← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62002: P Ex

Click on a word for lexical analysis.
Click on a red-colored coordinate for comments and/or translations of the line
View in Estrangelo
Ask AI about a passage
Hide manuscript variants

previous chapter


12:01 [ai]ܘܐܡܪ ܡܪܝܐ ܠܡܘܫܐ ܘܠܐܗܪܘܢ ܒܐܪܥܐ ܕܡܨܪܝܢ܂
12:02 [ai]ܝܪܚܐ ܗܢܐ ܢܗܘܐ ܠܟܘܢ ܪܝܫ ܝܪ̈ܚܐ ܩܕܡܼܝ ܢܗܘܐ ܠܟܘܢ ܠܟܠܗܘܢ ܝܪ̈ܚܐ/ܝܘܡ̈ܬܐ#3#/ ܕܫܢܬܐ܂
12:03 [ai]ܐܡܼܪ ܠܟܠܗܿ ܟܢܘܫܬܐ ܕܒܢ̈ܝ ܐܝܣܪܝܠ܂ ܒܥܣܪܬܐ ܒܝܪܚܐ ܗܢܐ܂ ܢܿܗܘܘܢ ܢܣܿܒܝܢ ܠܗܘܢ ܓܒܪ ܐܡܪܐ ܠܒܝܬܐ ܘܐܡܪܐ ܠܒܝܬ ܐܒܘܗܝ܂
12:04 [ai]ܘܐܢ ܙܥܘܪ ܗܘ ܒܝܬܐ ܕܢܦܘܩ ܒܗ ܐܡܪܐ܂ ܢܣܿܒ ܗܼܘ ܘܫܒܒܗ ܕܩܪܝܒ ܠܒܝܬܗ܂ ܒܡܢܝܢܐܿ ܕܢܦܫ̈ܬܐ܂ ܐܢܫܼ ܡܣܬ ܡܐܟܠܗ ܬܼܡܢܘܢ ܥܠ ܐܡܪܐ܂
12:05 [ai]ܐܡܪܐ ܕܠܝܬ ܒܗ ܡܘܡܐ܂ ܕܟܪܐ ܒܪ ܫܢܬܐ ܢܗܘܐ ܠܟܘܢ܂ ܡܢ ܐܡܪ̈ܐܿ ܘܡܢ ܓܕܝ̈ܐ ܬܣܼܒܘܢ܂
12:06 [ai]ܘܢܿܗܘܐ ܢܛܝܪ ܠܟܘܢ܂ ܥܕܡܐ ܠܐܪܒܥܣܪܐ ܒܝܪܚܐ ܗܢܐ܂ ܘܢܿܟܣܘܢܗ ܟܘܠܗ ܥܡܐ ܕܟܢܘܫܬܐ ܕܒܢ̈ܝ ܐܝܣܪܝܠ ܒܡܥܪ̈ܒܝ ܫܡܫܐ܂
12:07 [ai]ܘܢܿܣܒܘܢ ܡܢ ܕܡܗܼ܂ ܘܢܿܪܼܡܘܢ/ܘܢܪܣܘܢ#3#/ ܥܠ ܬܪ̈ܝܗܘܢ ܦܪ̈ܘܣܬܕܐ܂ ܘܥܠ ܐܣ̈ܟܦܬܐܿ ܘܥܠ ܒܬ̈ܐ ܕܢܐܟܠܘܢܗ ܒܗܘܢ܂
12:08 [ai]ܘܢܿܐܟܠܘܢܗ ܠܒܣܪܐ ܒܠܠܝܐ/#2#/ ܗܢܐ܂ ܟܕ ܡܛܘܝ ܒܢܘܪܐ܂ ܘܦܛܝܪܐ/ܕܦܛܝܪܐ#3#/ ܥܡ ܡܪ̈ܪܐ ܢܐܟܠܘܢܗ܂
12:09 [ai]ܠܐ ܬܐܟܠܘܢ ܡܢܗ ܟܕ ܚܝ܂ ܐܦ ܠܐ ܟܕ ܡܒܿܫܠܘ ܡܒܼܫܠ ܒܡ̈ܝܐ܂ ܐܠܐ ܟܕ ܡܿܛܘܝ ܒܢܘܪܐ܂ ܘܪܫܗ ܘܟܪ̈ܥܘܗܝ ܘܓܘܝܗ܂
12:10 [ai]ܘܠܐ ܬܘܬܪܘܢ ܡܢܗ ܠܨܿܦܪܐ ‍<‍ܡܕܡ#3#‍>‍܂ ܘܡܕܡ ܕܝܬܿܪ/ܕܝܬܝܪ#3#/ ܡܢܗ ܠܨܿܦܪܐ/ܒܨܦܪܐ#3#/ ܒܢܘܪܐ ܬܘܩܕܘܢܗ܂
12:11 [ai]ܘܗܟܢܐ ܬܐܟܠܘܢܗ܂ ܟܕ ܚ̈ܨܝܟܘܢ ܐܣܝܪ̈ܝܢ ܘܡܣ̈ܢܝܟܘܢ ܒܪ̈ܓܠܝܟܘܢ ܘܚܘܛܪ̈ܝܟܘܢ ܒܐ̈ܝܕܝܟܘܢܿ ܐܘܟܠܘܗܼܝ ܡܣܪܗܒܐܝܬ܂ ܡܛܠ ܕܦܨܚܐ ܗܘ ܠܡܪܝܐ܂
12:12 [ai]ܘܐܥܒܼܪ ܒܐܪܥܐ ܕܡܨܪܝܢ ܒܠܠܝܐ ܗܢܐ܂ ܘܢܡܼܘܬܘܢ ܟܠܗܘܢ ܒܘܟܪ̈ܐ ܕܐܪܥܐ ܕܡܨܪܝܢ ܡܢ ܒܢ̈ܝ ܐܢܫܐ ܘܥܕܡܐ ܠܒܥܝܪܐ܂ ܘܒܟܠܗܝܢ ܕܚ̈ܠܬܗܘܢ ܕܡܨܪ̈ܝܐ܂ ܐܥܿܒܕ ܕܝܢܼܐ ܐܢܐ ܡܪܝܐ܂
12:13 [ai]ܘܢܿܗܘܐ ܠܟܘܢ ܕܡܐ ܗܢܐ ܠܐܬܐܿ܂ ܥܠ ܒܬ̈ܐ ܕܐܢܬܘܢ ܒܗܘܢ܂ ܘܐܿܚܙܝܘܗܝ ܠܕܡܐ ܘܐܿܦܨܚ/ܕܐܦܪܚ#3#/ ܥܠܝܟܘܢ܂ ܘܠܐ ܢܗܘܐ ܒܟܘܢ ܡܘܬܐ/ܡܘܬܢܐ#3#/ ܠܡܚܿܒܠܘܿ܂ ܡܐ ܕܡܩܿܛܠ ܐܢܐ ܒܐܪܥܐܐ ܕܡܨܪܝܢ܂
12:14 [ai]ܘܢܿܗܘܐ ܠܟܘܢ ܝܘܡܐ ܗܢܐ ܠܕܘܟܪܢܐ܂ ܘܥܘܒܕܘܗܝ ܥܕܥܐܕܐ ܠܡܪܝܐ ܥܕܥܐܕܐ ܠܕܪ̈ܝܟܘܢ܂ ܢܡܘܣܐ ܠܥܠܡ ܗܘܼܝܬܘܢ ܥܒܿܕܝܢ ܠܗ܂
12:15 [ai]ܫܒܥܐ ܝܘܡ̈ܝܼܢ ܦܛܝܪܐ ܬܐܟܠܘܢ܂ ܘܡܢ ܝܘܡܐ ܩܕܡܝܐ ܬܒܿܛܠܘܢ ܚܡܝܪܐ/ܚܡܝܥܐ#3#/ ܡܢ ܒܬ̈ܝܟܘܢ܂ ܡܛܠ ܕܟܠ/#3#/ ܕܢܐܟܘܠ ܚܿܡܝܥܐ ܡܢ ܒ̈ܬܝܟܘܢ܂ ܬܐܒܕ ܢܦܫܐ ܗܝܿ ܡܢ ܐܝܣܪܝܠ܂ ܡܢ ܝܘܡܐ ܩܕܡܝܐ ܘܥܕܡܐ ܠܝܘܡܐ ܫܒܝܥܝܐ܂
12:16 [ai]ܘܝܘܡܐ ܩܕܡܝܐܿ ܩܪܐ ܘܩܕܝܫ ܘܝܘܡܐ ܫܒܝܥܝܐܿ ܩܼܪܐ ܘܩܕܝܫ ܢܗܘܐ ܠܟܘܢ ܘܟܠ ܥܒܿܕ ܠܐ ܢܬܥܼܒܕ ܒܗܘܢ܂ ܐܠܐ ܡܕܡ ܕܐܿܟܠ ܒܪ ܐܢܫܐ܂ ܒܠܚܘܼܕ ܗܘܿ ܢܬܥܼܒܕ ܠܟܘܢ܂
12:17 [ai]ܘܬܛܪܘܢ ܦܛܝܪܐ܂ ܡܛܠ ܕܒܗ ܒܝܘܡܐ ܗܢܐ ܐܦܩܿܬ ܚܝ̈ܠܘܬܟܘܢ ܡܢ ܐܪܥܐ ܕܡܨܪܝܢ܂ ܘܬܛܪܘܢ ܝܘܡܐ ܗܢܐ ܠܕܪ̈ܝܟܘܢ܂ ܢܡܘܿܣܐ ܠܥܠܡ܂
12:18 [ai]ܒܝܪܚܐ ܩܕܡܝܐܿ ܒܐܪܒܥܣܪܐ ܒܝܪܚܐ ܒܪܡܫܐ ܬܐܟܠܘܢ ܦܛܝܪܐ܂ ܘܥܕܡܐ ܠܝܘܡ ܚܕ ܘܥܣܪ̈ܝܢ ܒܝܪܚܐ ܒܪܡܫܐ/ܩܕܡܝܐ#3#/܂
12:19 [ai]ܫܒܥܐ ܝܘܡ̈ܝܢ ܚܿܡܝܥܐ ܠܐ ܢܫܬܟܚ ܒܒܿܬܿܝܟܘܢ܂ ܡܛܠ ܕܟܠ ܕܢܐܟܘܠ ܚܿܡܝܥܐ܂ ܬܐܒܕ ܢܦܫܐ ܗܝܿ ܡܢ ܟܢܘܫܬܐ ܕܐܝܣܪܐܝܠ܂ ܡܢ ܒܘܟ̈ܢܐ ܘܡܢ ܥܡܘܪ̈ܐ ܕܐܪܥܐ܂
12:20 [ai]ܟܠ ܚܿܡܝܥܐ ܠܐ ܬܐܟܠܘܢ܂ ܒܟܠܗ ܒܝܬ ܡܥܡܿܪܟܘܢ ܬܐܟܠܘܢ ܦܛܝܪܐ܂
12:21 [ai]ܘܩܼܪܐ ܡܘܫܐ ܠܟܠܗܘܢ ܣܒ̈ܐ ܕܒܢ̈ܝ ܐܝܣܪܝܠ ܘܐܡܪ ܠܗܘܢ܂ ܒܥܓܠ ܣܒܘ ܠܟܘܢ ܥܢܐ ܠܫܪ̈ܒܬܟܘܢ ܘܟܘܣܘ ܦܨܚܐ܂
12:22 [ai]ܘܬܣܒܘܢ ܡܐܣܪܬܐ ܕܙܘܦܐ܂ ܘܬܨܒܼܥܘܢ ܒܕܡܐ ܕܐܡܪܐ܂ ܘܬܪܣܘܢ ܥܠ ܐ̈ܣܟܦܬܐ ܘܥܠ ܬܪ̈ܝܗܘܢ ܦܪ̈ܘܣܬܕܐܿ܂ ܡܢ ܕܡܐ ܕܐܝܬ ܒܡܐܢܐ܂ ܘܐܢܬܘܢ ܠܐ ܬܦܼܩܘܢ ܐܢܫ ܡܢ ܬܪܥ ܒܝܬܗܼ܂ ܥܕܡܐ ܠܨܿܦܪܐ܂
12:23 [ai]ܘܢܥܒܼܪ ܡܪܝܐ ܠܡܡܚܐ ܠܡܨܪ̈ܝܐ܂ ܘܢܚܼܙܝܘܗܝ ܠܕܡܐ ܕܥܠ ܐܣܟ̈ܦܬܐ ܘܥܠ ܬܪ̈ܝܗܘܢ ܦܪ̈ܘܣܬܕܐ܂ ܘܢܿܦܼܨܚ ܡܪܝܐ ܥܠ ܬܪ̈ܥܐ܂ ܘܠܐ ܢܫܒܘܩ ܠܡܚܒܠܢܐ ܕܢܥܘܠ ܠܒܬ̈ܝܟܘܢ ܘܢܚܿܒܠ܂
12:24 [ai]ܘܬܼܛܪܘܢ ܦܬܓܡܐ ܗܢܐ ܘܢܡܘܣܐ ܗܢܐܿ܂ ܠܟܘܢ ܘܠܒܢܝܟܘܢ ܥܕܡܐ ܠܥܠܡ܂
12:25 [ai]ܘܡܐ ܕܥܠܬܘܢ ܠܐܪܥܐ ܕܢܬܠ ܠܟܘܢ ܡܪܝܐ ܐܝܟ ܕܐܡܪ܂ ܬܼܛܪܘܢ ܦܘܠܚܢܐ ܗܢܐ܂
12:26 [ai]ܘܢܗܘܐ ܟܕ/ܕܟܕ#3#/ ܢܐܡܪܘܢ ܠܟܘܢ ܒܢܝܟܘܢ܂ ܗܢܐ ܦܘܠܚܢܐ ܡܢܐ ܗܘ܂
12:27 [ai]ܬܐܡܪܘܢ ܠܗܘܢ܂ ܕܕܒܚܬܐ ܗܘ ܕܦܨܚܗ ܕܡܪܝܐܿ܂ ܕܐܦܨܚ ܥܠ ܒ̈ܬܐ ܕܒܢ̈ܝ ܐܝܣܪܝܠ ܒܡܨܪܝܢܿ܂ ܟܕ ܡܚܼܐ ܠܡܨܪ̈ܝܐ ܘܠܒ̈ܬܝܢ ܦܨܿܝ܂ ܘܩܥܕܘ ܥܡܐ ܘܣܓܕܘ ܠܡܪܝܐ܂
12:28 [ai]ܘܐܙܠܘ ܘܥܒܼܕܘ ܒ̈ܢܝ ܐܝܣܪܝܠ܂ ܐܝܟ/ܐܝܟܢܐ#3#/ ܕܦܩܿܕ ܡܪܝܐ ܠܡܘܫܐ ܘܠܐܗܪܘܢ ܗܟܢܐ ܥܒܼܕܘ܂
12:29 [ai]ܘܗܘܼܐ ܒܦܠܓܗ ܕܠܠܝܐ܂ ܘܡܪܝܐ ܩܿܛܠ ܟܠܗܘܢ ܒܘܟܪ̈ܐ ܕܐܪܥܐ/ܕܒܐܪܥܐ#3#/ ܕܡܨܪܝܢ܂ ܡܢ ܒܘܟܪܗ ܕܦܪܥܘܢ ܕܝܬܿܒ ܥܠ ܟܘܪܣܝܗܼ܂ ܘܥܕܡܐ ܠܒܘܟܪܐ ܕܫܒܼܝܐ ܕܐܝܬ ܒܝܬ ܐܣܝܪ̈ܐ܂ ܘܟܠܗܘܢ ܒܘܟܪ̈ܐ ܕܒܥܝܪܐ܂
12:30 [ai]ܘܩܡ ܦܪܥܘܢ ܒܠܠܝܐ ܗܼܘ ܘܟܠܗܘܢ ܥܒܼ̈ܕܘܗܝ ܘܟܠܗܘܢ ܡܨܪ̈ܝܐ܂ ܘܗܘܬܼ ܝܠܠܬܐ ܪܒܬܐ ܒܐܪܥܐ ܕܡܨܪܝܢ܂ ܕܠܝܬ ܒܝܬܐ ܕܠܐ ܗܘܼܐ ܒܗ ܡܝܬܐ܂
12:31 [ai]ܘܩܼܪܐ ܦܪܥܘܢ ܠܡܘܫܐ ܘܠܐܗܪܘܢ ܒܠܠܝܐ ܗܘܼܿ ܘܐܡܪ ܠܗܘܢ܂ ܩܘܡܘ ܦܘܩܘ ܡܢ ܓܘ ܥܡܝ܂ ܘܐܦ ܐܢܬܘܢ ܘܐܦ ܒܢ̈ܝ ܐܝܣܪܝܠ܂ ܘܙܠܘ ܦܠܘܚܘ ܩܕܡ ܡܪܝܐ ܐܝܟܢܐ ܕܐܡܪܬܘܢ܂
12:32 [ai]ܐܦ ܥܢܟܘܢ ܐܦ ܬܘܪ̈ܝܟܘܢ ܕܒܼܪܘ \ܐܝܟ ܕܐܡܪܬܘܢ /#3#/ ܘܙܠܘ܂ ܘܬܒܪܟܘܢ ܐܦ ܠܝ܂
12:33 [ai]ܘܐܠܨܘ ܡܨܪ̈ܝܐ ܠܥܡܐ ܡܣܪܗܒܐܝܬ ܕܢܦܩܘܢ ܐܢܘܢ ܡܢ ܐܪܥܐ܂ ܡܛܠ ܕܐܡܿܪ̈ܝܼܢ ܕܟܠܢ ܡܝܿܬܝܢܢ܂
12:34 [ai]ܘܫܩܼܠܘ ܥܡܐ ܠܝܫܗܘܢ ܟܕ ܠܐ ܚܡܼܥ ܩܪܝܪܗܘܢ ܨܪܝܪ ܒܫ̈ܘܫܦܝܗܘܢ܂ ܘܪܡܐ ܥܠ ܟܬ̈ܦܬܗܘܢ܂
12:35 [ai]ܘܒܢ̈ܝ ܐܝܣܪܝܠ ܥܒܼܕܘ ܐܝܟ ܡܠܬܗ/ܦܬܓܡܐ#3#/ ܕܡܘܫܐ܂ ܘܫܐܼܠܘ ܡܢ ܡܨܪ̈ܝܐ ܡܐ̈ܢܐ ܕܣܐܡܐ/ܕܕܗܒܐ#3#/ ܘܡܐ̈ܢܐ ܕܕܗܒܐ/ܕܣܐܡܐ#3#/܂ ܘܠܒ̈ܘܫܐ܂
12:36 [ai]ܘܝܗܼܒ ܐܢܘܢ ܡܪܝܐ ܠܥܡܐ ܠܪ̈ܚܼܡܐ ܒܥܝܢ̈ܝܗܘܢ ܕܡܨܪ̈ܝܐ ܘܐܿܫܐܼܠܘ ܐܢܘܢ܂ ܘܚܿܠܨܘܿ ܠܡܨܪ̈ܝܐ܂
12:37 [ai]ܘܫܩܼܠܘ ܒܢ̈ܝ ܐܝܣܪܝܠ ܡܢ ܪܥܡܣܝܣ ܠܣܟܘܬܼ܂ ܫܬܡܐܐ ܐ̈ܠܦܝܢ ܓܒܪ̈ܐ ܪ̈ܓܠܝܐ܂ ܣܛܪ ܡܢ ܝܩܪܬܐ܂
12:38 [ai]ܐܦ ܥܿܪܘܒܐ ܣܓܝܐܐ ܣܠܼܩ ܥܡܗܘܢ܂ ܘܥܢܐ ܘܬܘܪ̈ܐܿ ܘܩܢܝܢܐܿ ܕܣܿܓܼܝ ܛܒ܂
12:39 [ai]ܘܐܦܐܘܗܝ ܠܠܝܫܐ ܕܐܦܩܘ ܐܢܘܢ ܡܨܪ̈ܝܐܼ/ܡܢ ܡܨܪܝܢ#3#/܂ ܪܥܦܐܿ ܦܛܝܪܐ܂ ܡܛܠ ܕܠܐ ܚܡܼܥ܂ ܡܛܠ ܕܐܦܩܘ ܐܢܘܢ ܡܨܪ̈ܝܐ܂ ܘܠܐ ܐܫܟܚܘ ܠܡܬܿܟܪܟܘ܂ ܘܐܦ ܙܘ̈ܕܐ ܠܐ ܥܒܼܕܘ ܠܗܘܢ܂
12:40 [ai]ܘܡܘܬܿܒܗܘܢ ܕܝܬܒܘ ܒܢ̈ܝ ܐܝܣܪܝܠ ܒܡܨܪܝܼܢ/ܒܐܪܥܐ ܕܡܨܪܝܢ#3#/܂ ܐܪ̈ܒܥܡܐܐ ܘܬܠܬܝܢ ܫ̈ܢܝܢ܂
12:41 [ai]ܘܗܘܼܐ ܡܢ ܒܬܪ ܐܪܒܥܡܐܐ ܘܬܠܬܝܢ ܫܢ̈ܝܼܢ ܒܗ ܒܝܘܡܐ ܗܢܐ/ܗܿܘ#3#/܂ ܢܦܩܘ ܟܠܗܘܢ/#3#/ ܚܝ̈ܠܘܬܗ ܕܡܪܝܐ ܡܢ ܐܪܥܐ ܕܡܨܪܝܢ܂
12:42 [ai]ܠܠܝܐܿ ܢܛܝܪ ܗܘܐ ܠܡܪܝܐ ܠܡܦܩܘܬܗܘܢ ܡܢ ܐܪܥܐ ܕܡܨܪܝܢ܂ ܗܼܘ ܠܠܝܐ ܗܢܐ ܠܡܪܝܐ ܢܛܝܪ ܗܘܐܿ܂ ܠܟܠܗܘܢ ܒܢ̈ܝ ܐܝܣܪܝܠ ܠܕܪ̈ܝܗܘܢ܂
12:43 [ai]ܘܐܡܪ ܡܪܝܐ ܠܡܘܫܐ ܘܠܐܗܪܘܢ܂ ܗܢܘ ܢܡܘܣܐ ܕܦܨܚܐ܂ ܕܟܠ/ܟܠ#3#/ ܒܪ ܢܘܟܪ̈ܝܐ ܠܐ ܢܐܟܘܠ ܡܢܗ܂
12:44 [ai]ܘܟܠ ܥܒܼܕܐ ܕܓܒܪܐ ܙܒܝܢ ܟܣܦܐ܂ ܡܐ ܕܓܙܪܬܝܗܼܝ ܗܝܕܝܢ ܢܐܟܘܠ ܡܢܗ܂
12:45 [ai]ܬܘܬܒܐ ܘܐܓܝܪܐ ܠܐ ܢܐܟܘܠ ܡܢܗ܂
12:46 [ai]ܒܒܝܬܐ ܚܕ ܢܬܐܟܠ܂ ܘܠܐ ܬܦܩܿܘܢ ܡܢܗ/#3#/ ܡܢ ܒܣܪܐ ܠܒܪ ܡܢ ܒܝܬܐ܂ ܘܓܪܡܐ ܠܐ ܬܬܒܼܪܘܢ ܒܗ܂
12:47 [ai]ܟܠܗܿ ܟܢܘܫܬܐ ܕܐܝܣܪܐܝܠ/ܕܒܢ̈ܝ ܝܣܪܝܠ#3#/ ܢܥܒܕܘܢܗ܂
12:48 [ai]ܘܟܕ ܢܥܡܼܪ ܥܡܟܘܢ ܬܘܬܒܐ ܘܢܥܒܕ ܦܨܚܐ ܠܡܪܝܐ܂ ܡܐ ܕܓܼܙܪ ܟܠ ܕܟܪܐ܂ ܗܝܕܝܢ ܢܬܩܿܪܒ ܠܡܥܒܕܗ܂ ܘܿܢܗܘܐ ܐܝܟ ܒܘ̈ܟܢܐ ܕܐܪܥܐ܂ ܘܟܘܠ ܥܘܪܠܐ ܠܐ ܢܐܟܘܠ ܡܢܗ܂
12:49 [ai]ܢܡܘܣܐ ܚܕ ܢܗܘܐ܂ ܠܒ̈ܘܟܢܐ ܘܠܥܡܘܪ̈ܐ ܕܥܡܿܪܝܢ ܒܝܢܬܟܘܢ܂
12:50 [ai]ܘܥܒܼܕܘ ܟܠܗܘܢ ܒܢ̈ܝ ܐܝܣܪܝܠ ܐܝܟ ܕܦܩܿܕ ܡܪܝܐ ܠܡܘܫܐ ܘܠܐܗܪܘܢ ܗܟܢܐ ܥܒܼܕܘ܂
12:51 [ai]ܘܗܘܼܐ ܒܗ ܒܝܘܡܐ ܗܢܐ܂ ܐܦܩ ܡܪܝܐ \ܠܒܢ̈ܝ ܐܝܣܪܝܠ /ܠܐܝܣܪܝܠ#3#/ ܡܢ ܐܪܥܐ ܕܡܨܪܝܢ ܟܘܠ ܚܝ̈ܠܘܬܗܘܢ܂

next chapter