The Comprehensive Aramaic Lexicon

07:01)1( [ai]	ܘܠܒܝܬܗ ܒܢܐ ܫܠܝܡܘܢ ܠܬܠܬܥܣܪ̈ܐ ܫܢ̈ܝܢ܂ ܘܐܫܬܟܠܠ ܟܠܗ ܒܝܬܐ܂
07:02)1( [ai]	ܘܒܢܐ ܒܝܬ ܥܒܐ ܕܠܒܢܢ ܡܐܐ ܐܡ̈ܝܢ ܐܘܪܟܗ܂ ܘܚܡܫܝܢ ܐܡ̈ܝܢ ܦܬܝܗ܂ ܘܬܠܬܝܢ ܐܡ̈ܝܢ ܪܘܡܗ܂ ܥܠ ܐܪ̈ܒܥܐ ܣܕܪ̈ܝܢ ܕܥܡ̈ܘܕܐ ܕܐܪܙܐ܂ ܘܟܪ̈ܡܬܐ ܕܐܪܙܐ ܥܠ ܥܡ̈ܘܕܐ܂
07:03)1( [ai]	ܘܡܛܠܠ ܒܐܪ̈ܙܐ ܡܢ ܠܥܠ܂ ܥܠ ܚ̈ܬܐ ܕܥܠ ܥܡ̈ܘܕܐ ܐܪ̈ܒܥܝܢ ܘܚܡܫ ‍<‍ܐܡ̈ܝܢ ܪܘܡܗ ܕܟܪܡܬܐ#3#/܂ ܚܡܫܥܣܪܐ ܠܣܕܪܐ܂
07:04)1( [ai]	ܘܐܟܣܕܪ̈ܐ ܬܠܬܐ ܣܕܪ̈ܝܢ܂ ܘܡܩܒܠܝܢ ܚܕ ܠܚܕ ܬܠܬ ܙܒܢܝܢ܂
07:05)1( [ai]	ܘܟܠܗܘܢ ܬܪ̈ܥܐ ܘܣ̈ܦܐ ܡܪ̈ܒܥܝܢ܂ ܘܡܩܒܠܝܢ ܚܕ ܠܚܕ ܬܠܬ ܙܒ̈ܢܝܢ܂
07:06)1( [ai]	ܘܐܣܛܘܐ ܕܥܡ̈ܘܕܐ ܥܒܕ ܚܡ̈ܫܝܢ ܐܡ̈ܝܢ ܐܘܪܟܗ܂ ܘܬܠܬܝܢ ܐܡ̈ܝܢ ܦܬܝܗ܂ ܘܐܣܛܘܐ ܥܠ ܐ̈ܦܝܗܘܢ ܕܥܡ̈ܘܕܐ܂ ܘܕܪܬܐ ܩܕܡܝܗܘܢ܂
07:07)1( [ai]	ܘܐܣܛܘܐ ܕܟܘܪܣܝܐ/ܠܟܘܪܣܝܐ#3#/ ܕܕܐܢ ܗܘܐ ܬܡܢ܂ ܐܣܛܘܐ ܠܕܝܢܐ ܥܒܕ܂ ܘܩܪܡܗ ܒܐܪ̈ܙܐ ܡܢ ܫܬܐ̈ܣܘܗܝ ܘܥܕܡܐ ܠܫܡ̈ܘܗܝ܂
07:08)1( [ai]	ܘܒܝܬܗ ܕܝܬܒ ܗܘܐ ܬܡܢ ܒܕܪܬܐ ܐܚܪܬܐ ܠܓܘ ܡܢ ܐܣܛܘܐ܂ ܐܝܟ ܥܒܕܐ ܗܢܐ ܥܒܕ܂ ܘܒܝܬܐ ܥܒܕ ܠܒܪܬ ܦܪܥܘܢ ܕܢܣܒ ܫܠܝܡܘܢ ܐܝܟ ܥܒܕܐ ܗܢܐ܂
07:09)1( [ai]	ܟܠܗܝܢ ܗܠܝܢ ܟܐ̈ܦܐ ܛܒ̈ܬܐ܂ ܐܝܟ ܡܫܘܚܬܐ ܕܦܣܝܠܬܐ ܕܢܓܝܕܐ ܒܛܘܪܢܣ܂ ܡܢ ܠܓܘ ܘܡܢ ܠܒܪ܂ ܘܡܢ ܫܬܐ̈ܣܘܗܝ ܘܥܕܡܐ ܠܥܠ܂ ܘܡܢ ܠܒܪ ܘܥܕܡܐ ܠܕܪܬܐ ܕܒܝܬܐ܂
07:10)1( [ai]	ܕܡܬܩܢ ܒܟܐ̈ܦܐ ܛܒ̈ܬܐ ܘܒܟܐ̈ܦܐ ܪ̈ܘܪܒܬܐ܂ ܟܐܦܐ ܕܥܣܪ̈ ܐܡ̈ܝܢ܂ ܘܟܐܦܐ ܕܬܡܢܐ ܐܡ̈ܝܢ
07:11)1( [ai]	ܡܢ ܠܥܠ܂ ܟܐ̈ܦܐ ܛܒ̈ܬܐ ܐܝܟ ܡܫܘܚܬܐ ܕܦܣܝܠܬܐ ܘܐܪ̈ܙܐ܂
07:12)1( [ai]	ܘܕܪܬܐ ܪܒܬܐ ܟܕ ܚܕܪܐ܂ ܬܠܬܐ ܣܚ̈ܦܝܢ ܕܦܣܝܠܬܐ܂ ܘܣܚܦܐ ܕܟܪ̈ܡܬܐ ܕܐܪ̈ܙܐ܂ ܘܠܕܪܬܐ ܕܒܝܬܗ ܕܡܪܝܐ ܓܘܝܬܐ ܘܠܐܣܛܘܐ ܕܒܝܬܐ܀
07:13)1( [ai]	ܘܫܕܪ ܡܠܟܐ ܫܠܝܡܘܢ ܘܐܝܬܝ ܠܚܝܪܡ ܡܢ/ܕܡܢ#3#/ ܨܘܪ܂
07:14)1( [ai]	ܘܗܘ ܒܪ ܐܢܬܬܐ ܗܘܐ ܐܪܡܠܬܐ ܡܢ ܫܒܛܐ ܕܢܦܬܠܝ܂ ܘܐܒܘܗܝ ܓܒܪ ܨܝܪ ܘܐܘܡܢ ܒܢܚܫܐ܂ ܘܐܬܡܠܝ ܚܟܡܬܐ ܘܒܘܝܢܐ ܘܐܝܕܥܬܐ ܠܡܥܒܕ ܟܠ ܥܒܕ ܕܢܚܫܐ܂ ܘܐܬܐ ܠܘܬ ܡܠܟܐ ܫܠܝܡܘܢ܂ ܘܥܒܕ ܟܠܗ ܥܒܕܐ܂
07:15)1( [ai]	ܘܨܪ ܬܪ̈ܝܢ ܥܡ̈ܘܕܐ ܕܢܚܫܐ܂ ܪܘܡܗ ܕܥܡܘܕܐ ܚܕ ܬܡܢܥܣܪ̈ܐ ܐܡ̈ܝܢ܂ ܘܚܘܛܐ ܕܬܪ̈ܬܥܣܪܐ ܐܡ̈ܝܢ ܟܪܟ ܠܗ܂ ܘܗܟܢܐ ܠܥܡܘܕܐ/ܥܡܘܕܐ#3#/ ܐܚܪܢܐ܂
07:16)1( [ai]	ܘܬܪ̈ܬܝܢ ܟܪ̈ܡܬܐ ܥܒܕ ܠܡܣܡ ܥܠ ܪܝܫܐ ܕܥܡ̈ܘܕܐ ܕܢܣܟܬܐ ܕܢܚܫܐ ܚܡܫ ܐܡ̈ܝܢ ܪܘܡܗ ܕܟܪܡܬܐ ܚܕܐ܂ ܘܚܡܫ ܐܡ̈ܝܢ ܪܘܡܗ ܕܟܪܡܬܐ ܐܚܪܬܐ܂
07:17)1( [ai]	ܘܗܠܩܐ ܥܒܕ ܗܠܩܐ ܓܕܝܠܐ܂ ܘܥܒܕ ܫ̈ܫܠܬܐ ܠܟܪ̈ܡܬܐ/ܕܟܪ̈ܡܬܐ#3#/ ܕܥܠ ܪܝܫ ܥܡ̈ܘܕܐ܂ ܫܒܥ ܠܟܪܡܬܐ ܚܕܐ܂ ܘܫܒܥ ܠܟܪܡܬܐ ܐܚܪܬܐ܂
07:18)1( [ai]	ܘܥܒܕ ܥܡ̈ܘܕܐ/ܪ̈ܘܡܢܐ#3#/܂ ܘܬܪ̈ܝܢ ܣܕܪ̈ܝܢ ܟܕ ܚܕܪܐ ܥܠ ܗܠܩܐ/ܗܠܩܢܐ#3#/ ܚܕ܂ ܠܡܟܣܝܘ ܟܪ̈ܡܬܐ ܕܥܠ ܪܝܫ ܥܡ̈ܘܕܐ܂ ܘܗܟܢܐ ܐܦ ܠܥܡܘܕܐ ܐܚܪܢܐ܂
07:19)1( [ai]	ܘܟܪ̈ܡܬܐ/ܘܠܟܪܡܬܐ#3#/ ܕܥܠ ܪܝܫ ܥܡ̈ܘܕܐ ܥܒܕܐ/ܥܒܕ#3#/ ܕܫܘܫܢܬܐ܂ ܘܥܒܕ ܒܐܣܛܘܐ/ܐܣܛܘܐ#3#/ ܐܪܒܥ ܐܡ̈ܝܢ܂
07:20)1( [ai]	ܘܟܪ̈ܡܬܐ ܕܥܠ ܬܪ̈ܝܢ ܥܡ̈ܘܕܐ܂ ܐܦ ܡܢ ܠܥܠ ܡܢ ܠܘܩܒܠ ܓܒܐ ܕܠܘܩܒܠ ܗܠܩܐ܂ ܘܪ̈ܘܡܢܐ ܡܐܬܝܢ܂ ܬܪ̈ܝܢ ܣܕܪ̈ܝܢ ܟܕ ܚܕܪܐ ‍<‍ܥܠ ܟܠ#3#‍>‍ ܟܪܡܬܐ ܚܕܐ܂ ܘܗܟܢܐ ‍<‍ܥܒܕ#3#‍>‍ ܟܪܡܬܐ/ܠܟܪܡܬܐ#3#/ ܐܚܪܬܐ܂
07:21)1( [ai]	ܘܥܒܕ ܥܡ̈ܘܕܐ ܕܐܣܛܘܐ ܕܗܝܟܠܐ܂ ܘܐܩܝܡ ܠܥܡܘܕܐ ܕܡܢ ܝܡܝܢܐ܂ ܘܩܪܐ ܫܡܗ ܝܟܝܢ܂ ܘܐܩܝܡ ܠܥܡܘܕܐ ܕܡܢ ܣܡܠܐ܂ ܘܩܪܐ ܫܡܗ ܒܥܙ܂
07:22)1( [ai]	ܘܥܠ ܪܝܫܐ ܕܥܡ̈ܘܕܐ ܥܒܕܐ ܕܫܘܫܢܬܐ܂ ܘܫܠܡ ܥܒܕܗܘܢ ܕܥܡ̈ܘܕܐ܀
07:23)1( [ai]	ܘܥܒܕ ܝܡܐ ܕܢܣܟܬܐ܂ ܥܣܪ̈ ܐܡ̈ܝܢ ܡܢ ܣܦܬܗ ܘܥܕܡܐ ܠܣܦܬܗ܂ ܓܠܝܠ ܟܕ ܚܕܪ܂ ܘܚܡܫ ܐܡ̈ܝܢ ܪܘܡܗ܂ ܘܚܘܛܐ ܕܬܠܬܝܢ ܐܡ̈ܝܢ ܟܪܟ ܠܗ ܟܕ ܚܕܪ܂
07:24)1( [ai]	ܘܦܩܝ̈ܥܐ ܠܬܚܬ ܡܢ ܣܦܬܗ ܟܕ ܚܕܪ ܟܪ̈ܝܟܝܢ ܠܗ܂ ܥܣܪ̈ ܐ̈ܡܝܢ ܟܪܝܟܝܢ ܠܝܡܐ ܟܕ ܚܕܪ܂ ܬܪ̈ܝܢ ܣܕܪ̈ܝܢ ܕܦܩܝ̈ܥܐ ܕܢܣܝܟܝܢ ܒܢܣܟܬܐ܂
07:25)1( [ai]	ܘܩܐܡ ܥܠ ܬܪ̈ܥܣܪ ܬܘܪ̈ܝܢ܂ ܬܠܬܐ ܦܢܝܢ ܠܓܪܒܝܐ܂ ܘܬܠܬܐ ܦܢܝܢ ܠܡܥܪܒܐ܂ ܘܬܠܬܐ ܦܢܝܢ ܠܬܝܡܢܐ܂ ܘܬܠܬܐ ܦܢܝܢ ܠܡܕܢܚܐ܂ ܘܝܡܐ ܥܠܝܗܘܢ ܠܥܠ ܡܢܗܘܢ ܡܢ ܠܥܠ ܘܐܚܪ̈ܝܬܗܘܢ ܠܓܘ ܒܝܬܐ܂
07:26)1( [ai]	ܘܥܒܝܗ ܦܫܟ܂ ܘܣܦܬܗ ܐܝܟ ܣܦܬܐ ܕܟܣܐ܂ ܘܦܪܥܐ ܕܫܘܫܢܬܐ܂ ܬܪ̈ܝܢ ܐ̈ܠܦܝܢ ܡܬܪ̈ܝܢ ܐܚܕ܀
07:27)1( [ai]	ܘܥܒܕ ܐ̈ܓܢܐ ܥܣܪ̈ ܕܢܚܫܐ܂ ܐܪ̈ܒܥ ܐܡ̈ܝܢ ܐܘܪܟܗ ܕܐܓܢܐ ܚܕܐ܂ ܘܐܪ̈ܒܥ ܐܡ̈ܝܢ ܦܬܝܗ܂ ܘܬܠܬ ܐܡ̈ܝܢ ܪܘܡܗ܂
07:28)1( [ai]	ܘܥܒܕܗܝܢ ܕܐ̈ܓܢܐ ܓܕܢ̈ܦܐ ܐܝܬ ܠܗܝܢ܂
07:29)1( [ai]	ܘܥܠ ܓܕܢ̈ܦܐ ܕܒܝܬ ܚܢ̈ܩܐ ܐܪ̈ܝܘܬܐ ܘܬܘܪ̈ܐ ܘܟܪ̈ܘܒܐ܂ ܘܥܠ ܟܣ̈ܝܐ ܗܟܢܐ ܡܢ ܠܥܠ ܘܡܢ ܠܬܚܬ܂ ܐܪ̈ܝܘܬܐ ܘܬܘܪ̈ܐ܂ ܚܙܘܐ ܥܒܕܐ/ܕܥܒܕܐ#3#/ ܫܦܝܪܐ܂
07:30)1( [ai]	ܘܐܪ̈ܒܥ ܓܝ̈ܓܠܐ ܕܢܚܫܐ ܠܐܓܢܐ ܚܕܐ܂ ܘܣܪܢܐ ܕܢܚܫܐ܂ ܘܐܪ̈ܒܥ ܙܘ̈ܝܬܐ ܡܕܒ̈ܩܢ ܠܗܝܢ܂ ܘܟ̈ܬܦܬܐ ܐܝܬ ܠܗܝܢ ܠܬܚܬ ܡܢܗܝܢ܂ ‍<‍ܡܢ#1##2#‍>‍ ܟ̈ܬܦܬܐ ܕܢܣܟܬܐ ܥܒܕܐ ܫܦܝܪܐ܂
07:31)1( [ai]	ܘܦܘܡܗ ܕܐܓܢܐ ܡܢ ܠܓܘ ܐܡܐ܂ ܘܦܘܡܗ ܓܠܝܠ ܐܡܐ ܘܦܠܓܘܬ ܐܡܐ܂ ܘܐܦ ܥܠ ܦܘܡܗ ܩܥ̈ܝܠܬܐ ܘܓܕܢ̈ܦܐ ܡܪ̈ܒܥܝܢ ܘܠܐ ܓܠܝ̈ܠܝܢ܂
07:32)1( [ai]	ܘܐܪ̈ܒܥ ܓܝ̈ܓܠܝܢ ܡܢ ܠܬܚܬ ܠܓܕܢ̈ܦܐ܂ ܘܐܝ̈ܕܗܬܐ ܕܓ̈ܝܓܠܐ ܒܐܓܢܐ ܚܕܐ܂ ܘܪܘܡܗ ܕܓܝܓܠܐ ܚܕܐ ܐܡܐ ܘܦܠܓܘܬ ܐܡܐ܂
07:33)1( [ai]	ܘܥܒܿܕܐ ܕܓܝ̈ܓܠܐ ܐܝܟ ܥܒܕܐ ܕܓܝ̈ܓܠܐ ܕܡܪܟܒܬܐ܂ ܘ̈ܐܝܕܝܗܝܢ ܘܓܒ̈ܝܗܝܢ ܘܨܒܬܗܝܢ܂ ܘܫܘܦܪܗܝܢ ܥܒܕܐ ܕܢܣܟܬܐ܂܂
07:34)1( [ai]	ܘܐܪ̈ܒܥ ܟ̈ܬܦܢ ܥܠ ܐܪ̈ܒܥ ܙܘ̈ܝܬܗ ܕܐܓܢܐ ܚܕܐ ܡܢ ܐ̈ܓܢܐ܂ ܟ̈ܬܦܬܗ
07:35)1( [ai]	ܘܟܪܣܗ ܕܐܓܢܐ ܦܠܓܘܬ ܐܡܐ܂ ܘܪܘܡܗ ܓܠܝܠ ܟܕ ܚܕܪܐ܂ ܘܥܠ ܪܝܫܗ ܕܐܓܢܐ܂ ܘܐ̈ܝܕܗܬܗ ܘܓܕܢ̈ܦܝܗ ܡܢܗ܂
07:36)1( [ai]	ܘܪܫܝܡ ܥܠ ܠܘܚ̈ܐ ܐ̈ܝܕܗܬܗ܂ ܘܥܠ ܓܕܢ̈ܦܝܗ ܟܪ̈ܘܒܐ ܘܐܪ̈ܝܘܬܐ ܘܕܩ̈ܠܐ ܟܕ ܚܕܪܐ܂
07:37)1( [ai]	ܗܟܢܐ ܥܒܕ ܐ̈ܢܝܢ ܠܥܣܪ̈ ܐ̈ܓܢܝܢ܂ ܢܣܟܬܐ/ܕܢܣܟܬܐ#3#/ ܚܕܐ ܘܡܫܘܚܬܐ ܚܕܐ ܘܩܘܡܬܐ ܚܕܐ ܠܟܠܗܝܢ܀
07:38)1( [ai]	ܘܥܒܕ ܥܣܪ̈ ܠܩ̈ܢܝܢ ܕܢܚܫܐ܂ ܐܪ̈ܒܥܝܢ/ܐܪܒܥ#3#/ ܡܬܪ̈ܝܢ ܐܚܕܐ ܠܩܢܐ ܚܕܐ܂ ܐܪ̈ܒܥ ܐܡ̈ܝܢ ܗܘܝܐ ܠܩܢܐ ܚܕܐ ܥܠ ܐܓܢܐ ܚܕܐ܂ ܗܟܢܐ ܠܥܣܪ̈/ܥܣܪ̈#3#/ ܐ̈ܓܢܝܢ܂
07:39)1( [ai]	ܘܥܒܕ ܐ̈ܢܝܢ ܠܐ̈ܓܢܐ ܚܡܫ ܡܢ ܣܛܪܗ ܕܒܝܬܐ ܡܢ ܝܡܝܢܐ܂ ܘܚܡܫ ܡܢ ܣܛܪܗ ܕܒܝܬܐ ܡܢ ܣܡܠܐ܂ ܘܝܡܐ ܥܒܕ/ܥܒܪ#3#/ ܡܢ ܣܛܪܗ ܕܒܝܬܐ ܡܢ ܬܝܡܢ ܡܕܢܚ ܠܘܩܒܠ ܬܝܡܢܐ܂
07:40)1( [ai]	ܘܥܒܕ ܚܝܪܡ ܠܩ̈ܢܐ ܘܩ̈ܕܣܐ ܘܐܝܪ̈ܐ ܘܩܪ̈ܕܠܐ܀ ܘܫܠܡ ܚܝܪܡ ܠܡܥܒܕ ܟܠܗ ܥܒܕܐ ܕܥܒܕ ܡܠܟܐ ܫܠܝܡܘܢ ܒܒܝܬܗ ܕܡܪܝܐ܂
07:41)1( [ai]	ܥܡ̈ܘܕܐ ܬܪ̈ܝܢ܂ ܘܐ̈ܓܢܐ ܕܥܠ ܪܝܫ ܥܡ̈ܘܕܐ ܬܪ̈ܬܝܢ܂ ܘܟܣ̈ܝܐ ܬܪ̈ܝܢ܂ ܠܡܟܣܝܘ ܬܪ̈ܬܝܢ ܐ̈ܓܢܐ ܕܥܠ ܪܝܫ ܥܡ̈ܘܕܐ܂
07:42)1( [ai]	ܘܪ̈ܘܡܢܐ ܐܪ̈ܒܥܡܐܐ ܠܬܪ̈ܝܢ ܟܣ̈ܝܐ܂ ܬܪ̈ܝܢ ܣܕܪ̈ܝܢ ܕܪ̈ܘܡܢܐ ܠܟܣܝܐ ܚܕ܂ ܠܡܟܣܝܘ ܬܪ̈ܝܢ/ܠܬܪ̈ܝܢ#2#/ ܦܘ̈ܡܐ ܕܐ̈ܓܢܐ ܕܥܠ ܪܝܫ ܥܡ̈ܘܕܐ܂
07:43)1( [ai]	ܘܐ̈ܓܢܐ ܥܣܪ̈܂ ܘܠܩ̈ܢܐ ܥܣܪ̈ ܕܥܠ ܐ̈ܓܢܐ܂
07:44)1( [ai]	ܘܝܡܐ ܚܕ ܘܬܘܪ̈ܐ ܬܪ̈ܥܣܪ ܕܬܚܝܬ ܝܡܐ܂
07:45)1( [ai]	ܘܩ̈ܕܣܐ ܘܐܝܪ̈ܐ ܘܩܪ̈ܕܠܐ܂ ܘܟܠܗܘܢ ܡܐ̈ܢܐ ܕܬܫܡܫܬܐ ܕܥܒܕ ܚܝܪܡ ܠܡܠܟܐ ܫܠܝܡܘܢ ܠܒܝܬܗ ܕܡܪܝܐ܂ ܕܢܚܫܐ ܩܘܪܢܬܝܢܐ܂
07:46)1( [ai]	ܒܟܟܪ ܕܒܦܩܥܬܐ ܕܐܝܪܝܚܘ ܥܠ/ܕܥܠ#3#/ ܓܒ ܝܘܪܕܢܢ ܢܣܟ ܐܢܘܢ ܡܠܟܐ ܒܫܘܦܪܗ ܕܐܪܥܐ܂ ܒܝܬ ܣܟܘܬ ܘܒܝܬ ܨܪܬܢ܂
07:47)1( [ai]	ܘܥܒܕ ܫܠܝܡܘܢ ܟܠܗܘܢ ܡܐ̈ܢܐ ܣܘܓܐܐ ܕܛܒ܂ ܠܐ/ܕܠܐ#3#/ ܗܘܐ ܣܟܐ ܠܡܬܩܠܐ ܕܢܚܫܐ܂
07:48)1( [ai]	ܕܥܒܕ ܡܠܟܐ ܫܠܝܡܘܢ \ܠܒܝܬܗ ܕܡܪܝܐ /ܘܥܒܕ ܫܠܝܡܘܢ#3#/܂ ܟܠܗܘܢ ܡܐ̈ܢܐ ܕܒܝܬܗ ܕܡܪܝܐ܂ ܡܕܒܚܐ ܕܕܗܒܐ܂ ܘܦܬܘܪܐ ܕܕܗܒܐ܂ ܕܥܠܘܗܝ ܠܚܡܐ ܕܐ̈ܦܐ ‍<‍ܕܥܠܘܗܝ#3#‍>‍܂
07:49)1( [ai]	ܘܡܢܪ̈ܬܐ ܕܕܗܒܐ ܣܢܝܢܐ܂ ܚܡܫ ܡܢ ܝܡܝܢܐ ܘܚܡܫ ܡܢ ܣܡܠܐ܂ ܩܕܡ ܗܝܟܠܐ܂ ܘܟ̈ܦܐ ܘܫܪ̈ܓܐ ܘܡ̈ܠܩܛܐ ܕܕܗܒܐ܂
07:50)1( [ai]	ܘܡܙ̈ܡܟܐ ܘܢܦܛܪ̈ܐ܂ ܘܫ̈ܚܠܐ ܘܟ̈ܦܐ ܘܦܝܪ̈ܡܐ ܕܕܗܒܐ ܣܢܝܢܐ܂ ܘܩܪܡܐ ܕܬܪܥܐ ܓܘܝܐ ܕܩܕܘܫ ܩ̈ܘܕܫܐ܂ ܘܕܬܪܥܐ/ܘܠܬܪܥܐ#1##2#/ ܕܒܝܬܐ ܕܗܝܟܠܐ ܕܕܗܒܐ ܣܢܝܢܐ܀܀
07:51)1( [ai]	ܘܫܠܡ ܟܠܗ ܥܒܕܐ ܕܥܒܕ ܡܠܟܐ ܫܠܝܡܘܢ ܒܒܝܬܗ ܕܡܪܝܐ܂ ܘܐܝܬܝ ܫܠܝܡܘܢ ܩ̈ܘܕܫܐ ܕܕܘܝܕ ܐܒܘܗܝ܂ ܟܣܦܐ ܘܕܗܒܐ ܘܡܐ̈ܢܐ ܐܥܠ ܠܓܙܐ ܕܒܝܬܗ/ܠܒܝܬܗ#3#/ ܕܡܪܝܐ܀

next chapter