The Comprehensive Aramaic Lexicon

100:01	ܬܘܒ ܒܝܕ ܐܠܗܐ ܟܬܒܝܢܢ ܫܪܒܐ ܚܕ ܫܦܝܪܐ ܕܐܫܟܚܢܢ
100:02	ܒܬܫܥܝܬܗ ܕܡܪܝ ܝܘܚܢܢ ܕܢܚܠ܂ ܘܙܕܩ ܕܢܬܬܣܝܡ ܒܬܫܥܝܬܗ
100:03	ܕܡܪܝ ܐܚܐ ܡܛܠ ܥܘܗܕܢܐ ܕܡܝ̈ܐ ܕܥܘܡܪܐ ܩܕܝܫܐ
100:04	ܕܙܪܢܘܩܐ ܕܐܝܟܢ ܘܒܐܝ̈ܕܝ ܘܒܡܨܥܝܘܬܐ ܕܡܢ ܐܬܘ ܠܥܘܡܪܐ
100:05	ܩܕܝܫܐ ܕܡܪܝ ܐܚܐ܂
100:06	ܬܘܒ ܕܝܢ ܥܠܬܐ ܕܡܐܬܝܬܗ ܕܪܒܐ ܕܐܠܗܐ ܩܕܝܫܐ
100:07	ܪܒܢ ܝܘܚܢܢ ܕܢܚܠ܃ ܕܐܝܟܢܐ ܐܬܐ ܠܥܘܡܪܐ ܩܕܝܫܐ ܕܙܪܢܘܩܐ܂
100:08	‍[‍1‍]‍ ܟܕ ܐܝܬܘܗܝ ܗܘܐ ܩܕܝܫܐ ܡܪܝ ܝܘܚܢܢ ܒܥܘܡܪܐ
100:09	ܕܟܡܘܠ ܪܫܐ ܘܡܕܒܪܢܐ ܕܥܘܡܪܐ ܗܘ ܩܕܝܫܐ ܘܟܕ
100:10	ܡܛܠ ܥܠܬܐ ܡܕܡ ܐܝܕܐ ܕܗܝ ܫܒܩܗ ܠܥܘܡܪܐ ܗܘ
100:11	ܘܢܦܩ ܒܠܚܘܕܘܗܝ ܘܐܬܐ ܡܢ ܬܡܢ ܟܕ ܠܐ ܐܘܕܥ ܠܐܢܫ܂
100:12	ܘܐܬܐ ܠܗ ܠܥܘܡܪܐ ܩܕܝܫܐ ܕܡܪܝ ܐܚܐ ܕܡܬܟܢܐ
100:13	ܕܙܪܢܘܩܐ܂ ܘܐܝܬ ܗܘܐ ܒܗ ܒܗܘ ܙܒܢܐ ܒܥܘܡܪܐ
100:14	ܕܙܪܢܘܩܐ ܟܢܘܫܝܐ ܒܪܝܟܐ ܡܢܝܢܐ ܕܐܚ̈ܐ ܬܠܬ ܡܐܐ
100:15	ܘܬܡܢܝܢ ܓܒܪ̈ܐ ܓܢܒܪ̈ܝ ܚܝܠܐ ܘܣܥܪ̈ܝ ܐܬܘ̈ܬܐ ܘܬܕܡܪ̈ܬܐ܂
100:16	ܘܪܫ ܥܘܡܪܐ ܕܝܠܗܘܢ ܐܝܬܘܗܝ ܗܘܐ ܝܫܘܥܣܒܪܢ
100:17	ܓܒܪܐ ܓܡܝܪܐ ܘܡܫܡܠܝܐ܂ ܗܘ ܕܐܝܬܘܗܝ ܗܘܐ ܡܢ
100:18	ܬܘܠܡܕܐ ܕܪܒܐ ܘܡܗܝܪ ܘܪܫ ܐܒ̈ܗܬܐ ܡܪܝ ܐܒܪܗܡ
100:19	ܪܫ ܥܘܡܪܐ ܕܐܝܙܠܐ܂ ܘܕܡܪܝ ܒܒܝ ܪܒܐ ܗܘ ܕܣܓܝܐܐ
100:20	ܗܝ ܡܠܬܐ ܕܥܠܘܗܝ܂ ܘܒܕܘܒܪ̈ܐ ܘܒܥܒ̈ܕܐ ܠܟܠܗܘܢ ܕܒܙܒܢܗ
100:21	ܥܒܿܪ ܗܘܐ܂ ܘܝܬܝܪ ܕܝܢ ܕܒܟܠܗܝܢ ܒܛܢܢܗ ܚܡܝܡܐ ܕܥܠ
100:22	ܐ̈ܦܝ ܫܪܪܐ ܕܗܝܡܢܘܬܐ ܕܥܕܬܐ ܩܕܝܫܬܐ ܢܨܝܚ
101:01	ܗܘܐ ܒܟܠܗܿ ܡܕܢܚܐ ܐܝܟܢܐ ܕܡܛܠܬܗܿ ܕܗܕܐ ܐܬܓܒܝ
101:02	ܘܐܬܦܪܫ ܡܢ ܛܝܒܘܬܐ܂ ܘܗܘܐ ܪܫܐ ܘܡܕܒܪܢܐ ܠܟܠܗܿ
101:03	ܥܕܬܐ ܩܕܝܫܬܐ܂ ܗܢܘ ܕܟܕ ܡܢ ܟܕܘ ܩܪܝܒܐ ܗܘܬ ܕܬܘܦܐ
101:04	ܡܢ ܫܡܥܐ ܕܡܠܦܢܘܬܐ ܐܪܬܕܘܟܣܝܬܐ܃ ܡܢ ܒܠܝ ܪܥܝܐ
101:05	ܘܓܘܙܝ ܡܥܝܢܐ ܕܠܝܬ ܗܘܐ ܒܗܿ ܒܗܘ ܙܒܢܐ܂ ܡܢ ܒܝܫܘܬ
101:06	ܐܘܡܢܘܬܐ ܘܚܣܡܗܘܢ ܕܗܪ̈ܛܝܩܐ ܚܪ̈ܝܝܐ܂ ܗܘ ܕܝܢ
101:07	ܩܕܝܫܐ ܡܪܝ ܒܒܝ ܩܡ ܒܪܫܗܿ ܒܡܕܒܪܢܘܬܐ ܡܪܢܝܬܐ܂
101:08	ܘܬܪܥ ܠܗܿ ܢܗܪ̈ܘܬܐ ܕܡܠܦܢܘܬܗ ܫܪܝܪܬܐ܂ ܘܐܫܩܝܗܿ
101:09	ܡܠܝܐܝܬ܂ ܡܛܠ ܕܒܗܘ ܙܒܢܐ ܠܝܬ ܗܘܐ ܩܬܘܠܝܩܐ܂
101:10	ܘܟܠܗܘܢ ܡܕܒܪ̈ܢܐ ܕܥܕ̈ܬܐ ܥܠܘܗܝ ܣܡܝܟܝܢ ܗܘܘ܂
101:11	ܒܗܝ ܕܥܢܕ ܗܘܐ ܩܬܘܠܝܩܐ܂ ܘܐܛܝܦ ܒܡܡܘܠܐ
101:12	ܕܡܢܗ ܠܟܠܗܝܢ ܗܪ̈ܣܝܣ ܘܐܫܠܡ ܐܢܝܢ ܠܛܘܒܥܐ ܓܡܝܪܐ
101:13	ܕܐܒܕܢܐ܂ ܘܒܕܓܘܢ ܫܡܐ ܛܒܝܒܐ ‍{‍ܐܫܬܝܢ‍}‍‍<‍ܐܫܬܟܢ‍>‍ ܠܗ܂
101:14	ܠܐ ܡܢ ܒܢܝܢܫܐ ܘܠܐ ܒܝܕ ܒܪ ܐܢܫܐ܂ ܐܠܐ ܡܢ ܡܪܝܐ
101:15	ܗܘ ܕܥܠ ܟܠ ܫܠܝܛ܂
101:16	‍[‍2‍]‍ ܘܟܕ ܐܙܠ ܕܝܢ ܗܘ ܪܒܢ ܡܪܝ ܝܘܚܢܢ ܠܘܬ ܪܒܢ ܝܫܘܥܣܒܪܢ܂
101:17	ܡܫܡܠܝܐܝܬ ܩܒܠܗ܂ ܘܚܕܝ ܒܗ ܪܘܪܒܐܝܬ ܘܟܠܗܿ ܐܚܘܬܐ
101:18	ܗܿܝ ܪܘܚܢܝܬܐ܂ ܟܕ ܕܝܢ ܒܗܢܐ ܦܓܥ ܗܘܐ ܪܒܢ ܡܪܝ ܝܘܚܢܢ
101:19	ܘܐܫܟܚܗ ܕܓܡܝܪ ܒܟܠܗܝܢ ܛܒ̈ܬܐ ܘܦܚܡ ܠܪܥܝܢܗ܂
101:20	ܚܕܝ ܒܗ ܛܒܐܝܬ ܘܐܚܒܘ ܠܚܕ̈ܕܐ ܡܠܝܐܝܬ܂ ܡܛܠ
101:21	ܕܬܪ̈ܝܗܘܢ ܪ̈ܫܐ ܗܠܝܢ ܐܒܗ̈ܬܐ ܪ̈ܘܚܢܝܐ ܩܒܠܘ ܗܘܘ
101:22	ܬܘܠܡܕܐ ܐܡܿܪ ܐܢܐ ܕܝܢ ܡܢ ܡܪܝ ܐܒܪܗܡ ܘܡܪܝ ܒܒܝ܂
101:23	ܘܗܟܢܐ ܐܦ ܗܠܝܢ ܛܘܒ̈ܢܐ ܒܚ̈ܕܕܐ ܐܬܐܣܪܘ ܐܝܟ ܚܕܐ
101:24	ܢܦܫܐ ܕܒܬܪ̈ܝܢ ܦܓܪ̈ܐ ܥܡܪܐ܂ ܘܚܕܐ ܡܬܪܥܝܢ ܗܘܘ
101:25	ܘܚܕܐ ܣܥܪܝܢ ܗܘܘ܂ ܐܝܟ ܗܢܘܢ ܕܒܝܬ ܙܘܪܒܒܠ
101:26	ܘܝܫܘܥ ܒܪ ܝܘܙܕܩ܂ ܘܡܕܡ ܒܠܥܕ ܡܢ ܡܪܝ ܝܘܚܢܢ ܠܐ
101:27	ܡܣܬܥܪ ܗܘܐ ܒܗܘ ܟܢܘܫܝܐ ܒܪܝܟܐ܂
101:28	‍[‍3‍]‍ ܘܬܘܒ ܐܬܘ ܒܬܪܗ ܕܩܕܝܫܐ ܡܪܝ ܝܘܚܢܢ ܠܥܘܡܪܐ

Page 1 of 7 next page » show all