{‍ܗܿܝ‍}‍‍<‍ܗܿܘ#3#‍>‍ ܕܐܦ ܗܿܘ ܠܚܪܬܐ
19:20 ܠܘܬܗ ܡܬܩܪܒ܃ ܗܟܢܐ ܐܦ ܥܠܘܒܐ ܠܘ ܠܩܪ̈ܝܒܘܗܝ܃
19:21 ܐܠܐ ܠܢܘܟܪ̈ܝܐ ܩܿܪܐ ܒܝܕ ܦܘܪ̈ܣܘܗܝ܃ ܘܡܫܓܫ ܠܗܘܢ
19:22 ܐܝܟ ܚܓܠܐ܃ ܘܢܿܣܒ ܩܢܝܢܗܘܢ ܘܡܡܝܬ ܠܗܘܢ܃ ܘܒܬܪܟܢ
19:23 ܐܦ ܗܼܘ ܐܘ ܡܢ ܒܢܝܢܫܐ ܐܘ ܡܢ ܕܝܼܢܐ ܕܐܠܗܐ ܡܬܬܨܝܕ܃
19:24 ܘܠܡܘܬܐ ܡܫܬܠܡ܂
19:25 ܗܿܝ ܕܟܘܪܣܝܐ ܕܐܝܩܪܐ ܕܐܬܬܪܝܡ ܡܢ ܘܕܫܪܟܐ܂
19:26 ܟܘܪܣܝܐ ܕܡܠܟܘܬܐ ܩܿܪܐ܃ ܐܬܪܐ ܕܡܩܕܫܐ܃ ܠܐܪܥ
19:27 ܡܘܠܟܢܐ ܘܠܗܝܟܠܐ܂ ܡܠܟܘܬܐ ܠܡ ܗܕܐ ܕܐܝܬܝܗܿ ܗܘܬ
19:28 ܐܝܩܪܗ ܕܥܡܐ܃ ܥܠ ܕܒܣܘܥܪ̈ܢܐ ܕܥܠܘܒܘܬܐ ܝܪܒܬ
19:29 ܘܐܬܬܪܝܡܬ܃ ܘܠܐ ܕܚܠܬ ܐܦ ܠܐ ܡܢ ܩܪܝܒܘܬܐ

next