← Back
The Comprehensive Aramaic Lexicon
← Return to the Text Browser
click on the file description for more information
64500: JoshStyl

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


80:01 ܨ̈ܠܘܬܟ ܕܐܝܟ ܚܝܠܝ ܐܿܟܬܘܒ ܡܢ ܐܝܠܝܢ ܕܐܣܬܼܥܪ܃ ܠܥܘܗܕܢܐ
80:02 ܕܗܠܝܢ ܕܣܒܼܠܘ ‍{‍ܐܢܘܢ‍}‍‍<‍ܐܢܝܢ‍>‍܃ ܘܠܝܘܠܦܢܐ ܕܐܝܠܝܢ ܕܡܢ ܒܬܪܢ
80:03 ܗܿܘܝܢ܂ ܕܐܢ ܨܿܒܝܢ ܒܗܠܝܢ ܩܠܝܠ ܕܟܬܒܬ ܢܫܟܚܘܢ
80:04 ܠܡܬܚܿܟܡܘ܂ ܣܓܝ̈ܐܢ ܐܢܝܢ ܓܝܪ ܐܝܠܝܢ ܕܫܿܒܩܬ܃ ܡܢ ܐܝܠܝܢ
80:05 ܕܟܬܒܬ܂ ܐܦ ܓܝܪ ܡܢ ܫܘܪܝܐ ܐܡܿܪܬ܃ ܕܠܘ ܠܟܠܗܝܢ ܣܿܦܩ
80:06 ܐܢܐ܂ ܐܘܠ̈ܨܢܐ ܓܝܪ ܕܚܕ ܚܕ ܐܢܫ ܒܠܚܘܕܘܗܝ ܣܼܒܠ܃ ܐܠܘ
80:07 ܐܬܟܼܬܒܘ ܬܫܥ̈ܝܬܐ ܪܘܪ̈ܒܬܐ ܗܿܘܝܢ ܗܘ̈ܝ܂ ܕܟܬܒܐ ܪܒܐܼ ܠܐ ܣܿܦܩ
80:08 ܗܘܐ ܠܗܝܢ܂ ܘܐܝܬ ܠܟ ܕܬܕܥܼ ܡܢ ܗܠܝܢ ܕܐܚܪ̈ܢܐ ܡܿܟܬܒܝܢ܂
80:09 ܐܦ ܗܿܢܘܢ ܕܒܫܡܐ ܕܦܪ̈ܘܩܐ ܠܥܘܕܪܢܢ ܐܬܼܘ܃ ܟܕ ܢܿܚܬܝܢ ܗܘܘ ܘܟܕ
80:10 ܣܿܠܩܝܢ܃ ܒܨܝܪ ܩܠܝܠ܃ ܐܝܟ ܒܥܠ̈ܕܒܒܐ ܒܿܙܝܢ ܗܘܘ ܠܢ܂
80:11 ܣܓܝ̈ܐܐ ܓܝܪ ܡܣ̈ܟܢܐ ܐܚܬܘ ܡܢ ܥܪ̈ܣܬܗܘܢ ܘܕܡܼܟܘ ܒܗܝܢ܃
80:12 ܘܡܪ̈ܝ‍{‍ܗܝ‍}‍ܗܝܢ ܥܠ ܐܪܥܐ ܡܿܓܣܝܢ ܗܘܘ ܒܝܘܡܐ ܕܥܪܝܐ܂ ܘܠܐܚܪ̈ܢܐ
80:13 ܛܪܼܕ^ܘ^ ܘܐܦܩܘ ܡܢ ܒ̈ܬܝܗܘܢܼ ܘܥܼܠ ܫܼܪܘ ܒܗܘܢ܂ ܘܒܥܝܪܐ ܕܐܚܪ̈ܢܐ
80:14 ܒܩܛܝܪܗܘܢ ܐܝܟ ܕܒܫܒܝܐ ܕܒܿܪܝܢ ܗܘܘ܂ ܘܬܟܣܝܬܐ ܕܐܚܪ̈ܢܐ ܡܢ
80:15 ܦܓܪ̈ܝܗܘܢ ܡܿܫܠܚܝܢ ܗܘܘ ܘܫܿܩܠܝܢ܂ ܘܥܡ ܐܚܪ̈ܢܐ ܒܡܚܘ̈ܬܐ
80:16 ܩܫ̈ܝܬܐ ܡܬܚܫܚ‍{‍ܫ‍}‍ܝܢ ܗܘܘ ܡܛܠ ܨܒܘܬܐ ܐܝܿܕܐ ܕܗܼܝ܂ ܘܥܡ
80:17 ܐܚܪ̈ܢܐ܃ ܒܫܘ̈ܩܐ/ܒܫܘܒܐ#2#/ ܡܬܩܛܪܓܝܢ ܗܘܘ ܘܡܚܣܪܝܢ ܠܗܘܢ ܡܛܠ
80:18 ܥܠܼܬܐ ܙܥܘܪܬܐ܂ ܘܡܟܘܠܬܐ ܒܨܝܪܬܐ ܕܟܠܢܫ܃ ܘܐܣܢܐ ܕܐܝܬ ܗܘܐ
80:19 ܠܚܕܚ̈ܕܢܐ ܒܩܘܪ̈ܝܐ ܘܒܡܕܝ̈ܢܬܐ ܓܠܝܐܝܬ ܒܿܙܝܢ ܗܘܘ܂ ܘܒܝܬ
80:20 ܐܘܪ̈ܚܬܐ ܥܠ ܣܓܝ̈ܐܐ ܢܿܦܠܝܢ ܗܘܘ܂ ܘܡܛܠ ܕܝܢ ܕܠܐ ܣ̈ܦܩܢ ܗܘ̈ܝ
80:21 ܠܗܘܢ ܕܪ̈ܬܐ ܘܦܘ̈ܬܩܐ ܕܡܕܝܢܬܐ܃ ܥܡ ܐܘܡ̈ܢܐ ܒܚܢܘ̈ܬܗܘܢ ܫܪܼܝܢ
80:22 ܗܘܘ܂ ܘܠܥܝܢ ܟܠܢܫ ܒܢ̈ܫܐ ܡܫܿܠܛܝܢ ܗܘܘ ܒܫܘ̈ܩܐ ܘܒܒ̈ܬܐ܂

next page