← Back
The Comprehensive Aramaic Lexicon
← Return to the Text Browser
click on the file description for more information
63103: IshJer p. 38

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


38:01 ܠܡܢܫܐ܃ ܘܩܘܝ ܡܢܫܐ ܫܒܥܣܪ̈ܐ ܫ̈ܢܝܢ ܒܒܒܠ܃ ܘܟܢ ܦܢܼܐ
38:02 ܠܐܘܪܫܠܡ܂ ܕܫܬܐ ܢܒܘܟܕܢܨܪ܂ ܗܢܐ ܕܝܢ ܐܪܒܥ ܙܒ̈ܢܝܢ
38:03 ܣܠܼܩ ܥܠ ܐܘܪܫܠܡ܂ ܚܒܝܫ ܗܘܐ ܓܝܪ ܝܘܝܟܝܢ ܒܒܒܠ ܬܠܬܝܢ
38:04 ܘܫܒܥ ܫ̈ܢܝܢ܃ ܥܕܡܐ ܕܡܝܼܬ ܢܒܘܟܕܢܨܪ܂ ܘܐܡܠܟ
38:05 ܐܘܠܡܪܘܕܟ/ܐܘ ܒܪܗ ܒܬܪܗ܃ ܘܟܢ ܐܦܩܗ ܘܝܩܪܗ܃ ܒܥܠܬ
38:06 ܪܚܡܘܬܐ ܕܩܢܼܐ ܨܐܕܘ̈ܗܝ ܒܒܝܬ ܐܣܝܪ̈ܐ܂
38:07 ܟܕ ܕܝܢ ܥܘܪ ܢܒܘܟܕܢܨܪ ܠܥܝ̈ܢܘܗܝ ܕܨܕܩܝܐ܃ ܛܿܚܢ
38:08 ܗܘܐ ܒܪܚܝܐ ܒܒܒܠ܂ ܘܟܕ ܡܝܼܬ ܫܕܐܘܗܿ ܠܫܠܕܗ ܒܣܬܪ
38:09 ܫܘܪܐ ܕܡܕܝܢܬܐ܂ ܘܫܠܡܬ ܥܠܘܗܝ ܢܒܝܘܬܐ܂
38:10 ܕܒܠܬ ܕܦܢܐ ܐܝܬܝܗܿ ܕܨܝܕ ܐܢܛܝܘܟܝܐ܂
38:11 ‍<‍ܢܘܗܪܐ ܕܐܘܠܝ̈ܬܐ‍>‍
38:12 ܥܠ ܐܘܠܝ̈ܬܐ ܕܝܢ ܐܢܫ̈ܝܢ ܐܡܪܘ܃ ܕܡܢ ܩܕܡ ܫܒܝܐ܃ ܟܕ
38:13 ܗܘܼܐ ܒܐܘܪܫܠܡ ܥܕܟܝܠ ܐܡܼܪ ܐܢܝܢ܃ ܘܒܡܘܫ̈ܚܬܐ
38:14 ܪܟܒ ܐܢܝܢ܂ ܐܚܪ̈ܢܐ ܕܒܬܪ ܫܒܝܐ ܠܡ܃ ܟܕ ܥܼܠ ܠܡܨܪܝܢ
38:15 ܥܡ ܗܿܢܘܢ ܝܗܘ̈ܕܝܐ ܕܦܫܘ ܡܢ ܫܒܝܐ܂ ܐܥܠܘܗܝ/ܕܥܠܘܗܝ#2#/ ܓܝܪ
38:16 ܩܛܝܪܐܝܬ ܘܟܕ ܠܐ ܨܿܒܐ܂
38:17 ܪܫܐ ܕܡܕܝ̈ܢܬܐ ܗܘܼܬ ܠܡܕܐܬܐ܂ ܗܢܘ܂ ܗܿܝ ܕܬܒܥܐ
38:18 ܗܘܬ ܡܕܐܬܐ܃ ܗܐ ܝܗܒܐ ܡܕܐܬܐ܂
38:19 ܗܘܼܘ ܪܘܪ̈ܒܢܝܗܿ ܐܝܟ ܐܝ̈ܠܐ܃ ܗܢܘ܂ ܡܐ ܕܫܠܚܘ
38:20 ܐܢܘܢ ܒܒ̈ܠܝܐ ܡܢ ܐܝܩܪܗܘܢ ܘܡܢ ܡܪ̈ܥܝܬܗܘܢ܃ ܪܕܦܘ
38:21 ܐܢܘܢ ܒܫܒܝܬܐ ܩܕܡܝܗܘܢ܃ ܐܝܟ ܐܝ̈ܠܐ ܝܚܝ̈ܕܝܐ
38:22 ܘܡܚܝ̈ܠܐ ܘܕܚܘ̈ܠܬܢܐ܃ ܡܢ ܕܡܬܪܕܦܝܢ ܡܢ ܢܚܫܝܪ̈ܬܢܐ܂
38:23 ܐܚܪ̈ܢܐ܂ ܗܿܢܘܢ ܠܡ ܕܡܢ ܩܕܝܡ ܩܠܝܠܝܢ ܗܘܘ ܐܝܟ
38:24 ܐܝ̈ܠܐ܃ ܐܬܬܨܝܕܘ ܡܢ ܒܒ̈ܠܝܐ܂ ܐܝܟ ܗܿܝ ܕܛܒܝܐ ܝܣܪܝܠ
38:25 ܥܠ ܪ̈ܡܬܟ܂
38:26 ܢܕܬܐ܃ ܓܥܝܨܘܬܐ܂

next