← Back
The Comprehensive Aramaic Lexicon
← Return to the Text Browser
click on the file description for more information
63402: JS_Elisha 116 (Jacob of Saroug: On Elisha the Prophet)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

Page 1 of 14   (658 lines total)   next page »   show all

116:0000 ܡܹܐܡܪܵܐ ܩܝܘ ܩܲܕܡܵܝܵܐ ܕܥܲܠ ܐܸܠܝܼܫܲܥܿ
116:0001 ܒܡܲܘܗܲܒܬܵܟ ܡܵܪܝ ܨܲܒܸܬ ܪܸܥܝܵܢܝ ܥܲܬܝܼܪܵܐܝܼܬ܃
116:0002 ܕܲܬܡܲܠܸܠ ܒܝܼ ܫܲܪܒܵܟ ܪܵܡܵܐ ܦܵܪܽܘܫܵܐܝܼܬ܀
116:0003 ܒܵܟ ܡܵܪܝ ܬܸܩܢܸܐ ܚܲܝܠܵܐ ܡܸܠܲܬܝ ܡܸܢ ܝܽܘܠܦܵܢܵܟ܃
116:0004 ܕܬܲܟܪܸܙ ܟܽܠܝܽܘܡ ܩ̈ܵܠܲܝ ܫܽܘܒܚܵܟ ܒܲܙܡܝܼܪ̈ܵܬܵܟ܀
116:0005 ܡܸܠܬܵܟ ܬܸܗܘܸܐ ܫܪܵܓܵܐ ܪܲܒܵܐ ܕܢܽܘܗܪܵܐ ܫܲܦܝܵܐ܃
116:0006 ܘܗܝܼ ܬܲܢܗܲܪ ܠܝܼ ܠܸܒܝ ܢܸܙܡܲܪ ܠܵܟ ܦܵܪܽܘܫܵܐܝܼܬ܀
116:0007 ܒܢܽܘܗܪܵܐ ܕܡܸܠܬܵܟ ܬܸܪܗܲܛ ܡܸܠܲܬܝ ܥܲܠ ܗܸܓܝܵܢܵܟ܃
116:0008 ܕܬܸܗܘܸܐ ܦܲܐܝܵܐ ܡܸܛܽܠ ܢܽܘܗܪܵܟ ܕܲܨܒܝܼܥܵܐ ܒܸܗ܀
116:0009 ܒܚܽܘܒܵܐ ܐܸܣܒܵܟ ܥܲܠ ܚܽܘܫ̈ܵܒܲܝ ܟܲܕ ܬܵܗܲܪ ܐ̱ܢܵܐ܃
116:0010 ܘܡܸܢܸܗ ܕܬܸܗܪܵܟ ܢܸܬܬܙܝܼܥ ܡܼܐܡܪܵܟ ܕܲܡܡܲܠܸܠ ܒܝܼ܀
116:0011 ܗܲܒܠܝܼ ܬܸܗܪܵܐ ܕܸܐܬܸܠ ܫܽܘܒܚܵܐ ܒܬܸܗܪܵܐ ܟܽܠܝܽܘܡ܃
116:0012 ܘܚܽܘܒܵܐ ܕܲܡܙܝܼܥ ܡܸܠܬܐ ܠܘܵܬܵܟ ܥܲܬܝܼܪܵܐܝܼܬ܀
116:0013 ܐܘܿ ܐܸܙܡܲܪ ܠܵܟ ܟܲܕ ܬܵܗܲܪ ܐ̱ܢܵܐ ܕܠܵܐ ܡܸܣܬܲܒܥܲܬܿ܃
116:0014 ܐܘܿ ܐܸܫܠܸܐ ܠܵܟ ܟܲܕ ܣܵܓܸܕ ܐ̱ܢܵܐ ܕܠܵܐ ܡܸܬܕܲܪܟܲܬܿ܀
116:0015 ܠܵܟ ܡܵܪܝ ܐܼܡܲܪ ܡܵܐ ܕܵܐܡܲܪ ܐ̱ܢܵܐ ܚܲܒܝܼܒܵܐܝܼܬ܃
116:0016 ܘܠܵܟ ܬܘܽܒ ܐܸܫܠܸܐ ܡܵܐ ܕܫܵܠܸܐ ܐ̱ܢܵܐ ܦܵܪܽܘܫܵܐܝܼܬ܀
116:0017 ܒܠܸܒܝ ܐܸܙܡܲܪ ܠܵܟ ܘܲܒܚܽܘ̈ܫܵܒܲܝ ܐܸܗܲܠܸܠ ܠܵܟ܃
116:0018 ܘܛܵܒ ܡܸܢ ܦܽܘܡܵܐ ܗܲܘܢܵܐ ܡܠܝܼܠܵܐ ܢܙܝܼܥ ܩܽܘ̈ܠܵܣܲܝܟ܀
116:0019 ܡܸܢ ܬܲܘܬܵܪ̈ܲܝ ܠܸܒܵܐ ܢܡܲܠܸܠ ܦܽܘܡܵܐ ܫܽܘܒܚܵܟ܃
116:0020 ܠܲܘ ܒܲܥܝܵܕܵܐ ܢܲܟܪܸܙ ܡܼܐܡܪܵܟ ܨܹܝܕ ܫܵܡܽܘ̈ܥܸܐ܀
116:0021 ܗܽܘ ܦܽܘܪܫܵܢܵܗܿ ܕܢܲܦܫܵܐ ܢܸܬܬܙܝܼܥ ܠܲܡܡܲܠܵܠܘܽ܃
116:0022 ܒܚܽܘܒܵܟ ܡܸܠܬܵܟ ܡܸܢ ܝܽܘܠܦܵܢܵܟ ܡܸܛܽܠܵܬܵܟ܀
116:0023 ܐܲܢ̱ܬ ܗ̱ܽܘ ܡܵܪܲܢ ܝܵܗܸܒ ܡܲܓܵܢ ܟܽܠ ܥܽܘܕܪ̈ܵܢܲܝܢ܃
116:0024 ܡܸܢ ܒܸܝܬ ܓܲܙܵܟ ܘܲܐܢ̱ܬ ܗ̱ܽܘ ܡܡܲܠܸܐ ܟܽܠ ܣܽܘܢܩ̈ܵܢܲܝܢ܀
116:0025 ܕܬܸܬܸܠ ܨܵܒܝܲܬܿ ܘܲܕܠܵܐ ܫܵܩܸܠ ܡܸܢ ܕܝܼܠܸܗ ܗ̱ܝܼ܃
116:0026 ܕܬܲܪܥܵܟ ܚܵܕܸܐ ܗ̱ܘ ܘܲܒܫܵܐܘ̈ܽܠܸܐ ܘܲܒܢܵܣܽܘ̈ܒܸܐ܀
116:0027 ܐܵܘ ܕܲܣܢܝܼܩܝܼܢ ܬܲܘ ܥܽܘܠܘ ܘܲܣܦܲܘ ܥܽܘܬܪܵܐ ܪܲܒܵܐ܃
116:0028 ܡܸܢ ܒܸܝܬ ܓܲܙܵܐ ܕܲܦܬܝܼܚ ܘܲܫܒܝܼܩ ܠܲܕܒܵܥܸܝܢ ܠܸܗ܀
116:0029 ܥܽܘܬܪܵܐ ܡܦܲܠܓܵܐ ܡܸܠܬܵܐ ܕܚܲܝܸ̈ܐ ܠܲܕܦܵܪܸܓ ܒܵܗܿ܃
116:0030 ܘܢܵܗܪܵܐ ܢܲܦܫܵܐ ܒܚܽܘܒܵܐ ܡܸܢܵܗܿ ܡܵܐ ܕܡܸܬܕܲܢܚܵܐ܀
116:0031 ܗܲܒܠܝܼ ܨܲܘܬܵܐ ܘܩܲܒܸܠ ܡܸܠܬܵܐ ܕܡܲܠܝܵܐ ܥܽܘܬܪܵܐ܃
116:0032 ܡܸܢ ܝܽܘܠܦܵܢܵܐ ܕܡܲܢܗܲܪ ܢܲܦܫܵܐ ܡܵܐ ܕܲܐܚܸܒܬܵܗܿ܀
116:0033 ܥܲܠ ܐܸܠܝܼܫܲܥ ܫܲܩܠܲܢܝ ܬܸܗܪܵܐ ܠܲܡܡܲܠܵܠܽܘ܃
116:0034 ܐܵܘ ܦܵܪܽܘܫܵܐ ܠܵܐ ܬܼܐܡܲܢ ܠܵܟ ܟܲܕ ܫܵܡܲܥ ܐܲܢ̱ܬ܀
116:0035 ܥܲܠ ܬܲܠܡܝܼܕܵܐ ܥܲܬܝܼܪ ܛܘܽܒܸ̈ܐ ܘܲܡܠܸܐ ܫܽܘܦܪܸ̈ܐ܃
116:0036 ܕܪܲܒܵܐ ܓܡܝܼܪܵܐ ܦܸܐܐ ܢܸܨܚ̈ܵܢܸܐ ܘܣܲܓܝܼ ܥܽܘܬܪܸ̈ܐ܀
116:0037 ܥܲܠ ܡܲܘܗܲܒܬܵܐ ܥܦܝܼܦܬܵܐ ܕܩܲܒܸܠ ܡܸܢ ܐܸܠܝܼܵܐ܃
116:0038 ܒܲܡܢ̈ܲܘܵܬܵܐ ܬܲܪ̈ܬܸܝܢ ܕܲܫܩܲܠ ܪܽܘܚܵܐ ܡܸܢܸܗ܀
116:0039 ܚܸܒ̈ܠܸܐ ܕܡܼܐܡܪܸܗ ܗܵܐ ܡܵܚܸܝܢ ܠܝܼ ܘܲܡܙܝܼܥܝܼܢ ܠܝܼ܃
116:0040 ܕܢܼܐܬܸܐ ܠܝܲܠܕܲܐ ܕܵܐܦ ܗܽܘ ܬܸܗܪܲܐ ܗ̱ܘ ܠܲܕܫܵܡܲܥ ܠܸܗ܀
116:0041 ܢܸܒܥܸܐ ܠܘܽܩܕܵܡ ܕܲܠܡܵܢܵܐ ܟܲܝ ܐܲܣܓܝܼ ܘܲܒܥܵܐ܃
116:0042 ܢܩܲܒܸܠ ܪܽܘܚܵܐ ܛܵܒ ܡܸܢ ܪܲܒܸܗ ܘܸܐܬܝܲܗܒܲܬ ܠܸܗ܀
116:0043 ܐܵܠܨܵܐ ܗܵܫܵܐ ܥܲܠ ܣܽܘܟ̈ܵܠܸܐ ܪ̈ܽܘܚܵܢܵܝܸܐ܃
116:0044 ܘܥܲܠ ܪܸ̈ܥܝܵܢܸܐ ܕܲܡܠܸܝܢ ܚܽܘܒܵܐ ܘܗܲܝܡܵܢܽܘܬܵܐ܀
116:0045 ܕܲܢܩܽܘܡ ܗܲܘܢܵܐ ܒܲܐܬܪܵܗܿ ܕܡܸܠܬܵܐ ܟܲܕ ܨܵܐܸܬ ܠܵܗܿ܃
116:0046 ܕܸܐܢ ܡܸܢ ܐܲܬܪܵܗܿ ܠܵܐ ܕܵܐܸܩ ܠܵܗܿ ܠܵܐ ܝܵܕܲܥ ܠܵܗܿ܀
116:0047 ܗܵܐ ܡܸܬܲܐܡܪܵܐ ܕܚܲܕ ܬܪܸ̈ܝܢ ܒܪܽܘܚܸܗ ܫܩܲܠ ܐܸܠܝܼܫܲܥ܃
116:0048 ܕܪܲܒܵܐ ܓܲܒܝܵܐ ܕܲܕܪܲܒ ܡܸܢܸܗ ܠܲܝܬ ܒܲܓܡܝܼܪܸ̈ܐ܀
116:0049 ܘܲܐܝܢܵܐ ܕܫܵܡܲܥ ܐܸܢ ܡܸܢ ܐܲܬܪܸܗ ܕܐ̱ܪܵܙܵܐ ܪܲܚܝܼܩ܃
Page 1 of 14   next page »   show all