← Back
The Comprehensive Aramaic Lexicon
← Return to the Text Browser
click on the file description for more information
63108: IshNum p. 110

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


110:01 ܥܠܘܗܝ ܕܫܐܘܠ ܫܩܠܝܢ ‍{‍ܠܗ‍}‍‍<‍ܠܗܿ‍>‍܂ ܪܡܙܐ ܕܝܢ ܥܠ ܕܘܝܕ܂ ܥܗܼܕ ܕܝܢ
110:02 ܠܐܓܓ܃ ܕܒܥܠܬܢ ܚܘܣܢܐ ܕܥܠܘܗܝ܂ ܐܣܬܠܝ ܫܐܘܠ ܘܐܬܓܒܝ
110:03 ܕܘܝܕ܂ ܗܠܝܢ ܒܙܒܢܗܝܢ ܥܠ ܕܘܝܕ ܪ̈ܡܙܢ ܗܘ̈ܝ܂ ܚܬܝܬܐܝܬ ܕܝܢ
110:04 ܐܫܬܡܠܝ ܒܡܫܝܚܐ ܒܪܗ ܕܕܘܝܕ܃ ܗܿܘ ܕܓܒܪܐ ܗܘ ܒܟܝܢܗ
110:05 ܐܢܫܝܐ܂ ܙܪܥܗ ܩܿܪܐ ܠܡܠܦܢܘܬܗ܃ ܕܢܦܠܬ ܒܡܘ̈ܗܝ ܕܥܠܡܐ܂ ܕܣܪܝܢ
110:06 ܗܘܘ ܘܒܣܡܬ ܐܢܘܢ܂ ܘܐܬܬܪܝܡܬ ܡܠܟܘܬܗ ܠܥܠ ܡܢ ܟܠ
110:07 ܡܠ̈ܟܝܢ܂
110:08 ܘܙܿܕܩ ܕܢܕܥ ܕܬܠܬܐ ܐܢܘܢ ܦܪ̈ܨܘܦܐ ܕܐܬܩܪܝܘ ܫܡܗ̈ܝܗܘܢ
110:09 ܒܟ̈ܬܒܐ ܢܘܓܪܐ ܕܫܢܝ̈ܐ ܡܢ ܩܕܡ ܕܢܬܝܠܕܘܢ܂ ܐܓܓ ܘܝܘܫܝܐ
110:10 ܘܟܘܪܫ܂ ܐܓܓ ܬܢܢ ܡܢ ܩܕܡ ܐܪܒܥ ܡܐܐ ܫܢܝ̈ܢ܂ ܝܘܫܝܐ
110:11 ܡܢ ܩܕܡ ܬܠܬܡܐܐ ܫܢܝ̈ܢ܂ ܗܐ ܠܡ ܒܪܐ ܡܬܝܠܕ ܠܕܒܝܬ ܕܘܝܕ܂
110:12 ܝܘܫܝܐ ܫܡܗ܂ ܟܘܪܫ ܕܝܢ ܡܢ ܩܕܡ ܫܒܥܝܢ ܫܢ̈ܝܢ܂ ܗܟܢܐ ܠܡ
110:13 ܐܡܪܢܐ/ܐܿܡܪ ܡܪܝܐ#2#/ ܠܟܘܪܫ ܕܐܚܕܬ܂ ܬܘܒ ܐܡܼܪ ܠܟܘܪܫ ܪܥܝ܂
110:14 ‍{‍9‍}‍ ܕܡܼܟ ܘܪܒܼܥ ܐܝܟ ܐܪܝܐ ܒܐܪܥܐ ܕܡܘܠܟܢܐ܂ ܘܐܝܟ
110:15 ܓܘܪܝܐ ܕܐܪܝܐ܂ ܘܡܿܢܘ ܢܫܢܝܘܗܝ ‍{‍ܡܢܗ‍}‍‍<‍ܡܢܗܿ‍>‍܃ ܐܫܬܢܝ ܕܝܢ ܒܐܝ̈ܕܝ
110:16 ܐܬܘܪ̈ܝܐ ܘܒܒ̈ܠܝܐ܂
110:17 ‍{‍11‍}‍ ܗܿܝ ܕܟܠܟ ܡܪܝܐ ܡܢ܃ ܘܗܿܝ ‍{‍13‍}‍ ܕܠܐ ܡܫܟܚ ܐܢܐ
110:18 ܕܐܥܒܪ ܥܠ ܡܠܬ ܦܘܡܗ ܕܡܪܝܐ ܐܠܗܝ܃ ܘܕܫܪܟܐ ܕܐܝܟ ܗܠܝܢ܃
110:19 ܠܫܐܕܗ ܕܒܠܥܡ ܩܿܪܐ܂
110:20 ‍{‍14‍}‍ ܗܿܝ ܕܬܐ ܐܡܠܟܟ ܡܕܡ ܕܥܿܒܕ ܥܡܐ ܗܢܐ ܠܥܡܟ܃ ܠܘ
110:21 ܥܡܐ ܥܿܒܕ ܗܘܐ ܠܥܡܗ ܕܒܠܩ܂ ܐܠܐ ܕܐܢܬܘܢ ܠܡ ܥܒܕܘ
110:22 ܒܥܡܐ܂ ܕܡܢܐ ܕܝܢ ܡܿܠܟ܃ ܡܢ ܕܘܟܬܐ ܐܚܪܬܐ ܝܕܝܥܐ܃ ܕܐܝܟܢ܂
110:23 ܟܕ ܕܝܢ ܚܼܢܐ ܒܠܥܡ ܕܠܐ ܩܪܝܒ ܫܐܕܗ܃ ܘܐܬܦܪܓܠ ܡܢ ܐܠܗܐ
110:24 ܕܠܐ ܢܠܘܛ ܠܥܡܐܼ܂ ܟܕ ܡܬܡܪܡܪ ܥܠ ܐܦ̈ܝ ܗܕܐ ܡܿܠܟ
110:25 ܠܒܠܩ܂ ܕܥܡܐ ܗܢܐ ܠܐ ܡܬܚܣܢܝܢ ܐܠܐ ܐܢ ܥܒܪܝܢ ܥܠ
110:26 ܦܘܩܕܢܐ ܕܐܠܗܗܘܢ ܘܚܛܝܢ܂ ܥܠ ܕܐܠܗܗܘܢ ܣܿܢܐ ܥܘܠܐ
110:27 ܗܘ܂ ܘܡܐ ܕܚܛܝܢ ܡܚܕܐ ܬܒܥ ܠܗܘܢ܂ ܡܕܝܢ ܨܒܬܘ ܒܢ̈ܬܟܘܢ
110:28 ܘܟܠܠܬ̈ܟܘܢ ܩܕܡ ܥܡܐ ܐܝܟ ܕܠܙܢܝܘܬܐ܂ ܘܡܐ ܕܚܙܘ ܐܢܝܢ
110:29 ܘܪܓܼܘ ܠܗܝܢ܂ ܡܛܠ ܕܥܡܐ ܗܘ ܦܚܙܐ܃ ܘܢܬܒ̈ܥܢ ܡܢܗܘܢ
110:30 ܐܓܪܐ ܣܓܕܬܐ ܕܠܦܬܟܪ̈ܝܗܝܢ܂ ܗܢܘ܂ ܕܠܐ ܠܡ ܡܫܬܘܬܦܝܬܘܢ

next