← Back
The Comprehensive Aramaic Lexicon
← Return to the Text Browser
click on the file description for more information
63105: IshDan p. 129

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


129:01 ܒܝ̈ܫܬܐ ܕܡܣܬܥܪ̈ܢ ܠܘܬܗܘܢ܃ ܕܒܟܐܢܘܬܐ ܗ̈ܘܝܢ܃
129:02 ܥܕ ܐܼܬܐ ܫܘܠܡܐ܂ ܡܛܠ ܕܥܕܟܝܠ ܙܒܢܐ ܢܓܝܪܐ ܐܝܬ
129:03 ܠܗܿ ܠܒܝܫܬܐ ܕܬܨܠܚ܂
129:04 ‍{‍36‍}‍ ܘܢܥܒܕ ܡܠܟܐ ܐܢܛܝܟܘܣ ܐܦܝܦܢܘܣ ܐܝܟ ܨܒܝܢܗ܂
129:05 ܗܢܘ܂ ܓܡܪ ܪܓܬܗ ܒܟܠ ܕܨܒܐ܂ ܘܥܠ ܐܠܗ ܐܠܗ̈ܝܢ
129:06 ܡܡܠܠ ܪܘܪ̈ܒܬܐ܃ ܘܗܿܝ ܕܐܡܼܪ ܥܠܘܗܝ ܠܥܠ܃ ܕܦܘܡܗ
129:07 ܡܡܠܠ ܪܘܪ̈ܒܬܐ܂ ܗܢܘ܂ ܡ̈ܠܐ ܕܨܿܥܪܐ ܘܕܓܘܕܦܐ܃
129:08 ‍{‍37‍}‍ ܘܥܠ ܪܓܬ ܢܫ̈ܐ ܘܥܠ ܟܠ ܐܠܗ ܠܐ ܢܬܚܫܒ܃ ܒܗܿܝ
129:09 ܕܫܼܛ ܠܟܠܗܘܢ ܦܬܟܪ̈ܐ ܕܐܒܗ̈ܘܗܝ ܘܒܛܠ ܐܦ ܕܚ̈ܠܬܐ
129:10 ܕܥܡܡ̈ܐ܃ ܟܕ ܦܩܼܕ ܒܢܦܝܚܘܬܗ ܕܢܫܒܩܘܢ ܟܠܗܘܢ
129:11 ܥܡܡ̈ܐ ܐܠܗܝ̈ܗܘܢ܃ ܘܠܗ ܒܠܚܘܕܘ̈ܗܝ ܢܚܫܒܘܢ
129:12 ܐܠܗܐ܂ ܘܫܼܛ ܬܘܒ ܐܦ ܠܪܓܬ ܢܫ̈ܐ ܒܫܢܝܘܬܗ܃ ܘܨܒܼܐ
129:13 ܕܢܣܒ ܠܢܢܝ ܐܠܗܬܐ܃ ܒܙܒܢܐ ܗܿܘ ܕܢܚܼܬ ܠܥܝܠܡ܃
129:14 ܕܢܫܩܘܠ ܕܗܒܐ ܕܫܡܼܥ ܕܫܒܼܩ ܐܠܟܣܢܕܪܘܣ ܬܡܢ܂ ܗܕܐ
129:15 ܕܝܢ ܢܢܝ ܐܝܟ ܕܐܡܪܝܢ܃ ܒܪܬܗ ܗܘܬ ܕܕܪܝܘܫ ܚܕ ܡܢ ܫܠܝ̈ܛܢܐ
129:16 ܕܒܥܝܠܡ܂ ܘܫܡܼܥ ܐܢܛܝܟܘܣ ܗܢܐ ܛܒܐ ܕܩܢܝܢܗܿ
129:17 ܘܕܗܒܗܿ܃ ܘܐܬܼܐ ܕܢܣܒܝܗܿ ܒܢܫ̈ܐ܂ ܗܼܝ ܕܝܢ ܫܕܪܬ ܒܢܟܠܐ
129:18 ܘܐܡܪܐ ܠܗ܃ ܠܐ \ܢܐܬܐ ܡܪܝ /ܢܐܬܐܡܪ#2#/ ܡܪܝܪܐܝܬ ܥܠ ܥܒܼ̈ܕܘܗܝ܃
129:19 ܥܠ ܕܐܢܐ ܐܦܝܣܬܗ ܠܐܒܝ ܕܠܐ ܢܦܘܩ ܥܠܝܟ ܠܩܪܒܐ܃
129:20 ܐܠܐ ܢܫܠܡ ܠܟ ܐܬܪܐ܃ ܘܐܢܐ ܐܗܘܐ ܠܟ ܐܢܢܬܐ܂
129:21 ܘܗܝܡܢܗܿ ܐܢܛܝܟܘܣ ܘܫܒܼܩ ܠܟܠܗ ܚܝܠܗ ܒܪܘܚܩܐ܂
129:22 ܘܐܬܼܐ ܗܼܘ ܘܐܢܫ̈ܐ ܙܥܘܪ̈ܐ ܥܡܗ܂ ܘܢܢܝ ܦܩܕܬ
129:23 ܠܥܒܼ̈ܕܝܗܿ ܕܢܬܒܘܢ ܥܠ ܬܪܥܐ ܕܡܓܕܠܐ܃ ܘܡܐ ܕܥܿܐܠ
129:24 ܢܪܓܡܘܢܝܗܝ ܒܟܐܦ̈ܐ܂ ܘܟܕ ܡܼܛܐ ܐܢܛܝܟܘܣ ܕܢܥܘܠ
129:25 ܒܬܪܥܐ܃ ܫܕܘ ܒܗ ܟܐܦ̈ܐ ܘܪܓܡܘܗܝ܂ ܘܐܢܫ̈ܐ ܕܥܡܗ
129:26 ܐܬܒܕܪܘ܃ ܘܗܼܘ ܥܪܩܼ ܒܒܗܬܬܐ ܡܢ ܬܡܢ܂ ܘܟܕ ܫܡܼܥ
129:27 ܟܠܗ ܐܬܪܐ ܢܨܚܢܐ ܗܢܐ ܕܥܒܕܬ ܢܢܝ܃ ܥܒܕܘ ܠܗܿ ܨܠܡܐ
129:28 ܥܠ ܫܡܗܿ܂ ܘܒܬܪܟܢ ܛܥܘ ܒܗ ܣܓܝ̈ܐܐ܂ ܐܟܡܢ ܕܐܠܗܬܐ
129:29 ܗܝ ܪܒܬܐ܂

next