← Back
The Comprehensive Aramaic Lexicon
← Return to the Text Browser
click on the file description for more information
63104: IshIsa p. 47

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


47:01 ܘܦܪܝܫܘܬܗ ܐܝܟ ܕܐܦ ܚܙܐܝܠ ܡܠܟܐ ܕܐܕܘܡ ܘܕܒܝܬ
47:02 ܐܒܪܗܡ܂ ܐܬܩܪܝܘ ܡܫܝ̈ܚܐ܂
47:03 ‍{‍4ܣ‍}‍ ܗܿܝ ܕܩܪܝܬܟ ܒܫܡܟ ܘܟܢܝܬܟ ܘܠܐ ܝܕܥܬܢܝ܂ ܠܟܘܪܫ
47:04 ܐܿܡܪ܂ ܗܢܘ܂ ܗܢܐ ܟܠܗ ܝܩܪܬܟ ܠܥܠ ܡܢ ܟܠ܃ ܐܝܟ ܕܐܦ ܩܕܡ
47:05 ܕܬܗܘܐ ܐܘܕܥܬ ܫܡܟ܂ ܘܦܪܫܬܟ ܕܒܐܝ̈ܕܝܟ ܐܨܝܒ ܚܪܘܪ̈ܐ
47:06 ܠܥܡܝ܂ ܗܿܘ ܕܠܝ ܓܒܐ܂ ܘܟܕ ܐܢܐ ܒܝܕ ܢܒ̈ܝܝ ܗܢܐ ܟܠܗ ܝܩܪܬܟ܃
47:07 ܐܢܬ ܠܐ ܐܬܩܪܒܬ ܠܝܕܥܬܝ܂ ܘܐܥܫܢܬܟ ܥܠ ܥܡܡ̈ܐ܃ ܘܐܢܬ
47:08 ܠܐ ܨܒܝܬ ܕܠܝ ܬܕܥ ܡܪܐ ܘܒܪܘܝܐ ܕܟܠ܂ ܐܠܐ ܐܦ ܠܐܚܪ̈ܢܐ
47:09 ܥܡܝ ܫܡܗܬ ܐܠܗܐ܂ ܐܢܫ̈ܝܢ ܐܡܪܝܢ܃ ܕܥܠ ܕܐܗܡܝ ܟܘܪܫ ܡܢ
47:10 ܒܢܝܢ ܒܝܬܐ܃ ܥܿܕܠ ܠܗ ܗܫܐ ܢܒܝܐ܂ ܐܚܪ̈ܢܐ܃ ܥܠ ܕܣܼܓܕ ܠܡ
47:11 ܠܢܘܪܐ ܕܐܫܟܚܘ ܟܗ̈ܢܐ ܒܓܘܒܐ ܕܣܝܢܐ ܪܫܿܐ ܠܗ܂ ܩܛܪܝܐ܃
47:12 ܥܠ ܠܡ ܕܒܟܠܗ ܗܢܐ ‍{‍ܬܬܝܩܪ‍}‍‍<‍ܐܬܝܩܪ#2#‍>‍܃ ܘܕܢܝܐܝܠ ܗܿܢܝܢ ܗܠܝܢ ܩܕܡܘܗܝ
47:13 ܬܢܐ ܗܘܐ܃ ܘܬܕܡܪ̈ܬܐ ܕܡܣܬܥܪ̈ܢ ܗܘ̈ܝ ܩܕܡܘܗܝ ܒܝܕ
47:14 ܕܢܝܐܝܠ ܡܫܪܪ̈ܢ ܗܘ̈ܝ ܠܗܠܝܢ ܕܒܡ̈ܠܐ ܡܛܐܡܪ̈ܢ ܗܘ̈ܝ
47:15 ܠܗ܃ ܘܗܿܘ ܒܬܪ ܗܠܝܢ ܟܠܗܝܢ ܠܐ ܫܒܼܩ ܕܚܠܬܐ ܕܐܒܗ̈ܘܗܝ܂
47:16 ܙܕܩܐܝܬ ܐܦ ܢܒܝܐ܃ ܐܝܟ ܡܐ ܕܐܘܕܥ ܗܿܢܝܢ ܕܒܐܝܕܘ̈ܗܝ
47:17 ܗܘ̈ܝܢ܂ ܗܟܢܐ ܐܦ ܨܿܒܐ ‍{‍ܢܚܘܐ‍}‍‍<‍ܕܢܚܘܐ#2#‍>‍ ܠܐ ܡܬܛܦܝܣܢܘܬܗ ܕܠܫܪܪܐ
47:18 ܕܕܚܠܬ ܐܠܗܐ܂
47:19 ‍{‍6‍}‍ ܘܟܕ ܗܼܘ ܗܟܢܐ ܗܘ܃ ܠܡܘܢ ܡܟܝܠ ܡܢܨܚ ܐܢܬ ܠܗ
47:20 ܐܿܡܪ܂ ܕܢܕܥܘܢ ܡܢ ܡܕܢܚܝ̈ ܫܡܫܐ ܘܕܫܪܟܐ܂ ܗܢܘ܂ ܒܝܕ
47:21 ܗܠܝܢ ܕܣܿܥܪ ܐܢܐ ܒܐܝܕܘ̈ܗܝ ܠܘܬ ܥܡܝ܃ ܢܬܩܪܒܘܢ ܨܝܕܝ̈
47:22 ܟܠܗܘܢ ܥܡ̈ܐ܂
47:23 ‍{‍7‍}‍ ܕܓܒܼܠ ܢܘܗܪܐ ܠܥܡܐ܂ ܘܒܼܪܐ ܚܫܘܟܐ ܠܒܒ̈ܠܝܐ܂ ܐܘ
47:24 ܥܠ ܫܒܝܐ ܘܦܘܢܝܐ ܐܿܡܪ܂ ܥܒܼܕ ܫܠܡܐ ܠܥܡܐ܂ ܘܒܼܪܐ ܒܝܫܬܐ
47:25 ܠܒܒ̈ܠܝܐ܂ ܘܐܟܙܢܐ ܕܫܠܡܐ ܠܝܬ ܠܗ ܩܢܘܡܐ܂ ܗܟܢܐ
47:26 ܐܦܠܐ ܒܝܫܬܐ ܕܒܟܝܢܐ ܒܼܪܐ ܐܠܗܐ܂ ܐܢܐ ܠܡ ܐܝܬܝ ܗܿܘ
47:27 ܕܠܙܕܝ̈ܩܝ ܐܩܝܡܬ ܒܫܝܢܐ ܥܡܝܩܐ ܘܠܒܒ̈ܠܝܐ ܐܩܝܡܬ
47:28 ܒܟܠܙܢܝ̈ܢ ܕܥܩ̈ܬܐ܂

next