← Back
The Comprehensive Aramaic Lexicon
← Return to the Text Browser
click on the file description for more information
63103: IshJer p. 30

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


30:01 ܙܡܠܝܐ ܦܪܣܐܝܬ ܢܝܫܬܪ/ܢܫܬܪ#2#/܂ ܩܘܪܝܐܝܬ ܕܝܢ
30:02 ܐܫܬܪܟܐ܂ ܐܝܟ ܫܪܪܐ ܕܝܢ ܐܝܬܘܗܝ ܣܟܝܢܬܐ ܕܩܝܡܐ
30:03 ܒܒܝܬ ܕܝܘܬܐ܂ ܩܡܝܢܐ܃ ܟܢܘܢܐ܂ ܬܠܬ ܘܐܪܒܥ ܦܨܝ̈ܢ܃
30:04 ܡܢܘ̈ܬܐ ܗܠܝܢ ܕܡܦܠܓܝܢ ܝܗܘ̈ܕܝܐ ܥܠ ܟܪ̈ܟܝܗܘܢ܃ ܐܝܟ
30:05 ܕܐܦ ܚܢܢ ܓܘܪ̈ܐ ܨܝܪܝܢܢ ܒܟܬܒ̈ܐ܂ ܡܠܟܐ ܕܨܪܝܗܝ ܝܘܝܩܝܡ
30:06 ܗܘܐ܀
30:07 ܗܝ ܕܠܡܦܠܓܘ ܬܡܢ ܡܢܬܐ ‍{‍ܥܠ‍}‍‍<‍ܥܡ#3#‍>‍ ܥܡܐ܂
30:08 ܐܢܫ̈ܝܢ܃ ܢܦܼܩ ܠܡ ܐܝܟ ܕܢܚܙܐ ܝܪܬܘܬܐ ܕܙܒܼܢ ܡܢ ܕܕܗ܂
30:09 ܐܘ ܟܒܪ ܐܝܬ ܗܘܐ ܠܗ ܡܕܡ ܥܡ ܐܢܫ ܠܡܦܠܓܘ
30:10 ܥܒܘܪܐ ܐܘ ܚܡܪܐ ܐܘ ܦܐܪ̈ܐ ܕܐܝ̈ܠܢܐ܂ ܝܘܚܢܢ ܕܒܝܬ ܪܒܢ܃
30:11 ܕܡܛܠ ܠܚܡܐ ܠܡ ܢܦܼܩ ܕܢܙܒܢ ܐܝܟ ܕܐܿܡܪ ܝܘܢܝܐ܂ ܐܦ
30:12 ܓܝܪ ܐܠܨܐ ܗܘܬ ܥܠ ܗܕܐ ܡܢ ܚܒܘܫܝܐ ܕܡܕܝܢܬܐ܂ ܗܘܬ
30:13 ܕܝܢ ܗܕܐ܃ ܟܕ ܡܪܕ ܨܕܩܝܐ܃ ܘܐܬܘ ܟܠܕܝ̈ܐ ܘܫܪܘ ܚܕܪ̈ܝ
30:14 ܐܘܪܫܠܡ܂ ܘܟܕ ܫܡܥܘ ܥܠ ܡܨܪ̈ܝܐ ܕܢܦܩܘ ܠܥܘܕܪܢܗ
30:15 ܕܥܡܐ ܫܢܝܘ ܘܐܙܠܘ܃ ܘܗܘܬ ܪܘܚܬܐ ܩܠܝܠ ܠܥܡܐ
30:16 ܠܡܥܠ ܘܠܡܦܩ܂ ‍{‍ܐܚܕܪܗ‍}‍‍<‍ܐܚܕܗ‍>‍ ܕܝܢ ܐܢܫ ܕܡܫܠܛ ܗܘܐ ܥܠ
30:17 ܬܪܥܐ ܕܡܕܝܢܬܐ܂
30:18 ܗܿܝ ܕܡܢ ܟܘܬ ܓܘܒܐ ܠܓܘܒܐ܃ ܠܘ ܡܢ ܚܕ ܓܘܒܐ
30:19 ܠܓܘܒܐ ܐܚܪܢܐ܃ ܐܠܐ ܕܡܢ ܦܘܡܗ ܥܠܝܐ ܕܓܘܒܐ
30:20 ܠܓܘ ܓܘܒܐ܂ ܠܘ ܓܝܪ ܒܬܪܥܐ ܓܘܝܐ ܕܒܝܬ ܐܣܝܪ̈ܐ
30:21 ܗܿܘ ܕܡܬܩܪܐ ܓܘܒܐ ܐܥܠܘܗܝ ܐܝܟ ܫܪܟܐ ܕܐܣܝܪ̈ܐ܃
30:22 ܐܠܐ ܡܢ ܒܝܬܐ ܥܠܝܐ ܗܿܘ ܕܝܬܒܝܢ ܒܗ ܢܛܘܪ̈ܐ ܒܠܠܝܐ܃
30:23 ܗܿܘ ܕܐܚܝܕܝܢ ܠܘܬܗܘܢ ܪܫܗܿ ܕܫܫܠܬܐ ܗܿܝ ܕܡܬܩܪܝܐ
30:24 ܬܢܘܪܐ܃ ܡܢ ܬܡܢ ܫܕܐܘܗܝ ܠܬܚܬ ܠܐܫܬܗ ܕܓܘܒܐ܂
30:25 ܘܝܗܒܝܢ ܗܘܘ ܠܗ ܓܪܝܨܬܐ ‍<‍ܕܠܚܡܐ‍>‍܂ ܗܢܘ܂ ܠܚܡܐ
30:26 ܡܛܪ ܢܦܫ܂
30:27 ܐܫܬܡܥ ܡܠܟܐ ܠܦܝܣܗ ܕܥܒܕܡܠܟ
30:28 ܟܘܫܝܐ ܕܥܠ ܐܪܡܝܐ܃ ܒܕܐܬܟܚܕ ܡܢ ܓܒܪܐ ܢܘܟܪܝܐ
30:29 ܕܫܪܝܪ ܠܗ ܐܠܗܐ܃ ܘܡܚܒ ܠܢܒܝܐ ܝܬܝܪ ܡܢܗܘܢ܂

next