← Back
The Comprehensive Aramaic Lexicon
← Return to the Text Browser
click on the file description for more information
63104: IshIsa p. 53

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


53:01 ‍{‍9‍}‍ ܝܗܼܒ ܪܫܝܥܐ ܩܒܪܗ܂ ܗܢܘ܂ ܦܬܓܡܐ ܗܘ ܕܗܦܝܟ܂
53:02 ܣܘܟܠܗ ܕܝܢ ܗܿܢܘ܂ ܝܗܼܒ ܥܬܝܪܐ ܩܒܪܗ܂ ܗܢܘ ܝܘܣܦ ܒܘܠܘܛܐ܂
53:03 ܘܪܫܝܥܐ ܒܡܘܬܗ܂ ܗܢܘ܂ ܦܝܠܛܘܣ ܕܝܗܼܒ ܦܓܪܗ ܠܝܘܣܦ
53:04 ܕܢܩܒܪܗ܂ ܕܢܝܐܝܠ ܒܪ ܛܘܒܢܝܬܐ܃ ܝܗܼܒ ܪܫܝܥܐ ܦܝܠܛܘܣ
53:05 ܡܘܬܗ ܒܙܩܝܦܐ܂ ܘܥܬܝܪܐ ܒܘܠܘܛܐ ܩܒܪܐ ܕܒܓܢܬܐ܂
53:06 ܬܪܝܨܐܝܬ ܕܝܢ ܗܟܢ ܡܣܬܟܠ܂ ܝܗܒܘ ܪ̈ܫܝܥܐ ܝܗܘ̈ܕܝܐ ܘܕܒܝܬ
53:07 ܦܝܠܛܘܣ ܩܛܠܗ܂ ܗܕܐ ܗܝ ܗܿܝ ܕܩܒܪܗ܂ ܘܥܬܝܪ̈ܝ ܒܡܗܝܡܢܘܬܐ/ܒܗܝܡܢܘܬܐ#2#/
53:08 ܡܗ̈ܝܡܢܐ ܒܡܘܬܗ ܚܝܘ܂ ܐܘ ܝܗܒܘ ܪ̈ܫܝܥܐ ܙܩܘ̈ܦܐ
53:09 ܩܛܠܗ܂ ܥܬܝܪ̈ܐ ܝܘܣܦ ܒܘܠܘܛܐ ܘܢܝܩܕܡܘܣ ܡܘܬܗ ܝܩܪܘ
53:10 ܒܚܘܢܛܬܐ ܘܒܟܬܢܐ ܘܕܫܪܟܐ܂ ܝܘܢܝܐ܃ ܐܬܠ ܪ̈ܫܝܥܐ
53:11 ܚܠܦ ܡܘܬܗ ܘܥܬܝܪ̈ܐ ܚܠܦ ܩܒܘܪܬܗ܂ ܗܢܘ܂ ܐܬܒܥ ܕܝܢܐ
53:12 ܡܢ ܐܝܠܝܢ ܕܣܥܪܘ ܠܘܬܗ ܗܠܝܢ ܒܝܫ̈ܬܐ ܘܕܫܪܟܐ܂
53:13 ‍{‍10‍}‍ ܐܬܬܣܝܡ ܚܛܗܐ ܒܢܦܫܗ܂ ܗܢܘ܂ ܟܠ ܚ̈ܛܗܝܢ ܒܢܦܫܗ
53:14 ܢܬܬܣܝܡ ܦܘܪܥܢܗܘܢ܂ ܘܒܡܘܬܗ ܢܫܬܒܩܘܢ܂
53:15 ܕܢܚܙܐ ܙܪܥܐ܂ ܗܢܘ܂ ܡܬܝܗܒܐ ܠܗ܂ ܚܠܦ ܗܿܝ ܕܠܐ ܕܚܼܠ
53:16 ܘܐܫܬܐܠ ܡܢ ܡܘܬܐ܃ ܕܩܿܐܡ ܡܢ ܒܝܬ ܡܝ̈ܬܐ ܘܚܿܙܐ ܙܪܥܐ
53:17 ܕܡܠܦܢܘܬܗ ܕܣܿܓܐ ܘܡܟܬܪ ܒܥܠܡܐ܂
53:18 ‍{‍11‍}‍ ܘܡܢ ܥܡܠܐ ܠܡ ܘܚܫܐ ܕܩܢܘܡܗ܃ ܡܫܬܘܕܥ ܐܦ
53:19 ܠܚܫܐ ܕܟܠܗܘܢ ܡܝ̈ܘܬܐ܂ ܘܕܡܝܐ ܠܗܿܝ ܕܡܛܠ ܕܗܼܘ ܚܼܫ
53:20 ܘܐܬܢܣܝ܃ ܡܫܟܚ ܕܢܥܕܪ ܘܕܫܪܟܐ܂
53:21 ܥܒܼܕܐ ܗܘ ܕܣܓܝ̈ܐܐ܂ ܗܢܘ܂ ܕܟܕ ܡܪܐ ܗܘ܃ ܓܒܼܐ ܠܗ
53:22 ܕܐܝܟ ܥܒܕܐ ܢܫܡܫ܃ ܚܠܦ ܟܠܗ ܟܝܢܢ܃ ܡܣܬ ܕܢܚܪܪܝܘܗܝ ܡܢ
53:23 ܥܒܕܘܬܐ ܕܡܘܬܐ ܘܚܛܝܬܐ܂
53:24 ‍{‍12‍}‍ ܡܛܠ ܗܕܐ ܐܦܠܓܝܘܗܝ܂ ܗܢܘ܂ ܚܠܦ ܟܠܗ ܡܘܟܟܐ
53:25 ܕܣܝܒܪ ܡܛܠ ܒܢܝܝܢܫܐ܂ ܐܦܠܓܝܘܗܝ ܠܫܘܠܛܢܗ ܠܐܪܒܥ
53:26 ܦ̈ܢܝܢ ܕܒܪܝܬܐ܃ ܕܐܿܚܕ ܘܡܫܬܠܛ ܥܠ ܟܠ܂ ܡܬܐܡܪܐ ܕܝܢ
53:27 ܘܐܦ ܥܠ ܦܓܪܗ ܘܕܡܗ ܕܡܬܦܠܓ ܒܚܘܦܢܐ ܕܐܟܘ̈ܠܘܗܝ܂
53:28 ܘܠܥܫܝ̈ܢܐ ܢܦܠܓ ܒܙܬܐ܂ ܗܢܘ܂ ܐܝܩܪܗ ܕܐܕܡ ܕܐܫܬܩܠ
53:29 ܡܢ ܫ̈ܐܕܐ܃ ܡܦܢܐ ܘܝܿܗܒ ܠܒܢܘ̈ܗܝ܂ ܗܿܝ ܗܝ ܕܣܠܩܼܬ ܠܡܪܘܡܐ
53:30 ܘܫܒܼܝܬ ܫܒܝܬܐ ܘܕܫܪܟܐ܂

next