← Back
The Comprehensive Aramaic Lexicon
← Return to the Text Browser
click on the file description for more information
60376: TDN

Click on a word for lexical analysis.
Click on a red-colored coordinate for comments and/or translations of the line
View in Estrangelo
Ask AI about a passage
Hide manuscript variants

previous page


030:01 ܘܐܫܘܼܝܬ ܕܢܗܘܘܢ ܪ̈ܝܫܢܐ ܠܥܡܟ܂ ܐܢܗܪ ܘܐܫܘܿܕ ܣܟܘܠܬܢܘܼܬܐ ܘܛܝܒܘܬܐ
030:02 ܗܝܿ ܕܡܢ ܪܘܼܚܟ ܪܝܼܫܢܝܐ ܗܝܿ ܕܐܫܠܼܡܬ ܠܒܪܟ ܚܒܝܼܒܐ ܝܫܘܿܥ ܡܫܝܼܚܐ܂
030:03 ܗܒ ܚܟܡܬܐ ܐܠܗܐ ܡܫܒܚܬܐ܂ ܓܢܒܪܘܬܐ܂ ܚܝܠܐ܂ ܚܕܝܘܬܐ ܕܪܘܼܚܐ܂
030:04 ܠܡܥܒܕ ܟܠܿܗܝܢ ܒܣܥܘܪܘܬܐ ܕܝܼܠܟ܂ ܗܒ ܪܘܼܚܐ ܗܘܿ ܕܝܼܠܟ܂ ܐܠܗܐ ܩܕܝܫܐ܂
030:05 ܗܘܿ ܕܐܬܝܗܒ ܠܚܣܝܐ ܕܝܼܠܟ ܫܕܪ ܠܥܕܬܟ ܩܕܝܫܬܐ ܘܕܟܝܼܬܐ ܘܠܟܠ ܕܘܟܬܐ
030:06 ܕܡܩܕܫܐ ܠܟ܂ ܘܗܒ ܡܪܝܐ ܕܢܗܘܐ ܥܒܕܐ ܕܝܠܟ ܗܢܐ ܕܫܿܦܪ ܠܟ܂
030:07 ܠܡܡܠܠܘܬ ܫܘܼܒܚܐ ܘܠܩܘܼܠܣܐ ܕܠܐ ܫܠܝܐ ܐܠܗܐ ܠܬܫܒ̈ܚܬܐ ܣܦ̈ܩܬܐ܂
030:08 ܘܠܫܦܝܼܪܘܬ ܙܒܢܐ܂ ܠܨ̈ܠܘܬܐ ܡܩܒ̈ܠܬܐ ܠܫܐܠܬܐ ܡܗܝܡܢܬܐ܂ ܠܬܪܥܝܼܬܐ
030:09 ܬܪܝܼܨܬܐ܂ ܠܠܒܐ ܡܟܝܼܟܐ܂ ܠܣܥܘܪܘܬܐ ܕܚ̈ܝܐ܂ ܘܕܡܟܝܼܟܘܬܐ܂ ܘܕܫܪܪܐ܂
030:10 ܠܝܼܕܥܬܐ ܕܬܪܝܼܨܘܼܬܐ܂ ܐܒܐ ܝܿܕܥ ܠܒܘ̈ܬܐ܂ ܠܥܼܒܕܐ ܕܝܠܟ ܗܢܐ܂ ܗܘܿ
030:11 ܕܓܼܒܝܬ ܠܐܦܝܼܣܩܘܿܦܘܬܐ܂ ܠܡܪܥܐ ܠܡܪܥܝܬܐ ܕܝܼܠܟ ܩܕܝܫܬܐ܂ ܘܕܢܩܘܼܡ ܒܪܝܫ
030:12 ܟܗܢܘܼܬܐ ܕܠܐ ܥܕܠܝ܂ ܟܕ ܡܫܡܫ ܠܟ ܒܐܝܼܡܡܐ ܘܒܠܠܝܐ܂ ܗܒ
030:13 ܕܢܬܚܙܐ ܠܗ ܦܪܨܘܦܟ܂ ܐܫܘܝܗܝ ܡܪܝܐ ܠܡܩܪܒܘܼ ܠܟ ܩܘܪ̈ܒܢܐ ܕܥܕܬܟ
030:14 ܩܕܝܫܬܐ ܙܗܝܼܪܐܝܼܬ ܥܡ ܟܠܗܿ ܕܚܠܬܐ܂ ܫܟܢ ܠܗ ܕܝܢ ܕܢܗܘܐ ܐܝܼܬ ܠܗ܂
030:15 ܪܘܼܚܐ ܕܝܼܠܟ ܡܫܠܛܐ܂ ܠܡܫܪܐ ܠܟܠܗܘܿܢ ܩܛܪ̈ܐ܂ ܐܝܟܢܐ ܕܫܿܟܢܬ ܠܫ̈ܠܝܼܚܐ
030:16 ܕܝܼܠܟ܂ ܠܡܫܦܪ ܠܟ ܕܝܢ ܒܡܟܝܼܟܘܬܐ܂ ܫܡܠܝܗܝ ܒܚܘܼܒܐ܂ ܒܝܼܕܥܬܐ܂
030:17 ܒܡܫܬܘܕܥܢܘܬܐ܂ ܒܡܪܕܘܬܐ܂ ܒܓܡܝܪܘܬܐ܂ ܒܓܢܒܪܘܬܐ܂ ܘܒܠܒܐ ܕܟܝܐ܂
030:18 ܟܕ ܟܝܬ ܡܨܿܠܐ ܚܠܦ ܥܡܐ܂ ܘܟܕ ܡܬܐܒܠ ܚܠܦ ܗܠܝܢ ܕܣܟܠܼܝܢ܂ ܘܢܿܬܦ
030:19 ܠܗܘܢ ܠܘܬ ܥܘܕܪܢܐ܂ ܟܕ ܡܩܿܪܒ ܠܟ ܬܫܒܚ̈ܬܐ ܘܬܘܕܝ̈ܬܐ܂ ܘܨ̈ܠܘܬܐ܂
030:20 ܠܪܝܼܚܐ ܒܣܝܼܡܐ܂ ܒܝܕ ܒܪܟ ܚܒܝܼܒܐ܂ ܡܪܢ ܝܫܘܼܥ ܡܫܝܼܚܐ܂ ܕܒܐܝܕ̈ܘܗܝ
030:21 ܠܟ ܬܫܒܘܚܬܐ ܘܐܝܼܩܪܐ ܘܐܘܚܕܢܐ܂ ܥܡ ܪܘܼܚܐ ܩܕܝܼܫܐ܂ ܐܦ ܡܢ
030:22 ܩܕܡ ܥ̈ܠܡܐ܂ ܐܦ ܗܫܐ ܘܒܟܠ ܙܒܢ ܘܠܕܪܕܪ̈ܝܢ ܘܠܥ̈ܠܡܐ ܕܠܐ ܫܘܠܡ
030:23 ܕܥ̈ܠܡܐ ܐܡܝܢ܀ ܘܢܐܡܪ ܥܡܐ ܐܡܝܢ܀ ܘܒܬܪܟܢ ܢܙܥܩ܂ ܫܿܘܐ ܫܿܘܐ
030:24 ܫܿܘܐ܀
030:25 ܡܢ ܒܬܪܟܢ ܕܝܢ ܕܗܿܘܐ܂ ܢܥܕܥܕ ܥܡܐ ܝܘܡ̈ܬܐ ܬܠܬܐ܂ ܠܐܪܙܐ

next page