← Back
The Comprehensive Aramaic Lexicon
← Return to the Text Browser
click on the file description for more information
63106: IshExod (Ishodad of Merv on Exodus)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


45:01 ܣܓܝ܂ ܚܕܐ܂ ܡܛܠ ܕܚܠܬܗ܂ ܕܬܪ̈ܬܝܢ ܕܐܠܨܐ ܗܘܬ ܕܟܕ ܩܪܝܒ
45:02 ܠܗܘܢ ܢܦܫܩ ܐܝܠܝܢ ܕܡܬܡ̈ܠܠܢ܂ ܘܒܗܿܝ ܕܬܪ̈ܬܝܢ ܝܫܘܥܒܪܢܘܢ
45:03 ܠܚܘܕ܂ ܘܒܬܠܝܬܝܬܐ ܗܼܘ ܒܠܚ̈ܘܕܘܗܝ܂
45:04 ܘܒܗܿܝ ܡܨܥܝܬܐ܃ ܥܠ ܒܥܢܢܐ ܫܬܐ ܝܘܡ̈ܝܢ ܐܝܟ ܥܘܠܐ
45:05 ܒܓܘ ܡܪܒܥܐ܂ ܘܐܬܬܨܝܪ ܩܕܡ ܥܝ̈ܢܘܗܝ ܟܣܝ̈ܬܐ ܬܘܩܢ
45:06 ܒܪ̈ܝܬܐ܂ ܘܒܕܫܒܥ ܕܐܝܬܘܗܝ ܐܪܙ ܝܘܡܐ ܫܒܝܥܝܐ܃ ܡܠܠ
45:07 ܥܡܗ ܐܠܗܐ ܘܝܗܼܒ ܠܗ ܬܪ̈ܬܝܢ ܠܘ̈ܚܐ܃ ܘܗܘܼܐ ܬܡܢ ܐܪܒܥܝܢ
45:08 ܠܠܝ ܐܝܡܡ܂ ܗܕܐ ܕܨܝܪܐ ܗܘܬ ܦܘܫܗ ܕܝܣܪܝܠ ܒܡܕܒܪܐ܂
45:09 ܘܦܘܫܐ ܕܕܟܪ̈ܐ ܕܠܐ ܢܦܫܐ ܒܡܪܒܥܐ܂ ܘܡܛܠ ܕܢܩܒܬܐ ܬܡܢܐܝܢ
45:10 ܝܘ̈ܡܝܢ ܙܒܢ ܫܘܡܠܝ ܨܘܪ̈ܬܗܿ܂ ܬܢܝܢܘܬ ܗܼܦܟ ܥܦ ܐܢܘܢ܂
45:11 ܝܫܘܥܒܪܢܘܢ ܕܝܢ ܒܗܿܢܘܢ ܐܪܒܥܝܢ ܝܘܡ̈ܝܢ ܒܡܢܢܐ ܐܬܬܪܣܝ܃
45:12 ܕܐܦ ܥܠ ܛܘܪܐ ܢܿܚܬ ܗܘܐ܂ ܬܘܒ ܒܓܘ ܥܢܢܐ ܩܘܝ ܡܘܫܐ܃
45:13 ܠܐܪܙ ܕܚܝܠܘܬܗ ܕܢܡܘܣܐ ܐܠܗܝܐ܂ ܘܕܠܘ ܐܪܥܢܝܐ ܗܘ ܘܐܢܫܝܐ܂
45:14 ܐܠܐ ܡܠܘܢ ܫܡܝܢܐ܂ ܬܘܒ ܐܪܙ ܓܠܝܢܗ ܕܒܥܢܢܐ ܘܕܚܛܘܦܝܐ
45:15 ܕܝܠܢ ܕܠܐܘܪܥܗ ܠܦܘܬ ܕܐܡܪܐ܂ ܘܒܨܘܡܐ ܐܪܙ ܕܘܒܪܐ ܫܡܝܢܐ
45:16 ܘܡܠܐܟܝܐ ܕܒܚܪܬܐ ܘܕܫܪܟܐ܂ ܘܒܐܪܒܥܝܢ ܐܪܙ ܚܝ̈ܐ ܪ̈ܘܚܢܝܐ
45:17 ܕܢܦܫܐ ܕܡܬܢܦܚܐ ܒܕܟܪܐ܂ ܘܒܐܪܒܥܝܢ ܬܢܝܢܘܬ܃ ܐܪܙ ܢܩܒܬܐ
45:18 ܘܕܫܪܟܐ܂ ܬܘܒ ܒܐܪܒܥܝܢ ܐܪܙ ܕܘܟܝ ܚܡܫܐ ܪ̈ܓܫܐ ܕܦܓܪܐ܂
45:19 ܚܡܫܐ ܓܝܪ ܒܬܡܢܝܐ ܡܢܝܢܐ ܡܩܠܣܐ ܠܐܪܒܥܝܢ ܡܫܡܠܝܢ
45:20 ܘܕܫܪܟܐ܂
45:21 ܥܠ ܠܘܚ̈ܐ ܕܟܐܦܐ ܐܬܝܗܒ ܢܡܘܣܐ܃ ܚܕܐ ܠܬܚܘܝܬ ܠܒܐ
45:22 ܩܫܝܐ ܘܟܐܦܢܐ ܕܝܗܘ̈ܕܝܐ܃ ܕܒܬܪ ܗܟܘܬ ܐܬܘ̈ܬܐ ܘܕܚܝ̈ܠܬܐ
45:23 ܠܐ ܐܬܛܦܝܣܘ ܠܡܕܥܗ ܐܠܐ ܚܠܦܘܗܝ ܒܥܓܠܐ܂ ܕܬܪ̈ܬܝܢ܃
45:24 ܥܠ ܕܢܛܝܪ ܗܘܐ ܐܪܙ ܢܡܘܣܐ ܚܕܬܐ ܕܢܬܪܫܡ ܥܠ ܠܘܚ̈ܐ
45:25 ܕܠܒܐ ܕܒܣܪܐ ܠܝܣܪܝܠ ܕܪܘܚ ܐܝܟ ܐܪܡܝܐ܃ ܕܐܬܠܝܘܗܝ ܠܡ
45:26 ܠܢܡܘܣܝ ܘܕܫܪܟܐ܂ ܕܬܠܬ܃ ܕܟܒܐ̈ܦܐ ܢܠܦܢ ܥܠ ܫܪܪܗ ܕܐܠܗܐ܂
45:27 ܕܟܠܗܝܢ ܐܝܠܝܢ ܕܦܩܕ܃ ܠܐ ܥܒܼܪ ܡܢܗܝܢ ܡܕܡ ܐܘ ܡܫܬܪܐ܂
45:28 ܬܪܝܢܘܬ ܠܘܚ̈ܐ ܛܘܦܣܐ ܗܘ̈ܝ ܕܦܓܪܐ ܘܕܢܦܫܐ܂ ܘܕܡܢ ܬܪ̈ܝܢ
45:29 ܣܛܪ̈ܝܢ ܟܬܝ̈ܒܢ ܗܘ̈ܝ܃ ܕܠܬܪ̈ܬܝܗܝܢ ܡܢܘ̈ܬܗ ܕܒܪܢܫܐ ܚܿܫܚ

next page