← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62001: P Gn

Click on a word for lexical analysis.
Click on a red-colored coordinate for comments and/or translations of the line
View in Estrangelo
Ask AI about a passage
Hide manuscript variants

previous chapter


02:01 [ai]ܘܫܠܼܡܘ ܫܡܝܐ ܘܐܪܥܐ ܘܟܠܗ ܚܝܠܗܘܢ܂
02:02 [ai]ܘܫܿܠܡ ܐܠܗܐ ܒܝܘܡܐ ܫܬܝܬܝܐ ܥܒ̈ܕܘܗܝ ܕܥܒܼܕ/ܟܠܗܘܢ#3#/ ܘܐܬܬܢܝܚ ܒܝܘܡܐ ܫܒܝܥܝܐ ܡܢ ܟܠܗܘܢ ܥܒ̈ܕܘܗܝ ܕܥܒܼܕ܂
02:03 [ai]ܘܒܪܟ ܐܠܗܐ ܠܝܘܡܐ ܫܒܝܥܝܐ ܘܩܕܫܼܗ܂ ܡܛܠ ܕܒܗ ܐܬܬܢܝܚ ܡܢ ܟܠܗܘܢ ܥܒ̈ܕܘܗܝ ܕܒܪܐ/ܕܨܒܐ#3#/ ܐܠܗܐ ܠܡܥܒܕ܂
02:04 [ai]ܗܠܝܢ ܬܘ̈ܠܕܬܐ ܕܫܡܝܐ ܘܕܐܪܥܐ ܟܕ ܐܬܒܪܝܘ܂ ܒܝܘܡܐ ܕܥܒܼܕ/ܕܒܪܐ#3#/ ܡܪܝܐ ܐܠܗܐ ܫܡܝܐ ܘܐܪܥܐ܂
02:05 [ai]ܘܟܠܗܘܢ ܐ̈ܝܠܢܐ ܕܚܩܠܐ ܥܕܟܝܠ ܠܐ ܗܘܘ ܒܐܪܥܐ܂ ܘܟܠܗ ܥܣܒܐ ܕܚܩܠܐ ܥܕܟܝܠ ܠܐ ܐܝܥܐ܂ ܡܛܠ ܕܠܐ ܐܚܬ ܡܪܝܐ ܐܠܗܐ ܡܛܪܐ ܥܠ ‍<‍ܐ̈ܦܝ/#3#‍>‍ ܐܪܥܐ܂ ܘܐܕܡ ܠܝܬ ܠܡܦܠܚ ܒܐܪܥܐ܀
02:06 [ai]ܘܡܒܘܥܼܐ ܣܿܠܩ ܗܘܐ ܡܢ ܐܪܥܐ ܘܡܫܩܼܐ ܗܘܐ ܠܟܠ ܐ̈ܦܝ ܐܪܥܐ܂
02:07 [ai]ܘܓܒܼܠ ܡܪܝܐ ܐܠܗܐ ܠܐܕܡ ܥܦܪܐ ܡܢ ܐܕܡܬܐ܂ ܘܢܦܼܚ ܒܐ̈ܦܘܗܝ ܢܫܡܬܐ ܕܚ̈ܝܐ܂ ܘܗܘܼܐ ܐܕܡ ܠܢܦܫ ܚܝܼܐ܂
02:08 [ai]ܘܢܨܼܒ ܡܪܝܐ ܐܠܗܐ ܦܪܕܝܣܐ ܒܥܕܢ ܡܢ ܩܕܝܡ܂ ܘܣܡ ܬܡܢ ܠܐܕܡ ܕܓܒܠ܂
02:09 [ai]ܘܐܘܥܝ ܡܪܝܐ ܐܠܗܐ܂ ܡܢ ܐܪܥܐ܂ ܟܠ ܐܝܠܢ ܕܐܪܓܝܓ ܠܡܚܙܐ ܘܫܦܝܪ ܠܡܐܟܠ܂ ܘܐܝܠܢܐ ܕܚ̈ܝܐ ܒܡܨܥܬܗ ܕܦܪܕܝܣܐ܂ ܘܐܝܠܢܐ ܕܝܕܥܬܐ ܕܛܒܬܐ ܘܕܒܝܫܬܐ܂
02:10 [ai]ܘܢܗܪܐ ܢܦܩܿ ܗܘܐ ܡܢ ܥܕܢ ܠܡܫܩܝܘܬܗ ܠܦܪܕܝܣܐ܂ ܘܡܢ ܬܡܢ ܦܪܫ ܘܗܘܿܐ ܠܐܪ̈ܒܥܐ ܪ̈ܫܝܢ܂
02:11 [ai]ܫܡܗ ܕܚܕ ܦܝܫܘܢ܂ ܗܿܘ ܕܚܿܕܪ ܠܟܠܗܿ ܐܪܥܐ ܕܚܘܝܠܐ܂ ܕܬܡܿܢ ܕܗܒܐ܂
02:12 [ai]ܘܕܗܒܗܿ ܕܐܪܥܐ ܗܿܝ ܛܒ܂ ܬܡܢ ܒܪ̈ܘܠܚܐ ܘܟܐ̈ܦܐ ܕܒܪܘܠܐ܂
02:13 [ai]ܘܫܡܗ ܕܢܗܪܐ ܬܢܝܢܐ/ܬܪܝܢܐ#3#/ ܓܝܚܘܢ܂ ܗܿܘ ܕܚܿܕܪ ܠܟܠܗܿ ܐܪܥܐ ܕܟܘܫ܂
02:14 [ai]ܘܫܡܗ ܕܢܗܪܐ ܕܬܠܬܐ ܕܩܠܬ ܗܿܘ ܕܐܿܙܠ ܠܘܩܒܠ ܐܬܘܪ܂ ܘܢܗܪܐ ܕܐܪܒܥܐ ܗܼܘ ܦܪܬ܀܀
02:15 [ai]ܘܕܒܼܪ ܡܪܝܐ ܐܠܗܐ ܠܐܕܡ܂ ܘܫܒܩܗ ܒܦܪܕܝܣܐ ܕܥܕܢ܂ ܕܢܦܠܚܝܘܗܝ ܘܢܛܪܝܘܗܝ܂
02:16 [ai]ܘܦܩܿܕ ܡܪܝܐ ܐܠܗܐ ܠܐܕܡ ܘܐܡܼܪ ܠܗ܂ ܡܢ ܟܠܗܘܢ ܐ̈ܝܠܢܐ ܕܒܦܪܕܝܣܐ ܡܐܟܠ ܬܐܟܘܠ܂
02:17 [ai]ܘܡܢ ܐܝܠܢܐ ܕܝܕܥܬܐ ܕܛܒܬܐ ܘܕܒܝܫܬܐ ܠܐ ܬܐܟܘܠ ܡܢܗ܂ ܡܛܠ ܕܒܝܘܡܐ ܕܬܐܟܘܠ ܡܢܗ ܡܘܬܐ ܬܡܘܬ܂
02:18 [ai]ܘܐܡܼܪ ܡܪܝܐ ܐܠܗܐ܂ ܠܐ ܫܦܝܪ ܕܢܗܘܐ ܐܕܡ ܒܠܚܘܕܘܗܝ܂ ܐܥܒܕ ܠܗ ܡܥܕܪܢܐ ܐܟܘܬܗ܂
02:19 [ai]ܘܓܒܼܠ ܡܪܝܐ ܐܠܗܐ ܡܢ ܐܪܥܐ܂ ܟܠܗܿ ܚܝܘܬܐ ܕܕܒܪܐ ܘܟܠܗܿ ܦܪܚܬܐ ܕܫܡܝܐ܂ ܘܐܝܬܝ ܐܢܘܢ ܠܘܬ ܐܕܡ ܕܢܚܙܐ ܡܢܐ ܩܿܪܐ ܠܗܘܢ܂ ܘܟܠ ܕܩܼܪܐ ܠܗܘܢ ܐܕܡ ܢܦܫܐ ܚܝܬܐ ܗܿܘ ܗܼܘ ܫܡܗ܂
02:20 [ai]ܘܩܼܪܐ ܐܕܡ ܫܡ̈ܗܐ ܠܟܠܗܿ ܒܥܝܪ̈ܐ܂ ܘܠܟܠܗܿ ܦܪܚܬܐ ܕܫܡܝܐ܂ ܘܠܟܠܗܿ ܚܝܘܬܐ ܕܐܪܥܐ/ܕܕܒܪܐ#3#/܂ ܘܠܐܕܡ ܠܐ ܐܫܬܟܚ ܠܗ ܡܥܕܪܢܐ ܐܟܘܬܗ܂
02:21 [ai]ܘܐܪܡܝ ܡܪܝܐ ܐܠܗܐ ܫܠܝܐ ܥܠ ܐܕܡ ܘܕܡܟ܂ ܘܢܣܼܒ ܚܕܐ ܡܢ ܐ̈ܠܥܘܗܝ܂ ܘܐܘܚܕ ܒܣܪܐ ܚܠܦܝܗܿ܂
02:22 [ai]ܘܬܩܿܢ/ܘܐܬܩܢ#3#/ ܡܪܝܐ ܐܠܗܐ܂ ܐܠܥܐ ܕܢܣܼܒ ܡܢ ܐܕܡ ܠܐܢܬܬܐ ܘܐܝܬܝܗܿ ܠܐܕܡ܂
02:23 [ai]ܘܐܡܼܪ ܐܕܡ܂ ܗܢܐ ܙܒܢܐ܂ ܓܪܡܐ ܡܢ ܓܪ̈ܡܝ ܘܒܣܪܐ ܡܢ ܒܣܪܝ܂ ܗܕܐ ܬܬܩܪܐ ܐܢܬܬܐ܂ ܡܛܠ ܕܡܢ ܓܒܪܐ ܢܣܝܒܐ܂
02:24 [ai]ܡܛܠ ܗܢܐ ܢܫܒܘܩ ܓܒܪܐ ܠܐܒܘܗܝ ܘܠܐܡܗ ܘܢܩܼܦ ܠܐܢܬܬܗ܂ ܘܢܗܘܘܢ ܬܪ̈ܝܗܘܢ ܚܕ ܒܣܪ܂
02:25 [ai]ܘܗܘܘ ܬܪ̈ܝܗܘܢ ܥܪܛܠܝܝܢ܂ ܐܕܡ ܘܐܢܬܬܗ ܘܠܐ ܒܗܬܝܢ܀܂

next chapter