← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62003: P Lv

Click on a word for lexical analysis.
Click on a red-colored coordinate for comments and/or translations of the line
View in Estrangelo
Ask AI about a passage
Hide manuscript variants

previous chapter


23:01 [ai]ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
23:02 [ai]ܡܠܠ ܥܡ ܒܢ̈ܝ ܐܝܣܪܝܠ ܘܐܡܪ ܠܗܘܢ܂ ܥܕܥܐ̈ܕܘܗܝ ܕܡܪܝܐ ܕܬܩܪܘܢ/ܬܩܪܘܢ#3#/ܕܬܛܪܘܢ#3#/ ܐܢܘܢ ܩܪ̈ܝܐ ܘܩܕܝܫ̈ܐ ܗܠܝܢ ܐܢܘܢ ܥܕܥܐ̈ܕܝ܂
23:03 [ai]ܫܬܐ ܝܘܡ̈ܝܢ ܬܥܒܕܘܢ ܥܒܿܕܐ܂ ܘܝܘܡܐ/ܘܒܝܘܡܐ#3#/ ܫܒܝܥܝܐ ܫܒܬܐ ܘܢܝܚܐ ܬܗܘܐ ܩܘܕܫܐ ܠܡܪܝܐ܂ ܘܟܠ ܥܒܕ ܠܐ ܬܥܒܕܘܢ܂ ܫܒܬܐ ܗܝ ܠܡܪܝܐ ܒܟܠܗ ܒܝܬ ܡܥܡܪܟܘܢ܂
23:04 [ai]ܗܠܝܢ ܥܕܥܐ̈ܕܘܗܝ ܕܡܪܝܐ ܩܪ̈ܝܐ ܘܩܕܝܫ̈ܐ ܬܩܪܘܢ/ܬܛܪܘܢ#3#/ ܐܢܘܢ ܒܙܒܢܝܗܘܢ܂
23:05 [ai]ܒܝܪܚܐ ܩܕܡܝܐ ܒܐܪܒܥܣܪܐ ܒܝܪܚܐ܂ ܒܝܬ ܪ̈ܡܫܐ ܦܨܚܐ ܠܡܪܝܐ܂
23:06 [ai]ܘܒܚܡܫܥܣܪܐ ܒܗ ܒܝܪܚܐ ܗܢܐ܂ ܥܕܥܐܕܐ ܕܦܛܝܪ̈ܐ ܠܡܪܝܐ܂ ܫܒܥܐ ܝܘܡ̈ܝܢ ܦܛܝܪܐ ܬܐܟܠܘܢ܂
23:07 [ai]ܝܘܡܐ ܩܕܡܝܐ ܩܪܐ ܘܩܕܝܫ ܢܗܘܐ ܠܟܘܢ܂ ܘܟܠ ܥܒܕ ܕܦܘܠܚܢܐ ܠܐ ܬܥܒܕܘܢ܂
23:08 [ai]ܘܩܪܒܘ ܩܘܪܒܢܐ ܠܡܪܝܐ ܫܒܥܐ ܝܘܡ̈ܝܢ܂ ܘܝܘܡܐ ܕܫܒܥܐ ܢܗܘܐ ܩܪܐ ܘܩܕܝܫ܂ ܘܟܠ ܥܒܕ ܕܦܘܠܚܢܐ ܠܐ ܬܥܒܕܘܢ܂
23:09 [ai]ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
23:10 [ai]ܡܠܠ ܥܡ ܒܢ̈ܝ ܐܝܣܪܐܝܠ ܘܐܡܪ ܠܗܘܢ܂ ܡܐ ܕܥܠܬܘܢ ܠܐܪܥܐ ܕܝܿܗܒ ܐܢܐ ܠܟܘܢ܂ ܘܚܨܕܬܘܢ ܚܨܕܗܿ܂ ܐܝܬܘ ܟܦܐ ܕܪܝܫ ܚܨܕܟܘܢ ܠܟܗܢܐ܂
23:11 [ai]ܘܢܦܪܫܝܗܿ ܠܟܦܐ ܩܕܡ ܡܪܝܐ ܠܩܘܒܠܐ܂ ܘܒܬܪ ܝܘܡܐ ܐܚܪܢܐ܂ ܢܦܪܫܝܗܿ ܟܗܢܐ܂
23:12 [ai]ܘܬܥܒܕܘܢ ܒܝܘܡܐ/ܒܗܘܿ ܝܘܡܐ#3#/ ܕܦܪܫܝܢ ܐܢܬܘܢ ܟܦܐ܂ ܐܡܪܐ ܒܪ ܫܢܬܐ ܕܠܝܬ ܒܗ ܡܘܡܐ܂ ܝܩܕܐ ܫܠܡܐ ܠܡܪܝܐ܂
23:13 [ai]ܘܩܘܪܒܢܗ ܬܪ̈ܝܢ ܥܣܪ̈ܘܢܝܢ܂ ܡܢ ܬܪ̈ܬܝܢ ܣܐܝܢ ܢܫܝܦܐ ܕܦܝܠ ܒܡܫܚܐ ܩܘܪܒܢܐ ܠܡܪܝܐ ܠܪܝܚ ܣܘܬܐ/ܢܝܚܐ#1##2#/܂ ܘܢܘܩܝܗ ܚܡܪܐ ܪܘܒܥܗ ܕܗܡܝܢܐ܂
23:14 [ai]ܘܠܚܡܐ ܘܩܠܝ̈ܬܐ ܘܦܪ̈ܝܟܬܐ܂ ܠܐ ܬܐܟܠܘܢ ܥܕܡܐ ܠܝܘܡܐ ܗܢܐ܂ ܥܕܡܐ ܠܝܘܡܐ ܕܡܝܬܝܢ ܐܢܬܘܢ ܩܘܪܒܢܐ ܠܐܠܗܟܘܢ܂ ܢܡܘܣܐ ܠܥܠܡ ܠܕܪ̈ܝܟܘܢ ܒܟܠܗ ܒܝܬ ܡܥܡܪܟܘܢ܂
23:15 [ai]ܘܡܢܘ ܠܟܘܢ ܡܢ ܒܬܪܗ ܕܝܘܡܐ܂ ܡܢ ܝܘܡܐ ܕܡܝܬܝܢ ܐܢܬܘܢ ܟܦܐ ܕܦܘܪܫܢܐ܂ ܫܒܥ ܫ̈ܒܘܥܢ ܫܠܡ̈ܠܡܢ ܢܗ̈ܘܝܢ ‍<‍ܠܟܘܢ#3#‍>‍܂
23:16 [ai]ܥܕܡܐ ܠܒܬܪ ܫܒܘܥܬܐ ܫܒܝܥܝܬܐ܂ ܡܢܘ ܚܡܫܝܢ ܝܘ̈ܡܝܢ܂ ܘܩܪܒܘ ܣܡܝܕܐ ܡܢ ܚܕܬܐ ܠܡܪܝܐ܂
23:17 [ai]ܡܢ ܒܝܬ ܡܥܡܪܟܘܢ ܐܝܬܘ ܠܚܡܐ ܕܦܘܪܫܢܐ܂ ܬܪ̈ܬܝܢ ܚܚܪ̈ܢ ܡܢ ܬܪ̈ܝܢ ܥܣܪ̈ܘܢܝܢ ܕܢܫܝܦܐ ܢܗܘܝܢ܂ ܘܚܡܝܥ ܢܬܐ̈ܦܝܢ܂ ܒܟܪ̈ܐ/ܠܚܡܐ ܕܒܟܪ̈ܐ#1##2#/ ܠܡܪܝܐ܂
23:18 [ai]ܘܩܪܒܘ ܥܠ ܠܚܡܐ܂ ܫܒܥܐ ܐܡܪ̈ܝܢ ܒܢ̈ܝ ܫܢܬܐ ܕܠܝܬ ܒܗܘܢ ܡܘܡܐ܂ ܘܬܘܪܐ ܚܕ ܒܪ ܒܩܪܐ ܘܬܪ̈ܝܢ ܕܟܪ̈ܝܢ ܢܗܘܘܢ ܝܩ̈ܕܐ ܫ̈ܠܡܐ ܠܡܪܝܐ܂ ܘܣܡܝܕܗܘܢ ܘܢܘܩܝܗܘܢ܂ ܩܘܪܒܢܐ ܠܪܝܚ ܣܘܬܐ/ܢܝܚܐ#1##2#/ ܠܡܪܝܐ܂
23:19 [ai]ܘܥܒܕ ܨܦܪܝܐ ܚܕ ܕܥ̈ܙܐ ܚܠܦ ܚܛܗܐ܂ ܘܬܪ̈ܝܢ ܐܡܪ̈ܝܢ ܒ̈ܢܝ ܫܢܬܐ ܠܕܒܚܐ ܫܠܡܐ܂
23:20 [ai]ܘܢܦܪܘܫ ܐܢܘܢ ܟܗܢܐ ܥܠ ܠܚܡܐ ܕܒܟܪ̈ܐ܂ ܦܘܪܫܢܐ ܩܕܡ ܡܪܝܐ܂ ܥܠ ܬܪ̈ܝܢ ܐܡܪ̈ܝܢ܂ ܩܘܕܫܐ ܢܗܘܘܢ ܩܕܡ ܡܪܝܐ ܠܟܗܢܐ܂
23:21 [ai]ܘܩܪܘ ܠܝܘܡܐ ܗܢܐ ܩܪܝܐ ܘܩܕܝܫܐ ܘܟܠ ܥܒܿܕܐ ܕܦܘܠܚܢܐ ܠܐ ܬܥܒܕܘܢ܂ ܢܡܘܣܐ ܠܥܠܡ ܠܕܪ̈ܝܟܘܢ܂ ܒܟܠܗ ܒܝܬ ܡܥܡܪܟܘܢ܂
23:22 [ai]ܘܡܐ ܕܚܨܕܝܢ ܐܢܬܘܢ ܚܨܕܐ ܕܐܪܥܟܘܢ܂ ܠܐ ܬܓܡܪܘܢ ܣܦܪ̈ܐ ܕܚܩ̈ܠܬܟܘܢ ܒܚܨܕܟܘܢ܂ ܘܠܩܛܐ ܕܚܨܕܟܘܢ ܠܐ ܬܠܩܛܘܢ܂ ܐܠܐ ܠܡܣ̈ܟܢܐ ܘܠܐܝܠܝܢ ܕܡܬܦܢܝܢ ܠܘܬܝ ܫܒܘܩܘ ܐܢܘܢ܂ ܐܢܐ ܐܢܐ ܡܪܝܐ ܐܠܗܟܘܢ܂
23:23 [ai]ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
23:24 [ai]ܡܠܠ ܥܡ ܒܢ̈ܝ ܐܝܣܪܝܠ ܘܐܡܪ ܠܗܘܢ܂ ܒܚܕ ܒܝܪܚܐ ܒܝܪܚܐ ܫܒܝܥܝܐ܂ ܢܗܘܐ ܠܟܘܢ ܢܝܚܐ ܘܕܘܟܪܢܐ ܕܩܪܝܬܐ܂ ܩܪܝܐ ܘܩܕܝܫܐ ܢܗܘܐ ܠܟܘܢ܂
23:25 [ai]ܘܟܘܠ ܥܒܿܕ ܕܦܘܠܚܢܐ ܠܐ ܬܥܒܕܘܢ܂ ܘܩܪܒܘ ܩܘܪܒܢܐ ܠܡܪܝܐ܂
23:26 [ai]ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂ ܡܠܠ ܥܡ ܒܢ̈ܝ ܐܝܣܪܝܠ ܘܐܡܪ ܠܗܘܢ܂
23:27 [ai]ܒܥܣܪܬܐ ܒܝܪܚܐ ܗܢܐ ܕܫܒܥܐ܂ ܝܘܡܐ ܗܘ ܕܚܘܣܝܐ܂ ܩܪܝܐ ܘܩܕܝܫܐ ܢܗܘܐ ܠܟܘܢ܂ ܘܡܟܟܘ ܢܦܫ̈ܬܟܘܢ܂ ܘܩܪܒܘ ܩܘܪܒܢܐ ܠܡܪܝܐ܂
23:28 [ai]ܘܟܠ ܥܒܿܕ ܠܐ ܬܥܒܕܘܢ ܒܗ ܒܝܘܡܐ ܗܢܐ܂ ܡܛܠ ܕܝܘܡܐ ܗܘ ܕܚܘܣܝܐ ܠܡܚܣܝܘ ܥܠܝܟܘܢ ܩܕܡ ܡܪܝܐ ܐܠܗܟܘܢ܂
23:29 [ai]ܡܛܠ ܕܟܠ ܢܦܫܐ ܕܠܐ ܬܬܡܟܟ ܒܗ ܒܝܘܡܐ ܗܢܐ܂ ܬܐܒܕ ܡܢ ܥܡܗܿ܂
23:30 [ai]ܘܟܠ ܢܦܫܐ ܕܬܥܒܕ ܟܠ ܥܒܿܕ ܒܗ ܒܝܘܡܐ ܗܢܐ܂ \ܐܘܒܕܝܗܿ ܠܢܦܫܐ /ܬܐܒܕ ܢܦܫܐ#3#/ ܗܿܝ ܡܢ ܓܘ ܥܡܗܿ܂
23:31 [ai]ܘܟܠ ܥܒܿܕ ܠܐ ܬܥܒܕܘܢ܂ ܢܡܘܣܐ ܠܥܠܡ ܠܕܪ̈ܝܟܘܢ ܒܟܠܗ ܒܝܬ ܡܥܡܪܟܘܢ܂
23:32 [ai]ܫܒܬ ܫ̈ܒܐ ܗܝ ܠܟܘܢ ܘܡܟܟܘ ܢܦܫ̈ܬܟܘܢ ܒܬܫܥܬܐ ܒܝܪܚܐ܂ ܒܪܡܫܐ ܒܝܬ ܪ̈ܡܫܐ܂ ܡܢ ܪܡܫܐ ܘܥܕܡܐ ܠܪܡܫܐ܂ ܐܫܒܬܘ ܫܒܝ̈ܟܘܢ܂
23:33 [ai]ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
23:34 [ai]ܡܠܠ ܥܡ ܒܢ̈ܝ ܐܝܣܪܝܠ ܘܐܡܪ ܠܗܘܢ܂ ܒܚܡܫܥܣܪܐ ܒܝܪܚܐ ܗܢܐ ܕܫܒܥܐ܂ ܥܒܕܘ ܥܕܥܐܕܐ ܕܡ̈ܛܠܐ܂ ܫܒܥܐ ܝܘܡ̈ܝܢ ܩܕܡ ܡܪܝܐ܂
23:35 [ai]ܝܘܡܐ ܩܕܡܝܐ ܩܪܝܐ/ܩܪܐ#3#/ ܘܩܕܝܫܐ ܢܗܘܐ ܠܟܘܢ܂ ܘܟܠ ܥܒܿܕ ܕܦܘܠܚܢܐ ܠܐ ܬܥܒܕܘܢ܂
23:36 [ai]ܫܒܥܐ ܝܘܡ̈ܝܢ܂ ܘܩܪܒܘ ܩܘܪܒܢܐ ܠܡܪܝܐ܂ ܘܝܘܡܐ ܕܬܡܢܝܐ܂ ܩܪܝܐ ܘܩܕܝܫܐ ܢܗܘܐ ܠܟܘܢ܂ ܘܩܪܒܘ ܩܘܪܒܢܐ ܠܡܪܝܐ܂ ܘܗܘܝܬܘܢ ܟܢܿܫܝܢ܂ ܘܟܠ ܥܒܕ ܕܦܘܠܚܢܐ ܠܐ ܬܥܒܕܘܢ܂
23:37 [ai]ܗܠܝܢ ܐܢܘܢ ܥܕܥܐ̈ܕܘܗܝ ܕܡܪܝܐ܂ ܕܬܩܪܘܢ ܐܢܘܢ ܩܪ̈ܝܐ ܘܩ̈ܕܝܫܐ܂ \ܘܬܩܪܒܘܢ ܒܗܘܢ /ܘܒܗܘܢ#3#/ ܩܘܪܒܢܐ ܠܡܪܝܐ܂ ܝܩ̈ܕܐ ܫ̈ܠܡܐ ܘܣܡܝܕܐ܂ ܘܢܘܩ̈ܝܐ ܘܕܒܚ̈ܐ ܙܕܩܐ ܕܝܘܡܐ ܒܝܘܡܐ܂
23:38 [ai]ܣܛܪ ܡܢ ܫܒ̈ܘܗܝ ܕܡܪܝܐ܂ ܘܣܛܪ ܡܢ ܩܘܪ̈ܒܢܝܟܘܢ܂ ܘܣܛܪ ܡܢ ܡܘܗ̈ܒܬܟܘܢ܂ ܘܣܛܪ ܡܢ ܟܠܗܘܢ ܢܕܪ̈ܝܟܘܢ܂ ܘܣܛܪ ܡܢ ܟܠܗ ܦܘܪܫܢܟܘܢ ܕܝܗܒܝܢ ܐܢܬܘܢ ܠܡܪܝܐ܂
23:39 [ai]ܒܪܡ ܕܝܢ ܒܚܡܫܥܣܪܐ ܒܝܪܚܐ/ܕܝܪܚܐ#3#/ ܕܫܒܥܐ܂ ܡܐ ܕܚܡܿܠܝܢ ܐܢܬܘܢ ܥܠܠܬܐ ܕܐܪܥܐ܂ ܥܒܕܘ ܥܕܥܐܕܐ ܠܡܪܝܐ܂ ܫܒܥܐ ܝܘܡ̈ܝܢ܂ ܒܝܘܡܐ ܩܕܡܝܐ ܒܛܠܢܐ܂ ܘܒܝܘܡܐ ܕܬܡܢܝܐ ܢܝܚܐ܂
23:40 [ai]ܣܒܘ ܠܟܘܢ ܒܝܘܡܐ ܩܕܡܝܐ܂ ܦܐܪ̈ܝ ܐܝ̈ܠܢܐ ܫܦܝܪ̈ܐ܂ ܐܛܪ̈ܘܓܐ ܘܠܒ̈ܘܬܐ ܕܕܩ̈ܠܐ܂ ܘܐܣܐ ܘܥܪ̈ܒܐ܂ ܘܚܕܘ ܩܕܡ ܡܪܝܐ ܐܠܗܟܘܢ ܫܒܥܐ ܝܘܡ̈ܝܢ܂ ܟܠܗܘܢ ܕܒܝܬ ܐܝܣܪܐܝܠ܂
23:41 [ai]ܘܥܘܒܕܘܗܝ ܥܕܥܐܕܐ ܗܢܐ ܠܡܪܝܐ ܫܒܥܐ ܝܘܡ̈ܝܢ ܒܫܢܬܐ܂ ܢܡܘܣܐ ܠܥܠܡ ܠܕܪ̈ܝܟܘܢ܂ ܒܝܪܚܐ ܕܫܒܥܐ ܥܘܒܕܘܗܝ܂
23:42 [ai]ܒܡ̈ܛܠܐ ܬܒܘ ܫܒܥܐ ܝܘܡ̈ܝܢ܂ ܟܠܗܘܢ ܕܒܝܬ ܐܝܣܪܝܠ ܢܬܒܘܢ ܒܡ̈ܛܠܐ܂
23:43 [ai]ܕܢܕܥܘܢ ܕܪ̈ܝܟܘܢ܂ ܕܒܡ̈ܛܠܐ ܐܘܬܿܒܬ ܠܒ̈ܢܝ ܐܝܣܪܐܝܠ ܟܕ ܐܦܩܿܬ ܐܢܘܢ ܡܢ ܐܪܥܐ ܕܡܨܪܝܢ܂ ܐܢܐ ܐܢܐ ܡܪܝܐ ܐܠܗܟܘܢ܂
23:44 [ai]ܘܐܡܪ ܡܘܫܐ ܠܒܢ̈ܝ ܐܝܣܪܝܠ ܥܕܥܐ̈ܕܘܗܝ ܕܡܪܝܐ܂

next chapter