The Comprehensive Aramaic Lexicon

40:01	ܕܒܝܬ ܚܡ̈ܠܐ܃ ܘܚܦܝ ܒܐܦܝ̈ܗܘܢ܂ ܥܠ ܕܐܦ ܥܢܒ̈ܐ
40:02	ܡܬܩܪܝܢ ܗܠܝܢ ܕܐܝܬܝܗܘܢ ܒܝܬ ܚܡ̈ܠܐ ܕܢܚ̈ܬܐ ܪ̈ܫܝܐ܃
40:03	ܒܕܡܘܬ ܩܒ̈ܘܬܐ ܐܘ ܣܒ̈ܛܐ ܐܘ ܡܪ̈ܣܘܦܐ ܪܘܪ̈ܒܐ܂
40:04	ܗܢܘ܂ ܕܐܦ ܗܼܢܘܢ ܗܟܢ ܡܬܪܒܨܝܢ ܘܡܬܚܦܝܢ ܒܥܩ̈ܬܐ
40:05	ܐܝܟ ܡܐܢܐ ܒܗܠܝܢ܂ ܒܪܡ ܣܘܟܠܐ ܫܪܝܪܐ ܗܿܘ
40:06	ܩܕܡܝܐ ܐܝܬܘܗܝ܂
40:07	ܕܝܪܗ ܕܝܥܩܘܒ ܠܟܠܗܿ ܐܪܥܗܘܢ ܘܠܥܡܘܪ̈ܝܗܿ
40:08	ܩܿܪܐ
40:09	ܗܿܝ ܕܐܦ ܢܒ̈ܝܐ ܠܐ ܐܫܟܚܘ ܚܙܘܐ ܘܕܫܪܟܐ܂ ܥܠ
40:10	ܢܒ̈ܝܐ ܕܓ̈ܠܐ ܐܿܡܪ܃ ܕܡܛܥܝܢ ܗܘܘ ܒܥܡܐ ܕܡܢ ܐܠܗܐ
40:11	ܠܡ ܡܩܒܠܝܢ ܓܠܝܢܐ܂
40:12	ܗܿܝ ܕܓܕܡ ܩܪܢܗ܂ ܗܢܘ܂ ܚܝܠܬܢܘܬܗ܂ ܗܿܝ ܕܐܟܠܬ
40:13	ܐܝ̈ܕܘܗܝ܂ ܗܢܘ܂ ܠܠܐܘܬܗ ܘܠܦܘܠܚܢ ܐܝ̈ܕܘܗܝ
40:14	ܗܿܝ ܕܐܪܡܝ ܚܘܛܐ܂ ܚܘܛܐ ܥܠ ܡܫܘܚܬܐ ܢܿܣܒ ܟܬܒܐ܂
40:15	ܗܢܘ܂ ܕܐܝܟ ܕܒܚܘܛܐ ܘܒܡܫܘܚܬܐ ܡܫܚܗܿ ܠܐܘܪܫܠܡ
40:16	ܘܐܫܠܡܗܿ ܠܫܒ̈ܝܐ܂ ܐܝܟ ܕܩܕܡ ܐܡܼܪ܃ ܕܐܪܡܐ ܥܠ
40:17	ܐܘܪܫܠܡ ܚܘܛܐ ܕܫܡܪܝܢ܃ ܘܡܬܩܘܠܬܐ ܕܒܝܬ ܐܚܒ܂
40:18	ܗܿܝ ܕܐܢ ܢܬܩܛܠ ܒܒܝܬܗ ܕܡܪܝܐ ܢܒܝܐ܂ ܠܐ
40:19	ܕܡܝܐ ܕܥܠ ܢܒܝܐ ܫܪܝܪܐ ܐܿܡܪ܃ ܥܠ ܕܐܦܠܐ ܢܒܝܐ
40:20	ܐܚܪܢܐ ܗܘܐ ܒܗܿܘ ܙܒܢܐ ܒܐܘܪܫܠܡ ܣܛܪ ܡܢ ܐܪܡܝܐ܃
40:21	ܘܒܒܒܠ ܚܙܩܝܐܝܠ
40:22	ܗܿܝ ܕܚܒܛܬ܃ ܢܦܠܐ ܥܠ ܚܒܛܐ ܘܥܠ ܪܫܫܐ
40:23	ܕܒܣܪܐ ܘܫܪ̈ܝܬܐ ܘܕܫܪܟܐ܂
40:24	ܗܿܝ ܕܒܝ ܢܬܘܒ ܘܢܗܦܟ ܐܝܕܗ ܟܠܗ ܝܘܡܐ܂ ܟܠܗ
40:25	ܝܘܡܐ ܠܐܡܝܢܘܬܐ ܕܒܝܫ̈ܬܐ ܩ̈ܪܐ܂ ܥܠ ܬܟܝܒܘܬܐ
40:26	ܕܥܩ̈ܬܐ ܕܒܥܠܕܒܒ̈ܐ ܕܕܠܐ ܣܒܥܘ ܡܫܥܒܕܝܢ ܠܗܘܢ
40:27	ܐܿܡܪ܃ ܕܡܐ ܕܡܫܪܝܢ ܗܘ ܘܡܫܡܠܝܢ܃ ܬܘܒ ܦܢܝܢ ܗܘܘ
40:28	ܥܠܝܗܘܢ ܠܡܫܪܝܘ܂ ܡܢ ܕܡܘܬܐ ܕܐܝܠܝܢ ܕܡܗܠܟܝܢ ܒܒܝܬ
40:29	ܗܠܟܬܐ܃ ܕܥܠ ܥܩܒ̈ܬܗܘܢ ܦܢܝܢ ܩܠܝܠܐܝܬ܃ ܐܘ ܕܢܫ̈ܐ
40:30	ܕܡܫ̈ܬܝܢ ܡ̈ܐܢܐ ܕܙܩܘܪܐ܂