← Back
The Comprehensive Aramaic Lexicon
← Return to the Text Browser
click on the file description for more information
63104: IshIsa p. 30

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


30:01 ‍{‍10‍}‍ ܗܿܝ ܕܠܝܬ ܬܘܒ ܗܫܐ ܕܕܚܿܩ ܠܟܝ܃ ܥܠ ܕܥܩܝܪܐ ܐܢܬܝ
30:02 ܚܕܐ ܙܒܢ ܡܢ ܐܪܥܟܝ܂
30:03 ‍{‍15‍}‍ ܬܛܥܐ ܨܘܪ ܫܒܥܝܢ ܫ̈ܢܝܢ܂ ܗܢܘ܂ ܟܡܐ ܕܐܝܬ ܠܗܿ
30:04 ܠܒܒܠ ܕܬܩܘܐ ܒܡܠܟܘܬܗܿ܂
30:05 ‍{‍15ܣܣ‍}‍ ܙܢܝܬܐ ܩܪܗܿ܂ ܗܢܘ܂ ܕܐܝܟ ܙܢܝܬܐ ܡܚܬܚܬܐ ܠܟܠ
30:06 ܠܘܬ ܬܐܓܘܪܬܗܿ܂ ܘܡܿܢܘ ܕܙܡܪܝܢ ܠܗܿ ܐܿܡܪ܂ ܣܒܝ ܟܢܪܐ
30:07 ܘܐܬܟܪܟܝ ‍<‍ܗܢܘ܂#2#‍>‍ ܒܬܪ ܦܘܢܝܗܿ܂ ܐܓܝܪ̈ܬܗܿ܃ ܟܗܝܢܘܬܗܿ ܘܬܐܓܘܪܬܗܿ܂
30:08 ܗܿܝ ܕܬܙܢܐ ܒܟܠܗܝܢ܂ ܗܢܘ܂ ܬܦܠܘܚ ܘܬܬܓܪ ܥܡ ܟܠܗܘܢ
30:09 ܡܠܟ̈ܐ ܘܥܡܡ̈ܐ ܕܬܚܘܬܝܗܘܢ܂
30:10 ‍{‍18‍}‍ ܩܘܕܫܐ ܠܡܪܝܐ܂ ܗܢܘ܂ ܡܐ ܕܦܢܝܐ ܡܘܒܠܐ ܩܘܪ̈ܒܢܐ
30:11 ܠܗܝܟܠܐ ܕܒܐܘܪܫܠܡ܂ ܒܕܝܠܦܐ ܕܡܛܠ ܥܡܐ ܐܬܝܗܒ ܦܘܢܝܐ
30:12 ܠܥܡܡ̈ܐ ܐܚܪ̈ܢܐ܂ ܠܘ ܠܡ ܐܝܟ ܡܿܢ ܕܨܘܪ ܥܒܕܐ ܗܕܐ ܐܡܼܪܘ܃
30:13 ܐܠܐ ܥܠ ܕܒܝܬ ܓܘܓ ‍{‍ܟܢܫ‍}‍‍<‍ܕܟܢܫ#2#‍>‍ ܥܘܬܪܗܿ ܕܨܘܪ ܘܕܡܕܝ̈ܢܬܐ܂ ܐܼܙܠ
30:14 ܢܦܼܠ ܚܕܪ̈ܝ ܐܘܪܫܠܡ܃ ܘܟܠܡܐ ܕܟܢܫ ܐܥܠ ܥܡܐ ܠܒܝܬܗ ܕܐܠܗܐ܂
30:15 ‍{‍XXIV܂ 1‍}‍ ܥܠ ܗܕܐ ܡܬܢܒܐ܂ ܗܐ ܡܪܝܐ ܡܚܒܠ ܐܪܥܐ
30:16 ܕܥܣܪܐ ܫܒܛܝܢ ‍{‍ܕܒܝܕ‍}‍‍<‍ܒܝܕ#2#‍>‍ ܐܬܘܪ̈ܝܐ܂
30:17 ‍{‍16‍}‍ ܚܝܠܐ ܐܠܗܝܐ ܕܢܩܝܦ ܠܚܙܩܝܐ ܕܐܿܡܪ܂ ܐܪܙ ܠܝ܃ ܐܪܙ
30:18 ܠܝ܂ ܗܢܘ܂ ܟܣܐ ܗܘ ܢܝܫܐ ܕܣܘܥܪܢܐ ܗܢܐ ܕܐܣܬܥܪ ܠܘܬ
30:19 ܚܙܩܝܐ܃ ܐܝܟ ܫܪܟܐ ܕܟܠܗܘܢ ܣܘܥܪ̈ܢܝ܂ ܘܐܝܟ ܕܒܐܪܙܐ
30:20 ܡܕܡ ܢܛܝܪ ܗܘܐ ܕܢܬܓܠܐ ܒܙܒܢܗ܂ ܟܐܡܬ ܡܛܠ ܫܘܘ̈ܕܝܐ
30:21 ܕܠܘܬ ܕܘܝܕ ܘܐܒܪܗܡ܃ ܡܥܕܪ ܐܢܐ ܠܗܠܝܢ ܕܡܢܗܘܢ܂ ܐܝܟ
30:22 ܗܿܝ ܕܐܓܢ ܥܠ ܩܪܝܬܐ ܗܕܐ ܡܛܠܬܝ ܘܕܫܪܟܐ܂
30:23 ܐܘܝ ܠܝ ܥܘ̈ܠܐ܂ ܐܝܟ ܗܿܘ ܕܥܣܪܐ ܫܒ̈ܛܝܢ ܕܐܫܬܒܝܘ
30:24 ܠܐܬܘܪ ܐܡܪܝܢ ܕܘܝ ܠܢ ܥܠ ‍{‍ܡܛܠ‍}‍‍<‍ܕܡܛܠ#2#‍>‍ ܥܘܼܠܐ ܕܐܥܘܠܢ/ܕܐܥܘܠ#2#/ ܒܕܚܠܬܗ
30:25 ܕܡܪܝܐ܃ ܓܠܝܙܝܢܢ ܡܢ ܒܘܣܡܐ ܕܐܚ̈ܝܢ ܕܒܐܘܪܫܠܡ܂
30:26 ‍{‍18‍}‍ ܡܣܘ̈ܟܐ܂ ܗܢܘ܂ ܡܫܪܝܬܗ ܕܐܬܘܪܝܐ܂
30:27 ‍{‍21‍}‍ ܗܿܝ ܕܢܦܩܘܕ ܥܠ ܚܝ̈ܠܐ ܕܪܘܡܐ܃ ܥܠ ܚܪܒܐ ܕܐܬܘܪܝܐ
30:28 ܒܐܝܕܐ ܕܪܘܚܢܐ ܕܚܼܪܒ ܐܢܘܢ܂

next