← Back
The Comprehensive Aramaic Lexicon
← Return to the Text Browser
click on the file description for more information
63107: IshLev p. 67

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


67:01 ܠܒܪ܂ ܗܿܝ ܕܝܢ ܕܐܡܼܪ ܕܠܐ ܒܙܒܢܗܿ܃ ܐܝܟ ܡܿܢ ܕܠܘ ܥܕܢܐ
67:02 ܗܘܐ ܕܒܣ̈ܡܐ܂ ܐܠܐ ܐܝܟ ܕܠܡܬܚܙܘܙܝܘ ܒܠܚܘܕ ܩܕܡ ܥܡܐ
67:03 ܢܦܩܘ ܐܝܬܝܘܗܿ܂ ܥܠ ܕܪܘܝܢ ܗܘܘ ܒܗܿܝ ܫܥܬܐ܂ ܗܿܝ ܕܝܢ
67:04 ܕܢܦܩܬ ܢܘܪܐ ܡܢ ܩܕܡ ܡܪܝܐ܂ ܗܢܘ܂ ܡܢ ܡܫܟܢܐ ܓܘܝܐ܂
67:05 ܐܝܟ ܡܿܢ ܕܗܢܘܢ ܒܡܫܟܢܐ ܒܪܝܐ ܗܼܘܘ܂ ܟܕ ܢܘܪܐ ܩܿܪܐܼ
67:06 ܠܒܪܩܐ ܡܕܡ ܕܨܦܼܚ ܥܠܝܗܘܢ ܘܐܦܩ ܢܦܫܬ̈ܗܘܢ ܟܕ ܠܐ
67:07 ‍{‍ܐܘܩܕܘ ܦܓܪ̈ܝܗܘܢ‍}‍ ‍<‍ܐܘܩܕ ܘܦܓܪ̈ܝܗܘܢ‍>‍ ܐܦܠܐ ܢܚܬܝܗ̈ܘܢ܂ ܒܪܩܐ ܕܝܢ ܡܐ
67:08 ܕܐܘܩܕ ܐܢܫ܃ ܠܐ ܡܚܪܟ ܠܗ܂ ܐܠܐ ܒܠܚܘܕ ܢܦܫܗ ܡܛܠܩ
67:09 ܡܢ ܦܓܪܗ܂
67:10 ܐܚܪ̈ܢܐ܃ ܕܠܐ ܥܕܟܝܠ ܐܟܠܘ ܘܠܐ ܐܫܬܝܘ ܒܗܿܘ ܙܒܢܐ܂
67:11 ܒܗܿܝ ܕܥܕܟܝܠ ܐܦܠܐ ܨܦܪܝܐ ܕܚܛ̈ܗܐ ܐܟܝܠ ܗܘܐ ܠܗܘܢ܂
67:12 ܘܝܕܝܥܐ ܡܢ ܗܿܝ ܕܟܕ ܬܒܥܗ ܡܘܫܐ ܘܐܫܬܟܚ ܕܝܩܝܕ ܗܘܐ܃
67:13 ܪܓܼܙ ܥܠ ܐܗܪܘܢ ܒܥܠܬܗ܂ ܘܦܢܝ ܗܼܘ ܘܐܡܼܪ܃ ܕܐܠܘ ܐܟܠܬ
67:14 ܚܛܗܐ ܝܘܡܢܐ ܘܕܫܪܟܐ܂ ܘܝܕܝܥܐ ܕܠܐ ܪܘܝܢ ܗܘܘ ܒܕܥܕܟܝܠ
67:15 ܨܦܪܐ ܗܘܐ܂ ܘܐܦ ܨܘܡܐ ܗܘܐ܂ ܘܐܦܠܐ ܦܐܝܐ ܗܘܬ
67:16 ܕܢܐܬܐ ܗܿܘ ܕܡܕܒܚ܃ ܘܗܢܘܢ ܪܘܝܢ܂ ܐܠܐ ܝܩܕܘ܃ ܥܠ ܕܟܕ
67:17 ܐܥܠܘ ܢܘܪܐ܃ ܠܐ ܫܐܠܘ ܒܡܘܫܐ ܘܐܗܪܘܢ܂ ܐܠܐ ܫܛܘ
67:18 ܘܒܣܪܘ ܥܠܝܗܘܢ܂ ܐܦ ܓܝܪ ܐܠܨܐ ܗܘܬ ܕܡܢ ܫܘܪܝܐ ܢܬܪܨ
67:19 ܡܪܝܐ ܕܢܙܗܪ ܠܡܣ̈ܟܠܢܐ܂ ܐܝܟ ܕܥܒܕܘ ܠܗܿܘ ܕܠܩܛ ܩܝ̈ܣܐ
67:20 ܒܫܒܬܐ܃ ܘܠܗܿܘ ܕܦܼܪܫ ܫܡܐ ܘܨܚܝ ܠܐܠܗܐ܂
67:21 ‍{‍3‍}‍ ܗܿܝ ܕܗܕܐ ܗܝ ܕܐܿܡܪ ܐܢܐ ‍{‍ܕܒܩܕܡ̈ܝܐ‍}‍‍<‍ܕܒܩܪ̈ܝܒܝ‍>‍ ܐܬܩܕܫ܃ ܠܘ
67:22 ܐܝܟ ܡܿܢ ܕܒܕܘܟܬܐ ܐܚܪܬܐ ܐܡܝܪܐ܂ ܐܠܐ ܨܿܒܐ ܕܢܐܡܪ܂
67:23 ܕܗܕܐ ܗܝ ܠܡ ܕܦܣܝܩܐ ܠܟܐܢܘܬܗ ܕܐܠܗܐ܂ ܕܐܦܢ ܢܗܘܐ
67:24 ܐܢܫ ܕܩܪܝܒ ܠܝ ܘܒܝܬܝ ܝܬܝܪ ܡܢ ܐܚܪ̈ܢܐ܃ ܘܢܨܛܠܐ ܠܘܬ
67:25 ܕܠܩܘܒܠܐ ܘܢܫܘܛ ܘܢܒܣܪ ܥܠ ܦܘܩ̈ܕܢܝܼ ܠܐ ܢܿܣܒ ܐܢܐ ܒܐܦ̈ܘܗܝ
67:26 ܐܠܐ ܡܦܩ ܐܢܐ ܥܠܘܗܝ ܓܙܪ ܕܝܢܐ܂ ܐܝܟ ܕܬܬܝܕܥ ܕܐܝܬܝ
67:27 ܩܕܝܫܐ ܘܕܠܐ ܡܘܡ ܒܟܐܢܘܬܝ܂
67:28 ܘܐܦ ܗܕܐ ܥܠ ܚܝܠܗ ܬܩܝܦܐ ܡܘܕܥܐ܃ ܕܐܝܟܢܐ ܢܛܪܬ

next