← Back
The Comprehensive Aramaic Lexicon
← Return to the Text Browser
click on the file description for more information
63103: IshJer p. 20

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


20:01 ܕܒܝܬܐ ܕܐܠܗܐ܃ ܐܦ ܗܼܝ ܡܬܬܪܝܡܐ ܘܡܫܬܩܠܐ ܒܝܕ
20:02 ܒܒ̈ܠܝܥ܂ ܐܘ ܗܟܢ܃ ܡܠܟܘܬܐ ܠܡ ܗܕܐ ܕܡܢ ܩܕܝܡ ܪܡܬܐ
20:03 ܐܝܬܝܗܿ ܗܘܬ ܘܡܫܒܚܬܐ܃ ܡܛܠ ܐܬܪܐ ܗܢܐ ܩܕܝܫܐ
20:04 ܠܐ ܙܿܕܩ ܗܘܐ ܕܒܣܘܥܪ̈ܢܐ ܕܠܐ ܠܚܡܝܢ ܠܗ ܠܐܬܪܐ
20:05 ܘܠܡܩܕܫܐ ܘܠܢܡܘܣܐ ܬܬܚܫܚ܂
20:06 ܟܠ ܕܫܒܩܘܟ ܢܒܗܬܘܢ܃ ܘܡܪ̈ܘܕܐ ܒܐܪܥܐ
20:07 ܢܬܟܬܒܘܢ܂ ܗܿܝ ܕܢܬܟܬܒܘܢ܂ ܗܢܘ܂ ܡܪ̈ܘܕܐ ܢܬܚܫܒܘܢ
20:08 ܘܢܫܬܡܗܘܢ ܒܟܠܗܿ ܐܪܥܐ܃ ܟܠܗܘܢ ܐܝܠܝܢ ܕܫܒܩܘ
20:09 ܠܐܠܗܐ ܘܠܕܚܠܬܗ܂ ܘܕܡܝܐ ܠܗܿܝ ܕܝܘܟܢܝܐ܃ ܕܟܘܬܒܘܗܝ
20:10 ܠܓܒܪܐ ܗܢܐ ܡܟܪܙܐ ܘܕܫܪܟܐ܂ ܗܢܘ܂ ܕܠܐ ܒܢܝܢ
20:11 ܢܬܚܫܒ ܠܟܘܢ ܗܢ ܓܒܪܐ܂ ܘܡܟܪܙܐ܂ ܗܢܘ܂ ܛܪܝܕܐ ܡܢ
20:12 ܐܬܪܗ ܘܡܠܟܘܬܗ܂ ܒܕܓܘܢ ܦܣܘܩܐܝܬ ܙܿܕܩ ܕܢܬܩܪܐ
20:13 ܗܢ ܦܬܓܡܐ܃ ܕܡܪ̈ܘܕܐ ܒܐܪܥܐ ܢܬܟܬܒܘܢ܃ ܐܘ ܚܠܦ
20:14 ܠܡ ܗܿܝ ܕܒܣܦܪܐ ܕܚܝ̈ܐ ܥܬܝܕܝܢ ܗܘܘ ܕܢܬܟܬܒܘܢ܃
20:15 ܡܫܬܪܪ ܐܒܕܢܗܘܢ ܒܐܪܥܐ܃ ܘܬܘܒ ܠܐ ܦܢܝܢ ܠܚܝ̈ܐ܂
20:16 ܟܕ ܥܠ ܓܠܝܘܬܗ ܕܡܣܡ ܒܪܫܗܘܢ ܪܡܿܙ܂
20:17 ܗܿܝ ܕܝܘܡܗ ܕܒܪܢܫܐ ܠܐ ܪܓܿܬ܂ ܗܢܘ܂ ܠܫܒ̈ܝܚܬܗ
20:18 ܘܠܪ̈ܓܝܓܬܗ ܘܠܕܘܒܪܗ ܘܠܚܝ̈ܐ ܕܥܠܡܐ ܐܘ ܕܒܪܢܫܐ܂
20:19 ܡܣܘܚ ܗܘܐ ܠܡ ܕܢܚܙܐ ܝܘܡܝ ܘܕܫܪܟܐ܂ ܟܐܡܬ
20:20 ܠܦܘܩ̈ܕܢܝܟ ܪܓܿܬ ܡܢ ܟܠܗܝܢ ܪ̈ܓܝܓܬܗ ܕܥܠܡܐ܂
20:21 ܝܘܡܐ ܒܝܫܐ ܩܿܪܐ܃ ܠܙܒܢܐ ܕܒܗ ܒܥܝܢ ܗܘܘ
20:22 ܠܡܩܛܠܗ܂
20:23 ܗܿܝ ܕܐܢ ܥܿܢܕ ܡܢ ܛܘܪ ܬܕܝ̈ܐ ܬܠܓܐ ܘܕܫܪܟܐ܂
20:24 ܡ̈ܝܐ ܩܪܝܪ̈ܐ ܘܢܘܟܪ̈ܝܐ ܠܡ̈ܝܐ ܕܡܢ ܬܠܓܐ ܪܕܝܢ ܩܿܪܐ܃
20:25 ܕܠܘ ܡܢ ܡܒܘܥܐ܃ ܐܠܐ ܡܐ ܕܦܫܪ ܬܠܓܐ ܪܕܝܢ܂ ܘܛܘܪ/ܛܘܪ#2#/
20:26 ܬܕܝ̈ܐ ܛܘܪ̈ܐ ܐܢܘܢ ܕܢܩܝܦܝܢ ܠܚܼ̈ܕܕܐ ܐܝܟ ܬܪ̈ܝܢ ‍{‍ܬܪ̈ܝܢ ‍}‍‍<‍ܬܕܝ̈ܐ‍>‍
20:27 ܘܠܒܢܢ ܠܥܠ ܡܢܗܘܢ܂ ܘܒܐܡܝܢܘ ܠܐ ܥܿܢܕ ܡܢܗ ܬܠܓܐ܃
20:28 ܒܗܿܝ ܕܚܕܬܐ ܡܕܪܟ ܠܥܬܝܩܐ܂ ܒܝܕ ܟܝ̈ܢܐ ܚܪ̈ܫܐ ܡܟܣ
20:29 ܠܡܠܝ̈ܠܐ܂

next