← Back
The Comprehensive Aramaic Lexicon
← Return to the Text Browser
click on the file description for more information
64500: JoshStyl

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


39:01 ܟܣܢܕܘܟܝܢ ܢܿܦܩܝܢ ܗܘܘ܂ ܒܡܙܡܘܪ̈ܐ ܘܒܬܫܒ̈ܚܬܐ ܘܒܡܕܪ̈ܫܐ܂
39:02 ܘܒܩ̈ܠܐ ܕܡܠܼܝܢ ܣܒܪܐ ܕܢܘܚܡܐ܂ ܘܢܫ̈ܐ ܬܘܒ ܒܒܒܝܐ ܚܢܝܓܐ
39:03 ܘܒܩ̈ܠܐ ܪ̈ܥܘܡܐ܂ ܟܕ ܒܪܝܫܗܘܢ ܐܙܿܠ ܗܘܐ ܪܥܝܐ ܚܦܝܛܐ ܡܪܝ
39:04 ܦܛܪܐ܃ ܘܥܡܗܘܢ ܬܘܒ ܐܝܬ ܗܘܐ ܕܝܿܢܐ܂ ܘܟܠܗܘܢ ܒܢ̈ܝ ܚܐܪ̈ܐ܂
39:05 ܘܡܐ ܕܐܬܩܒܼܪ ܗܘܘ ܗܠܝܢ܃ ܗܿܝܕܝܟ ܗܿܦܟ ܗܘܐ ܟܠܢܫ܃
39:06 ܘܡܠܿܘܐ ܗܘܐ ܠܗܠܝܢ ܕܒܫܒܒܘܬܗ܂ ܘܟܕ ܡܠܼܘ ܩܒܪ̈ܐ
39:07 ܕܟܣܢܕܟܝܢ ܘܕܥܕܬܐ܂ ܢܦܼܩ ܗܓܡܘܢܼܐ܂ ܘܦܼܬܚ ܩܒܪ̈ܐ ܥܬܝ̈ܩܐ܃
39:08 ܕܐܝܬ ܨܝܕ ܒܝܬ ܡܪܝ ܩܘܢܐ܃ ܕܒܢܼܝܢ ܗܘܘ ܠܩܕܡ̈ܝܐ
39:09 ܒܫܩܠܛܥܢܐ܂ ܘܡܠܼܘ ܐܢܘܢ܂ ܘܬܘܒ ܦܬܼܚ^ܘ^ ܐܚܪ̈ܢܐ ܘܠܐ ܣܦܼܩ^ܘ^
39:10 ܠܗܘܢ܂ ܘܠܚܪܬܐ ܟܠ ܐܝܢܐ ܕܗܘܼ ܩܒܪܐ ܥܬܝܩܐ ܕܐܝܬ ܦܬܚܝܢ
39:11 ܘܡܿܠܝܢ ܠܗ܂ ܝܬܝܪ ܓܝܪ ܡܢ ܡ̈ܐܐ ܫܠ̈ܕܝܢ ܢܦ̈ܩܢ ܗܘ̈ܝ
39:12 ܟܠܝܘܡ ܡܢ ܟܣܢܕܘܟܝܢ܃ ܘܝܘ̈ܡܬܐ ܣܓܝ̈ܐܐ ܡ̈ܐܐ ܘܥܣܪ̈ܝܢ܂
39:13 ܘܥܕܡܐ ܠܡ̈ܐܐ ܘܬܠ̈ܬܝܢ܂ ܡܢ ܪܝܫܗ ܕܬܫܪܝ ܐܚܪܝ ܘܥܕܡܐ
39:14 ܠܫܘܠܡܗ ܕܐܕܪ܂ ܘܠܝܬ ܗܘܐ ܠܡܫܼܡܥ ܒܙܒܢܐ ܗܿܘ ܡܢ
39:15 ܟܠܗܘܢ ܫܘ̈ܩܐ ܕܡܕܝܢܬܐ܃ ܐܠܐ ܐܘ ܒܒܝܐ ܕܥܠ ܥܢܝ̈ܕܐ܃ ܐܘ
39:16 ܩ̈ܠܝ ܓܥܬܐ ܕܡܫ̈ܢܩܐ܂ ܡܿܝܬܝܢ ܗܘܘ ܐܦ ܒܕܪ̈ܬܐ ܕܥܕܬܐ
39:17 ܣܓܝ̈ܐܐ܂ ܘܒܕܪ̈ܬܐ ܕܡܕܝܢܬܐܿ ܘܒܦܘ̈ܬܩܐ܂ ܐܦ ܒܐܘܪ̈ܚܬܐ ܡܿܝܬܝܢ
39:18 ܗܘܘ ܟܕ ܐܿܬܝܢ ܕܢܥܼܠܘܢ ܠܡܕܝܢܬܐ܂ ܘܒܐܪܚ ܫܒܛ ܬܘܒܼ ܥܫܼܢ
39:19 ܝܘܩܪܢܐ ܘܣܼܓܐ ܡܘܬܢܐ܂ ܘܡܙ̈ܕܒܢܢ ܗܘ̈ܝ ܚ̈ܛܐܼ ܬܠܬܥܣܪ̈ ܩܒ̈ܐ
39:20 ܒܕܝܢܪܐ܂ ܘܣܥܪ̈ܐ ܬܡܢܬܥܣܪ̈ ܩܒ̈ܝܢ܂ ܘܠܝܛܪܐ ܕܒܣܪܐ ܒܡܐܐ
39:21 ܢܘ̈ܡܝܢ܂ ܘܠܝܛܪܐ ܕܬܪܢܓܠܬܐܼ ܒܬܠ̈ܬܡܐܐ ܢܘ̈ܡܝܢ܂ ܘܒܝܥܬܐ
39:22 ܒܐܪ̈ܒܥܝܢ ܢܘ̈ܡܝܢ܂ ܘܣܟܐ ܕܟܠܡܕܡ ܕܡܬܐܟܠ ܒܝܘܩܪܢܐ܂
39:23 ܘܗܘܼ̈ܝ ܒܥܘ̈ܬܐ ܒܐܪܚ ܐܕܪ܂ ܡܛܠ ܡܘܬܢܐ ܕܢܬܟܼܠܐ
39:24 ܡܢ ܐܟܣ̈ܢܝܐ܂ ܘܕܿܡܝܢ ܗܘܘ ܒܢ̈ܝ ܡܕܝܢܬܐ ܟܕ ܡܬܟܿܫܦܝܢ

next page