← Back
The Comprehensive Aramaic Lexicon
← Return to the Text Browser
click on the file description for more information
63104: IshIsa p. 13

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


13:01 ‍{‍14‍}‍ ܗܐ ܒܬܘܠܬܐ ܒܛܢܐ ܘܕܫܪܟܐ܂ ܗܢܘ܂ ܗܕܐ ܬܗܘܐ
13:02 ܠܟܘܢ ܐܬܐ ܕܒܛܝܠܘܬܝ ܟܠܗܿ ܕܡܢ ܫܘܪܝܐ ܗܘܼܬ ܥܠ
13:03 ܓܢܣܟܘܢ܃ ܕܡܢ ܒܬܘܠܬܐ ܕܠܐ ܙܘܘܓܐ ܡܬܝܠܕ ܗܿܘ ܕܥܬܝܕ
13:04 ܠܡܗܘܐ ܡܥܡܪܐ/#2#/ ܠܟܝܢܐ ܐܠܗܝܐ܃ ܘܡܚܘܐ ܒܗ ܕܥܡܢ
13:05 ܗܘ ܐܠܗܢ܂ ܥܕܡܐ ܓܝܪ ܕܗܼܘ ܕܢܿܚ ܡܢܟܘܢ܃ ܟܕ/#2#/ ܠܐ
13:06 ܡܫܬܒܩܝܬܘܢ ܡܢ ܒܛܝܠܘܬܐ ܐܠܗܝܬܐ܂
13:07 ‍{‍15‍}‍ ܚܐܘܬܐ ܘܕܒܫܐ ܢܐܟܘܠ܂ ܒܝܕ ܡܐܟܠܘܬܐ ܦܓܪܢܝܬܐ
13:08 ܪܡܿܙ ܥܠ ܗܿܝ ܕܪܘܚ܂ ܗܢܘ܂ ܡܬܡܠܐ ܪܘܚܐ ܕܩܘܕܫܐ ܫܦܝܥܐܝܬ܂
13:09 ‍{‍16‍}‍ ܡܛܠ ܕܥܕܠܐ ܢܕܥ ܛܠܝܐ ܠܡܣܠܝܘ ܘܕܫܪܟܐ܂ ܗܢܘ
13:10 ܥܕܡܐ ܕܡܬܝܠܕ ܗܿܘ ܕܒܟܘܢ ܟܣܐ܂ ܘܩܪܝܒ ܕܢܦܪܘܫ ܒܝܬ
13:11 ܛܒ ܠܒܝܫ܃ ܠܐ ܡܫܬܒܩܐ ܐܪܥܐ ܗܕܐ ܡܢ ܐܠܗܐ܃ ܘܠܐ
13:12 ܡܫܬܒܝܐ ܡܢ ܗܠܝܢ ܬܪ̈ܝܢ ܡ̈ܠܟܐ ܕܣܠܩܘ ܥܠܝܟܘܢ ܐܝܟ
13:13 ܡܣܒܪܢܘܬܟܘܢ܂ ܒܫܢܬܐ ܓܝܪ ܕܐܬܝܠܕ ܡܪܢ ܐܬܟܕܢܬ
13:14 ܐܪܥܗܘܢ ܒܟܣܦ ܪܫܐ ܕܪ̈ܗܘܡܝܐ܂ ܘܐܬܘ ܗܓܡܘ̈ܢܐ
13:15 ܘܕܝ̈ܢܐ ܪ̈ܗܘܡܝܐ܂ ܝܘܢܝܐ܃ ܡܛܠ ܕܥܕܠܐ ܢܕܥ ܛܠܝܐ ܛܒܬܐ
13:16 ܘܒܝܫܬܐ܃ ܡܣܠܐ ܒܝܫܬܐ ܘܢܓܒܐ ܛܒܬܐ܂
13:17 ‍{‍18‍}‍ ܢܫܪܩ ܡܪܝܐ ܠܕܒ̈ܒܐ ܘܕܫܪܟܐ܂ ܕܒ̈ܒܐ ܠܡܨܪ̈ܝܐ
13:18 ܩܿܪܐ܂ ܡܛܠ ܠܙܝܙܘܬܗܘܢ ܣܓܝܐܬܐ܂ ܘܫܝܛܘܬܗܘܢ
13:19 ܘܓܘܢܗܘܢ܂ ܘܕܒܘܪ̈ܝܬܐ ܠܐܬܘܪ̈ܝܐ܂ ܡܛܠ ܚܝܠܬܢܘܬܗܘܢ
13:20 ܘܩܫܝܘܬ ܡܪܚܘܬܗܘܢ ܘܪܒܘܬ ܡܠܟܘܬܗܘܢ܂ ܬܘܒ ܡܛܠ
13:21 ܩܪܝܒܘܬ ܐܒܕܢܗܘܢ܂ ܒܗܿܝ ܕܐܟܙܢܐ ܕܕܒܘܪܬܐ ܡܐ ܕܡܚܝܐ
13:22 ܐܦܢ ܩܫܝܐܝܬ܃ ܦܝܫܐ ܥܘܩܣܗܿ ܒܓܘܫܡܐ ܘܗܼܝ ܡܝܬܐ܃ ܗܟܢ
13:23 ܘܐܬܘܪܝܐ ܐܡܬܝ ܕܕܒܿܪ ܠܥܣܪܐ ܫܒ̈ܛܝܢ܃ ܐܬܼܐ ܥܠ ܐܘܪܫܠܡ
13:24 ܘܡܝܬܘ ܚܝܠܘܼ̈ܬܗ ܘܕܫܪܟܐ܂
13:25 ‍{‍19‍}‍ ܚܠܦ ܢܚܠܐ ܕܝܬܘܬ܃ ܒܢܚ̈ܠܝܗܿ ܕܐܪܥܐ ܐܿܡܪ ܝܘܢܝܐ܂
13:26 ‍{‍20‍}‍ ܢܓܪܘܥ ܡܪܝܐ ܒܡܕܟܝܐ ܪܘܝܐ܂ ܗܢܘ܂ ܒܐܬܘܪܝܐ
13:27 ܢܚܪܘܒ ܠܒܢܝ ܪܘܒܝܠ ܘܓܕ ܩܕܡܝܬ ܕܒܥܒܪ ܢܗܪܐ܂ ܘܟܢ ܠܟܠܗܘܢ
13:28 ܢܚܪܘܒ܂ ܕܩܢܗ܂ ܗܢܘ܂ ܐܦ ܠܡ̈ܨܥܝܐ ܕܥܡܐ ܢܚܪܘܒ܂ ܐܝܟ
13:29 ܐܚܪ̈ܢܐ܃ ܘܐܝܟ ܝܘܢܝܐ܃ ܢܓܪܘܥ ܡܪܝܐ ܘܕܫܪܟܐ܂ ܠܡܠܟܐ

next