← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62002: P Ex

Click on a word for lexical analysis.
Click on a red-colored coordinate for comments and/or translations of the line
View in Estrangelo
Ask AI about a passage
Hide manuscript variants

previous chapter


04:01 [ai]ܘܥܢܼܐ ܡܘܫܐ ܘܐܡܼܪ܂ ܗܐ ܠܐ ܡܗܝܡܢܝܢ ܠܝܼ ܘܠܐ ܫܡܿܥܝܢ ܠܩܠܝ܂ ܡܛܘܠ ܕܐܡܿܪ̈ܝܼܢ ܠܐ/ܕܠܐ#3#/ ܐܬܚܙܝ ܠܟ ܡܪܝܐ܂
04:02 [ai]ܘܐܡܼܪ ܠܗ ܡܪܝܐ܂ ܡܿܢܘ ܗܢܐ ܕܒܐܝܕܟ܂ ܘܐܡܼܪܼ ܚܘܛܪܐ܂
04:03 [ai]ܘܐܡܼܪܼ ܐܪܡܝܗܝ ܒܐܪܥܐ܂ ܘܐܪܡܝܗ ܒܐܪܥܐ ܘܗܘܼܐ ܚܘܝܐ܂ ܘܥܼܪܩ ܡܘܫܐ ܡܢ ܩܕܡܘܗܝ܂
04:04 [ai]ܘܐܡܼܪ ܡܪܝܐ ܠܡܘܫܐ܂ ܐܘܫܛ ܐܝܕܟܼ ܘܐܚܘܕ ܒܕܘܢܒܗ܂ ܘܐܘܫܛ ܐܝܕܗܼ ܘܚܡܣܢ ܒܗ ܘܗܼܘܐ ܚܘܛܪܐ ܒܐܝܕܗ܂
04:05 [ai]ܡܛܠ ܕܢܗܝܡܢܘܢ ܕܐܬܚܙܝ ܠܟ ܡܪܝܐ ܐܠܗܐ ܕܐ̈ܒܗܝܗܘܢ܂ ܐܠܗܗ ܕܐܒܪܗܡܿ ܐܠܗܗ ܕܐܝܣܚܩܼ ܐܠܗܗ ܕܝܥܩܘܒ܂
04:06 [ai]ܘܐܡܼܪ ܠܗ ܡܪܝܐ ‍<‍ܠܡܘܫܐ#1##2#‍>‍ ܬܘܒ܂ ܐܥܠ ܐܝܕܟ ܠܥܘܒܟ܂ ܘܐܥܠ ܐܝܕܗ ܠܥܘܒܗ ܘܐܦܩܗܼܿ܂ ܘܗܐ ܐܝܕܗ ܡܓܪܒܐ ܐܝܟ ܬܠܓܐ܂
04:07 [ai]ܘܐܡܼܪ ܠܗ ܡܪܝܐ/#3#/܂ ܐܗܦܟ ܐܝܕܟ ܠܥܘܒܟ܂ ܘܐܗܦܟܿ ܐܝܕܗ ܠܥܘܒܗ܂ ܘܐܦܩܗܿ ܡܢ ܥܘܒܗܼ܂ ܘܗܘܬ ܠܗܿ ܐܝܟ ܒܣܪܗ܂
04:08 [ai]ܘܐܢ ܠܐ ܢܗܝܡܢܘܢ ܘܠܐ ܢܫܡܼܥܘܢ ܠܩܠܐ ܕܐܬܐ ܩܕܡܝܬܐ܂ ܢܗܿܝܡܢܘܢ ܠܩܠܐ ܕܐܬܐ ܐܚܪܝܬܐ܂
04:09 [ai]ܘܐܢ ܠܐ ܢܗܝܡܢܘܢ ܠܗܠܝܢ ܬܪ̈ܬܝܗܝܢ ܐ̈ܬܘܬܐ ܘܠܐ ܢܫܡܼܥܘܢ ܠܩܠܟܼ܂ ܣܒ ܡܢ ܡ̈ܝܐ ܕܢܗܪܐ ܘܐܫܘܕ ܒܝܒܫܐ܂ ܘܗܿܢܘܢ ܡ̈ܝܐ ܕܢܣܿܒ ܐܢܬ \ܡܢ ܢܗܪܐ /#3#/܂ ܢܿܗܘܘܢ ܕܡܐ ܒܝܒܫܐ܂
04:10 [ai]ܘܐܡܼܪ ܡܘܫܐ ܠܡܪܝܐ܂ ܒܿܥܐ ܐܢܐ ܡܢܟ ܡܪܝ܂ ܠܐ ܗܿܘܝܬ ܓܒܪܐ ܕܡܡܠܠܐܿ܂ ܐܦ ܡܢ ܐܬܡܠܝ ܐܦ ܡܢ ܡܢܬܡܠܝ ܘܐܦ ܡܢ ܥܕܢܐ ܕܡܠܼܠܬ ܥܡ ܥܒܼܕܟ܂ ܡܛܘܠ ܕܠܥܓܼ ܡܿܡܠܠܝܿ ܘܥܼܛܠ ܠܫܢܐ ܐܢܐ܂
04:11 [ai]ܘܐܡܼܪ ܠܗ ܡܪܝܐ܂ ܡܢܼܘ ܥܒܼܕ ܦܘܡܐ ܠܐܢܫܐ܂ ܐܘ ܡܢܼܘ ܥܒܼܕ ܦܐܩܐ ܐܘ ܚܪܼܫܐܿ܂ ܐܘ ܦܬܝܚܐ ܐܘ ܥܘܝܪܐ܂ ܠܐ ܗܘܐ/#3#/ ܐܢܐ/#3#/ ܡܪܝܐ܂
04:12 [ai]ܘܗܿܫܐ ܙܠ܂ ܘܐܢܐ ܐܗܘܐ ܥܡ ܦܘܡܟ܂ ܘܐܠܦܟ ܡܕܡ ܕܬܡܠܠ܂
04:13 [ai]ܘܐܡܼܪ ‍<‍ܠܗ#3#‍>‍ ܡܘܫܐ/#3#/܂ ܒܥܿܐ ܐܢܐ ܡܢܟ ܡܪܝܼ܂ ܫܕܪ ܒܝܕ ܡܿܢ ܕܡܫܕܪ ܐܢܬ܂
04:14 [ai]ܘܐܬܚܿܡܬ ܪܘܓܙܗ ܕܡܪܝܐ ܥܠ ܡܘܫܐ ܘܐܡܼܪ ܠܗ/#3#/܂ ܗܐ ܐܗܪܘܢ ܐܚܘܟ ܠܘܝܐ܂ ܝܕܥܿ ܐܢܐܿ ‍<‍ܗܘ#3#‍>‍ ܕܡܡܠܠܘ ܡܡܠܠ ܗܘ܂ ܗܐ ܐܦ ܗܘ ܢܦܘܩ ܠܐܘܪܥܟܼ ܘܢܚܙܝܟܼ܂ ܘܢܚܼܕܐ ܒܠܒܗ܂
04:15 [ai]ܘܬܐܡܪ ܠܗܼ ܘܬܣܝܡܼ ܦܬ̈ܓܡܐ/ܡ̈ܠܐ#3#/ ܒܦܘܡܗ܂ ܘܐܢܐ ܐܗܘܐ ܥܡ ܦܘܡܟ ܘܥܡ ܦܘܡܗܼ܂ ܘܐܠܦܟܘܢ ܡܕܡ ܕܬܥܒܕܘܢ܂
04:16 [ai]ܗܼܘ ܢܡܠܠ ܠܟ ܥܡ ܥܡܐ܂ ܘܗܘ ܢܗܿܘܐ ܠܟ ܡܬܪܓܡܢܐ܂ ܘܐܢܬܼ ܬܗܘܐ ܠܗ ܠܐܠܗ܂
04:17 [ai]ܘܚܘܛܪܐ ܗܢܐ ܣܒ ܒܐܝܕܟ ܕܬܥܒܕ ܒܗ ܐ̈ܬܘܬܐ܂
04:18 [ai]ܘܗܼܦܟ ܡܘܫܐ܂ ܘܐܙܼܠ ܠܘܬ ܝܬܪܘܢ ܚܡܘܗܝܼ ܘܐܡܼܪ ܠܗ܂ ܐܿܗܦܘܟ ܐܿܙܠ ܠܘܬ ܐܚ̈ܝ ܕܒܡܨܪܝܼܢ܂ ܘܼܐܚܙܐ ܐܢ ܥܕܟܝܠ/#3#/ ܚܝ̈ܝܢ܂ ܘܐܡܼܪ ܝܬܪܘܢ ܠܡܘܫܐ ܙܠ ܒܫܠܡܐ܂
04:19 [ai]ܘܐܡܼܪ ܡܪܝܐ ܠܡܘܫܐ ܒܡܕܝܢ ܗܦܘܟ ܙܠ ܠܡܨܪܝܼܢ܂ ܡܛܠ ܕܡܝܬܘ ܠܗܘܢ ܟܠܗܘܢ ܓܒܪ̈ܐ ܕܒܥܿܝܢ ܗܘܘ ܢܦܫܟ܂
04:20 [ai]ܘܕܒܼܪ ܡܘܫܐ ܠܐܢܬܬܗ ܘܠܒܢ̈ܘܗܝܼ܂ ܘܐܪܟܒ ܐܢܘܢ ܥܠ ܚܡܪܐ܂ ܘܗܼܦܟ \ܠܡܐܙܠ ܠܡܨܪܝܢ /ܠܐܪܥܐ ܕܡܨܪܝܢ#3#/܂ ܘܢܣܼܒ ܡܘܫܐ ܚܘܛܪܐ ܕܐܠܗܐ ܒܐܝܕܗ܂
04:21 [ai]ܘܐܡܼܪ ܡܪܝܐ ܠܡܘܫܐ ܡܐ ܕܗܦܼܟܬ ܠܡܐܙܠ ܠܡܨܪܝܼܢ܂ ܚܙܝ ܟܠ ܬܕܡܪ̈ܬܐ ܕܥܒܿܕܬ ܒܐ̈ܝܕܝܟܼ܂ ܥܒܼܕ ܐܢܝ̈ܢ ܩܕܡ ܦܪܥܘܢ܂ ܘܐܢܐ ܐܥܿܫܢ ܠܒܗܼ ܘܠܐ ܢܫܕܪܝܘܗܝ ܠܥܡܐ܂
04:22 [ai]ܘܐܡܼܪ ܠܦܪܥܘܢ܂ ܗܟܢܐ ܐܡܿܪ ܡܪܝܐ܂ ܒܪܝܿ ܒܘܟܪܝ ܐܝܣܪܝܠ܂
04:23 [ai]ܐܿܡܪܬ ܠܟ ܕܬܫܕܪ ܠܒܪܝ ܘܿܢܦܼܠܚܢܝ܂ ܘܐܠܐ ܨܒܿܐ ܐܢܬ ܠܡܫܕܪܘ ܠܒܪܝ/#3#/܂ ܗܐ ܩܿܛܠ ܐܢܐ ܠܒܪܟ ܒܘܟܪܟ܂
04:24 [ai]ܘܗܼܘܐ ܡܘܫܐ/#3#/ ܒܐܘܪܚܐ ܒܝܬ ܒܘܬܐ܂ ܘܦܓܥܼ ܒܗ ܡܪܝܐ܂ ܘܒܥܼܐ ܠܡܩܛܠܗ ܠܡܘܫܐ܂
04:25 [ai]ܘܢܣܒܼܬ ܨܿܦܘܪܐ ܛܪܢܐ܂ ܘܓܼܙܪܬ ܥܘܪܠܘܬܐ ܕܒܪܗܿ܂ \ܘܐܚܼܕܬ ܒܪ̈ܓܠܘܗܝ /ܘܩܿܪܒܬ ܠܪ̈ܓܠܘܗܝ#3#/ ܘܐܡܼܪܬ܂ ܚܬܢܐ ܕܕܡܐ ܐܝܬ/ܐܢܬ/#L܂ܡ#/ ܠܝ܂
04:26 [ai]ܘܐܪܦܝ ܡܢܗ܂ ܗܝܕܝܢ ܐܡܼܪܬ܂ ܚܬܢܐ ܕܕܡܐ ܠܓܙܘܪܬܐ܂
04:27 [ai]ܘܐܡܼܪ ܡܪܝܐ ܠܐܗܪܘܢ܂ ܙܠ ܠܐܘܪܥܗ ܕܡܘܫܐ ܐܚܘܟ/#3#/ ܠܡܕܒܪܐ܂ ܘܐܙܼܠ ܘܦܓܥܼ ܒܗ ܒܛܘܪܗ ܕܐܠܗܐ ܒܚܘܪܝܒ/#3#/܂ ܘܢܫܩܗ܂
04:28 [ai]ܘܚܘܝ ܡܘܫܐ ܠܐܗܪܘܢ ܟܠܗܘܢ ܦܬ̈ܓܡܘܗܝ ܕܡܪܝܐ ܕܫܕܪܗ܂ ܘܟܠ ܐܬ̈ܘܬܐ ܕܦܩܿܕܗ ܠܡܥܒܕ/#3#/܂
04:29 [ai]ܘܐܙܠܘ ܡܘܫܐ ܘܐܗܪܘܢ܂ ܘܟܢܫܘ ܠܟܠܗܘܢ ܣ̈ܒܐ ܕܒܢ̈ܝ ܐܝܣܪܝܠ܂
04:30 [ai]ܘܐܡܼܪ ܠܗܘܢ/#3#/ ܐܗܪܘܢ ܟܠܗܘܢ ܦܬ̈ܓܡܐ ܕܐܡܼܪ ܡܪܝܐ ܠܡܘܫܐ܂ ܘܥܒܼܕ ܐܬ̈ܘܬܐ ܩܕܡ ܥܡܐ܂
04:31 [ai]ܘܗܝܡܢܘܿ ܥܡܐ܂ ܘܫܡܼܥܘ ܕܐܬܿܕܟܪ ܡܪܝܐ ܠܒܢ̈ܝ ܐܝܣܪܝܠ ܘܕܚܼܙܐ ܫܘܥܒܕܗܘܢ/ܒܫܘܥܒܕܗܘܢ#3#/܂ ܘܩܥܕܘ ܥܡܐ/#3#/ ܘܣܓܕܘ ܩܕܡ ܡܪܝܐ܂

next chapter