← Back
The Comprehensive Aramaic Lexicon
← Return to the Text Browser
click on the file description for more information
64500: JoshStyl

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


07:01 ܬܒܥܬܐ܃ ܣܿܡܬܼ ܗܿܝ ܕܗܼܘ ܡܚܼܢ ܒܐܝ̈ܕܝܗܘܢ܂ ܨܒܝܢܗ ܓܝܪ ܕܥܡܐ
07:02 ܒܝܼܫܐ ܝܬܝܪܐܝܬ ܡܬܚܿܘܐ ܒܗܕܐ ܕܪ̈ܚܡܐ ܠܐ ܥܒܼܕ ܥܠ ܐܝܠܝܢ
07:03 ܕܐܬܡܼܣܪܘ ܩܕܡܘܗܝ܂ ܡܥܕ ܗܘܐ ܓܝܪ ܡܚܿܘܐ ܨܒܝܢܗܼ ܘܚܿܕܐ/ܘܠܐ ܚܿܕܐ#2#/
07:04 ܒܒܝܼܫܬܐ ܕܒܢ̈ܝ ܐܢܫ̈ܐ܂ ܐܝܟ ܕܐܦ ܢܒܝܐ ܡܚܿܣܕ ܠܗ ܒܗܿ
07:05 ܒܗܕܐ ܘܐܡܿܪ܃ ܒܕ ܡܬܢܿܒܐ ܗܘܐ ܥܠ ܚܘܪܒܗܿ ܕܒܒܠ܃ ܐܝܟ ܕܡܢ
07:06 ܦܘܡܗ ܕܡܪܝܐ܂ ܪܓܿܙܬ ܥܠ ܥܡܝ ܕܛܿܘܫܘ ܝܪܬܘܬܝ܃ ܘܐܫܿܠܡܬ
07:07 ܐܢܘܢ ܒܐܝ̈ܕܝܟ܃ ܘܠܐ ܥܒܼܕܬ ܥܠܝܗܘܢ ܪ̈ܚܡܐ܂ ܐܦ ܠܢ ܗܟܝܠ
07:08 ܗܟܢܐ ‍{‍ܐ‍}‍ܐܒܐܫܘ ܒܨܒܝܢܗܘܢ ܕܠܐ ܪ̈ܚܡܐ܂ ܐܝܟ ܕܡܥܕܝܢ܂ ܐܦܢ ܓܝܪ
07:09 ܠܗ ܠܓܘܫܡܢ ܠܐ ܐܬܡܿܛܝ ܚܘܛܪܐ ܕܡܚܘܬܗܘܢ܂ ܘܥܠ ܡܕܝܢܬܢ
07:10 ܠܐ ܐܫܟܚܘ ܠܡܫܬܿܠܛܘ܂ ܡܛܠ ܕܐܦܠܐ ܡܫܟܚܐ ܗܘܬ ܕܢܬܒܿܛܠ
07:11 ܫܘܘܕܝܐ ܕܡܫܝܚܐ ܗܿܘ ܕܐܫܬܘܕܝ ܠܐܒܓܪ ܡܿܠܟܐ ܡܗܝܡܢܐ܃ ܟܕ
07:12 ܐܡܿܪ܂ ܕܟܪܟܟ ܢܗܼܘܐ ܒܪܝܟ܃ ܘܒܥܠܕܒܒܐ ܠܐ ܢܫܬܿܠܛ ܒܗ ܠܥܠܡ܃
07:13 ܐܠܐ ܒܝܕ ܡܗܝ̈ܡܢܐ ܐܝܠܝܢ ܕܐܬܒܼܙܙܘ ܘܐܫܬܒܼܝܘ ܘܐܬܩܼܛܠܘ
07:14 ܘܐܬܚܼܪܒܘ ܒܡܕܝ̈ܢܬܐ ܐܚܪ̈ܢܝܬܐ ܕܐܬܟܼܒܫ܃ ܘܗܘܼܘ ܐܝܟ ܣܝܢܐ
07:15 ܕܫܘ̈ܩܐ܃ ܘܛܥܡܼܘܗܝ ܠܚܫܐ ܕܠܐ ܒܙܥܘܪ ܟܠܗܘܢ ܐܝܠܝܢ ܕܝܠܦܘ
07:16 ܕܢܚܫܘܢ ܥܡ ܐܝܠܝܢ ܕܚܿܫܝܢ܂ ܘܐܝܠܝܢ ܬܘܒ ܕܡܢ ܗܕܐ
07:17 ܪܚܝܩܝܢ ܗܘܘ܃ ܒܩܢܛܐ ܕܥܠ ܢܦܫܗܘܢ ܐܫܬܿܢܩܘ ܒܠܐ
07:18 ܗܝܡܢܘܬܗܘܢ ܕܣܿܒܪܝܢ ܗܘܘ ܕܐܦ ܥܠ ܐܘܪܗܝ ܡܫܬܿܠܛ
07:19 ܒܥܠܕܒܒܐܼ ܐܝܟ ܕܥܠ ܡܕܝ̈ܢܬܐ ܐܚܪ̈ܢܝܬܐ܂ ܗܠܝܢ ܕܥܬܝܕܝܢܢ
07:20 ܠܡܟܬܼܒ ܠܟ ܥܠܝܗܝܢ܂
07:21 ܡܛܠ ܕܝܢ ܕܐܝܟ ܡܠܬܗ ܕܚܟܝܡܐ ܫܠܝܡܘܢ܃ ܒܓܘܪܓܐ
07:22 ܡܬܥܼܒܕ ܩܪܒܐ܃ ܘܐܢܬ ܗܼܝ ܗܕܐ ܨܿܒܐ ܐܢܬ ܠܡܐܼܠܦ܃ ܡܢ ܐܝܠܝܢ

next page