← Back
The Comprehensive Aramaic Lexicon
← Return to the Text Browser
click on the file description for more information
63108: IshNum p. 112

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


112:01 ܡܫܬܘܙܒ ܐܢܬ܂ ܐܠܐ ܐܬܝܢ ܒܥܠܕܒ̈ܒܐ ܘܡܒܥܪܝܢ ܠܟ܂ ܕܐܦܠܐ
112:02 ܛܘܛܝܬܐ ܢܫܒܩܘܢ ܡܢܟ܂ ‍{‍22‍}‍ ܗܿܝ ܕܥܕܡܐ ܠܐܬܘܪ ܢܫܒܘܢܟ
112:03 ܝܘܚܢܢ ܠܒܒܠ ܠܡ ܩܿܪܐ ܐܬܘܪ܂ ܒܗܿܝ ܕܒܙܒܢܐ ܗܿܘ ܟܕ ܐܫܬܒܝܘ
112:04 ܐܕܘ̈ܡܝܐ܃ ܒܛܝܠܐ ܗܘܬ ܡܠܟܘܬܐ ܕܐܬܘܪ̈ܝܐ܂ ܐܚܪ̈ܢܐ܃ ܥܠ
112:05 ܗܿܘ ܐܬܘܪܝܐ ܕܫܒܼܐ ܠܥܣܪܐ ܫܒ̈ܛܐ ܘܠܥܡ̈ܐ/ܠܥܡ̈ܡܐ#2#/ ܣܓܝ̈ܐܐ
112:06 ܐܡܿܪ܂ ܘܐܦ ܩܝ̈ܢܝܐ ܥܡܗܘܢ ܐܫܬܒܝܘ܂ ܗܢܘ܂ ܓܢܣܗ ܕܚܘܒܒ
112:07 ܒܪ ܪܥܘܐܝܠ ܕܥܠ ܥܡ ܥܡܐ ܠܦܠܣܛܝܢܐ܂
112:08 ‍{‍24‍}‍ ܠܓܝ̈ܘܢܐ܂ ܗܢܘ܂ ܓܘܕܐ ܪܒܬܐ܂ ܐܢ̈ܫܝܢ܃ ܕܠܓܝ̈ܘܢܐ ܥܣܪܐ
112:09 ܐܠܦ̈ܝܢ܂ ܟܬ̈ܝܐ ܝܘ̈ܢܝܐ܂ ܟܬܝܡ ܡܩܕܘܢܝܐ܂ ܐܿܡܪ ܕܝܢ ܥܠ
112:10 ܐܠܟܣܢܕܪܘܣ ܒܪ ܦܝܠܝܦܘܣ܂ ܟܐܡܬ ܕܐܠܟܣܢܕܪܘܣ ܩܕܡܝܬ
112:11 ܡܫܥܒܕ ܠܦܪ̈ܣܝܐ ܘܠܐܬܘܪ̈ܝܐ܃ ܘܟܢ ܐܢܛܝܟܘܣ ܗܿܘ ܕܡܢ
112:12 ܡܠܟܘܬܗ ܡܬܝܒܠ܃ ܡܫܥܒܕ ܠܝܣܪ̈ܠܝܐ ܒܚܪܬܐ܂ ܘܐܦ ܐܢܛܝܟܘܣ
112:13 ܕܒܝܬ ܕܡܛܪܝܘܣ ܫܥܒܕ ܠܥܒܪ̈ܝܐ܂ ܘܐܦ ܗܢܘܢ ܐܒܕܘ ܠܥܠܡܝܢ܃
112:14 ܡܢ ܐܝܕܐ ܕܚ̈ܕܕܐ܂
112:15 ܘܡܫܐܠܝܢ܃ ܕܠܡܘܢ ܠܐ ܫܒܼܩ ܐܠܗܐ ܠܒܠܥܡ ܕܢܠܘܛ
112:16 ܐܝܟ ܪܓܬܗ ܠܥܡܐ܃ ܟܕ ܠܘ̈ܛܬܗ ܒܡܕܡ ܠܐ ܡܚܣܪ̈ܢ ܗܘ̈ܝ܂
112:17 ܠܐ ܕܝܢ ܐܫܬܒܩ܂ ܕܠܐ ܬܗܘܐ ܠܗ ܘܠܫ̈ܐܕܘܗܝ ܡܣܒܪܢܘܬܐ܃
112:18 ܐܟܚܕ ܕܝܢ ܘܫܘܒܗܪܐ܃ ܕܟܐܡܬ ܕܟܠܡܕܡ ܕܒܥܝܢ ܐܝܟ ܨܒܝܢܗܘܢ
112:19 ܥܒܕܝܢ܃ ܟܕ ܠܝܬ ܕܡܨܐ ܚܝܠܗܘܢ ܘܙܿܓܪ ܠܗܘܢ܂ ܬܘܒ ܡܛܠ
112:20 ܕܒܬܪ ܩܠܝܠ ܙܒܢܐ܃ ܐܒܕܘ ܫܬܡܐܐ ܐܠܦܝ̈ܢ ܡܛܠ ܥܘܠܗܘܢ܃
112:21 ܕܠܐ ܬܬܪܢܐ ܡܢ ܥܡ̈ܐ/ܥܡ̈ܡܐ#2#/ ܕܡܛܠ ܠܘܛܬܗ ܕܒܠܥܡ ܐܒܕܘ
112:22 ܘܡܝܬܘ ܒܡܕܒܪܐ܂ ܘܬܣܬܒܪ ܕܚܒ ܐܠܗܐ ܘܙܟܘ ܫܐ̈ܕܐ܂
112:23 ܘܕܠܐ ܬܘܒ ܡܐ ܕܫܿܡܥ ܥܡܐ ܕܠܛܗ ܒܠܥܡ ܢܬܬܙܝܥ
112:24 ܘܢܬܪܦܐ ܡܢ ܗܝܡܢܘܬܗܐ܃ ܥܠ ܕܪܒܐ ܚܫܝܒ ܗܘܐ ܗܢܐ ܨܝܕ ܟܠ܃
112:25 ܛܒ ܙܕܩܐܝܬ ܦܪܓܠܗ ܕܠܐ ܢܠܘܛܗ܂ ܐܝܟ ܕܡܢ ܚܝܠܐ ܕܝܢ
112:26 ܕܐܠܗܐ ܕܠܘܐ ܠܥܡܐ܃ ܠܐ ܠܘܛܬܗ ܡܟܝܐ ܘܐܦܠܐ ‍<‍ܒܘܪܟܬܗ#2#‍>‍ ܡܕܡ
112:27 ܡܘܬܪܐ ܠܗܘܢ܂ ܗܐ ܓܝܪ ܡܘܐܒܝ̈ܐ ܕܒܪܟ ܐܢܘܢ܃ ܐܘܒܕܘ
112:28 ܐܢܘܢ ܒܢ̈ܝ ܝܣܪܝܠ ܠܒܗܬܬܐ ܕܫܐ̈ܕܐ ܘܕܩܨ̈ܘܡܐ܂ ܘܐܦ ܠܗ
112:29 ܠܒܠܥܡ ܩܛܠܘܗܝ܂

next