← Back
The Comprehensive Aramaic Lexicon
← Return to the Text Browser
click on the file description for more information
63402: JS_Elisha 35 (Jacob of Saroug: About Elisha when a Dead Person Revived upon His Bones)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

Page 1 of 8   (356 lines total)   next page »   show all

035:0000 ܡܹܐܡܪܵܐ ܠܗ ܥܲܠ ܐܸܠܝܼܫܲܥ ܟܲܕ ܚܝܵܐ ܡܝܼܬܵܐ ܥܲܠ ܓܲܪ̈ܡܲܘܗ̱ܝܿ
035:0001 ܐܸܬܬܥܝܼܪ ܟܸܢܵܪܝ ܘܲܙܡܲܪ ܫܽܘܒܚܵܐ ܦܵܪܽܘܫܵܐܝܼܬ
035:0002 ܠܲܒܪܵܐ ܒܩ̈ܵܠܸܐ ܕܲܡܠܸܝܢ ܚܽܘܒܵܐ ܥܲܬܝܼܪܵܐܝܼܬ܀
035:0003 ܐܲܢ̱ܬ ܠܵܟ ܐܲܥܝܼܪ ܐܵܘ ܩܝܼܬܵܪܵܐ ܪܽܘܚܵܢܵܝܵܐ
035:0004 ܠܲܡܝܲܒܵܒܽܘ ܠܗܲܘ ܕܢܵܩܸܫ ܒܵܟ ܥܲܬܝܼܪܵܐܝܼܬ܀
035:0005 ܐܸܬܬܥܝܼܪ ܘܲܙܡܲܪ ܒܲܥܣܲܪ ܡܸܢܝܼ̈ܢ ܡ̈ܲܠܵܠܵܬܵܐ
035:0006 ܕܲܣܪ̈ܝܼܓܵܢ ܒܵܟ ܡܸܢ ܛܲܝܒܽܘܬܵܐ ܠܲܡܫܲܒܵܚܽܘ܀
035:0007 ܐܵܘ ܩܝܼܬܵܪܵܐ ܡܠܝܼܠܵܐ ܕܲܐܬܩܸܢ ܗܲܘ ܡܲܬܩܸܢ ܟܽܠ
035:0008 ܙܽܘܥ ܐܲܢ̱ܬ ܡܸܢܵܟ ܘܲܙܡܲܪ ܫܽܘܒܚܵܐ ܒܩ̈ܵܠܸܐ ܚܲܕ̱̈ܬܸܐ܀
035:0009 ܒܚܲܡܫܵܐ ܪܸ̈ܓܫܸܐ ܦܲܓܪ̈ܵܢܵܝܸܐ ܒܓܸܠܝܵܐ ܫܲܒܲܚ܃
035:0010 ܘܲܒܚܲܡܫܵܐ ܬܽܘܒ ܪ̈ܽܘܚܵܢܵܝܸܐ ܒܟܸܣܝܵܐ ܫܲܒܲܚ܀
035:0011 ܒܣܲܘܩܵܐ ܘܓܸܫܬܵܐ ܘܛܲܥܡܵܐ ܘܫܸܡܥܵܐ ܐܵܦ ܒܲܚܙܵܬܵܐ
035:0012 ܒܚܲܡܫܵܬܲܝ̈ܗܽܘܢ ܪܸ̈ܓܫܸܐ ܫܲܒܲܚ ܦܲܓܪܵܢܵܐܝܼܬ܀
035:0013 ܘܬܽܘܒ ܒܝܼܕܲܥܬܵܐ ܘܲܒܣܽܘܟܵܠܵܐ ܘܲܒܦܽܘܪܫܵܢܵܐ
035:0014 ܘܗܲܘܢܵܐ ܘܡܲܕܥܵܐ ܒܪܸ̈ܓܫܸܝܗܿ ܟܣܲܝ̈ܵܐ ܕܢܲܦܫܵܐ ܐܲܘܕܵܐ܀
035:0015 ܘܲܒܝܲܕ ܗܵܠܸܝܢ ܚܽܘܨ ܩܝܼܬܵܪܵܐ ܕܲܥܣܲܪ ܡܸܢܝܼ̈ܢ
035:0016 ܘܲܕܠܵܐ ܫܲܠܝܵܐ ܙܡܲܪ ܬܸܫܒܽܘܚܬܵܐ ܦܵܪܽܘܫܵܐܝܼܬ܀
035:0017 ܥܲܕ ܩܲܝܵܡ ܐܲܢ̱ܬ ܐܸܬܬܥܝܼܪ ܫܲܒܲܚ ܐܵܘ ܒܲܛܝܼܠܵܐ܃
035:0018 ܠܟܽܠ ܡܸܕܸܡ ܓܹܝܪ ܙܲܒܢܵܐ ܐܝܼܬ ܠܸܗ ܒܙܲܒܢܵܟ ܐܲܘܕܵܐ܀
035:0019 ܥܲܕܠܵܐ ܢܼܐܬܸܐ ܡܲܘܬܵܐ ܘܢܸܫܪܸܝܟ ܡܸܢ ܪܽܘܟܵܒܵܐ܃
035:0020 ܘܢܸܦܣܽܘܩ ܡܸܢܸ̈ܐ ܡ̈ܲܠܵܠܵܬܵܐ ܡܸܢ ܬܸܫܒܽܘܚܬܵܐ܀
035:0021 ܥܲܕܠܵܐ ܢܲܕܪܸܟ ܫܸܬܩܸܗ ܕܡܲܘܬܵܐ ܠܦܽܘܡܵܐ ܒܲܫܝܽܘܠ
035:0022 ܘܢܸܫܠܽܘܢ ܩ̈ܵܠܸܐ ܡܸܢ ܠܸܫܵܢܵܐ ܕܲܡܝܲܒܸܒ ܗ̱ܘܵܐ܀
035:0023 ܥܲܕܠܵܐ ܢܼܐܬܸܐ ܚܲܙܽܘܪ ܕܲܗܒܵܐ ܕܲܡܠܸܐ ܫܽܘܦܪܸ̈ܐ
035:0024 ܘܢܸܦܣܽܘܩ ܡܲܘܬܵܐ ܠܲܚܒܸܠ ܟܸܣܦܵܐ ܕܲܪ̈ܓܝܼܓܵܬܵܐ܀
035:0025 ܥܲܕܠܵܐ ܢܸܗܦܽܘܟ ܟܸܣܦܵܐ ܠܲܐܬܪܸܗ ܢܸܗܘܸܐ ܥܲܦܪܵܐ
035:0026 ܙܡܲܪ ܒܸܗ ܫܽܘܒܚܵܐ ܒܡܵܐܢܵܐ ܡܠܝܼܠܵܐ ܪܵܓܽܘܫܵܐܝܼܬ܀
035:0027 ܥܲܕ ܩܲܝܵܡ ܠܵܟ ܙܲܒܢܵܐ ܕܚܲܝܸ̈ܐ ܙܪܽܘܥ ܝܽܘܠܦܵܢܵܐ
035:0028 ܒܲܐܪܥܵܐ ܕܝܵܗܒܵܐ ܦܼܐܪܸ̈ܐ ܕܫܽܘܒܚܵܐ ܥܲܬܝܼܪܵܐܝܼܬ܀
035:0029 ܦܬܲܚܝ ܠܝܼ ܐܸܕܢܵܐ ܬܲܪܥܵܐ ܕܫܸܡܥܸܟܝ ܚܲܒܝܼܒܵܐܝܼܬ܃
035:0030 ܬܸܥܽܘܠ ܡܸܠܲܬܝ ܬܲܪܡܸܐ ܫܵܡܽܘܢܝ ܥܲܠ ܦܵܬܽܘܪܸܟܝ܀
035:0031 ܟܲܕ ܐܲܟܵܪܵܐ ܢܸܗܘܸܐ ܫܲܦܝܼܪ ܘܲܕܟܸܐ ܙܲܪܥܸܗ
035:0032 ܒܲܐܪܥܵܐ ܕܼܐܝܬܸܝܗܿ ܐܽܘܪܚܵܐ ܘܫܽܘܥܵܐ ܠܵܐ ܡܲܟܫܲܪ ܒܵܗܿ܀
035:0033 ܐܵܦ ܝܽܘܠܦܵܢܵܐ ܒܸܐܕܢܵܐ ܕܥܵܪܩܵܐ ܡܸܢ ܝܽܘܠܦܵܢܵܐ
035:0034 ܒܲܛܝܼܠ ܘܲܣܪܝܼܩ ܘܲܕܠܵܐ ܦܼܐܪܲܐ ܗ̱ܘ ܪܽܘܚܵܢܵܝܵܐ܀
035:0035 ܙܲܪܥܲܐ ܗ̱ܘ ܓܲܒܝܵܐ ܡܸܠܲܬ ܚܲܝܸ̈ܐ ܐܵܘ ܫܵܡܽܘ̈ܥܸܐ
035:0036 ܠܵܐ ܬܸܗܘܽܘܢ ܠܵܗܿ ܐܲܪܥܵܐ ܕܟܽܘ̈ܒܸܐ ܕܚܵܢܩܵܐ ܙܲܪ̈ܥܸܐ܀
035:0037 ܐܲܪܥܵܐ ܛܵܒܬܵܐ ܒܲܡܵܐܐ ܥܵܦܝܼ̈ܢ ܝܵܗܒܵܐ ܦܼܐܪܸ̈ܐ
035:0038 ܐܸܬܕܲܡܲܘ ܠܵܗܿ ܒܦܼܐܪ̈ܲܝ ܫܽܘܒܚܵܐ ܕܠܸܫܵܢܲܝ̈ܟܽܘܢ܀
035:0039 ܒܸܐܕܢܵܐ ܕܡܲܠܝܵܐ ܦܵܪܽܘܫܽܘܬܵܐ ܘܗܲܝܡܵܢܽܘܬܵܐ܃
035:0040 ܡܸܣܓܵܐ ܣܵܓܝܵܐ ܡܸܠܬܵܐ ܘܪܵܒܝܵܐ ܘܩܵܢܝܵܐ ܫܽܘܦܪܸ̈ܐ܀
035:0041 ܘܒܸܐܕܢܵܐ ܕܪܲܚܝܼܩ ܚܽܘܒܵܐ ܡܸܢܵܗܿ ܙܲܪܥܵܐ ܡܸܠܬܵܐ
035:0042 ܘܲܕܠܵܐ ܦܼܐܪܸ̈ܐ ܗܵܘܝܵܐ ܬܲܡܵܢ ܡܵܐ ܕܸܐܙܕܲܪܥܲܬ܀
035:0043 ܡܪܲܒܝܵܢܝܼܬܵܐ ܕܡܸܠܬܵܐ ܐܸܕܢܵܐ ܗ̱ܝ ܕܼܐܝܬ ܒܵܗܿ ܚܽܘܒܵܐ
035:0044 ܕܲܡܩܲܒܠܵܐ ܠܵܗܿ ܘܲܡܪܲܒܝܵܐ ܠܵܗܿ ܘܝܵܗܒܵܐ ܦܼܐܪܸ̈ܐ܀
035:0045 ܐܲܝܟ ܕܵܐܦ ܐܲܪܥܵܐ ܡܪܲܒܝܵܐ ܙܲܪ̈ܥܸܐ ܕܬܲܣܓܸܐ ܐܸܢܽܘܢ
035:0046 ܘܸܐܢ ܠܲܘ ܛܵܒܬܵܐ ܗ̱ܝ ܟܵܡܲܬ ܒܸܠܥܲܬ ܚܸܣܢܲܬ ܐܸܢܽܘܢ܀
035:0047 ܐܲܪܥܵܐ ܕܒܝܼܫܵܐ ܚܵܢܩܵܐ ܠܙܲܪܥܵܐ ܕܠܵܐ ܢܸܫܬܲܪܬܲܚ
035:0048 ܘܒܸܐܕܢܵܐ ܕܛܵܠܡܵܐ ܕܵܥܟܵܐ ܡܸܠܬܵܐ ܘܡܲܘܦܸܐ ܫܽܘܦܪܵܗܿ܀
035:0049 ܐܵܠܨܵܐ ܡܸܟܝܼܠ ܥܲܠ ܡܲܫܡܲܥܬܵܐ ܕܡܲܠܝܵܐ ܚܽܘܒܵܐ܃
Page 1 of 8   next page »   show all