The Comprehensive Aramaic Lexicon

84:01	#### ܡܢ ܝܡܝܢܝ ܘܡܢ ܣܡܠܝ܂ ܘܠܐ ܨܿܒܐ ܐܢܬ ܕܬܘܕܥ
84:02	ܚܟܡܬܟ܂ ܐܠܐ ܒܫܬܩܐ ܩܐܡ ܐܢܬܼ܂ ܘܕܡܐ ܐܢܬ ܠܓܒܪܐ
84:03	ܡܪܚܐ ܕܨܿܒܐ ܕܢܛܠܘܡ ܡܕܡ ܕܐܬܓܥܠ ܠܗ܂ ܘܓܠܙ ܐܢܬ ܡܢ
84:04	ܣ̈ܓܝܐܐ ܗܢܝܢܐ܃ ܕܐܢܬ ܠܐ ܡܣܬܓܦ ܐܢܬ ܒܗ܂ ܘܛܠܡ
84:05	ܐܢܬ ܚܟܡܬܐ ܕܝܗܝܒܐ ܠܟ܆ ܐܝܟ ܓܒܪܐ ܒܝܼܫܐ ܘܡܪܚܐܿ܂
84:06	ܘܟܕ ܗܠܝܢ ܐܡܼܪ ܗܘܼܐ ܩܣܪܼ܂ ܦܝܠܣܘܦܐ ܠܐ ܨܼܒܐ ܕܢܡܠܠ
84:07	ܥܡܗ܀ ܗܼܘ ܕܝܢ ܣܩܘܢܕܘܣ ܫܬܝܩܐ ܗܘܼܐ܂ ܘܡܕܡ
84:08	ܠܐ ܐܡܪ ܗܼܘܐ܂ ܘܟܕ ܡܬܕܡܪ ܗܼܘܐ ܒܗ ܩܣܪ܆ ܬܘܒ
84:09	ܐܡܼܪ ܠܗ܂ ܐܘ ܣܿܩܘܢܕܐܼ܆ ܥܕܠܐ ܬܐܬܐ ܠܟܐ ܫܬܝܩ
84:10	ܗܘܼܝܬܼ܂ ܡܛܠ ܕܠܝܬ ܗܼܘܐ ܠܐ ܫܡܘܥܐ ܡܫܟܚܐ ܕܐܟܘܬܝ܂
84:11	ܘܐܦܠܐ ܕܢܕܪܟ ܠܡ̈ܠܝܟ ܡܫܟܚ ܗܼܘܐ܂ ܗܫܐ ܕܝܢ ܕܐܬܼܝܬܼ܂
84:12	ܗܒܠܝ ܦܬܓܡܐ ܥܠ ܟܠܡܕܡ ܕܡܫܐܠ ܐܢܐ ܠܟ܆ ܕܠܐ
84:13	ܦܩܕ ܐܢܐ ܘܒܣܝܦܐ ܢܣܒܝܢ ܚ̈ܝܝܟ܀ ܘܟܕ ܗܠܝܢ ܟܠܗܝܢ
84:14	ܫܡܼܥ ܦܝܠܣܘܦܐ ܗܿܘ܆ ܠܐ ܕܚܼܠ ܡܢܗ ܘܠܐ ܐܬܟܚܕ܂
84:15	ܘܐܦܠܐ ܦܬܓܡܐ ܦܢܝ ܠܗ܂ ܐܠܐ ܒܫܬܩܐ ܪܒܐ ܩܕܡܘܗܝ
85:01	ܩܐܡ ܗܼܘܐ܂ ܘܐܚܕܗ ܬܡܗܐ ܪܒܐ ܠܩܣܪ܂ ܘܚܪ
85:02	ܒܛܪܝܒܘܢܗ ܘܐܡܼܪ ܠܗ ܐܘ ܓܒܪܐܼ܂ ܐܦ ܐܢܬ ܐܦܝܣܝܗܝ
85:03	ܠܗܢܐ ܐܝܟ ܕܢܬܠ ܠܝ ܦܬܓܡܐ܂ ܐܡܪܝܢ ܓܝܪ ܥܠܘܗܝ
85:04	ܥܠ ܓܒܪܐ ܗܿܘ܂ ܕܣܓܝ ܢܓܝܪܐ ܗܘܼܬ ܪܘܚܗ܂ ܘܚܟܝܡ
85:05	ܘܡܠܦܢܐ ܗܼܘܐ ܕܟܠܗܘܢ ܒܢܝ̈ܢܫܐ ܥ̈ܛܠܐ܂ ܗܟܢܐ ܠܡ
85:06	ܕܐܦ ܠܐܪ̈ܝܘܬܐ ܡܫܟܚ ܗܼܘܐ ܕܢܦܝܣ܆ ܕܐܝܟ ܒܢܝ̈ܢܫܐ
85:07	ܢܡܠܠܘܢ܂ ܩܪܒ ܕܝܢ ܠܘܬܗ ܕܦܝܠܣܘܦܐ ܗܿܘ܆ ܘܒܡ̈ܠܐ
85:08	ܣ̈ܓܝܐܬܐ ܘܚܟܝ̈ܡܬܐ ܐܡܿܪ ܗܘܼܐ ܠܗ܂ ܘܡܢܗܝܢ
85:09	ܕܦܝܼܣܐ ܘܡܢܗܝܢ ܕܕܚܠܬܐ܂ ܘܣܓܝ ܡܿܠܟ ܗܘܼܐ ܠܗ
85:10	ܕܢܬܛܦܝܣ܆ ܘܢܬܠ ܦܬܓܡܐ ܠܩܣܪ ܘܠܐ ܢܡܘܬ܀ ܘܟܕ
85:11	ܛܒ ܣܓܝ ܡܠܠ ܥܡܗ܆ ܠܐ ܐܫܟܚ ܠܡܦܣܘ ܪܥܝܢܗ܂
85:12	ܐܠܐ ܫܬܝܩܐܝܬ ܒܐܣܟܝܡܐ ܩܐܡ ܗܼܘܐ܀ ‍[‍ܗܝ‍]‍ܕܝܢ
85:13	ܩܣܪ ܚܡܬܐ ܪܒܬܐ ܐܬܡܠܝ܂ ܘܦܩܕ ‍[‍ܿܿܿ‍]‍ ܕܢܡܘܬ܂
85:14	ܘܫܕܪ ܩܪܐ ܠܐܣܦܘܩܠܛܪܐ ܚܕ ܘܐܡܼܪ ܠܗ܂ ܓܒܪܐ ܕܠܐ
85:15	ܨܒܼܐ ܕܢܬܠ ܦܬܓܡܐ ܠܩܣܪ܆ ܕܢܼܚܐ ܠܐ ܨܿܒܐ ܐܢܐ܂ ܐܠܐ
85:16	ܦܩܿܕܬ ܕܒܣܝܦܐ ܬܣܒ ܚܝ̈ܘܗܝ
85:17	##############
85:18	ܦܬܓܡܐ܂ ܣܒܝܗܝ ܠܪܝܫܗ܂ ‍[‍ܐܢܕܝܢ ܒܫܬܩܗ‍]‍ ܗܢܐ ܡܩܘܐ܃
85:19	ܘܐܿܙܠ ܥܡܟ ܠܐ ܬܩܛܠܝܘܗܝ ܐܠܐ ܟܕ ܚܝ ܐܝܬܝܗܝ
85:20	ܠܘܬܝ܂ ܘܟܕ ܐܿܙܠ ܗܼܘܐ ܥܡܗ ܐܣܦܘܩܠܛܪܐ ܗܿܘ܂ ܡ̈ܠܐ
86:01	ܣ̈ܓܝܐܬܐ ܡܠܠ ܥܡܗ܂ ܘܗܼܘ ܡܢ ܢܡܘܣܐ ܕܢܦܫܗ ܠܐ
86:02	ܐܙܕܟܝ܂ ܐܠܐ ܫܬܩܐ ܗܿܘ ܕܐܚܒ ܡܢ ܝܘܡܐ ܩܕܡܝܐܼ܂
86:03	ܥܕܡܐ ܠܒܝܬ ܡܘܬܐ ܢܿܛܪ ܗܘܼܐ܂ ܘܚܪ ܒܗ ܗܿܘ
86:04	ܐܣܦܘܩܠܬܪܐ ܘܐܬܕܡܪ ܒܗ ܘܐܡܼܪ ܠܗ܂ ܘܐܦܢ ܥܕܡܐ
86:05	ܠܗܫܐ ܫܬܝܩ ܐܢܬ܃ ܘ‍[‍ܿܿܿ‍]‍ ܠܢܦܫܟ ܒܡܠܬܐ
86:06	‍[‍ܿܿ‍]‍ ܠܐ ܨܿܒܐ ܐܢܬ܆ ܐܠܐ ܦܬܼܚ ܦܘܡܟ ܘܡܠܠ ܥܡܝ
86:07	ܘܚܿܝܐ ܐܢܬ܂ ܘܗܼܒ ܚܝ̈ܐ ܠܢܦܫܟ ܒܡܠܬܐ܂ ܗܐ ܓܝܪ ܐܢܬ
86:08	ܚܟܝܡܐ ܘܦܝܠܣܘܦܐ ܡܬܩܪܐ ܐܢܬ܂ ܘܣܿܒܪ ܐܢܐ ܕܠܐ
86:09	ܛܥܝܐ ܠܟ ܗܕܐ܂ ܕܐܦ ܩܘܩܢܘܣ ܐܡܬܝ ܕܡܐܬܼ܂ ܠܘ
86:10	ܒܠܚܘܕ ܡܡܠܠܘ ܡܡܠܠ܂ ܐܠܐ ܐܦ ܡܙܡܪ ܙܡܿܪ ܘܐܢܬ
86:11	ܗܟܝܠ ܡܛܠ ܫܠܝܘܬܐ ܠܡܘܬܐ ܐܫܼܬܠܡܬ ܘܠܐ ܨܿܒܐ
86:12	ܐܢܬ ܕܬܡܠܠ ܘܬܚܐ܂ ܐܠܐ ܡܛܠ ܡܠܬܐ ܕܠܐ ܬܐܡܼܪ
86:13	ܡܐܬ ܐܢܬ܂ ܐܢܐ ܕܝܢ ܡܿܠܟ ܐܢܐ ܠܟ܆ ܕܬܬܘܐ ܡܢ
86:14	ܪܥܝܢܟ ܗܢܐܼ܂ ܘܬܬܠ ܦܬܓܡܐܼ ܘܬܚܿܐ ܢܦܫܟ܂ ܣܿܦܩ ܠܟ
86:15	ܓܝܪ ܗܿܘ ܙܒܢܐ ܕܫܬܝܩ ܗܘܼܝܬ܂ ܐܝܟ ܓܒܪܐ ܒܪ ܚܐܪ̈ܐ
86:16	ܕܠܐ ܕܚܠܬܐ܂ ܗܫܐ ܓܝܪ ܣܝܦܐ ܚܪܝܦܐ ܩܐܡ ܥܠܝܟ܂
86:17	ܘܐܢܫ ܕܢܦܨܝܟ ܠܐ ܡܫܟܚ܆ ܐܠܐ ܐܢ ܨܒܝܢܐ ܕܢܦܫܟ܂
86:18	ܘܡ̈ܠܐ ܐܚ̈ܪܢܝܬܐ ܐܡܿܪ ܗܘܼܐ ܠܗ܆ ܘܪܥܝܢܗ ܠܡܦܣܘ
86:19	ܠܐ ܐܫܟܚ܂ ܡܛܠ ܕܒܿܣܪܗ ܗܼܘܐ ܠܡܘܬܐܼ܂ ܘܒܫܬܩܐ
86:20	ܕܢܩܒܠܝܘܗܝ ܡܣܿܒܿܪ ܗܼܘܐ܂ ܘܐܙܿܠ ܗܼܘܐ ܥܡܗ ܟܕ ܫܬܝܩ܂
86:21	ܡܿܛܝܘ ܗܘܘ ܕܝܢ ܠܗܿܝ ܕܘܟܬܐ܂ ܕܒܗܿ ܡ̈ܣܟܠܢܐ ܡܘܬܐ
86:22	ܡܩܒܠܝܢ ܗܘܘ܂ ܘܫܼܡܛ ܣܝܦܗ ܐܣܦܘܩܠܛܪܐ ܘܚܘܝܗ
86:23	###############
87:01	ܠܡܡܠܠܘ܆ ܬܡܗܐ ܪܒܐ ܐܚܕܗ ܗܼܘܐ ܥܠ
87:02	ܡܣܝܒܪܢܘܬܗ܂ ܘܣܝܦܗ ܒܚܠܬܗ ܚܡܼܠ ܘܢܼܛܪ ܦܘܩܕܢܐ
87:03	ܕܩܣܪ ܘܠܐ ܩܛܠܗ܂ ܡܛܠ ܕܗܟܢܐ ܦܩܝܕ ܗܼܘܐ ܠܗ܂ ܕܐܢ
87:04	ܝܗܿܒ ܠܟ ܦܬܓܡܐ ܘܡܡܠܠ ܥܡܟ ܩܛܘܠܝܗܝ܂ ܘܐܢ
87:05	ܗܟܢܐ ܡܩܘܐ ܒܫܬܩܗ܆ ܟܕ ܚܝ ܐܝܬܝܗܝ ܠܘܬܝ܂ ܘܕܒܪܗ
87:06	ܘܐܬܐ ܠܘܬ ܩܣܪ܂ ܘܣܓܕ ܩܕܡܘܗܝ ܘܐܡܼܪ ܠܗ܂ ܡܪܝ
87:07	ܩܣܪ ܠܥܠܡ ܚܝ܂ ܓܒܪܐ ܕܐܫܠܡܬ ܠܝ܆ ܐܝܟ ܕܐܝܬܘܗܝ
87:08	ܐܝܬܝܬܗ ܠܟ܂ ܘܐܝܟ ܕܢܦܩ ܡܢ ܩܕܡܝܟ ܗܟܢܐ ܩܘܝܼ
87:09	ܥܕܡܐ ܠܒܝܬ ܡܘܬܐ܂ ܕܢܡܘܣܐ ܕܫܬܩܗ ܢܛܪ܂ ܘܣܟ
87:10	ܦܬܓܡܐ ܠܐ ܝܗܼܒ ܠܝ܂ ܘܗܐ ܩܐܡ ܩܕܡܝܟ܂ ܘܟܕ ܗܠܝܢ
87:11	ܫܡܼܥ܆ ܬܡܗܐ ܪܒܐ ܐܚܕܗ ܒܡܣܝܒܪܢܘܬܗ ܕܓܒܪܐ܂
87:12	ܘܣܓܝ ܐܬܕܡ‍[‍ܪ‍]‍ ܒܗ܂ ܘܐܡܼܪ ܠܗ܂ ܐܘ ܦܝܠܣܘܦܐܼ܂ ܐܢ
87:13	ܐܢܬ ܕܢܡܘܣܐ ܕܫܬܩܐ ܣܡܬ ܠܢܦܫܟ܃ ܥܕܡܐ
87:14	ܠܒܝܬ ܡܘܬܐ ܢܛܪܬܝܗܝ܃ ܐܢܐ ܕܡܿܠܟܐ ܐܝܬܝ ܘܫܠܝܛ
87:15	ܐܢܐ ܠܡܩܛܠ ܘܠܡܚܝܘ܃ ܘܠܡܣܡ ܢܡܘܣܐ ܘܠܡܫܪܐܼ܂
87:16	ܠܐ ܐܥܒܕ ܨܒܝܢܝ܂ ܘܐܫܪܝܘܗܝ ܠܢܡܘܣܟ ܗܢܐ܂ ܕܐܦܢ
87:17	ܒܦܘܡܟ ܠܐ ܨܿܒܐ ܐܢܬ ܕܬܡܠܠ ܥܡܝ܆ ܥܿܒܕ ܐܢܐ ܠܟ
87:18	ܗܕܐ ܕܒ̈ܐܝܕܝܟ ܬܡܠܠ ܥܡܝ܂ ܘܐܢܬ ܢܡܘܣܐ ܕܫܦܝܪ
87:19	ܠܨܒܝܢܟ ܕܬܛܼܪ ܛܼܪ܂ ܩܒܠ ܦܢܩܝܬܐ ܗܕܐ܂ ܘܟܬܘܒ ܒܗܿ
87:20	ܡܕܡ ܕܨܿܒܐ ܐܢܬ܂ ܘܡܠܠ ܥܡܝ ܒܐܝܕ̈ܝܟ ܘܠܐ ܒܩܠܟ܂
87:21	ܘܦܘܩ ܠܝ ܪܘܚܐ ܥܠ ܡܕܡ ܕܡܫܐܠ ܐܢܐ ܠܟ܀ ܗܝܕܝܢ
87:22	ܣܩܘܢܕܘܣ܂ ܩܒܠ ܦܢܩܝܬܐ ܡܢ ܩܣܪ܆ ܘܟܼܬܒ ܗܟܢܐ܂ ܐܘ
87:23	ܗܕܪܝܢܐܼ܆ ܥܠ ܚ̈ܝܝ ܘܥܠ ܡܘܬܝ ܫܪܝܪܐܝܬ ܫܘܠܛܢܐ ܐܝܬ
87:24	ܠܟ܂ ܗܠܝܢ ܓܝܪ ܕܨܒܝܢܟ ܐ̈ܢܝܢ܂ ܐܦ ܕܐܚܐ ܐܦ ܕܐܡܘܬ
87:25	######################
88:01	ܡܘܬܐ ܗܿܢܘ܆ ܫܢܬܐ ܕܠܥܠܡ ܫܪܘܝܐ ܕܦܓܪܐ܂
88:02	ܕܚܠܬܐ ܕܟܪ̈ܝܗܐ܂ ܨܠܘܬܐ ܕܢܓܝܪ̈ܝ ܝ̈ܘܡܬܐ܂ ܣܘܟܝܐ
88:03	ܕܒܝܼ̈ܫܝ ܓܕܐ܂ ܦܪܘܫܝܐ ܕܢܦܫܐ܂ ܒܥܠܕܒܒܐ ܕܥܠܝܡܘܬܐ܂
88:04	ܬܚܘܡܐ ܕܣܝܒܘܬܐ܂ ܚܪܬܐ ܕܥܘܡܪܐ܂ ܡܘܒܕܢܐ
88:05	ܕܚܟ̈ܡܬܐ܂ ܨܒܝܢܐ ܕܡ̈ܣܟܢܐ܂ ܢܝܚܐ ܕܗܕ̈ܡܐ܂ ܡܓܡܪܢܐ
88:06	ܕܥܠܡܐ܂ ܡܡܿܠܝܢܐ ܕܦܘܣܩܢܐ܂ ܡܫܿܠܡܢܐ ܕܡܘܫ̈ܚܬܐ܂
88:07	ܡܥܟܪܢܐ ܕܚ̈ܝܐ܂ ܡܣܪܕܢܐ ܕܒܢܝܢܫ̈ܐ܂ ܡܒܘܥܐ ܕܕܡ̈ܥܐ܂
88:08	ܡܿܠܟܐ ܕܐܝܠܝܢ ܕܠܐ ܐܝܬܝܗܘܢ܂ ܟܪܝܘܬܐ ܕܣ̈ܓܝܐܐ܂
88:09	ܢܝܚܐ ܕܚܕܚ̈ܕܢܐ܂ ܡܙܝܥܢܐ ܕܢܦܫ̈ܬܐ܂ ܡܦܩܢܐ ܕܢܗܝܪܐ܂
88:10	ܡܫܕܪܢܐ ܠܚܫܘܟܐ ܡܒܕܪܢܐ ܕܓܪ̈ܡܐ܂ ܫܪܘܝܐ
88:11	ܕܡܚܫ̈ܒܬܐ܂ ܡܒܛܠܢܐ ܕܨܢ̈ܥܬܐ܂ ܪܚܡܐ ܕܫܬܩܐ܂
88:12	ܒܥܠܕܒܒܐ ܕܢܝܚܐ܂ ܣܢܐܐ ܕܥܬܝܪ̈ܐ܂ ܕܫܘܚܕܐ ܠܐ
88:13	ܡܩܒܠ܂ ܡܚܒܠܢܐ ܕܟܠ ܦܓܪܼ܂ ܫܪܝܐ ܠܟܠܡܕܡ܀
88:14	ܫܠܡ ܣܩܘܢܕܘܣ܃ ܦܝܠܣܘܦܐ ܫܬܝܩܐ܃