← Back
The Comprehensive Aramaic Lexicon
← Return to the Text Browser
click on the file description for more information
63103: IshJer p. 42

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


42:01 ܕܩܘܕܫܐ ܩܿܪܐ ܠܗܘܢ܃ ܡܛܠ ܒܝܬܝܗܘܬܗܘܢ ܕܠܘܬ
42:02 ܐܠܗܐ܂ ܐܝܟ ܗܿܝ ܕܟܐܦ̈ܐ ܗܘ̈ܝ ܩܕܝܫ̈ܬܐ ܘܕܫܪܟܐ܂ ܐܘ
42:03 ܐܝܟ ܕܩܿܪܐ ܠܟܐܦ̈ܐ ܕܦܕܬܐ ܘܕܦܪܝܣܐ ܟܐܦ̈ܐ ܕܩܘܕܫܐ
42:04 ܠܘ ܡܢ ܟܝܢܗܝܢ ܐܠܐ ܒܕܐܬܦܪܫܘ ܠܬܫܡܫܬܐ ܕܐܠܗܐ܂
42:05 ܓܠܝ̈ ܐܝܟ ܝܪܘܪ̈ܐ ܬܕܝ̈ܗܝܢ ܘܕܫܪܟܐ܂ ܠܝܪܘܪ̈ܐ ܐܝܬ
42:06 ܬܪ̈ܝܢ ܬܕ̈ܝܐ ܒܚܕܝ̈ܗܝܢ ܐܝܟ ܕܢܫ̈ܐ܃ ܘܠܘ ܐܝܟ ܕܚܝ̈ܘܬܐ܂
42:07 ܘܒܚܘܪ̈ܒܐ ܡܒ̈ܥܕܐ ܥܡܪ̈ܢ܃ ܘܡܬܟܬܫ̈ܢ ܡܛܠ ܡܘܬܐ
42:08 ܕܒܢܝܗܝܢ ܐܝܟ ܕܐܡܪܢܢ ܡܢ ܠܥܠ܂ ܟܐܡܬ ܕܒܢ̈ܬ ܨܗܝܘܢ
42:09 ܫܒ̈ܝܚܬܐ ܠܗܢܐ ܨܥܪܐ ܐܬܡ̈ܛܝܝܢ ܩܕܡ ܪ̈ܕܘܦܐ܃ ܐܝܟܢܐ
42:10 ܕܒܕܡܘܬ ܝܪܘܪ܃ܐ ܢܓ̈ܠܝܢ ܬܕܝ̈ܗܝܢ ܩܕܡ ܟܠܢܫ ܘܢܝܢܩ̈ܢ ܒܢܝܗܝܢ܂
42:11 ܕܟܝܘ ܢܙܝܪ̈ܝܗܿ ܡܢ ܬܠܓܐ܃ ܘܚܘܪܘ ܡܢ ܚܠܒܐ
42:12 ܒܡܪ̈ܥܝܬܗܘܢ܂ ܟܐܡܬ ܗܿܢܘܢ ܕܗܟܢ ܗܘܼܘ ܒܥܡܐ܃ ܗܐ
42:13 ܡܬܚ̈ܣܝܢ ܒܓܘܫ̈ܡܝܗܘܢ ܐܬܘ̈ܬܐ ܕܫܘܚܠܦܝ̈ܗܘܢ܂ ܐܦ
42:14 ܣܪܕܘܢ ܘܣܦܝܠܐ ܠܢܙܝܪ̈ܐ ܩܿܪܐ܂ ܣܪܕܘܢ ܝܩܘܢܕܐ܂
42:15 ܣܦܝܠܐ ܠܐܙܘܪܕ܂ ܗܢܘ܂ ܡܢ܂ ܩܕܝܡ ܚܘܪ̈ܝܢ ܗܘܘ ܐܝܟ
42:16 ܚܠܒܐ܃ ܘܗܫܐ ܗܘܼܘ ܡܦ̈ܬܟܐ ܐܝܟ ܗܠܝܢ ܟܐܦ̈ܐ܂
42:17 ܢܕܘ ܪܘܪ̈ܒܢܝܗܿ܂ ܗܢܘ܂ ܐܬܬܙܝܥܘ ܘܬܘܪܘ ܡܢ ܕܚܠܬܐ܂
42:18 ܗܿܝ ܕܠܐ ܐܫܟܚܘ ܕܢܩܪܒܘܢ ܠܠܒܘܫ̈ܝܗܘܢ܂ ܗܢܘ܂ ܠܠܒܘܫ̈ܐ
42:19 ܕܝܣܪ̈ܠܝܐ܃ ܘܢܫܠܚܘܢ ܢܚ̈ܬܝܗܘܢ ܐܝܟ ܥܝܕܐ ܕܩܪ̈ܒܬܢܐ܃
42:20 ܡܛܠ ܕܡܚܒܠܝܢ ܗܘܘ ܒܕܡܐ܂
42:21 ܗܿܝ ܕܦܪܨܘܦܗ ܕܡܪܝܐ ܦܠܓ ܐܢܘܢ܂ ܗܢܘ܂ ܥܠܬܐ
42:22 ܕܠܐ ܐܬܘ ܡܨܪ̈ܝܐ ܠܥܘܕܪܢܐ ܕܝܣܪ̈ܠܝܐ ܐܠܗܐ ܐܝܬܘܗܝ܃
42:23 ܗܿܘ ܕܒܝܕ ܓܠܝܢܗ ܐܪܡܝ ܕܚܠܬܐ ܒܡܨܪ̈ܝܐ܃ ܕܦܠܓ
42:24 ܐܢܘܢ ܡܢ ܚ̈ܕܕܐ ܠܗܘܢ ܘܠܝܗܘ̈ܕܝܐ܂
42:25 ܨܕܘ ܠܕܕܩܕ̈ܩܝܢ܂ ܗܢܘ܂ ܠܝܢܘܩ̈ܐ ܕܗܝܕܝܟ ܫܪܝܘ
42:26 ܠܡܗܠܟܘ ܒܦܠܛܘ̈ܬܐ܂
42:27 ܪܘܚܐ ܕܐܦܝ̈ܢ ܡܫܝܚܗ ܕܡܪܝܐ܂ ܠܨܕܩܝܐ ܩܿܪܐ܃
42:28 ܕܐܬܬܚܼܕ ܒܐܝ̈ܕܝ ܒܒ̈ܠܝܐ ܐܝܟ ܕܒܓܘܡܨܐ܂ ܪܘܚܐ
42:29 ܕܐܦܝ̈ܗܘܢ ܩܿܪܐ ܠܗ ܐܝܟ ܕܒܕܡܘܬܐ܃ ܕܐܝܟܢܐ ܕܐܐܪ
42:30 ܗܢܝܐ ܢܿܫܒ ܒܢ ܒܐܡܝܢܘ܃ ܘܒܝܕ ܣܘܩܐ ܕܡܢܗ ܡܚܐ ܠܢ

next