← Back
The Comprehensive Aramaic Lexicon
← Return to the Text Browser
click on the file description for more information
64500: JoshStyl

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


70:01 ܡܝܓܣܛܪܘܣ ܘܪ̈ܒܝ ܚܝܠܐ ܕܝܢ ܐܬܚܿܫܒܘ ܕܠܐ
70:02 ܙܿܕܩ ܠܗܘܢ ܕܢܿܩܪܒܘܢ ܥܡܗܘܢ܂ ܡܛܠ ܕܠܐ ܗܘܐ ܒܩܛܠܗܘܢ
70:03 ܗܘܿܝܐ ܙܟܘܬܐ ܠܪ̈ܗܘܡܝܐ܂ ܒܗܿܝ ܕܩܪܒܐ ܕܥܡ ܟܠܗܘܢ ܦܘܪ̈ܣܝܐ
70:04 ‍{‍ܩܿܝܡ‍}‍‍<‍ܩܿܐܡ‍>‍ ܠܗܘܢ܂ ܘܐܢ ܗܘܼ ܕܩܘܕ ܡܙܕܟܼܐ܃ ܗܢܼܘܢ ܡܿܫܠܡܝܢ
70:05 ܢܦܫܗܘܢ ܐܘ ܣܿܝܦܝܢ ܒܚܒܘܫܝܗܘܢ܂ ܘܡܛܠ ܗܕܐ ܦܩܼܕ ܕܠܐ
70:06 ܐܢܫ ܢܿܩܪܒ ܥܡܗܘܢ܂ ܕܕܠܡܐ ܒܥܠܬ ܐܝܠܝܢ ܕܡܝܬܝܢ܃ ܐܘ
70:07 ܡܬܡܼܚܝܢ ܡܢ ܪ̈ܗܘܡܝܐ܃ ܣܓܝܐܘܬܗ ܕܚܝܠܐ ܬܬܦܠܗܕ܂
70:08 ܒܐܝܪܚ ܚܙܝܪܢ ܕܝܢ ܩܘܣܛܢܛܝܢܐ ܗܿܘ ܕܐܙܠܼ ܗܘܐ
70:09 ܥܡ ܦܪ̈ܣܝܐ ܟܕ ܚܼܙܐ ܕܠܐ ܐܨܠܚܬܿ ܨܒܘܬܗܘܢ܃ ܥܪܩܼ ܡܢ ܠܘܬܗܘܢ܂
70:10 ܗܘܼ ܘܬܪ̈ܬܝܢ ܢܫ̈ܝܢ ܝܕܝ̈ܥܬܐ ܡܢ ܐܡܕ܃ ܕܡܢ ܡܠܟܐ ܕܦܪ̈ܣܝܐ
70:11 ܐܬܝܼܗܒ ܗܘ̈ܝ ܠܗ܂ ܘܝܘܡ̈ܬܐ ܐܪܒܬܥܣܪ̈܃ ܪܕܼܐ ܠܝܠܝ ܐܝܡܡ
70:12 ܒܡܕܒܪܐ ܕܠܝܬ ܒܗ ܐܢܫ ܥܡ ܕܠ̈ܝܠܐ ܕܥܡܗ܂ ܘܟܕ ܡܿܢܥ ܠܘܬ
70:13 ܫܝܢܐ܂ ܫܘܕܥ ܢܦܫܗ ܠܛܝ̈ܝܐ ܕܪ̈ܗܘܡܝܐ܃ ܘܕܒܼܪܘܗܝ ܘܐܝܬܝܘܗܝ
70:14 ܠܩܣܛܪܐ ܕܡܬܩܼܪܐ ܫܘܪܐ܂ ܘܡܢ ܬܡܢ ܫܿܕܪܘܗܝ ܠܐܘܪܗܝ܂ ܘܟܕ
70:15 ܫܡܼܥ ܡܠܟܐ ܥܠ ܡܬܝܬܗ܃ ܫܿܕܪ ܒܬܪܗ܂ ܘܟܕ ܡܿܢܥ ܕܢܣܼܩ
70:16 ܠܘܬܗ܂ ܦܩܼܕ ܠܚܕ ܡܢ ܐܦܝܣ̈ܩܦܐ܂ ܕܢܣܝܡ ܥܠܘܗܝ ܐܝܕܐ
70:17 ܕܩܫܝܫܘܬܐ܂ ܘܢܼܐܙܠ ܢܬܼܒ ܒܢܩܝܐ ܡܕܝܢܬܐ ܘܩܕܡܘܗܝ ܠܐ
70:18 ܢܬܚܼܙܐ܂ ܘܐܦܠܐ ܠܣܘܥܪܢܐ ܢܬܩܿܪܒ܂
70:19 ܩܘܕ ܕܝܢ ܡܛܠ ܕܟܕ ܟܒܼܫܗܿ ܠܐܡܕ܃ ܥܠ ܐܦ
70:20 ܠܕܝܡܣܝܢ ܕܝܠܗܿ܂ ܘܢܿܣܝ ܠܥܘܕܪܢܐ ܕܡܢ ܡܣܚܘܬܐ܃ ܦܩܼܕ
70:21 ܗܘܐ ܡܚܕܗܿ ܕܢܚܼܬ ܠܐܬܪܗ܃ ܕܢܬܒܼܢ̈ܝܢ ܒܠ̈ܢܣ ܒܟܠܗܘܢ ܡܚܘ̈ܙܐ

next page