← Back
The Comprehensive Aramaic Lexicon
← Return to the Text Browser
click on the file description for more information
63103: IshJer p. 23

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


23:01 ܘܟܕ ܡܗܠ ܒܗܘܢ ܐܿܡܪ܃ ܝܿܬܒܬ ܒܠܒܢܢ܃ ܡܩܢܬ
23:02 ܒܐܪ̈ܙܐ܂ ܗܢܘ܂ ܐܢܬܘܢ ܕܗܢܐ ܟܠܗ ܬܟܝܠܝܬܘܢ ܥܠ
23:03 ܪܘܡܐ ܕܡܕܝܢܬܟܘܢ܃ ܐܝܟ ܗܿܘ ܕܒܠܒܢܢ ܒܢܝܐ ܠܟܘܢ܃
23:04 ܘܒܕܡܘܬ ܦܪܚܬܐ ܕܡܩܢܐ ܒܪܫ ܐܪ̈ܙܐ܃ ܗܟܢܐ ܬܟܝܠܝܬܘܢ
23:05 ܥܠ ܪܘܡܐ ܕܛܘܪ̈ܐ ܕܒܐܪܥܟܘܢ܃ ܕܒܗܘܢ ܣܝܡܝܢ
23:06 ܦܬܟܪ̈ܝܟܘܢ܃ ܩܪܝܒ ܗܘ ܙܒܢܐ ܕܬܬܚܕܘܢ ܡܢ ܫ̈ܒܝܐ܂
23:07 ܗܿܝ ܕܟܘܬܒܘܗܝ ܠܓܒܪܐ ܗܢܐ ܡܟܪܙܐ܂ ܠܘ ܠܐܢܫ
23:08 ܦܩܕ ܕܢܟܬܘܒ܃ ܐܠܐ ܥܠ ܫܘܪܪ ܣܘܥܪܢܐ ܕܗܿܘܐ ܐܿܡܪ܂
23:09 ܕܥܬܝܕ ܠܡ ܕܢܬܠܚܐ ܫܡܗ ܕܝܘܟܢܝܐ ܒܪ ܝܘܝܩܝܡ ܘܕܒ̈ܢܘܗܝ
23:10 ܡܢ ܡܠܟܘܬܐ܂ ܘܦܘܣܩܢܐ ܠܡ ܗܢܐ ܫܪܝܪ ܐܝܟ ܡܕܡ
23:11 ܕܟܬܝܒ܂ ܗܿܝ ܕܠܐ ܒܢܝܢ܃ ܠܘ ܕܠܝܬ ܗܘܐ ܠܗ ܒ̈ܢܝܐ܃ ܘܐܠܐ
23:12 ܝܬܝܪܬܐ ܗܘܬ ܗܿܝ ܕܐܝܟ ܕܒܦܘܩܕܢܐ ܢܐܡܪ ܕܟܘܬܒܘܗܝ܃
23:13 ܒܕܗܼܘ ܣܘܥܪܢܐ ܡܣܗܕ ܗܘܐ ܥܠ ܢܦܫܗ܂ ܐܠܐ ܕܠܐ ܠܡ
23:14 ܢܬܒܘܢ ܥܠ ܟܘܪܣܝܐ܂ ܠܐ ܓܝܪ ܝܬܼܒ ܫܠܛܐܝܬ ܒܪܗ ܥܠ
23:15 ܟܘܪܣܝܗ܃ ܐܠܐ ܨܕܩܝܐ ܕܕܗ ܕܒܗ ܫܠܡܬ ܡܠܟܘܬܐ܂
23:16 ܘܕܢܘܕܥ ܕܠܘ ܠܓܡܪ ܡܣܬܠܐ ܙܪܥܗ ܡܢ ܡܠܟܘܬܐ܃
23:17 ܒܗܿܝ ܕܙܘܪܒܒܠ ܒܪ ܒܪܗ ܐܡܠܟ ܐܿܡܪ܃ ܡܛܠ ܕܓܒܪܐ
23:18 ܒܝܘܡ̈ܬܗ ܠܐ ܢܨܠܚ ܘܕܫܪܟܐ܀
23:19 ܨܡܚܐ ܕܙܕܝܩܘܬܐ܃ ܠܙܘܪܒܒܠ ܩܿܪܐ
23:20 ܕܫܥܬܐ܂ ܗܿܝ ܕܡܪܝܐ ܙܕܩܢ܂ ܗܢܘ ‍<‍ܕܝܢ#2#‍>‍܂ ܡܬܝܕܥ ܡܢ ܥܒ̈ܕܘܗܝ
23:21 ܕܡܪܝܐ ܐܝܬ ܥܡܗ ܘܥܡ ܟܠܗ ܥܡܐ܃ ܘܗܼܢܘܢ ܐܝܬܝܗܘܢ
23:22 ܡܢܬܗ ܘܝܪܬܘܬܗ܃ ܘܠܗ ܙܕܩܝܢ ܘܠܘ ܠܦܬܟܪ̈ܐ܃ ܙܕܩܢ܂
23:23 ܗܢܘ܂ ܡܢܬܢ܂ ܫܘܠܡܗܝܢ ܕܝܢ ܒܡܪܢ ܡܬܚܙܐ܂
23:24 ܪܗܛܢܗܘܢ܂ ܗܢܘ܂ ‍{‍ܡܪ̈ܗܛܢܗܘܢ‍}‍‍<‍ܡܪ̈ܗܛܝܗܘܢ‍>‍܂
23:25 ܗܿܝ ܕܡܿܢܘ ܩܼܡ ܒܐܪܙܗ ܘܨܼܬ ܘܕܫܪܟܐ܂ ܗܢܘ܂ ܡܢ
23:26 ܢܒ̈ܝܐ ܕܓ̈ܠܐ܃ ܕܢܐܡܪ ܘܠܐ ܚܕ ܡܢܗܘܢ܂
23:27 ܗܿܝ ܕܠܡܢܐ ܚܠܛܝܬܘܢ ܬܒܢܐ ܒܥܒܘܪܐ܂ ܗܢܘ܂
23:28 ܚܠܡ̈ܐ ܕܫ̈ܐܕܐ ܒܓܠܝ̈ܢܐ ܕܪܘܚܐ܂
23:29 ܗܿܝ ܕܡܓܢܒܝܢ ܦܬܓܡ̈ܝ܂ ܗܢܘ܂ ܟܕ ܒܕܓܠܘܬܐ
23:30 ܒܫܡܗ ܡܣܬܡܟܝܢ܃ ܡܩܕܡܝܢ ܨܝܕ ܚ̈ܕܕܐ ܘܣܝܡܝܢ ܡܠܬܐ܃

next