← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62001: P Gn

Click on a word for lexical analysis.
Click on a red-colored coordinate for comments and/or translations of the line
View in Estrangelo
Ask AI about a passage
Hide manuscript variants

previous chapter


34:01 [ai]ܘܢܦܩܼܬ ܕܝܢܼܐ ܒܪܬ ܠܝܐ ܕܐܬܝܼܠܕܬ ܠܝܥܩܘܒ ܠܡܚܙܐ ܒܢ̈ܬ ܐܬܪܐ܂
34:02 [ai]ܘܚܙܗܿ ܫܟܝܡ ܒܪ ܚܡܘܪ ܚܘܝܐ ܪܒܐ ܕܐܪܥܐ܂ ܘܕܒܪܗܿ ܘܕܡܼܟ ܥܡܗܿ ܘܨܥܪܗܿ܂
34:03 [ai]ܘܢܦܼܩܬ ܢܦܫܗ ܒܬܪ ܕܝܢܼܐ ܒܪܬ ܝܥܩܘܒ܂ ܘܪܚܡܗܿ ܠܛܠܝܬܐ܂ ܘܡܠܼܐ ܒܠܒܗܿ ܕܛܠܝܬܐ܂
34:04 [ai]ܘܐܡܼܪ ܫܟܝܡ ܠܚܡܘܪ ܐܒܘܗܝ܂ ܣܒ ܠܝ ܛܠܝܬܐ ܗܕܐ ܐܢܬܬܐ܂
34:05 [ai]ܘܝܥܩܘܒ ܫܡܼܥ ܕܛܿܡܐܘ ܠܕܝܢܼܐ ܒܪܬܗ܂ ܘܒܢ̈ܘܗܝ ܥܡ ܒܥܝܪ̈ܐ ܗܘܘ ܒܚܩܠܐ܂ ܘܫܬܼܩ ܝܥܩܘܒ ܥܕܡܐ ܕܐܬܘ܂
34:06 [ai]ܘܢܦܼܩ ܚܡܘܪ ܐܒܘܗܝ ܕܫܟܝܡ ܠܘܬ ܝܥܩܘܒ ܠܡܡܠܠܘ ܥܡܗ܂
34:07 [ai]ܘܒ̈ܢܝ ܝܥܩܘܒ ܐܬܘ ܡܢ ܚܩܠܐ܂ ܘܟܕ ܫܡܥܘ ܟܼܪܝܬ ܠܗܘܢ ܠܓܒܪ̈ܐ܂ ܘܐܬܒܐܫ ܠܗܘܢ ܛܒ܂ ܡܛܠ/#3#/ ܕܥܒܕܘ ܛܡܐܘܬܐ ܒܐܝܣܪܝܠ ܘܨܥܪܘ ܠܒܪܬ ܝܥܩܘܒ܂ ܘܗܟܢܐ ܠܐ ܡܬܥܒܕ܂
34:08 [ai]ܘܡܠܠ ܚܡܘܪ ܥܡܗܘܢ ܘܐܡܼܪ ܠܗܘܢ/#3#/܂ ܫܟܝܡ ܒܪܝ ܨܒܬ ܢܦܫܗ ܒܒܪܬܟܘܢ܂ ܗܒܘܗܿ ܠܗ ܐܢܬܬܐ܂
34:09 [ai]ܘܐܬܚܬܢܘ ܥܡܢ܂ ܒܢ̈ܬܟܘܢ ܗܒܘ ܠܢ܂ ܘܒܢܬ̈ܢ ܣܒܘ ܠܟܘܢ܂
34:10 [ai]ܘܥܡܢ ܬܒܘ܂ ܘܐܪܥܐ ܗܐ ܩܕܡܝܟܘܢ܂ ܬܒܘ ܘܐܬܬܓܪܘ ܘܝܪܬܘ ܒܗܿ܂
34:11 [ai]ܘܐܡܼܪ ܫܟܝܡ ܠܐܒܘܗܿ ܘܠܐܚ̈ܝܗܿ܂ ܐܫܟܚ ܪ̈ܚܡܐ ܒܥܝܢ̈ܝܟܘܢ܂ ܘܟܠ ܕܬܐܡܪܘܢ ܠܝ ܐܬܠ܂
34:12 [ai]ܐܣܓܘ ܥܠܝ ܛܒ ܡܗܪܐ ܘܡܘܗ̈ܒܬܐ܂ \ܘܐܬܠ ܐܝܟܢܐ /ܐܬܠ ܐܝܟ#3#/ ܕܬܐܡܪܘܢ ܠܝ܂ ܘܗܒܘ ܠܝ ܛܠܝܬܐ ܗܕܐ ܐܢܬܬܐ܂
34:13 [ai]ܘܥܢܘ ܒܢ̈ܝ ܝܥܩܘܒ ܠܫܟܝܡ ܘܠܚܡܘܪ ܐܒܘܗܝ ܘܐܡܪܘ/ܡܠܠܘ#3#/ ܠܗ/#3#/ ܒܢܟܠܐ܂ ܥܠ ܕܛܡܐܘ ܠܕܝܢܼܐ ܚܬܗܘܢ܂
34:14 [ai]ܘܐܡܪܘ/#3#/ ܠܐ ܡܫܟܚܝܢܢ ܠܡܥܒܕ ܦܬܓܡܐ ܗܢܐ ܠܡܬܠ ܚܬܢ ܠܓܒܪܐ ܕܐܝܬ ܠܗ ܥܘܪܠܘܬܐ ܡܛܠ ܕܚܣܕܐ ܗܘ ܠܢ܂
34:15 [ai]ܒܪܡ ܒܗܕܐ ܢܬܼܛܦܝܣ ܠܟܘܢ܂ \ܐܢܗܼܘ ܕܬܗܘܘܢ /ܐܢ ܬܗܘܘܢ#3#/ ܐܟܘܬܢ܂ ܘܬܓܙܪܘܢ ܟܠ ܕܟܪܐ ܐܝܟܢܐ ܕܚܢܢ ܓܙܝܪ̈ܝܢ/ܓܙܝܪ̈ܝܢܢ#3#/܂
34:16 [ai]ܢܬܠ ܠܟܘܢ ܒܢ̈ܬܢ܂ ܘܒܢ̈ܬܟܘܢ ܢܣܒ ܠܢ܂ ܘܢܬܒ ܥܡܟܘܢ ܘܢܗܘܐ ܥܡܐ ܚܕ܂
34:17 [ai]ܘܐܢ ܠܐ ܬܫܡܥܘܢܢ ܠܡܓܙܪ܂ ܢܕܒܼܪ ܒܪܬܢ ܘܢܐܙܠ܂
34:18 [ai]ܘܫܼܦܪ ܡ̈ܠܝܗܘܢ ܒܥܝܢ̈ܝ ܚܡܘܪ ܘܒܥܝ̈ܢܝ ܫܟܝܡ ܒܪܗ܂
34:19 [ai]ܘܠܐ ܫܘܚܪ ܛܠܝܐ ܠܡܥܒܕܗܿ ܠܥܒܝܕܬܐ ܡܛܘܠ ܕܐܨܛܒܝ ܗܘܐ/#3#/ ܒܒܪܬ ܝܥܩܘܒ܂ ܘܗܼܘ ܝܩܝܪ ܗܘܐ ܡܢ ܟܘܠܗ ܒܝܬ ܐܒܘܗܝ܂
34:20 [ai]ܘܐܬܐ ܚܡܘܪ ܘܫܟܝܡ ܒܪܗ ܠܬܪܥܐ ܕܩܪܝܬܗܘܢ܂ ܘܡܠܠܘ ܥܡ ܐܢܫ̈ܐ ܕܩܪܝܬܗܘܢ܂ ܘܐܡܪܘ ܠܗܘܢ܂
34:21 [ai]ܓܒܪ̈ܐ ܗܠܝܢ ܫܠܡܝܢ ܐܢܘܢ ܥܡܢ܂ ܢܬܒܘܢ ܒܐܪܥܐ ܘܢܬܬܓܪܘܢ ܒܗܿ܂ ܘܐܪܥܐ ܗܐ ܪܘܚܬܐ ‍<‍ܗܿܝ#3#‍>‍ ܕܐ̈ܝܕܝܐ ܩܕܡܝܗܘܢ܂ ܒܢ̈ܬܗܘܢ ܢܣܒ ܠܢ ܢܫ̈ܐ܂ ܘܒܢ̈ܬܢ ܢܬܠ ܠܗܘܢ܂
34:22 [ai]ܒܪܡ ܒܗܕܐ ܡܬܛܦܝܣܝܢ ܠܢ ܓܒܪ̈ܐ ܕܢܬܒܘܢ ܥܡܢ܂ ܘܢܗܘܐ ܥܡܐ ܚܕ ܡܐ ܕܓܙܪܢ ܟܠ ܕܟܪܐ ܐܝܟܢܐ ܕܗܼܢܘܢ ܓܙܝܪ̈ܝܢ܂
34:23 [ai]ܢܟܣ̈ܝܗܘܢ ܘܩܢܝܢܗܘܢ ܘܟܠܗܿ ܒܥܝܪܗܘܢ܂ ܗܐ ܕܝܠܢ ܐܢܘܢ܂ ܒܪܡ ܢܬܛܦܝܣ ܠܗܘܢ ܘܢܬܒܘܢ ܥܡܢ܂
34:24 [ai]ܘܫܡܥܘ ܡܢ ܫܟܝܡ/ܚܡܘܪ/ ܘܡܢ \ܚܡܘܪ ܐܒܘܗܝ /ܫܟܝܡ ܒܪܗ#3#/ ܟܠ ܢܦܩ̈ܝ ܬܪܥܐ ܕܩܪܝܬܗ܂ ܘܓܙܪܘ ܟܠ ܕܟܪܐ ܟܘܠ ܢܦܩ̈ܝ ܬܪܥܐ ܕܩܪܝܬܗ܀܀
34:25 [ai]ܘܗܘܼܐ ܒܝܘܡܐ ܬܠܝܬܝܐ ܟܕ ܚܣܢܘ ܟܐ̈ܒܝܗܘܢ܂ ܢܣܼܒܘ ܬܪ̈ܝܢ ܒܢ̈ܘܗܝ ܕܝܥܩܘܒ ܫܡܥܘܢ ܘܠܘܝ ܐܚ̈ܝܗܿ ܕܕܝܢܼܐ ܓܒܪ ܚܪܒܗ܂ ܘܥܠܘ ܥܠ ܩܪܝܬܐ ܒܫܠܝܐ܂ ܘܩܿܛܠܘ ܟܠ ܕܟܪܐ܂
34:26 [ai]ܘܠܚܡܘܪ ܘܠܫܟܝܡ ܒܪܗ܂ ܩܼܛܠܘ ܒܦܘܡܐ ܕܚܪܒܐ܂ ܘܕܒܪܘܗܿ ܠܕܝܢܼܐ ‍<‍ܚܬܗܘܢ#3#‍>‍ ܡܢ ܒܝܬ ܫܟܝܡ ܘܢܦܩܘ܂
34:27 [ai]ܘܒܢ̈ܝ ܝܥܩܘܒ ܥܠܘ ܥܠ ܩ̈ܛܝܠܐ ܘܒܙܘ ܠܩܪܝܬܐ/ܩܪܝܬܐ#3#/܂ ܥܠ ܕܛܡܐܘ ܠܕܝܢܼܐ/#3#/ ܚܬܗܘܢ/ܠܚܬܗܘܢ#3#/܂
34:28 [ai]ܘܥܢܗܘܢ ܘܬܘܪ̈ܝܗܘܢ ܘܚܡܪ̈ܗܘܢ ܕܒܩܪܝܬܐ ܘܕܒܚܩܠܐ/ܘܒܚܩܠܐ#3#/ ܕܒܪܘ܂
34:29 [ai]ܘܟܠܗܘܢ ܢܟܣ̈ܝܗܘܢ ܘܟܠܗܿ ܝܩܪܬܗܘܢ ܘܠܢܫ̈ܝܗܘܢ ܫܒܘ܂ ܕܒܙܘ ܟܠ ܕܐܝܬ ܒܩܪܝܬܐ܀
34:30 [ai]ܘܐܡܼܪ ܝܥܩܘܒ ܠܫܡܥܘܢ ܘܠܠܘܝ܂ ܐܗܪܬܘܢܢܝ ܕܬܒܐܫܘܢ ܠܝ ܒܝܬ ܥܡܘܪ̈ܝܗܿ ܕܐܪܥܐ܂ ܒܝܬ ܟܢܥ̈ܢܝܐ ܘܒܝܬ ܦܪ̈ܙܝܐ ܘܐܢܐ ܩܠܝܠ ܐܢܐ ܒܡܢܝܢܐ܂ ܘܡܬܟܢܫܝܢ ܥܠܝ ܘܡܚܝܢ ܠܝ܂ ܘܐܿܒܕ ܐܢܐ ܐܢܐ ܘܒܝܬܝ܂
34:31 [ai]ܘܐܡܪܘ ܐܝܟ ܙܢܝܬܐ ܐܬܥܒܕ ܠܚܬܢ܀

next chapter