← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62002: P Ex

Click on a word for lexical analysis.
Click on a red-colored coordinate for comments and/or translations of the line
View in Estrangelo
Ask AI about a passage
Hide manuscript variants

previous chapter


09:01 [ai]ܘܐܡܼܪ ܡܪܝܐ ܠܡܘܫܐ܂ ܙܠ ܠܘܬ ܦܪܥܘܢ ܘܐܡܼܪ ܠܗ܂ ܗܟܢܐ ܐܡܿܪ ܡܪܝܐ ܐܠܗܐ ܕܥܒܪ̈ܝܐ܂ ܫܕܪ ܠܥܡܝܼ ܘܿܢܦܠܚܼܢܝ܂
09:02 [ai]ܘܐܠܐ ܨܿܒܐ ܐܢܬ ܠܡܫܕܪܘ ܘܥܕܡܐ ܠܗܫܐ ܡܚܡܣܢ ܐܢܬ ܒܗܘܢ܂
09:03 [ai]ܗܐ ܐܝܕܗ ܕܡܪܝܐ ܗܘܿܝܐ ܒܩܢܝܢܟ ܕܒܡܕܒܪܐ܂ ܒܪ̈ܟܫܐܿ ܘܒܚܼܡܪ̈ܐ ܘܒܓܡ̈ܠܐ܂ ܘܒܬܘܪ̈ܐܿ ܘܒܥܢܐ܂ ܡܘܬܢܐܿ ܕܚܣܝܼܢ ܛܒ܂
09:04 [ai]ܘܢܦܪܘܫ ܡܪܝܐ ܒܝܬ ܒܥܝܪܐ ܕܐܝܣܪܝܠ ܠܒܝܬ ܒܥܝܪܐ ܕܡܨܪ̈ܝܐ܂ ܘܠܐ ܢܡܼܘܬ ܡܢ ܟܠ ܒܥܝܪܐ \ܕܒܝܬ ܐܝܣܪܝܠ /ܕܐܝܣܪܝܠ#3#/ ܐܦ ܠܐ ܚܕ܂
09:05 [ai]ܘܝܗܼܒ ܡܪܝܐ ܙܒܢܐ ܡܚܪ܂ ܕܢܥܒܕ ܡܪܝܐ ܦܬܓܡܐ ܗܢܐ ܒܐܪܥܐ܂
09:06 [ai]ܘܥܒܼܕ ܡܪܝܐ ܦܬܓܡܐ ܗܢܐ ‍<‍ܒܐܪܥܐ#3#‍>‍ ܠܝܘܡܐ ܕܒܬܪܗ܂ ܘܡܝܼܬܬܼ ܟܠܗܿ ܒܥܝܪܐ ܕܡܨܪ̈ܝܐ܂ ܘܡܢ ܒܥܝܪܐ ܕܒܝܬ ܐܝܣܪܝܠ܂ ܠܐ ܡܝܼܬܼ ܐܦ ܠܐ ܚܕ܂
09:07 [ai]ܘܫܕܪ ܦܪܥܘܢ ܘܚܼܙܐ ܕܠܐ ܡܼܝܬ ܡܢ ܒܥܝܪܐ ܕܐܝܣܪܝܠ/ܕܒܝܬ ܐܝܣܪܝܠ#3#/ ܐܦ ܠܐ ܚܕ܂ ܘܐܬܿܩܫܝ ܠܒܗ ܕܦܪܥܘܢ ܘܠܐ ܫܕܪܗ ܠܥܡܐ܂
09:08 [ai]ܘܐܡܼܪ ܡܪܝܐ ܠܡܘܫܐ ܘܠܐܗܪܘܢ܂ ܣܒܘ ܡܠܐ ܚ̈ܘܦܢܝܟܘܢ ܩܛܡܐ ܕܐܬܘܢܐ܂ ܘܿܢܕܪܝܘܗܝ ܡܘܫܐ ܠܐ̈ܦܝ ܫܡܝܐ ܠܥܢ̈ܘܗܝ ܕܦܪܥܘܢ܂
09:09 [ai]ܘܿܢܗܘܐ ܚܠܼܐ ܒܟܠܗܿ ܐܪܥܐ ܕܡܨܪܝܢ܂ ܘܿܢܗܘܐ ܥܠ ܒܢܝܢ̈ܫܐ ܘܥܠ ܒܥܝܪܐ܂ ܫܘܚܢܐ ܕܢܘܦܚ̈ܐܿ ܕܣܿܓܝܼ ܒܟܠܗܿ ܐܪܥܐ ܕܡܨܪܝܢ܂
09:10 [ai]ܘܢܣܒܘܗܝ ܠܩܛܡܐ ܕܐܬܘܢܐ܂ ܘܩܡܘ ܩܕܡ ܦܪܥܘܢ܂ ܘܕܪܝܗܝ ܡܘܫܐ ܠܫܡܝܐ ܠܥܢ̈ܘܗܝ ܕܦܪܥܘܢ܂ ܘܗܘܼܐ ܫܘܚܢܐ ܕܢܘܦܚ̈ܐ܂ ܘܦܼܪܚ ܒܒܢ̈ܝ ܐܢܫܐ ܘܒܒܥܝܪܐ܂
09:11 [ai]ܘܠܐ ܐܫܟܚܘ ܚܿܪ̈ܫܐ ܠܡܼܩܡ ܩܕܡ ܡܘܫܐܿ܂ ܡܛܠ ܫܘܚܢܐ ܕܣܼܓܝ ܒܚܿܪ̈ܫܐ ܘܒܟܠܗܿ ܡܨܪܝܢ܂
09:12 [ai]ܘܩܿܫܝ ܡܪܝܐ ܠܒܗ ܕܦܪܥܘܢ ܘܠܐ ܫܡܼܥ ܐܢܘܢ܂ ܐܝܟ ܕܐܡܼܪ ܡܪܝܐ ܠܡܘܫܐ܂
09:13 [ai]ܘܐܡܼܪ ܡܪܝܐ ܠܡܘܫܐ܂ ܩܿܕܡ ܒܨܿܦܪܐ ܘܩܘܡ ܩܕܡ ܦܪܥܘܢ܂ ܘܐܡܼܪ ܠܗܼ܂ ܗܟܢܐ ܐܡܿܪ ܡܪܝܐ ܐܠܗܐ ܕܥܒܪ̈ܝܐ܂ ܫܕܪ ܠܥܡܝܼ ܘܿܢܦܠܚܼܢܝ܂
09:14 [ai]ܡܛܠ ܕܒܙܒܢܐ ܗܢܐ ܡܫܕܪ ܐܢܐ ܡܚܘܬܝ ܥܠ ܠܒܟ܂ ܘܥܠ ܥܒܼ̈ܕܝܟܿ ܘܥܠ ܥܡܟ܂ ܡܛܠ ܕܬܕܥܼ ܕܠܝܬ ܐܟܘܬܝ ܒܟܠܗܿ ܐܪܥܐ܂
09:15 [ai]ܡܛܠ ܕܗܫܐ ܡܿܘܫܛ ܐܢܐ ܐܝܕܼܝ܂ ܘܡܿܚܐ ܐܢܐ ܠܟܼ ܘܠܥܡܟ ܒܡܘܬܢܐ܂ ܘܬܐܒܕ ܡܢ ܐܪܥܐ܂
09:16 [ai]ܘܒܪܡ ܡܛܠ ܗܕܐ ܗܼܘ ܐܩܝܡܬܟܼ܂ ܡܛܠ ܕܐܚܘܝܟ/ܕܐܚܘܐ ܒܟ#3#/ ܚܝܠܝ܂ ܘܡܛܠ ܕܢܬܟܪܙ ܫܡܝ ܒܟܠܗܿ ܐܪܥܐ܂
09:17 [ai]ܘܥܕܡܐ/ܘܗܐ ܥܕܡܐ#3#/ ܠܗܫܐ ܡܚܡܣܢ ܐܢܬ ܒܗ ܒܥܡܐ ܘܠܐ ܨܒܿܐ ܐܢܬ ܕܬܫܕܪܝܘܗܝ܂
09:18 [ai]ܡܚܪ ܒܗܢܐ ܥܕܢܐ܂ ܡܝܿܬܐ ܐܢܐ ܒܪܕܐܿ ܕܬܼܩܝܦܼ ܛܒ܂ ܕܠܐ ܗܘܼܐ ܐܟܘܬܗ ܒܡܨܪܝܢܿ܂ ܡܢ ܝܘܡܐ ܕܐܬܒܼܢܝܬ ܘܥܕܡܐ ܠܗܫܐ܂
09:19 [ai]ܘܗܫܐ ܫܕܪ ܚܡܘܠ ܒܥܝܪܟܼ ܘܟܠ ܡܕܡ ܕܐܝܬ ܠܟ ܒܕܒܪܐ/ܒܡܕܒܪܐ#3#/܂ ܟܠ ܒܪܢܫܐ ܘܒܥܝܪܐ ܕܢܫܬܟܚ ܒܕܒܪܐ ܘܠܐ ܢܬܚܼܡܠ ܒܓܘ ܒܝܬܐ܂ ܢܚܘܬ ܥܠܝܗܘܢ ܒܪܕܐ ܘܢܡܼܘܬܘܢ܂
09:20 [ai]ܐܝܢܐ ܕܕܚܼܠ ܡܢ ܡܠܬܗ ܕܡܪܝܐ܂ ܡܢ ܥܒܼ̈ܕܘܗܝ ܕܦܪܥܘܢ܂ ܚܡܼܠ ܥܒܼ̈ܕܘܗܝ ܘܒܥܝܪܗ ܒܒܝܬܐ܂
09:21 [ai]ܘܕܠܐ ܐܝܬܝ ܡܠܬܗ ܕܡܪܝܐ ܥܠ ܠܒܗ/ܒܠܗ#3#/܂ ܫܒܼܩ ܥܒܼ̈ܕܘܗܝ ܘܒܥܝܪܗ ܒܚܩܠܐ܂
09:22 [ai]ܘܐܡܼܪ ܡܪܝܐ ܠܡܘܫܐ܂ ܐܪܝܡ ܐܝܕܟ ܠܐ̈ܦܝ ܫܡܝܐ܂ ܘܢܼܗܘܐ/ܘܢܚܘܬ#3#/ ܒܪܕܐ ܒܟܠܗܿ ܐܪܥܐ ܕܡܨܪܝܢ܂ ܥܠ ܒܢܝܢܫ̈ܐܿ ܘܥܠ ܒܥܝܪܐ܂ ܘܥܠ ܟܠܗ ܥܣܒܐ ܕܒܕܒܪܐ ܕܒܐܪܥܐ ܕܡܨܪܝܢ܂
09:23 [ai]ܘܐܪܝܡ ܡܘܫܐ ܚܘܛܪܗ ܠܐ̈ܦܝ ܫܡܝܐ܂ ܘܡܪܝܐܿ ܝܗܼܒ ܩ̈ܠܐ ܘܒܪܕܐ ܘܡܗܠܟܐ ܗܘܬ ܢܘܪܐ ܥܠ ܐܪܥܐ܂ ܘܐܚܬ ܡܪܝܐ ܒܪܕܐ ܥܠ ܐܪܥܐ ܕܡܨܪܝܢ܂
09:24 [ai]ܘܢܚܿܬ ܗܘܐ ܒܪܕܐ܂ ܘܢܘܪܐ ܡܬܓܿܘܙܠܐ ܗܘܬ ܒܓܘ ܒܪܕܐ܂ ܚܣܝܢ ܗܘܐ ܛܒ܂ ܕܠܐ ܗܘܐ ܐܟܘܬܗ ܒܟܠܗܿ ܐܪܥܐ ܕܡܨܪܝܿܢ܂ ܡܢ ܝܘܡܐ/#3#/ \ܕܗܘܼܬ ܠܥܡܐ /ܕܐܬܒܢܝܬ#3#/܂
09:25 [ai]ܘܡܚܼܐ ܒܪܕܐ ܠܟܠܗܿ ܐܪܥܐ ܕܡܨܪܝܼܢ܂ ܠܟܠ ܕܐܝܬ ܒܕܒܪܐ܂ ܡܢ ܒܢܝܢܫ̈ܐ ܘܥܕܡܐ ܠܒܥܝܪܐ܂ ܘܟܠܗ ܥܣܒܐ ܕܚܩܠܐ ܐܘܒܕ ܒܪܕܐ܂ ܘܟܠܗܘܢ ܐܝ̈ܠܢܐ ܕܒܚܩܠܐ/ܕܚܩܠܐ#3#/ ܬܒܿܪ܂
09:26 [ai]ܒܠܚܘܼܕ ܒܐܪܥܐ ܕܓܫܼܢ ܕܝܬܒܝܢ ܗܘܘ ܒܗܿ ܒܢ̈ܝ ܐܝܣܪܝܠ ܕܠܐ ܢܚܼܬ ܒܪܕܐ܂
09:27 [ai]ܘܫܿܕܪ ܦܪܥܘܢ ܘܩܼܪܐ ܠܡܘܫܐ ܘܠܐܗܪܘܢ ܘܐܡܼܪ ܠܗܘܢ܂ ܚܿܛܝܬ ܙܒܢܬܐ ܗܕܐ܂ ܡܪܝܐܿ ܙܕܝܩ܂ ܘܐܢܐ ܘܥܡܝܼ ܪ̈ܫܝܥܝܢ܂
09:28 [ai]ܨܿܠܘ ܩܕܡ ܡܪܝܐ܂ ܘܐܝܬ ܐܬܪܐ ܣܿܓܝ ܩܕܡܘܗܝܼ܂ ܕܠܐ ܢܗܘܘܢ ܩ̈ܠܘܗܝ ܕܐܠܗܐ ܘܒܪܕܐ܂ ܘܐܫܕܪܟܘܢ ܘܠܐ ܬܘܣܦܘܢ ܠܡܦܼܫ܂
09:29 [ai]ܘܐܡܼܪ \ܠܗ ܡܘܫܐ /ܡܘܫܐ ܠܦܪܥܘܢ#3#/܂ ܡܐ ܕܢܦܩܿܬ ܡܢ ܩܪܝܬܐ܂ ܐܦܫܘܛ ܐ̈ܝܕܝ ܠܘܬ ܡܪܝܐ܂ ܩ̈ܠܐ ܢܦܼܪܩܘܢ܂ ܘܒܪܕܐ ܬܘܒܼ ܠܐ ܢܚܘܬ܂ ܡܛܠ ܕܬܕܥܼ ܕܕܡܪܝܐ ܗܝ ܐܪܥܐ܂
09:30 [ai]ܘܐܢܬ ܘܥܒܼ̈ܕܝܟ ܝܕܥܿ ܐܢܐ܂ ܕܥܕܡܐ ܠܗܫܐ ܠܐ ܕܚܠܬܼܘܢ ܡܢ ܩܕܡ ܡܪܝܐ ܐܠܗܐ܂
09:31 [ai]ܘܟܬܢܐܿ ܘܣܥܪ̈ܐ ܐܒܼܕܘ܂ ܡܛܠ ܕܣܥܪ̈ܐ ܡ̈ܚܼܝ ܟܢܐ܂ ܘܟܬܢܐ ܟܦܼܬ܂
09:32 [ai]ܘܚ̈ܛܐ ܘܟܘܢܬ̈ܐ ܠܐ ܐܒܕܘ܂ ܡܛܘܠ ܕܠܩܝܫܝܝܢ ܗܘܘ܂
09:33 [ai]ܘܢܦܼܩ ܡܘܫܐ ܡܢ ܩܪܝܬܐ ܡܢ ܠܘܬ ܦܪܥܘܢ܂ ܘܦܼܪܣ ܐ̈ܝܕܘܗܝ ܠܫܡܝܐ ܠܘܬ ܡܪܝܐ܂ ܘܦܪܼܩܘܿ ܩ̈ܠܐܿ ܘܒܪܕܐ܂ ܘܡܛܪܐ ܠܐ ܣܡܼܟ ܠܐܪܥܐ/ܥܠ ܐܪܥܐ#3#/܂
09:34 [ai]ܘܚܼܙܐ ܦܪܥܘܢ ܕܦܪܼܩ ܡܛܪܐ ܘܒܪܕܐ ܘܩ̈ܠܐ܂ ܘܐܘܣܦ ܠܡܚܛܐ܂ ܘܐܬܩܿܫܝ ܠܒܗ ܕܦܪܥܘܢ ܘܕܥܒܼ̈ܕܘܗܝ܂
09:35 [ai]ܘܐܬܿܥܒܝ ܠܒܗ ܕܦܪܥܘܢ܂ ܘܠܐ ܫܕܪ ܠܒ̈ܢܝ ܐܝܣܪܝܠ܂ ܐܝܟ ܕܫܠܚܼ ܡܪܝܐ ܒܐܝܕܐ ܕܡܘܫܐ܂

next chapter