The Comprehensive Aramaic Lexicon

060:01	ܬܘܒ ܐܓܪܬܐ ܕܚܣܝܐ ܣܐܘܪܐ ܣܒܘܟܬ ܐܦܝܣܩܦܐ ܕܩܢܫܪܝܢ ܠܘܬ ܣܐܘܪܐ ܝܘܢܢ ܪܚܡܗ
060:02	ܡܛܠ ܦܘܫܩܐ ܡܕܡ ܡܕܡ ܡܢ ܐܘܡܢܘܬܐ ܡܠܝܠܬܐ ܕܐܪܝܣܛܛܠܝܣ ܦܝܠܣܘܦܐ
060:03	ܠܪܚܡ ܐܠܗܐ ܘܕܚܠ ܐܠܗܐ ܐܚܘܢ ܪܘܚܢܐ ܚܒܝܒܐ ܩܫܝܫܐ ܘܣܥܘܪܐ ܝܘܢܢ ܣܐܘܪܐ ܒܨܝܪܐ
060:04	ܒܡܪܝܐ ܚܕܝܿ ܩܒܠܬ ܐܦ ܗܫܐ ܠܓܪܬܐ ܕܐܚܘܬܟ ܪܘܚܢܝܬܐ ܐܦܢ ܘܠܡܚܣܢ ܘܡܫܘܚܪܬܝܐ
060:05	ܒܬܪ ܫܢܬܐ ܓܝܪ ܚܕܐ ܠܥܢܝܢܐ ܗܿܘ ܕܥܒܕܬ ܠܘܬ ܚܘܒܟ ܐܬܬ ܠܘܬܝ ܘܪܒܬ܂ ܚܕܝܬ ܕܐܣܬܒܪܬ
060:06	ܐܝܟ ܥܝܕܐ ܥܠ ܫܦܝܪܘܬ ܚܘܠܡܢܐ ܕܕܚܠܬ ܐܠܗܐ ܕܝܠܟ ܐܟܚܕܐ ܕܝܢ ܘܕܫܦܪܬ ܠܣܟܘܠܬܢܘܬܐ
060:07	ܕܐܚܘܬܟ ܡܥܗܕܢܘܬܐ ܗܝ ܕܗܘܬ ܡܢܝ ܡܛܠ ܦܘ ̈ܫܟܐ ܗܢܘܢ ܕܗܘܘ ܠܗ ܒܙܒܢ ܡܛܠ ܩܢܘ̈ܢܐ ܡܕܡ
060:08	ܡܕܡ ܕܐܒܗ̈ܬܐ ‍{‍ܘ‍}‍‍<‍ܩ‍>‍ܕܝܫ̈ܐܿ ܘܐܘܕܝܬ ܝܬܝܪ ܡܬܝ‍{‍ܢܢ‍}‍‍<‍ܚ‍>‍ܐܝܬ ܘܫܒܚܬ ܠܐܠܗܐ ܗܿܘ ܕܕܝܠܗ ܗܼ ܝ ܚܟܡܬܐ
060:09	ܘܣܘܟܠܐ ܗܿܘ ܕܐܦ ܓܿ ܠܐ ܐܪܙܐ ܘܫܪܐ ܩܛܪ̈ܝܢ ܐܝܟܢܐ ܕܐܝܟ ܢܒܝܐ ܕܢܝܐܝܠܿ ܘܚܢܢ ܢܐܡܪ
060:10	ܕܐܫܬܪܝܘ ܠܟ ܦܘ ̈ܫܟܐ ܗܢܘܢ ܕܡܛܠܬܗܘܢ ܟܡܬ ܥܡܝܠ ܗܘܝܬ ܒܡܚܫܒܬܟ ܘܟܕ ܛܒ ܐܢܐ ܘܐܠ
060:11	ܡܕܡ ܐܡܪܬ ܡܢ ܢܦܫܝ ܐܝܟܢܐ ܕܝܕܥܐ ܗܼܝ ܐܚܘܬܟ ܐܠܐ ܡܢ ܗܢܝܢ ܕܩ ̈ܕܝܡܢ ܟ̈ܬܝܒܢ ܠܥܬܝ ̈ܩܐ ܒܝܕ
060:12	ܬܫܥ̈ܝܬܐ ܥܕ̈ܬܢܝܬܐ ܟܝܬ ܐܘ ܒܝܕ ܡܠܦܢܘ̈ܬܐ ܐܝܟ ܕܒܙܥܘܪܝܬܐ ܥܗܕܬ ܠܚܟܡܬܐ ܕܐܚܘܬܟ
060:13	ܗܿܝ ܕܡܢ ܙܥܘܪ̈ܝܬܐ ܣܓܐ̈ܬܐ ܡܣܬܟܠܐ܂ ܩܒܠܬ ܕܝܢ ܐܝܟ ܚܕܐ ܐܦ ܠܨܚܚܐ ܕܬܪܬܝܢ ܐܓܪ̈ܬܐ
060:14	ܕܙܘܓܐ ܐܠܗܝܐ ܕܓܪܝܓܘܪܝܘܣ ܟܝܬ ܘܕܒܣܝܠܝܘܣ ܗܘ܂ ܕܥܡܗ ܕܐܓܪܬܐ ܕܐܚܘܬܟ ܐܟܚܕܐ
060:15	ܡܙܘܓ ܗܘܐ܂ ܿܘ ܕܙܒܢ̈ܬܐ ܣܓܝܐ̈ܬܐ ܐܦܝܣܬ ܠܣܓܝܐ̈ܐ ܡܢ ܐܚ̈ܐ ܕܝܠܢ ܒܢ̈ܝ ܥܘܡܪܟ ܗܘ
060:16	ܩܕܝܫܐ ܕܢܫܬܕܪ ܠܝ ܘܠܡܚܣܢ ܗܫܐ ܒܝܕ ܚܦܝܛܘܬܐ ܕܐܚܘܬܟ ܐܬܡܛܝ ܠܘܬܝܿ ܡܛܠ ܗܿܝ ܕܐܦ
060:17	ܩܒܠܬ ܛܝܒܘܬܐ ܕܐܚܘܬܟ ܕܝܠܟ ܘܨܠܝܬ ܐܝܟ ܚܛܝܐ ܕܡܪܝܐ ܢܗܘܐ ܦܪܘܥܐ ܛܒܐ ܠܚܘܒܟ
060:18	ܒܨ̈ܠܘܬܐ ܕܝܠܗܘܢ ܕܩܕܝܫ̈ܐ ܕܐܡܪܝܢܿ ܘܗܠܝܢ ܡܿܢ ܕܐܝܟ ܗܟܢܐ܂
060:19	ܡܛܠ ܕܝܢ ܗܠܝܢ ܐܚܪ̈ܢܝܬܐ ܬܘܒ ܗܫܐ ܫܐܠܬ ܐܚܘܬܟ ܒܗܿ ܒܐܓܪܬܐ ܕܐܡܝܪܐ ܕܐܝܬܝܗܝܢ
060:20	ܡܢ ܐܘܡܢܘܬܐ ܡܠܝܠܬܐ ܕܐܪܝܣܛܘܛܠܝܣ ܦܝܠܣܘܦܐ܂ ܗܢܘ ܕܝܢ ܕܡܬܦܫܟ ܐܢܬ ܠܡ ܒܗܠܝܢ
060:21	ܕܟܬܝܒ̈ܢ ܒܦܐܪܝܐܪܡܢܝܘܣ ܒܦܣܘܩܐ ܕܬܠܬܐ ܐܝܟܐ ܕܥܒܕ ܠܚܡܘܬܐ ܗܼܘ ܦܝܠܣܘܦܐ ܕܦܪ̈ܘܛܣܝܣ
060:22	ܗܠܝܢ ܕܐܝܬ ܠܗܝܢ ܦܪܘܣܕܝܘܪܝܣܡܘܣܿ ܐܡܪ ܐܢܐ ܕܝܢ ܕܗܠܝܢ ܦܫ̈ܝܛܬܐ ܟܝܬ ܘܕܗܠܝܢ ܕܡܛܬܣܝܣ
060:23	ܒܝܕ ܗܠܝܢ ܕܡܬܩܪ̈ܝܢ ܓܠܝܙ̈ܬܐ܂ ܕܐܝܟܢܐ ܠܡ ܟܕ ܢܫܗ ܕܦܝܠܣܘܦܐ ܐܝܬܘܗܝ ܕܢܚܘܐ ܫܪܪܐ ܕܐܝܟܢܐ
060:24	ܡܢ ܕܓܠܘܬܐ ܡܬܦܪܫܿ ܘܕܡܢ ܟܠܦܪܘܣ ܚܕܐ ܡܢܬܐ ܕܐܢܛܝܦܣܝܣ ܫܪܝܪܐ ܘܚܕܐ ܕܓܠܐܿ ܒܗܠܝܢ
060:25	ܕܣܝ̈ܡܢ ܫܪܪܐ ܡܬܚܙܐ܂
060:26	ܬܘܒ ܕܝܢ ܡܛܠ ܟܬܒܐ ܕܐܢܘܠܘܛܝܩܐ ܕܐܢܗܘ ܠܡ ܐܝܬܘܗܝ܂ ܿܘ ܕܡܫܬܡܗ ܒܡܟܬܒܢܘ̈ܬܗ
060:27	ܕܐܪܝܣܛܛܠܝܣ ܩܕܡܝܐ ܘܐܚܪܝܐ܂
060:28	ܘܬܘܒ ܒܬܪܟܝܢ ܕܝܢ ܕܡܢܐ ܗܼܝ ܠܡ ܡܠܬܐ ܕܐܣܟܝܡܐ ܕܣܐܿܡ ܠܐܦ̈ܝ ܫܘܠܡܗ ܕܟܬܒܐܿ
062:01	ܥܡ ܗܠܝܢ ܕܝܢ ܬܘܒ ܘܕܡܢܐ ܗܼܝ ܠܡ ܗܿܝ ܕܐܢ ܐܠܦ ܒܟܠܗ ܒܝܬ ܒܝܬ ܒܟܠܗ ܓܡܠ ܡܕܝܢ ܐܠܦ
062:02	ܒܟܠܗ ܓܡܠ ܘܐܝܠܝܢ ܕܠܗܠܝܢ ܕܡܝ̈ܢ܂
062:03	1 ܠܡܥܗܕ ܙܕܩ ܐܘ ܚܒܝܒܐ ܕܒܕܘܟܬܐ ܗܕܐ ܟܕ ܛܒ ܡܛܠ ܠܚܡܘܬܐ ܒܠܚܘܕ ܕܝܠܗܝܢ ܕܦܪ̈ܘܛܣܝܣ
062:04	ܕܐܡܝܪ̈ܢ ܗܿܝ ܟܝܬ ܕܝܬܝܪܐܝܬ ܘܒܨܝܪܐܝܬ ܡܫܪ̈ܢ ܨܐܝܕ ܚ̈ܕܕܐ ܐܝܬ ܠܗ ܢܝܫܐ ܠܦܝܠܣܘܦܐ ܒܪܡ
062:05	ܐܦܠܐ ܗܪܟܐ ܒܿܛܠ ܐܟܣܝܘܡܐ ܕܐܢܛܝܦܣܝܣ ܐܝܟܢܐ ܕܠܟ ܐܣܬܒܪ܂ ܠܘ ܓܝܪ ܬܪܬܝܗܝܢ ܡܢܘ̈ܬܗ
062:06	ܕܐܢܛܝܦܣܝܣ ܐܟܚܕܐ ܒܗܿ ܟܕ ܒܗܿ ܒܗܘܦܬܣܝܣ ܡܫܪ̈ܢ ܐܠܐ ܒܐܚܪܬܐ ܘܐܚܪܬܐ܂ ܟܕ ܒܗܿܝ ܡܿܢ
062:07	ܕܩܛܦܣܝܣ ܡܫܪܐ ܐܦܘܦܣܝܣ ܕܝܠܗ ܡܕܓܠܐ܂ ܒܿܗܝ ܕܝܢ ܕܩܛܦܣܝܣ ܡܕܓܠܐ ܐܦܘܦܣܝܣ ܕܝܠܗ
062:08	ܡܫܪܐ܂ ܐܝܟܢܐ ܕܐܦ ܗܪܟܐ ܫܪܪܐ ܘܕܓܠܘܬܐ ܐܟܚܕܐ ܢܗ̈ܘܝܢ ܡܦ̈ܠܓܢܿ ܡܢܘ̈ܬܐ ܕܐܢܛܝܦܣܝܣ
062:09	ܐܝܟ ܕܒܟܠ ܕܘܟ܂ ܗܕܐ ܕܝܢ ܬܘܒ ܚܙܝܢܢ ܐܢ ܡܬܒܩܝܢܢ ܘܠܘܬ ܬܠܬܝܗܝܢ ܗܘ̈ܠܣ ܘܠܘܬ ܬܠܬܝܗܘܢ
062:10	ܙܒ̈ܢܐ ܕܐܝܟܐ܂ ܗܿܝ ܚܕܐ ܡܢܬܐ ܡܫܪܐ ܗܿܝ ܐܚܪܬܐ ܡܢ ܟܠܦܪܘܣ ܡܕܓܠܐ܂ ܘܬܘܒ ܗܿܝ ܕܒܗܦܟܐ
062:11	ܕܐܝܟܐ܂ ܗܿܝ ܡܕܓܠܐ ܗܿܝ ܐܚܪܬܐ ܡܫܪܐ ܕܐܝܟ ܐܝܟܢ ܟܠ ܒܪܢܫܐ ܚܝܘܬܐ ܠܐ ܟܠ ܒܪܢܫܐ
062:12	ܚܝܘܬܐ ܟܠ ܒܪܢܫܐ ܙܕܝܩܐ ܠܐ ܟܠ ܒܪܢܫܐ ܙܕܝܩܐ ܟܠ ܒܪܢܫܐ ܟܐܦܐ ܠܐ ܟܠ ܒܪܢܫܐ ܟܐܦܐ܂ ܗܐ
062:13	ܓܝܪ ܟܕ ܩܛܦܣܝܣ ܒܚܕܐ ܡܿܢ ܒܠܚܘܕ ܗܘܠܐ ܐܫܪܬ ܐܡܪ ܐܢܐ ܕܝܢ ܒܗܿܝ ܐܠܨܬܐ ܕܓܠܬ ܕܝܢ
062:14	ܒܗܠܝܢ ܬܪܬܝܢ ܒܡܬܡܨܝܢܝܬܐ ܟܝܬ ܘܒܠܐ ܡܫܟܚܢܝܬܐ܂ ܐܦܘܦܣܝܣ ܗܿܝ ܕܠܩܘܒܠܐ ܥܒܕܬ ܐܫܪܬ
062:15	ܡܿܢ ܒܗܠܝܢ ܬܪܬܝܢ ܕܓܠܬ ܕܝܢ ܒܗܿܝ ܐܠܨܬܐ ܒܠܚܘܕ܂ ܗܟܢܐ ܘܡܛܠ ܙܒ ̈ܢܐ ܐܢ ܬܣܒ ܚܙܐ ܐܢܬ
062:16	ܕܡܦܪܫܝܢ ܫܪܪܐ ܘܕܓܠܘܬܐ܂ ܗܼܝ ܟܕ ܼܗܝ ܐܪܐ ܐܝܬ ܠܡܚܙܐ ܘܠܘܬ ܗܘܦܬܣܝܣ ܗܢܝܢ ܕܐܬܢܣܒ
062:17	ܡܛܠ ܠܚܡܘܬܐ ܕܦܪ̈ܘܛܣܝܣ ܦܪܘܣܕܝܪܝܣܡܢ̈ܝܬܐ ܕܚܕܐ ܡܿܢ ܡܢܬܐ ܕܐܢܛܝܦܣܝܣ ܡܫܪܐ ܐܚܪܬܐ
062:18	ܕܝܢ ܡܕܓܠܐܿ ܝܕܝܥܐ ܗܼܝ ܕܝܢ ܕܒܐܚܪܬܐ ܗܘܦܬܣܝܣ ܘܐܚܪܬܐ ܐܝܟܢܐ ܕܐܡܪܬ ܡܢ ܠܥܠܿ
062:19	ܕܡܛܠ ܠܚܡܘܬܐ ܕܝܢ ܒܠܚܘܕ ܕܦܪ̈ܘܛܣܝܣ ܕܐܡܝܪ̈ܢ ܐܝܬܘܗܝ ܢܝܫܗ ܕܦܝܠܣܘܦܐ ܒܕܘܟܬܐ
062:20	ܗܕܐ ܘܠܘ ܡܛܠ ܡܕܡ ܐܚܪܝܢ ܝܠܦ ܐܢܬ ܘܡܢ ܗܪܟܐ ܗܢܘ ܕܝܢ ܕܟܕ ܠܚܕܐ ܒܠܚܘܕ ܐܢܛܝܦܣܝܣ
062:21	ܣܡ ܗܿܝ ܕܟܠ ܘܠܐ ܟܠ ܘܒܗܕܐ ܒܠܚܘܕ ܥܿܒܕ ܠܚܡܘܬܐܿ܂ ܼ ܢ ܗܿܝ ܐܚܪܬܐ ܐܢܛܝܦܣܝܣ ܐܡܪ
062:22	ܐܢܐ ܕܝܢ ܗܿܝ ܕܚܕ ܘܠܐ ܚܕ ܐܫܬܠܐ ܒܗܿܝ ܕܠܐ ܡܨܝܐ ܗܘܬ ܕܗܿܝ ܟܕ ܗ ܼ ܝ ܠܚܡܘܬܐ ܬܗܘܐ ܒܗ ܿ ܂
062:23	ܠܐ ܓܝܪ ܡܨܝܐ ܕܬܚܘܐ ܐܦܘܦܣܝܣ ܕܡܛܬܣܝܣ ܨܐܝܕ ܩܛܦܣܝܣ ܦܫܝܛܬܐ ܕܐܘ ܝܬܝܪܐܝܬ
062:24	ܐܘ ܒܨܝܪܐܝܬ ܡܫܪܐ ܒܝܕ ܗܿܝ ܓܠܝܙܘܬܐ ܐܝܟܢܐ ܕܐܝܬ ܠܟ ܡܢܗ ܕܟܬܒܐ ܕܐܡܝܪ ܢܗܝܪܐܝܬ
062:25	ܠܡܐܠܦ ܘܗܕܐ ܡܢ ܕܐܝܟ ܗܟܢܐ܂
062:26	2ܿ1 ܡܛܠ ܕܝܢ ܟܬܒܐ ܕܐܢܘܠܛܝܩܐ ܬܘܒ ܠܡܕܥ ܙܕܩ ܕܐܪܒܥܐ ܟܬܒ̈ܐ ܐܝܬܝܗܘܢ ܕܥܒܕ
062:27	ܐܪܝܣܛܛܠܝܣ ܡܼܢ ܒܬܪ ܗܿܘ ܕܦܪܝܪܡܢܝܘܣ ܐܡܪ ܐܢܐ ܘܩܕܡ ܗܿܘ ܕܛܘܦ̈ܝܩܐ ܿ ܕܡܼܢ ܗܠܝܢ ܐܪܒܥܐ
062:28	ܬܪܝܢ ܡܿܢ ܗܢܘܢ ܩܕܡܝ̈ܐ ܡܬܩܪܝܢ ܐܢܘܠܘܛܝܩܐ ܬܪܝܢ ܕܝܢ ܗܢܘܢ ܐܚܪ̈ܢܐ ܐܦܘܕܝܩܛܝܩܐܿ
062:29	ܘܐܝܟܢܐ ܕܗܘ ܕܦܪܝܪܐܡܢܝܘܣܿ ܡܛܠ ܐܢܘܠܘܛܝܩܐ ܐܬܥܒܕ ܗܟܢܐ ܘܗܢܘܢ ܕܐܢܘܠܘܛܝܩܐ
062:30	ܡܛܠ ܐܦܘܕܝܩܛܝܩܐ܂
062:31	ܐ̈ܢܫܝܢ ܕܝܢ ܐܡܪܝܢ ܕܗܿܘ ܩܕܡܝܐ ܕܐܢܘܠܘܛܝܩܐ ܡܛܠ ܐܦܘܕܝܩܛܝܩܐ ܐܬܥܒܕ ܗܿܘ ܕܝܢ ܕܬܪܝܢ
062:32	ܡܛܠ ܛܘܦܝܩܐ ܐܘܟܝܬ ܐܬܪ̈ܘܬܐܿ ܐ̈ܢܫܝܢ ܕܝܢ ܐܝܬ ܐܝܟܐ ܕܐܦ ܐܟܚܕܐ ܠܐܪܒܥܬܝܗܘܢ
062:33	ܟܬܒ̈ܐ ܩܪܝܢ ܐܢܘܠܘܛܝܩܐ ܩܕܡ̈ܝܐ ܘܐܚܪ̈ܝܐ ܟܕ ܠܬܪܝܢ ܡܼܢ ܗܢܘܢ ܩܕܡܝ̈ܐ ܩܪܝܢ ܐܢܘܠܘܛܝܩܐ
062:34	ܩܕܡ̈ܝܐ ܠܗܢܘܢ ܕܝܢ ܬܪܝܢ ܕܫܪܟܐ ܐܢܘܠܛܝܩܐ ܐܚܪ̈ܝܐܿ ܘܗܕܐ ܟܡܬ ܥܒܕܝܢ ܡܛܠ ܗܿܝ
062:35	ܕܚܠܝܛܐ ܗܼܝ ܠܡ ܡܠܬܐ ܕܡܛܠ ܐܢܘܠܛܝܩܐ ܒܗܿܘ ܕܐܦܘܕܝܩܛܝܩܐ ܘܕܗܢܐ ܬܘܒ ܒܗܿܘ܂
064:01	ܟܕ ܝܕܝܥܐ ܗܼܝ ܕܗܿܘ ܡܿܢ ܡܛܠ ܗܘܝܐ ܘܫܪܝܐ ܕܣܘܠܘܓܝܣܡܘܣ ܕܚܿܫܚܝܢ ܐܠܦܘܕܝܩܛܝܩܐ ܐܡܿܪ ܘܡܦܪܫ
064:02	ܠܟܠܗܘܢ ܐܣܟܡ̈ܐ ܘܙ̈ܢܝܐ ܕܣܘܠܘ̈ܓܝܣܡܘ ܕܩܛܝܓܘܪܝܩܝܐ ܟܝܬ ܐܡܪ ܐܢܐ ܘܕܗܢܘܢ ܕܡܬܐ‍<‍ܡ‍>‍ܪܝܢ
064:03	ܗܘܦܬܛܝܩܘ ܐܘܟܝܬ ܣܝܘܡ̈ܐ ܕܦܫܝ̈ܛܐ ܟܝܬ ܘܕܡ̈ܪܟܒܐ ܕܡܫܡ̈ܠܝܐ ܟܝܬ ܘܠܐ ܡܫܡ̈ܠܝܐ ܕܟܘܠ̈ܢܝܐ ܟܝܬ
064:04	ܘܠܐ ܟܘ̈ܠܢܝܐ ܘܕܗܢܘܢ ܬܘܒ ܚܘܕܪ̈ܢܝܐ ܥܡ ܫܪܟܐ ܕܐܚܪ̈ܢܐ܂ ܘܡܚܘܐ ܕܟܡܐ ܘܐܝܠܝܢ ܐܝܬܝܗܘܢ
064:05	ܘܕܐܝܠܝܢ ܫܪܝܪ̈ܝܢ ܘܐܝܠܝܢ ܕܓܠܝ̈ܢ ܘܡܠܦ ܕܟܕ ܡܐܐ ܡܿܢ ܘܬܡ̈ܢܝܐ ܙ̈ܢܝܐ ܩܛܝܓܘܪ̈ܝܩܝܐ ܡܫܬܟ̈ܚܝܢ ܕܗܘܝܢ
064:06	ܬܠܬܝܢ ܟܝܬ ܘܫܬܐ ܒܟܠ ܐܣܟܡܐ ܟܕ ܒܠܚܘܕ ܡܫܬܟ̈ܚܝܢ ܕܫܪܝܪܝܢ ܗܢܘܢ ܕܡܫܘܙܒܝܢ ܒܗܘܢ ܓܘܢ̈ܝܬܐ
064:07	ܟܝܬ ܘܕܝ̈ܠܢܝܬܐ ܕܟܠܚܕ ܡܼܢ ܐܣܟܝܡ̈ܐ ܐܪܒܥܐ ܡܿܢ ܒܗܿܘ ܩܕܡܝܐ ܐܪܒܥܐ ܕܝܢ ܒܗܿܘ ܕܬܪܝܢ ܐܫܬܐ ܕܝܢ
064:08	ܒܗܿܘ ܕܬܠܬܐ܂ ܕܫܪܟܐ ܕܝܢ ܕܗܘ̈ܝܢ ܬܫܥܝܢ ܘܐܪܒܥܐ ܕܓܠ̈ܐ ܐܝܬܝܗܘܢ ܒܗܿܝ ܕܠܐ ܢܛܪܝܢ ܒܗܘܢ ܕܝܠܢܝ̈ܬܐ
064:09	ܟܝܬ ܘܓܘܢܝ̈ܬܐ ܕܝܠܗܘܢ ܕܐܣܟܝܡ̈ܐ܂ ܗܢܐ ܕܝܢ ܡܛܠܬܗܘܢ ܒܠܚܘܕ ܕܣܘܠܘܓܝܣܡܘܣ ܐܦܘܕܝܩ̈ܛܝܩܝܐ
064:10	ܐܘܟܝܬ ܡܬܚܘ̈ܝܢܐܿ ܡܬܗܝܡ̈ܢܢܐ ܟܝܬ ܘܡܫ̈ܡܠܝܐ ܡܠܦ ܟܕ ܐܟܚܕܐ܂ ܣܿܐܡ ܘܡܚܘܐ ܘܠܗܿܝ ܕܡܢܐ ܘܠܗܿܝ
064:11	ܕܡܛܠ ܡܢܐ ܗܢܘ ܕܝܢ ܘܠܥܠܬܐ ܘܠܥ̈ܠܠܬ ܥ̈ܠܠܬܐܿ ܐܝܟܢܐ ܕܡܿܢ ܒܬܪ ܡܬܚܘܝܢܘܬܐ ܗܿܝ ܕܗܟܢܐ ܡܠܝܠܐܝܬ
064:12	ܘܐܘܡܢܐܝܬ ܗܘܝܐ ܠܐ ܬܘܒ ܥܠ ܡܬܚܘܝܢܘܬܐ ܐܚܪܬܐ ܢܣܬܢܩ ܗܿܘ ܡܐ ܕܡܬܒܥܐ ܕܢܬܝܕܥܿ
064:13	2ܿ2 ܡܛܠ ܟܬܒܐ ܕܝܢ ܕܐܬܪ̈ܘܬܐ ܗܿܘ ܕܐܡܝܪ ܡܢ ܠܥܠ ܐܝܟܢܐ ܕܐܦܠܐ ܗܕܐ ܬܛܥܐ ܐܠܚܘܬܟ ܙܕܩ
064:14	ܠܡܕܥ ܕܐܬܪ̈ܘܬܐ ܗܪܟܐ ܩܪܐ ܦܝܠܣܘܦܐ ܠܘ ܠܬܚܘܡ̈ܐ ܕܐܪ̈ܥܬܐ ܐܘ ܠܦ̈ܢܝܬܐ ܕܥܠܡܐ ܐܘ ܠܛܘܪܐ̈
064:15	ܡܕܡ ܘܡܬ̈ܚܐ ܡܣܬܝܟ̈ܢܐ ܘܡܬܚܒ̈ܫܢܐܿ ܐܠܐ ܐܠܬܪܘܬܐ ܐܘܟܝܬ ܕܘܟ̈ܝܬܐ ܕܓܢܣ̈ܐ ܘܕܐܕܫ̈ܐ ܕܡܠ̈ܐ
064:16	ܟܝܬ ܘܕܣܘܥܪ̈ܢܐ ܕܐܝܠܝܢ ܡܿܢ ܠܐܝܠܝܢ ܩܪܝܒܝܢ ܿ ܐܝܠܝܢ ܕܝܢ ܡܢ ܐܝܠܝܢ ܪܚܝܩܝܢܿ ܐܝܠܝܢ ܕܝܢ ܒܡܨܥܬܐ ܐܝܬ
064:17	ܠܗܘܢ ܐܬܪܐ ܐܘ ܟܝܬ ܕܘܟܬܐ܂ ܐܝܠܝܢ ܕܝܢ ܠܐ ܐܝܬ ܠܗܘܢ ܐܬܪܐ ܣܟ ܘܢܘܟ̈ܪܝܬܐ ܐܢܝܢ ܘܠܐ ܢܩܦܬܐ
064:18	ܟܠ ܟܠܗ܂ ܐܝܠܝܢ ܕܝܢ ܡܛܠ ܫܘܝܘܬ ܫܡܐ ܡܣܬܒܪ̈ܢ ܕܐܝܬ ܠܗܝܢ ܐܬܪܐ ܘܢܩܝܦܘܬܐ ܨܝܕ ܚ̈ܕܕܐ ܟܕ
064:19	ܒܟܝܢܗܝܢ ܣܓܝ ܪ̈ܚܝܩܢܿ ܐܝܠܝܢ ܟܕ ܐܚܪܢܝܬ ܫܡܐ ܐܢܝܢ ܡܣܬܒܪܢ ܕܪ̈ܚܝܩܢ ܩܪܝܒܘܬܐ ܣܓܝܐܬܐ ܐܝܬ
064:20	ܠܗܝܢ ܘܒ̈ܝܬ ܐܬܪܐ ܐܘ ܟܝܬ ܫܘܝܘܬ ܐܬܪܐ ܡܬܐܡܪ̈ܢܿ ܗܠܝܢ ܕܚܫ̈ܚܢ ܝܬܝܪܐܝܬ ܠܘܬ ܐܘܡܢܘܬܐ
064:21	ܗܿܝ ܕܕܝܐܠܩܛܝܩܐ ܐܘ ܟܝܬ ܕܪܘܫܝܬܐܿ ܐܡܪ ܐܢܐ ܕܝܢ ܕܐܢ ܐܝܟ ܥܠܝܡܐ ܠܡ ܥܠܝܡܐܝܬ ܢܨܒܐ ܐܢܫ
064:22	ܠܡܬܥܩܒܘ ܥܡ ܐܝܠܝܢ ܕܡܬܥܩܡܝܢ ܟܕ ܐܓܘܢܐ ܡܠܝܠܐ ܥܿܒܕ ܬܗܘܐ ܐܝܬ ܠܗ ܐܘܡܢܘܬܐ ܡܨܢܥܬܐ
064:23	ܕܕܝܠܩܛܝܩܐ ܢܛܪܬ ܠܡ ܬܪ̈ܥܐ ܟܝܬ ܘܕܘ̈ܟܝܬܐ ܕܐܘܡܢܘܬܐ ܐܦܘܕܝܩܛܝܩܝܬܐ܂ ܘܗܕܐ ܬܘܒ ܡܛܠ ܗܠܝܢܿ
064:24	3ܿ1 ܡܛܠ ܕܝܢ ܗܿܝ ܐܚܪܬܐ ܕܡܢܐܗܼܝ ܠܡ ܡܠܬܐ ܕܐܣܟܝ̈ܡܐ ܐܢܗܘܼ ܡܿܢ ܕܡܠܬܐ ܗܪܟܐ ܠܬܚܘܡܐ
064:25	ܩܪܐ ܐܢܬ ܙܕܩ ܠܡܕܥ ܕܐܣܟܝܡܐ ܐܝܬܘܗܝ ܣܘܙܘܓܝܐ ܕܬܪܬܝܢ ܦܪ̈ܘܛܣܝܣ ܐܡܬܝ ܕܒܚܕ ܡܿܢ ܬܚܘܡܐ
064:26	ܡܫܘ̈ܬܦܢ ܒܗܢܘܢ ܕܝܢ ܬܚܘ̈ܡܐ ܐܚܪ̈ܢܐ ܡܫܚ̈ܠܦܢܿ ܐܡܪ ܐܢܐ ܕܝܢ ܕܡܫܘ̈ܬܦܢ ܐܘ ܟܕ ܒܬܪܬܝܗܝܢ ܣܝܡ܂ ܗܼܘ
064:27	ܬܚܘܡܐ ܐܘ ܟܕ ܒܬܪܬܝܗܝܢ ܡܬܩܛܪܓ ܐܘ ܟܕ ܒܚܕܐ ܡܿܢ ܣܝܡ ܒܐܚܪܬܐ ܕܝܢ ܡܬܩܛܪܓ ܿ ܡܫܚ̈ܠܦܢ
064:28	ܕܝܢ ܟܕ ܐܚܪܢܐ ܘܐܚܪܢܐ ܬܚܘܡܐ ܐܘ ܣܝܡ ܐܘ ܡܬܩܛܪܓ ܒܟܠ ܚܕܐ ܡܢܗܝܢ܂ ܐܚܪܢܝܐܝܬ ܕܝܢ ܕܬܗܘܐ
064:29	ܣܘܙܘܓܝܐ ܐܘ ܟܝܬ ܡܙܘܓܘܬܐ ܕܦܪ̈ܘܛܣܝܣ ܗܢܝܢ ܕܡܢܗܝܢ ܗܘ܂ܐ ܣܘܠܘܓܝܣܡܘܣ ܠܐ ܡܨܝܐܿ ܟܕ
064:30	ܕܝܢ ܗܟܢܐ ܬܠܝܬܐܝܬ ܗܘܝܐ ܡܙܘܓܘܬܐ ܕܦܪ̈ܘܛܣܝܣ ܒܝܕ ܬܚܘܡܐ ܡܫܘܬܦܢܐ ܐܡܪ ܐܢܐ ܗܿܘ ܕܐܦ
064:31	ܡܨܥܝܐ ܡܫܬܡܗ ܠܣܘܙܘܓܝܐ ܡܿܢ ܗܿܝ ܕܒܗܿ ܗܼܘ ܬܚܘܡܐ ܡܨܥܝܐ ܒܚܕܐ ܡܿܢ ܣܝܡ ܒܐܚܪܬܐ ܕܝܢ
064:32	ܡܬܩܛܪܓ ܐܣܟܝܡܐ ܩܕܡܝܐ ܩܪܝܗܝ ܗܼܘ ܦܝܠܣܘܦܐ ܐܝܟ ܡܿܢ ܕܕܘܟܬܐ ܡܨܥܝܬܐ ܐܚܝܕ ܗܼܘ ܬܚܘܡܐ
064:33	ܘܬܪܝܨܐܝܬ ܟܝܬ ܘܕܠܐ ܡܬܗܦܟܢܘܬܐ ܥܿܒܕ ܠܟܘܢܫܐܿ ܠܣܘܙܘܓܝܐ ܕܝܢ܂ ܿ ܝ ܕܒܗܿ ܗܼܘ ܬܚܘܡܐ ܒܬܪܬܝܗܝܢ
064:34	ܦܪ̈ܘܛܣܝܣ ܡܬܩܛܪܓ ܐܣܟܝܡܐ ܕܬܪܝܢ ܫܡܗܗܿ ܒܗܿܝ ܕܗܿܘ ܕܡܬܩܛܪܓ ܝܬܝܪ ܓܘܢܝܐ ܐܝܬܘܗܝ
064:35	ܐܝܟ ܕܒܣܘܓܐܐ ܡܼܢ ܗܿܘ ܕܣܝܡ ܒܟܠܙܒܢ ܕܝܢ ܡܝܩܪ ܗܼܘ ܒܐܘܡܢܘܬܐ ܡܠܝܠܬܐ ܓܘܢܝܐ ܡܢ ܕܝܠܢܝܐ܂
066:01	ܠܗܿܝ ܕܝܢ ܣܘܙܘܓܝܐ ܐܚܪܬܐ ܕܒܗܿ܂ ܗܼܘ ܬܚܘܡܐ ܒܬܪܬܝܗܝܢ ܦܪܘ̈ܛܣܝܣ ܣܝܡ ܐܣܟܝܡܐ ܕܬܠܬܐ
066:02	ܟܢܝܗ ܒܗܿܝ ܕܗܿܘ ܕܣܝܡ ܒܨܝܪ ܗܼܘ ܐܝܟ ܕܒܣܘܓܐܐ ܡܼܢ ܗܿܘ ܕܡܬܩܛܪܓ܂
066:03	3ܿ2 ܐܢܕܝܢ ܠܗܿܝ ܐܚܪܬܐ ܡܫܠܐ ܐܢܬ ܕܡܛܠ ܡܢܐ ܠܡ ܠܡܙܘܓܘܬܐ ܕܐܝܟ ܗܕܐ ܣܟ
066:04	ܐܣܟܡܐ ܩܿܪܐ ܠܡܕܥ ܙܕܩ ܕܡܿܢ ܓܐܘܡܛܪܝܐ ܠܫܡܐ ܗܢܐ ܢܣܒܿ ܒܗܿܝ ܕܐܦ ܗܼܘ ܥܠ ܣܘܪܛܐ
066:05	ܡܕܡ ܓܘܡܛܪ̈ܝܩܝܐ ܪܫܿܡ ܠܗܝܢ ܠܣܘܙ̈ܘܓܝܣ ܕܦܪܘܛܣܝܣ ܐܝܟܢܐ ܕܐܦ ܓܐܘܡܛܪܘ ܥܒܕܝܢ
066:06	ܠܡܬܚ̈ܘܝܢܘܬܐ ܕܝܠܗܘܢ ܟܕ ܠܡܢܗܘܢ ܡܿܢ ܕܣܘܪ̈ܛܐ ܐܣܟܝܡܐ ܬܪܝܨܐ ܠܡܢܗܘܢ ܕܝܢ ܐܝܟ
066:07	ܛܪܝܓܢܘܢ ܥܿܒܕ ܘܥܠ ܪ̈ܝܫܝܗܝܢ ܕܬܪܝܨܘܬ̈ܐ ܐܘ ܕܓܘܢܘ̈ܬܐ ܪܫܿܡ ܠܬܚܘ̈ܡܐ ܐܝܟ ܡܐ ܕܐܝܬ
066:08	ܠܟ ܠܡܚܙܐ ܐܝܟ ܕܒܙܥܘܪ̈ܝܬܐ ܒܪ̈ܘܫܡܐ ܗܠܝܢ ܕܡܢ ܠܬܚܬܿ
066:09	ܘܐܣܟܝܡܐ ܡܿܢ ܩܕܡܝܐ ܕܒܗ ܗܼܘ ܟܕ ܗܼܘ ܬܚܘܡܐ ܒܚܕܐ ܡܿܢ ܦܪܘܛܣܝܣ ܣܝܡ ܒܐܚܪܬܐ ܕܝܢ
066:10	ܡܬܩܛܪܓ ܡܬܪܫܡ ܗܟܢܐ
066:11	ܐ ܐܘܣܝܐ
066:12	ܒ ܚܝܘܬܐ
066:13	ܓ ܒܪܢܫܐ
066:14	ܗܐ ܓܝܪ ܬܚܘܡܐ ܡܨܥܝܐ ܗܿܘ ܕܐܝܬܘܗܝ ܒܝܬ ܚܝܘܬܐ ܟܕ ܬܚܝܬ ܐܠܦ ܐܘܣܝܐ ܣܝܡ ܥܠ
066:15	ܓܡܠ ܒܪܢܫܐ ܡܬܩܛܪܓܿ ܕܘܟܬܐ ܓܝܪ ܡܨܥܝܬܐ ܡܛܬܗ ܘܬܪܝܨܐܝܬ ܐܝܬ ܠܗ ܠܣܘܪܛܐ
066:16	ܘܐܣܟܝܡܐ ܬܪܝܨܐ ܥܿܒܕܿ
066:17	ܗܿܘ ܕܝܢ ܕܬܪܝܢ ܕܒܗ ܗܼܘ ܟܕ ܗܼܘ ܬܚܘܡܐ ܒܬܪܬܝܗܝܢ ܡܬܩܛܪܓ ܡܬܪܫܡ ܗܟܢܐ܂
066:18	#### ܡ ######## ܚܝܘܬܐ
066:19	ܢ ####### ܣ ܟܐܦܐ ܒܪܢܫܐ
066:20	ܗܐ ܓܝܪ ܬܚܘܡܐ ܡܨܥܝܐ ܗܿܘ ܕܐܝܬܘܗܝ ܡܝܡ ܚܝܘܬܐ ܥܠ ܢܘܢ ܟܐܦܐܿ ܘܥܠ ܣܡܟܬ
066:21	ܒܪܢܫܐ ܐܟܚܕܐ ܡܬܩܛܪܓ ܟܕ ܕܘܟܬܐ ܗܿܝ ܕܠܥܠ ܕܝܠܗ ܕܐܣܟܝܡܐ ܗܿܘ ܕܐܝܟ ܛܪܝܓܢܘܢ
066:22	ܡܛܬܗܿ ܗܿܘ ܕܝܢ ܕܬܠܬܐ ܕܒܗ ܗܼܘ ܟܕ ܗܼܘ ܬܚܘܡܐ ܒܬܪܬܝܗܝܢ ܣܝܡ ܡܬܪܫܡ ܬܘܒ ܐܦ ܗ ܼ ܘ
066:23	ܒܗܢܐ ܙܢܐ ܕܠܩܘܒܐܠܝܬ ܠܗܿܘ ܕܬܪܝܢܿ
066:24	###ܦ ܛ ## ܡܠܝܠܐ ܚܝܘܬܐ
066:25	####ܫ #### ܒܪܢܫܐ
066:26	ܗܐ ܓܝܪ ܐܦ ܗܪܟܐ ܗܼܘ ܟܕ ܗܼܘ ܬܚܘܡܐ ܡܨܥܝܐ ܗܿܘ ܕܐܝܬܘܗܝ ܫܝܢ ܒܪܢܫܐ ܬܚܝܬ ܦܐ
066:27	ܡܠܝܠܐ ܘܬܚܝܬ ܛܝܬ ܚܝܘܬܐ ܐܟܚܕܐ ܣܝܡܿ ܕܘܟܬܐ ܓܝܪ ܗܿܝ ܬܚܬܝܬܐ ܕܝܠܗ ܕܐܣܟܝܡܐ
066:28	ܐܚܝܕ܂
068:01	3ܿ3 ܐܢܕܝܢ ܬܘܒ ܗܕܐ ܡܫܠܐ ܐܢܬ ܕܣܟ ܡܛܠ ܡܢܐ ܗܘܘ ܗܢܘܢ ܐܣܟܝܡ̈ܐ ܘܐܝܢܘ ܝܘܬܪܢܐ
068:02	ܕܡܬܟܢܫ ܠܢ ܡܼܢ ܗܪܟܐ܂ ܠܐ ܝܕܝܥܐ ܗܼܘ ܠܝ ܓܝܪ ܗܼܘ ܫܘܐܠܟ ܿ ܠܐ ܓܝܪ ܐܝܬ ܠܗ ܡܬܚܡܘܬܐ
068:03	ܡܕܡ ܝܕ‍<‍ܝ‍>‍ܥܬܐ܂ ܬܘܒ ܐܦ ܗܪܟܐ ܙܕܩ ܠܡܕܥ ܕܐܢܗܘ ܕܗܿܝ ܕܢܕܥ ܠܫܪܪܐ ܡܘܬܪܢܝܬܐ ܐܝܬܝܗ ܂
068:04	ܗܢܐ ܓܝܪ ܡܼܢ ܟܠ ܚܝܠܬܢ ܘܫܡܝܐ ܠܗ ܡܒܪ̈ܟܝܢ ܘܐܪܥܐ ܠܗ ܩܪܝܐ ܐܝܟܢܐ ܕܠܥܙܪܐ ܐܡܝܪܐ܂
068:05	ܕܢܕܥ ܕܝܢ ܠܗܢܐ ܟܕ ܒܢܝܢ̈ܫܐ ܐܝܬܝܢ ܣܛܪ ܡܢ ܣܘܠܘܓܝܣܡܘܣ ܠܐ ܡܨܝܐܿ ܣܘܠܘܓܝܣܡܘܣ ܕܝܢ
068:06	ܡܼܢ ܐܣܟܡܐ ܕܐܝܟ ܗܢܐ ܗܿܘ ܕܐܝܬܘܗܝ ܣܘܙܘܓܝܐ ܕܬܪܬܝܢ ܦܪ̈ܘܛܣܝܣ ܗܢܝܢ ܕܒܚܕ ܬܚܘܡܐ
068:07	ܡܫܘܬܦܿܢ ܗܘܿܐ ܐܝܟܢܐ ܕܗܐ ܡܼܢ ܟܕܘ ܩܕܝܡܐ ܐܡܝܪܐܿ ܡܘܬܪܢܐ ܐܪܐ ܐܝܬܘܗܝ ܠܢ ܗܘܝܐ
068:08	ܕܗܠܝܢ ܬܠܬܐ ܐܣܟ̈ܝܡܐ ܘܡܢ ܐܠܨܬܐ ܗܘܘ܂ ܘܡܛܠ ܗܠܝܢ ܬܘܒ ܗܟܢܐ ܿ ܂
068:09	4 ܘܡܛܠ ܕܝܢ ܗܿܝ ܐܚܪܬܐ ܕܡܛܠ ܡܢܐ ܠܡ ܒܐܣܛܘܟ̈ܣܐ ܗܠܝܢ ܕܐܠܦܐ ܒܝܛܐ ܪܟܒ ܐܢܘܢ
068:10	ܠܐܕܫ̈ܐ ܕܐܣܟ̈ܡܐ ܗܠܝܢ ܐܘ ܠܣܘܠܝܓܝܣܡܘܣ܂
068:11	4ܿ1 ܚܕܐ ܡܿܢ ܥܠܬܐ ܟܕ ܛܐܿܢ ܠܡ ܒܗܠܝܢ ܐܪܒܥ ܡܪ̈ܕܘܬܐ ܡܬܡ̈ܛܝܩܝܬܐ ܐܘ ܟܝܬ ܝܘܠܦ̈ܢܝܬܐ
068:12	ܐܪܬܡܛܝܩܐ ܐܡܪ ܐܢܐ ܘܓܐܘܡܛܪܝܐ ܐܣܛܪܢܘܡܝܐ ܟܝܬ ܘܡܘܣܝܩܐܿ ܗܢܝܢ ܓܝܪ ܒܝܕ
068:13	ܐܣܛܘܟ̈ܣܐ ܕܐܠܦܐ ܒܝܛܐ ܝܗܒ̈ܢ ܬܚܘܝ̈ܬܐ ܡܛܠ ܝܕܥܬܐ ܗܿܝ ܕܡܫܬܘܕ̈ܝܢܿ ܒܗܿܝ ܓܝܪ ܕܠܘ ܥܠ
068:14	ܓܘ̈ܫܡܐ ܟܝ̈ܢܝܐ ܘܗܘ̈ܠܢܝܐ ܡܡܠܠܢ ܐܝܟ ܦܝܠܣܘ̈ܦܐ ܟܝ̈ܢܝܐܿ ܐܠܐ ܐܝܟ ܡܬܡܛܝܩܘܣ ܥܠ
068:15	ܡ̈ܢܝܢܐ ܘܐܣܟܝܡ̈ܐ ܙܘ̈ܥܐ ܟܝܬ ܘܢܥܡ̈ܬܐ ܕܗܠܝܢܿ ܐܚܪ̈ܢܝܬܐ ܕܝܢ ܐܝܬܝܗܝܢ ܗܠܝܢ ܠܓܘܫ̈ܡܐ
068:16	ܐܡܬܝ ܕܡܢܗܝܢ ܘܠܗܝܢ ܢܚܘܪ ܒܗܝܢ ܒܗܘܢܢ ܘܒܬܪܥܝܬܐ ܒܠܚܘܕ ܡܫܬܩ̈ܠܢܿ ܐܬܦܪܣܘ ܚܟܝܡܐܝܬ
068:17	ܐܝܟܢܐ ܕܐܦ ܒܐܚܪ̈ܢܝܬܐ ܕܒܝܕ ܐܬܘ̈ܬܐ ܕܐܠܦܐ ܒܝܛܐ ܢܡܠܠܘܢ ܥܠܝܗܝܢ ܟܕ ܩܿܕܡܝܢ ܪ̈ܫܡܝܢ
068:18	ܣܘܪ̈ܛܐ ܘܐ̈ܣܟܝܡܐ ܡܕܡ ܡܕܡ ܡܫܚ̈ܠܦܐ ܐܝܟ ܕܠܢܘܗܪܐ ܕܗ܂ܘ ܡܕܡ ܕܨܒܝܢ ܕܢܐܡܪܘܢ ܘܥܠ
068:19	ܪܫܝ ܣܘܪ̈ܛܐ ܟܝܬ ܘܥܠ ܓܘܢܘ̈ܬܐ ܘܪ̈ܘܡܐ ܘܥܘ̈ܡܩܐ ܕܝܠܗܘܢ ܕܐܣܟܝܡ̈ܐ ܪ̈ܫܡܝܢ ܠܐܬܘ ̈ܬܐ
068:20	ܘܒܗܝܢ ܡܫܘ̈ܕܥܝܢ ܠܕܘ̈ܟܝܬܐ ܕܐܣܟܝ̈ܡܐ ܘܠܪܚܝܩܘ̈ܬܐ ܟܝܬ ܘܩܪ̈ܝܒܘܬܐ ܕܐܝܬ ܠܗܝܢ ܠܘܬ ܚ̈ܕܕܐ ܂
068:21	ܒܗܠܝܢ ܠܡ ܗܟܝܠ ܟܕ ܗܼܘ ܦܝܠܣܘܦܐ ܛܿܐܢ ܥܒܕ ܐܣܟܝܡ̈ܐ ܕܣܘܠܘܓܝܣܡܘ̈ ܒܐܬܘ̈ܬܐ ܕܐܠܦܐ
068:22	ܒܝܬܐ ܡܬܚܫܚ ܟܕ ܡܠܦ ܡܛܠܬܗܘܢ܂
068:23	4ܿ2 ܐܚܪܬܐ ܕܝܢ ܕܐܝܟ ܪܚܿܡ ܦܣ̈ܝܩܬܐ ܠܡ ܒܗܠܝܢ ܐܬܘ̈ܬܐ ܡܠܠ ܐܝܟ ܕܒܝܕ ܙܥܘܪ̈ܝܬܐ ܟܝܬ
068:24	ܘܡ ̈ܣܝܟܬܐ܂
068:25	4ܿ3 ܥܠܬܐ ܕܝܢ ܗܿܝ ܕܬܠܬ ܘܕܝܬܝܪ ܡܣܬܒܪܐ ܕܫܪܝܪܐ ܟܕ ܨܿܒܐ ܠܡ ܕܢܥܡܛ ܘܢܚܦܐ ܗܿܘ
068:26	ܡܐ ܕܐܡܪ ܐܝܟܢܐ ܕܒܝܕ ܗܕܐ ܢܒܚܘܪ ܠܚܦ̈ܝܛܐ ܡܼܢ ܚܒ̈ܢܢܐ ܘܕܠܐ ܢܓܠܐ ܫܘܦܪܐ ܐܘ ܟܝܬ
068:27	ܣܝܡܬܐ ܕܐܘܡܢܘܬܐ ܡܠܝܠܬܐ ܩܕܡ ܗܢܘܢ ܚܒ̈ܢܢܐ ܘܕܠܐ ܫܘ̈ܝܢ ܠܡܠܬܐ ܗܿܝ ܟܝܬ ܕܚ܂ ܙܝܢܢ ܕܐܦ
068:28	ܒܣܘܓܐܐ ܕܡܟ̈ܬܒܢܘܬܗ ܥܒܕ ܘܡܼܢ ܗܪܟܐ ܚܠܦ ܗܿܝ ܕܢܐܡܪ ܗܘܐ ܢܗܝܪܐܝܬ ܐܘܣܝܐ ܥܠ ܟܠܗ
068:29	ܚܝܘܬܐ ܚܝܘܬܐ ܥܠ ܟܠܗ ܒܐܪܢܫܐ ܐܘܣܝܐ ܐܪܐ ܥܠ ܟܠܗ ܒܪܢܫܐ ܣܡ ܗܘܐ ܥܡܘܛܐܝܬ ܟܝܬ
068:30	ܘܡܚܦܝܐܝܬ ܐܠܦ ܥܠ ܟܠܗ ܒܝܬ ܒܝܬ ܥܠ ܟܠܗ ܓܡܠ ܐܠܦ ܐܪܐ ܥܠ ܟܠܗ ܓܡܠ ܟܕ ܒܕܘܟ
068:31	ܡܿܢ ܚܠܦ ܬܚܘܡ̈ܐ ܣܿܐܡ ܠܗܝܢ ܐܠܬܘܿܬܐ ܒܕܘܟ ܕܝܢ ܚܠܦ ܦܪ̈ܘܛܣܝܣ ܒܕܘܟ ܕܝܢ ܬܘܒ ܐܦ ܚܠܦ
068:32	ܟܠܗ ܣܘܠܝܓܝܣܡܘܣ܂
070:01	ܗܠܝܢ ܗܟܝܠ ܐܝܟ ܕܐܬܥܗܕܬ ܘܐܝܟܢܐ ܕܠܚܿܡ ܗܘܼܐ ܠܡܫܘܚܬܐ ܕܐܓܪܬܐ ܐܝܟ
070:02	ܕܒܙܥܘܪ̈ܝܬܐ ܘܡܬܥܗܕܢܐܝܬ ܪܫܡܬ ܠܪܚܡܬ ܝܘܠܦܢܐ ܕܐܚܘܬܟ ܟܕ ܡܬܛܦܝܣܝܐ ܚܘܝܚܐܝܬ
070:03	ܘܫܦܝܪ ܬܪܥܝܬܐ ܨܿܒܐ ܐܢܐ ܐܗܘܐ ܠܘܬ ܚܘܒܟ܂ ܒܟܠܗܝܢ ܗܠܝܢ ܕܐܝܟ ܚܝܠܐ ܐܘ ܟܝܬ ܐܝܟ
070:04	ܡܫܘܚܬܐ ܙܥܘܪܬܐ ܕܝܠܝ ܐܝܬܝܗܝܢ܂ ܘܡܛܠ ܕܡܝܬܪܐ ܗܼܝ܂ ܕܗܿܝ ܕܐܝܟ ܚܝܠܐ ܢܥܠ ܐܘ ܕܟܠ ܢܒܨܪ
070:05	ܐܝܟܢܐ ܕܠܬܐܘܠܘܓܘܣ ܫܦܪܐ ܗܿܘ ܕܐܦ ܡܘܣܦ ܠܘ ܓܝܪ ܗܿܘ ܕܠܐ ܐܬܡܨܝ ܗܠܝܢ ܕܐܝܟ
070:06	ܗܟܢ ܡܚܝܒܐ ܐܠܐ ܗܿܘ ܕܠܐ ܨܿܒܐ ܬܚܝܬ ܥܕܠܝܐ ܗܼܘ ܘܐܢ ܒܣܘܥܪ̈ܢܐ ܟܝܬ ܐܠ̈ܗܝܐ ܒܿܗ
070:07	ܒܕܡܘܬܐ ܘܐܦ ܒܐܢܫ̈ܝܐ܂ ܡܢ ܗܪܟܐ ܬܘܒ ܡܛܠ ܕܐܦܝܣܬ ܪܚܡܬ ܝܘܠܦܢܐ ܕܒܟ ܕܗܿܘ ܡܕܡ ܠܡ
070:08	ܕܝܕܥܝܢ ܐܢܬܘܢ ܕܐܝܬܘܗܝ ܡܘܬܪܢܐ ܘܐܢ ܫܐܠܬ ܡܛܠܬܗ ܘܐܢ ܠܐ ܐܟܬܘܒ ܘܐܫܕܪ ܠܟ܂
070:09	ܗܐ ܘܐܦ ܟܪܛܝܣܘܢܐ ܡܕܡ ܕܥܒܕܬ ܒܙܒܢ ܠܘܬ ܐܢܫ ܕܐܦ ܗܼܘ ܐܝܬܘܗܝ ܪܚܿܡ ܝܘܠܦܢܐ ܬܼܒܥܢܝ
070:10	ܕܐܢܗܪ ܠܗ ܡܕܡ ܡܕܡ ܡܛܠ ܦܪ̈ܘܛܣܝܣ ܦܫ̈ܝܛܬܐ ܘܕܡܛܬܣܝܣ ܘܓܠܝܙ̈ܬܐܿ ܬܘܒ ܕܝܢ ܩܡܛܠ
070:11	ܦܘܫܟܐ ܗܿܘ ܕܐܢ ܐܝܬܝܗ ܡܬܡܨܝܢܝܬܐ ܐܘ ܠܐ ܐܝܟܢܐ ܕܒܟܬܒܐ ܕܦܪܝܪܡܢܝܣ ܪܝܫܝܡܿ ܟܬܒܬ
070:12	ܘܫܕܪܬ ܠܐܚܘܬܟ ܪܘܚܢܝܬܐ ܥܡ ܐܓܪܬܐ ܗܕܐܿ ܕܒܐܝܕܝܐ܂ ܕܗܿܝ ܕܫܠܐ ܐܢܐ ܫܠܡܐ ܒܡܪܝܐ
070:13	ܘܨ̈ܠܘܬܐ ܘܒܐܝܕܗ ܕܟܠܗ ܥܘܡܪܐ ܗܿܘ ܩܕܝܫܐ ܘܝܕܝܥܐܝܬ ܕܚܣܝܐ ܘܩܕܝܫܐ ܐܚܘܢ ܪܘܚܢܐ
070:14	ܘܫܘܐ ܒܬܫܡܫܬܐ ܡܪܝ ܐܒܘܣ ܕܝܠܟܘܢ ܘܪܿܚܡ ܐܠܗܐ ܡܪܝ ܪܝܫܕܝܪܐ ܕܬܗܘܐ ܚܠܝܡ ܒܦܓܪܐ
070:15	ܘܒܪܘܚܐ ܐܦ ܐܢܐ ܐܝܟ ܚܛܝܐ ܒܟܠ ܙܒܢ ܡܨܠܐ ܐܢܐ܂