The Comprehensive Aramaic Lexicon

001	ܒܪ ܐܠܗܐ ܕܦܬܝܚ ܬܪܥܗ ܠܕܩܿܪܐ ܠܗ
002	ܦܬܚ ܠܝ ܬܪܥܟ ܐܙܡܪ ܫܘܦܪܐ ܕܒܢ̈ܝ ܢܘܗܪܐ܂
003	ܪܥܝܐ ܛܒܐ ܕܡܢ ܓܘ ܥܢܗ ܐܡܪ̈ܐ ܓܒܐ ܠܗ
004	ܘܟܢܫ ܐܢܘܢ ܒܕܝܪܐ ܕܪܘܡܐ ܕܥܡܗ ܢܗܘܘܢ܂
005	ܒܪܝܟ ܐܟܪܐ ܕܡܢ ܙܝܙ̈ܢܐ ܚܛ̈ܐ ܓܒܐ ܠܗ
006	ܘܙܪܥ ܐܢܘܢ ܒܐܫܟܪ ܚܝ̈ܐ ܒܝܬ ܡܠܟܘܬܐ܂
007	ܥܠ ܝܠܘܕ̈ܐ ܒܢ̈ܝ ܪ̈ܫܢܐ ܕܡܢ ܐܦܣܘܣ
008	ܡܐܡܪܐ ܐܝܬ ܠܝ ܠܡܡܠܠܘ ܩܕܡ ܫܡܘ̈ܥܐ܂
009	ܨܘܬܘ ܠܝ ܦܥ̈ܠܐ ܘܙܡܪܘ ܫܘܒܚܐ ܒܢ̈ܘܗܝ ܕܓܢܘܢܐ
010	ܕܩܝܘܣ ܡܠܟܐ ܢܦܩ ܡܢ ܐܬܪܗ ܠܐܬܪܐ ܐܚܪܢܐ܂
011	ܕܢܣܥܘܪ ܟܪ̈ܟܐ ܘܡܕܝܢ̈ܬܐ ܕܒܫܘܠܛܢܗ
012	ܥܠ ܠܐܦܣܘܣ ܘܐܪܡܝ ܗܘܐ ܒܗܿ ܙܘܥܐ ܪܒܐ܂
013	ܘܥܒܕ ܥܐܕܐ ܠܙܘܣ ܘܐܦܠܘܢ ܐܦ ܘܠܐܪܛܡܝܣ
014	ܘܟܬܒ ܣܩܪܐ ܠܡܪ̈ܘܬܐ ܕܒܫܘܠܛܢܗ܂
015	ܕܟܠܢܫ ܢܐܬܐ ܘܢܣܝܡ ܒܣܡ̈ܐ ܩܕܡ ܐܠܗ̈ܐ
016	ܟܢܫ ܪ̈ܫܢܐ ܣܒ̈ܐ ܘܫܒܪ̈ܐ ܐܦ ܝܠܘ̈ܕܐ܂
017	ܘܣܡܘ ܗܘܘ ܒܣܡ̈ܐ ܠܨܠܡ̈ܐ ܚܪ̈ܫܐ ܥܒܕ ܐܝܕ̈ܝܐ
018	ܘܐܝܬ ܗܘܐ ܬܡܢ ܛܠܝ̈ܐ ܪ̈ܚܝܡܐ ܒܢ̈ܝ ܪ̈ܫܢܐ܂
019	ܕܫܛܘ ܦܘܩܕܢܐ ܘܠܐ ܐܫܬܥܒܕܘ ܐܝܟ ܚܒܪ̈ܝܗܘܢ
020	ܘܥܠܘ ܐܬܛܫܝܘ ܒܕܝܪܗ ܕܝܫܘܥ ܡܢ ܗܘܿ ܪܘܓܙܐ܂
021	ܕܠܐ ܢܣܩ ܒܗܘܢ ܪܝܚܐ ܛܡܐܐ ܕܒܣܡ̈ܐ ܛܢ̈ܦܐ
022	ܚܙܘ ܚܒܪ̈ܝܗܘܢ ܘܩܕܡ ܡܠܟܐ ܩܛܪܓܘ ܐܢܘܢ܂
023	ܕܗܐ ܐܝܬ ܗܪܟܐ ܛܠܝ̈ܐ ܕܡܪܕܘ ܥܠ ܦܘܩܕܢܟ
024	ܫܡܥ ܗܘܐ ܡܠܟܐ ܘܠܒܫ ܪܘܓܙܐ ܥܠ ܬܡܝ̈ܡܐ
025	ܘܦܩܕ ܡܠܟܐ ܕܢܝܬܘܢ ܛܠܝ̈ܐ ܘܢܚܙܐ ܐܢܘܢ܂
026	ܪܗܛܘ ܗܘܘ ܕܐܒ̈ܐ ܘܚܛܦܘ ܐܡܪ̈ܐ ܡܢ ܓܘ ܥ̈ܢܐ
027	ܘܒܣܘܪܗܒܐ ܩܘܕܡܬ ܡܠܟܐ ܐܥܠܘ ܐܢܘܢ܂
028	ܚܙܐ ܗܘܐ ܡܠܟܐ ܠܩܢܘܡܝ̈ܗܘܢ ܕܬܗܝܪܝܢ ܗܘܘ
029	ܘܒܫܘܕܠܐ ܡܠܠ ܥܡܗܘܢ ܟܕ ܐܡܿܪ ܗܘܐ܂
030	ܐܡܪܘ ܠܝ ܛܠܝ̈ܐ ܡܛܠ ܡܢܐ ܥܒܪܬܘܢ ܦܘܩܕܢܝ
031	ܩܪܘܒܘ ܬܘ ܕܒܚܘ ܘܡܢ ܪ̈ܫܢܐ ܠܟܘܢ ܥܒܿܕ ܐܢܐ܂
032	ܦܬܚ ܗܘܐ ܦܘܡܗ ܒܪܗ ܕܗܘܦܪܟܐ ܘܫܒܥܐ ܚܒܪ̈ܘܗܝ
033	ܠܐ ܣܓܕܝܢܢ ܠܨܠܡ̈ܐ ܚܪ̈ܫܐ ܥܒܕ ܐܝܕ̈ܝܐ܂
034	ܐܝܬ ܠܢ ܡܪܝܐ ܗܘܿ ܕܫܡܝܐ ܘܗܘ ܡܥܕܪ ܠܢ
035	ܘܠܗ ܣܓܕܝܢܢ ܘܠܗ ܡܩܪܒܝܢ ܚܢܢ ܕܟܝܘܬ ܠܒܢ܂
036	ܠܟ ܐܝܬ ܡܠܟܐ ܙܘܣ ܘܐܦܠܘܢ ܥܡ ܐܪܛܡܝܣ
037	ܘܠܢ ܐܝܬ ܡܠܟܐ ܐܒܐ ܘܒܪܐ ܘܪܘܚܐ ܕܩܘܕܫܐ܂
038	ܦܩܕ ܗܘܐ ܡܠܟܐ ܘܒܫܒ̈ܘܩܐ ܢܓܕܘ ܐܢܘܢ
039	ܘܦܩܕ ܗܘܐ ܬܘܒ ܕܫܒܘܩܘ ܐܢܘܢ ܥܕ ܐܬܿܐ ܐܢܐ܂
040	ܡܣܪܗܒ ܗܘܐ ܓܝܪ ܕܢܣܥܘܪ ܟܪ̈ܟܐ ܘܡܕܝ̈ܢܬܐ
041	ܘܢܗܦܘܟ ܢܥܘܠ ܠܓܘ ܐܦܣܘܣ ܒܗܢ ܪܥܝܢܐ܂
042	ܢܦܩ ܗܘܐ ܡܠܟܐ ܡܢ ܐܦܣܘܣ ܥܠ ܣܘܥܪܢܗ
043	ܘܐܬܚܫܒܘ ܗܘܘ ܛܠܝ̈ܐ ܪ̈ܚܝܡܐ ܒܝܢܬܝܗܘܢ܂
044	ܢܦܘܩ ܢܥܪܘܩ ܡܢ ܗܢ ܟܪܟܐ ܕܐܦܝܣ̈ܝܐ
045	ܥܕܠܐ ܢܐܬܐ ܡܠܟܐ ܠܝܛܐ ܘܢܕܘܢܢ܂
046	ܐܝܬ ܗܘܐ ܬܡܢ ܡܥܪܬܐ ܕܟܐܦܐ ܒܪܫܗ ܕܛܘܪܐ
047	ܘܐܬܚܫܒܘ ܗܘܘ ܛܠܝ̈ܐ ܪ̈ܚܝܡܐ ܕܒܗܿ ܢܬܛܫܘܢ܂
048	ܫܩܠܘ ܗܘܘ ܥܡܗܘܢ ܡܢ ܗܘܿ ܟܣܦܐ ܕܐܒܗ̈ܝܗܘܢ
049	ܕܗܘ ܢܗܘܐ ܠܗܘܢ ܘܠܩܘܛܪܓܐ ܘܠܫܘܒܗܪܐ܂
050	ܠܐ ܫܩܠܘ ܥܡܗܘܢ ܢܚܬ̈ܐ ܓܒ̈ܝܐ ܘܠܐ ܪ̈ܝܫܝܐ

Page 1 of 4 next page » show all