← Back
The Comprehensive Aramaic Lexicon
← Return to the Text Browser
click on the file description for more information
63103: IshJer p. 27

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


27:01 ܟܕ ܐܝܬܝܢ ܗܘܝܢ ܒܐܬܪܐ ܕܛܒ ܪܚܝܩ ܘܡܥܒܕ܃ ܡܢ
27:02 ܩܕܡ ܙܒܢܐ ܣܓܝܐܐ ܕܡܦܩܢܗܘܢ ܕܡܘ̈ܠܟܢܐ ܕܠܥܒܿܕܐ܃
27:03 ܐܬܚܙܝ ܠܝ ܐܠܗܐ܃ ܘܠܒܒܢܝ ܘܐܡܼܪ ܠܝ܃ ܡܚܕܬ̈ ܐܢܐ
27:04 ܠܘܬܟܘܢ ܪܚܡܬܐ ܗܿܝ ܩܕܡܝܬܐ ܕܡܢ ܝܘ̈ܡܝ ܥܠܡ܃ ܘܡܢ
27:05 ܙܒܢܗ ܕܡܘܫܐ ܘܡܢ ܐܒܗ̈ܝܟܘܢ ܩܕܡ̈ܝܐ܃ ܘܡܩܘܐ ܐܢܐ
27:06 ܒܚܘܒܐ ܕܠܘܬܟܘܢ ܟܡܐ ܕܩܝܡ ܥܠܡܐ܃ ܘܗܼܝ
27:07 ܡܬܦܢܝܢܘܬܝ ܕܨܐܕܝ̈ܟܘܢ ܢܓܕܬܟܘܢ ܡܢ ܫܒܝܐ ܘܡܢ
27:08 ܥܩ̈ܬܐ܃ ܘܡܢ ܪܥܝܢܐ ܦܠܝܓܐ ܠܛܝܒܘܬܐ ܫܘܝܬܘܢ܂
27:09 ܗܿܝ ܕܒܒܟܬܐ ܢܐܙܠܘܢ ܘܒܬܚܢܢܬܐ ܢܐܬܘܢ܂
27:10 ܒܬܚܢܢܬܐ ܐܝܬܝܗܿ ܘܒܪ̈ܚܡܐ܂
27:11 ܗܿܝ ܕܩܠܐ ܒܪܡܬܐ ܐܫܬܡܥ܃ ܐܠܝܐ ܘܒܟܬܐ
27:12 ܘܕܫܪܟܐ܂ ܒܝܕ ܫܡܐ ܕܪܚܝܠ ܡܒܕܩ ܥܠ ܫܒܛܐ ܕܒܢܝܡܝܢ
27:13 ܒܕܐܡܗ ܗܘܼܬ܃ ܘܡܢ ܫܒܛܐ ܕܒܢܝܡܝܢ ܥܠ ܟܠܗܘܢ
27:14 ܝܗܘ̈ܕܝܐ ܪܡܬܐ ܓܝܪ ܡܕܝܢܬܐ ܗܝ ܕܒܢܝ ܒܢܝܡܝܢ܃ ܘܩܪܝܒܐ
27:15 ܠܐܘܪܫܠܡ܂ ܩܠܐ ܕܝܢ ܕܒܟܝܐ ܡܢ ܬܪ̈ܝܗܘܢ ܗܠܝܢ
27:16 ܫܒ̈ܛܐ ܡܫܬܡܥ ܗܘܐ܃ ܟܕ ܒܙܒܢܐ ܕܩܪܒܐ ܘܕܫܒܝܐ
27:17 ܕܒܒ̈ܠܝܐ ܐܠܝܢ ܘܒܟܝܢ܂ ܦܬܓܡ̈ܐ ܓܝܪ ܗܠܝܢ܃ ܟܕ ܥܠ
27:18 ܫܒܝܐ ܐܡܝܪܝܢ܃ ܐܠܐ ܐܘܢܓܠܣܛܐ ܢܿܣܒ ܠܗܘܢ ܥܠ
27:19 ܩܛܠܐ ܕܛܠܝ̈ܐ ܡܢ ܕܡܝܘܬܐ܃ ܟܕ ܡܕܡܐ ܠܗܪܘܕܣ ܒܒܒܠܝܐ܃
27:20 ܘܩܛܠܐ ܒܩܛܠܐ ܘܫܒܝܐ܃ ܘܬܚܘܡܐ ܒܬܚܘܡܐ ܘܕܫܪܟܐ܂
27:21 ܗܿܝ ܕܐܩܝܡܝ ܠܟܝ ܐܬܐ ܘܬܒܝ ܒܡܕܒܪܐ܂ ܗܢܘ܂
27:22 ܐܬܦܢܘ ܠܘܬ ܐܠܗܟܘܢ܃ ܕܗܕܐ ܗܝ ܐܬܐ ܕܦܘܪܩܢܐ
27:23 ܠܟܘܢ܃ ܕܡܐ ܕܗܘܝܬܘܢ ܠܗ ܒܝ̈ܬܝܐ܃ ܝܬܒܝܬܘܢ
27:24 ܒܐܬܪܟܘܢ ܕܚܪܒ ܐܝܟ ܡܕܒܪܐ܂
27:25 ܢܩܒܬܐ ܬܚܒܒ ܓܒܪܐ܃ ܗܕܐ ܗܝ ܚ̈ܕܬܐ ܕܐܡܼܪܘ܂
27:26 ܗܢܘ܂ ܫܘܚܠܦܐ ܕܡܢ ܣܢܐܬܐ ܠܪܚܡܬܐ܃ ܐܝܟ ܡܿܢ ܕܥܡܐ
27:27 ܗܿܘ ܕܡܢ ܩܕܝܡ ܐܪܦܝ ܠܐܠܗܐ܃ ܘܫܢܝ ܡܢܗ ܠܦܘܠܚܢ
27:28 ܫ̈ܐܕܐ܃ ܘܟܕ ܒܟܠܙܒܢ ܩܿܪܐ ܗܘܐ ܠܗܘܢ ܘܠܐ ܡܬܦܢܝܢ
27:29 ܗܘܘ ܠܘܬܗ܃ ܗܫܐ ܗܼܢܘܢ ܡܢ ܢܦܫܗܘܢ ܪܗܛܝܢ ܠܘܬܗ܃
27:30 ܘܡܥܩܒܝܢ ܥܠܘܗܝ ܒܕܡܘܬ ܐܢܬܬܐ ܐܝܕܐ ܕܡܛܠ
27:31 ܪܚܡܬܗܿ ܕܨܝܕ ܓܒܪܗܿ܃ ܗܿܝ ܪܗܛܐ ܒܬܪܗ ܘܒܥܝܐ ܠܗ܂

next