← Back
The Comprehensive Aramaic Lexicon
← Return to the Text Browser
click on the file description for more information
63107: IshLev p. 79

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


79:01 ܩܿܪܒ ܠܗܘܢ܂ ܨܒܼܐ ܗܫܐ ܕܒܡܚܙܐ ܥܝܢܐ ܘܓܫܝܡܐܝܬ ܢܒܕܩ
79:02 ܠܗܘܢ ܥܠ ܗܕܐ܂ ܠܗܿܢܘܢ ܕܒܫܒܪܘܬܗܘܢ ܠܥܝܢܝ̈ܗܘܢ
79:03 ܡܗܝܡܢܝܢ ܗܘܘ܂ ܝܬܝܪ ܡܢ ܕܠܝܕܥܬܐ ܕܒܡܫܡܥ ܐܕܢ̈ܐ܂
79:04 ܕܒܕܓܘܢ ܒܝܕ ܨܦܪܝܐ ܕܡܬܢܟܣܐ܂ ܠܬܪܥܘܬܐ ܐܠܗܝܬܐ
79:05 ܪܫܿܡ ܗܘܐ܂ ܘܒܗܿܝ ܐܚܪܬܐ ܡܩܒܠܬ ܚܛܗ̈ܐ܃ ܠܟܠܗܿ ܡܬܪܚܩܢܘܬܐ
79:06 ܕܥܘܠܗܘܢ ܕܒܝܕ ܡܘܕܝܢܘܬܐ܂ ܡܣܬ ܕܢܓܪܓ ܐܢܘܢ܃ ܕܢܗܘܘܢ
79:07 ܚܒܨܝܢ ܒܚܘܫܒܐ ܟܝܬ ܘܒܥܒܿܕܐ܂ ܠܘܬ ܬܪܥܘܬܐ ܐܠܗܝܬܐ܂
79:08 ܕܡܟܐ ܢܬܪܚܩ ܡܢܗܘܢ ܥܘܠܗܘܢ܃ ܘܡܐ ܕܡܬܪܚܩ ܥܘܠܐ܃
79:09 ܥܡܗ ܡܪܚܩ ܐܦ ܠܛܢܢܐ ܐܠܗܝܐ܃ ܗܢܐ ܕܐܬܟܢܝ ܥܙܝܙܘܬܐ܂
79:10 ܗܿܝ ܕܝܢ ܕܦܨܬܐ ܠܡܪܝܐ ܘܦܨܬܐ ܠܥܙܙܐܝܠ܂ ܐܝܟ ܥܝܕܐ
79:11 ܕܟܬܒܐ ܐܡܝܪܐ܂ ܕܦܣܝܩܐܝܬ ܟܡܐ ܙܒܢܝܢ܂ ܡܬܚܫܚ ܠܘܬ
79:12 ܡܠܬܐ܂ ܐܝܟ ܗܿܝ ܕܨܦܪܝܐ ܕܚܛ̈ܗܐ܂ ܗܢܘ܂ ܚܠܦ ܚܛ̈ܗܐ܂
79:13 ܘܗܿܝ ܕܒܝܘܡܐ ܕܡܬܢܟܣ ܦܨܚܐ܂ ܗܢܘ܂ ܐܡܪܐ ܕܦܨܚܐ܂ ܗܟܢ
79:14 ܘܬܢܢ ܠܥܙܙܐܝܠ܂ ܫܡ ܣܘܥܪܢܐ ܗܘ ܘܠܘ ܫܡ ܩܢܘܡܐ ܡܕܡ܂
79:15 ܘܣܿܗܕ ܕܗܼܘ ܪܘܟܒܗ ܕܫܡܐ܃ ܕܒܝܕ ܬܪ̈ܬܝܢ ܣܘ̈ܠܒܝܐ ܡܚܝܕܐܝܬ
79:16 ܥܙܝܙܘܬܐ ܐܠܗܝܬܐ ܡܒܕܩ܂ ܡܠܦ ܕܝܢ ܒܝܕ ܩܢܘܢܐ ܗܢܐ ܕܠܘܬܗ܃
79:17 ܥܠ ܡܪܚܩܢܘܬܐ ܕܥܙܝܙܘܬܐ ܐܠܗܝܬܐ܃ ܗܿܝ ܕܡܢܗ ܘܠܩܘܒܠܗ
79:18 ܕܥܘܠܐ ܡܬܥܙܙܐ ܗܘܬ܃ ܘܠܬܒܥܬܗ ܒܝܕ ܡܣܡ ܒܪܫܐ ܐܬܝܐ
79:19 ܗܘܬ܂ ܡܪܚܩܐ ܗܘܬ ܕܝܢ ܡܢܗ܂ ܐܡܬܝ ܕܥܘܠܐ ܡܙܝܥܢܗ
79:20 ܕܐܠܗܐ ܡܢ ܩܕܡ ܐܦܘ̈ܗܝ ܡܫܩܠ ܗܘܐ܃ ܡܟܬܪܐ ܕܝܢ ܠܘܬܗ
79:21 ܗܿܝ ܒܝܬܝܬܐ܂ ܗܢܘ܂ ܡܪܚܡܢܘܬܗ ܘܡܫܝܢܘܬܗ܂ ܗܿܝ ܕܝܢ
79:22 ܕܠܐܪܥܐ ܒܝܪܬܐ܂ ܕܐܟܙܢܐ ܠܡ ܕܗܿܝ ܒܝܕ ܕܠܐ ܡܬܦܠܚܐ
79:23 ܐܦܠܐ ܡܘܥܝܐ܃ ܡܟܢܐ ܐܦ ܥܘܠܐ ܟܡܐ ܕܠܐ ܡܬܦܠܚ
79:24 ܡܢܟܘܢ ܠܐ ܡܫܟܚ ܕܢܘܥܐ ܥܠܝܟܘܢ ܡܣܡ ܒܪ̈ܫܐ ܬܒܘ̈ܥܘܗܝ܀
79:25 ‍{‍1119‍}‍ ܦܩܕ ܕܝܢ ܠܡܪܣ ܡܢ ܕܡܐ ܕܕܒ̈ܚܐ ܥܠ ܨܒܘ̈ܬܐ
79:26 ܩܕܝܫ̈ܬܐ܃ ܕܢܚܘܐ ܐܢܘܢ ܕܟܡܐ ܒܝܫܐ ܚܛܝܬܐ܂ ܕܠܘ ܒܠܚܘܕ
79:27 ܠܣܘܥܪ̈ܢܐ ܡܛܡܐ܃ ܐܠܐ ܐܦ ܠܟܝ̈ܢܐ ܡܥܠܝ̈ܝ ܡܢ ܛܘܠܫܐ܂
79:28 ܐܝܟ ܗܿܝ ܕܐܡܼܪ ܚܓܝ ܢܒܝܐ ܠܟܗ̈ܢܐ܂ ܕܐܢ ܢܫܩܘܠ ܓܒܪܐ
79:29 ܩܘܕܫܐ ܒܟܢܦܐ ܕܡܪܛܘܛܐ ܘܕܫܪܟܐ ܕܦܣܘܩܐ܂

next