← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62012: P Is

Click on a word for lexical analysis.
Click on a red-colored coordinate for comments and/or translations of the line
View in Estrangelo
Ask AI about a passage
Hide manuscript variants

previous chapter


01:01 [ai]ܚܙܘܐ ܕܐܫܥܝܐ ܒܪ ܐܡܘܨ܃ ܕܚܙܐ ܥܠ ܝܗܘܕܐ ܘܥܠ ܐܘܪܫܠܡ܃ ܒܝ̈ܘܡܝ ܥܘܙܝܐ ܘܝܘܬܡ܃ ܘܐܚܙ ܘܚܙܩܝܐ ܡ̈ܠܟܐ ܕܝܗܘܕܐ܀܀
01:02 [ai]ܫܡܥܘ ܫܡܝܐ ܘܨܘܬܝ ܐܪܥܐ܂ ܡܛܠ ܕܡܪܝܐ ܡܠܠ܂ ܒ̈ܢܝܐ ܪܒܝܬ ܘܪܡܪܡܿܬ܂ ܘܗܢܘܢ ܐܥܠܝܘ ܒܝ܂
01:03 [ai]ܐܝܕܥ ܬܘܪܐ ܩܢܝܗ܃ ܘܚܡܪܐ ܐܘܪܝܐ ܕܡܪܗ܂ ܘܐܝܣܪܝܠ/ܘܥܡܝ#3#/ ܠܐ ܝܕܥ܂ ܘܥܡܝ/ܘܝܣܪܝܠ#3#/ܠܐ ܐܣܬܟܠܘ܂
01:04 [ai]ܘܝ ܠܥܡܐ ܚܛܝܐ ܥܡܐ ܥܫܝܢ ܥܘܠܐ܂ ܙܪܥܐ ܡܒܐܫܐ܃ ܒ̈ܢܝܐ ܡܚ̈ܒܠܐ܂ ܫܒܩܬܘܢ ܠܡܪܝܐ ܘܐܪܓܙܬܘܢ ܠܩܕܝܫܐ ܕܐܝܣܪܝܠ܂ ܘܗܦܟܬܘܢ ܠܒܣܬܪܟܘܢ܂
01:05 [ai]ܠܡܢܐ ܬܘܒ ܬܒܠܥܘܢ ܘܬܘܣܦܘܢ ܠܡܬܪܕܝܘ܂ ܟܠ ܪܝܫ ܠܟܐܒܐ܂ ܘܟܠ ܠܒܐ ܠܟܪܝܘܬܐ܂
01:06 [ai]ܡܢ ܦܣܬܐ ܕܪܓܠܐ ܘܥܕܡܐ ܠܡܘܚܐ܃ ܠܝܬ ܒܗ ܕܘܟܬܐ ܕܫܪܝܪܐ܂ ܨܘ̈ܠܦܬܐ ܘܫܘ̈ܡܬܐ ܘܡܚ̈ܘܬܐ ܕܥܒ̈ܝܐ܃ ܠܐ ܠܡܨܡܕ ܘܠܐ/ܐܦܠܐ#3#/ ܠܡܥܨܒ܂ ܐܦ ܠܐ ܠܡܪܟܟܘ ܒܡܫܚܐ܂
01:07 [ai]ܐܪܥܟܘܢ ܚܪܒܐ܂ ܘܩܘܪ̈ܝܟܘܢ ܝܩ̈ܕܢ ܒܢܘܪܐ܂ ܐܪܥܟܘܢ ܠܘܩܒܠܟܘܢ/ܠܩܘܒܠܟܘܢ#3#/ ܐܟܠܝܢ ܠܗܿ ܢܘܟܪ̈ܝܐ܂ ܘܨܿܕܝܐ ܐܝܟ ܗܦܝܟܬܐ ܕܢܘܟܪ̈ܝܐ܂
01:08 [ai]ܘܐܫܬܚܪܬ ܒܪܬ ܨܗܝܘܢ܃ ܐܝܟ ܡܛܠܬܐ ܒܟܪܡܐ܂ ܘܐܝܟ ܥܪܙܠܐ ܒܡܩܛܝܐ܂ ܘܐܝܟ ܡܕܝܢܬܐ ܚܒܝܫܬܐ܂
01:09 [ai]ܘܐܠܘ ܠܐ ܡܪܝܐ ܨܒܐܘܬ \ܐܘܬܪ ܠܢ ܣܪܝܕܐ /ܫܒܩ ܠܢ ܙܪܥܐ#3#/܃ ܐܝܟ ܣܕܘܡ ܗܘܿܝܢ ܗܘܝܢ܃ ܘܠܥܡܘܪܐ ܡܬܕܡܝܢ ܗܘܝܢ܂
01:10 [ai]ܫܡܥܘ ܦܬܓܡܗ ܕܡܪܝܐ܃ ܫ̈ܠܝܛܐ̈ ܕܣܕܘܡ܂ ܘܨܘܬܘ ܢܡܘܣܗ ܕܐܠܗܢ ܥܡܐ ܕܥܡܘܪܐ܂
01:11 [ai]ܠܡܢܐ ܗܘܿܝܢ ܠܝ ܣܘܓܐܐ ܕܕܒܚܝ̈ܟܘܢ ܐܡܿܪ ܡܪܝܐ܂ ܣܒܿܥܬ ܥ̈ܠܘܬܐ ܕܕܟܪ̈ܐ ܘܬܪܒܐ ܕܡ̈ܦܛܡܐ܂ ܘܕܡܐ ܕܬܘܪ̈ܐ/ܕܬܝ̈ܫܐ#3#/ ܘܕܐܡܪ̈ܐ ܘܕܓܕ̈ܝܐ ܠܐ ܨܒܿܝܬ܂
01:12 [ai]ܟܕ ܬܐܬܘܢ ܠܡܚܙܐ ܐ̈ܦܝ܃ ܡܢܘ ܒܥܐ ܗܠܝܢ ܡܢ ܐ̈ܝܕܝܟܘܢ ܠܡܕܫ ܕܪ̈ܝ܂
01:13 [ai]ܠܐ ܬܘܣܦܘܢ ܠܡܝܬܝܘ ܠܝ ܩܘܪ̈ܒܢܐ ܣܪ̈ܝܩܐ܂ ܣܘܬܐ ܡܣܠܝܐ ܗܝ ܠܝ܂ ܒܪܝܫ ܝܪ̈ܚܐ ܘܒܫܒܬܐ ܟܢܿܫܝܢ ܐܢܬܘܢ ܟܢܘܫܝܐ܃ ܠܐ ܐܟܠ ܐܢܐ ܕܥܬܐ ܘܕܚܒܘܫܝܐ܂
01:14 [ai]ܪܝܫ ܝܪ̈ܚܝܟܘܢ ܘܥܕ̈ܥܐܕܝܟܘܢ ܣܢܬ ܢܦܫܝ܂ ܗܘܘ ܥܠܝ ܠܐܝܩܪܬܐ ܠܐܿܝܬ ܠܡܫܩܠ/ܠܡܫܩܠܘ#3#/܂
01:15 [ai]ܟܕ ܬܦܪܣܘܢ ܐ̈ܝܕܝܟܘܢ ܐܗܡܐ ܥܝ̈ܢܝ ܡܢܟܘܢ܂ ܘܐܦܢ/ܘܐܢ#3#/ ܬܣܓܘܢ ܨܠܘܬܐ ܠܐ ܫܡܿܥ ܐܢܐ܂ ܐ̈ܝܕܝܟܘܢ ܡ̈ܠܝܢ ܕܡܐ܂
01:16 [ai]ܣܚܘ ܘܐܬܕܟܘ܂ ܘܐܥܒܪܘ ܒܝܫ̈ܬܐ ܕܥܿܒ̈ܕܝܟܘܢ ܡܢ ܩܕܡ ܥܝ̈ܢܝ܂ ܫܠܘ ܡܢ ܒܝܫ̈ܬܐ܃
01:17 [ai]ܘܐܝܠܦܘ/ܘܝܠܦ#3#/ ܠܡܛܐܒܘ܂ ܥܩܒܘ ܕܝܢܐ ܘܐܛܐܒܘ ܠܛܠܝܡ̈ܐ܂ ܕܘܢܘ ܝܬ̈ܡܐ ܘܕܘܢܘ ܐܪ̈ܡܠܬܐ܃
01:18 [ai]ܘܬܘ ܢܡܠܠ ܥܡ ܚ̈ܕܕܐ ܐܡܿܪ ܡܪܝܐ܂ ܘܐܢ ܢܗܘܘܢ ܚ̈ܛܗܝܟܘܢ ܐܝܟ ܙܚܘܪܝܬܐ ܐܝܟ ܬܠܓܐ ܢܬܚܘܪܘܢ܂ ܘܐܢ ܢܣܡܩܘܢ ܐܝܟ ܬܘܠܥܬܐ ܐܝܟ ܥܡܪܐ ܢܗܘܘܢ܂
01:19 [ai]ܘܐܢ ܬܛܦܝܣܘܢ ܘܬܫܡܥܘܢܢܝ܃ ܛܘܒܗܿ ܕܐܪܥܐ ܬܐܟܠܘܢ܂
01:20 [ai]ܘܐܢ ܠܐ ܬܛܦܝܣܘܢ ܘܬܬܚܪܘܢ܂ ܒܚܪܒܐ ܬܬܐܟܠܘܢ܃ ܦܘܡܗ ܕܡܪܝܐ ܡܠܠ܂
01:21 [ai]ܐܝܟܢܐ ܗܘܬ ܙܢܝܬܐ ܡܕܝܢܬܐ ܡܗܝܡܢܬܐ܃ ܕܡܠܝܐ ܗܘܬ ܕܝܢܐ ܘܙܕܝܩܘܬܐ ܒܬܬ ܒܗܿ܂ ܘܗܫܐ ܩܛܘ̈ܠܐ܂
01:22 [ai]ܟܣܦܟܝ ܐܣܬܠܝ܂ ܚܢܘܝܝ̈ܟܝ ܚܠܿܛܝܢ ܡ̈ܝܐ ‍<‍ܒܚܡܪܐ#3#‍>‍܂
01:23 [ai]ܪ̈ܘܪܒܢܝܟܝ ܡܪܘܕܝܢ ܘܫ̈ܘܬܦܐ ܐܢܘܢ ܕܓܢܒ̈ܐ܂ ܟܠܗܘܢ ܪܚܿܡܝܢ ܫܘܚܕܐ ܘܡܣܬܪܗܒܝܢ ܠܡܦܪܥ ܚ̈ܘܒܠܐ܂ ܠܝ̈ܬܡܐ ܠܐ ܕܝܢܿܝܢ܂ ܘܕܝܼܢܐ ܕܐܪ̈ܡܠܬܐ ܠܐ ܥܐܿܠ ܠܘܬܗܘܢ܂
01:24 [ai]ܡܛܠ ܗܢܐ ܗܟܢܐ ܐܡܿܪ ܡܪܐ ܡܪ̈ܘܬܐ ܚܝܠܬܢܐ ܥܫܝܢܐ ܕܐܝܣܪܝܠ܂ ܘܝ ܡܬܦܪܥ ܐܢܐ ܡܢ ܣ̈ܢܐܝ܂ ܘܡܬܢܩܡ ܐܢܐ ܡܢ ܒ̈ܥܠܕܒܒܝ܂
01:25 [ai]ܘܐܦܢܐ ܐܝܕܝ ܥܠܝܟܝ܃ ܘܐܨܪܘܦ ܡܪ̈ܘܕܝܟܝ ܠܕܟܝܘ܂ ܘܐܥܒܪ ܥܿܘ̈ܠܝܟܝ ܟܠܗܘܢ܂
01:26 [ai]ܘܐܩܝܡ ܕܝܿܢ̈ܝܟܝ ܐܝܟ ܕܡܢ ܩܕܝܡ܃ ܘܡ̈ܠܘܟܝܟܝ ܐܝܟ ܕܡܢ ܠܩܘܕܡܝܢ܂ ܘܒܬܪܟܢ ܬܬܩܪܝܢ ܡܕܝܢܬܐ ܕܙܕܝܩܘܬܐ ܘܡܕܝܢܬܐ ܕܗܝܡܢܘܬܐ܂
01:27 [ai]ܨܗܝܘܢ ܒܕܝܢܐ ܬܬܦܪܩ ܘܫܒܝܬܗܿ ܒܙܕܝܩܘܬܐ܂
01:28 [ai]ܘܬܒܪܐ ܕܥܿܘ̈ܠܐ ܘܕܚ̈ܛܝܐ ܐܟܚܕܐ ܘܐܝܠܝܢ ܕܫܒܩܘ ܠܡܪܝܐ ܢܣܘܦܘܢ܂
01:29 [ai]ܡܛܠ ܕܢܒܗܬܘܢ ܡܢ ܦܬܟܪ̈ܐ ܕܪܓܘ܂ ܘܢܚܦܪܘܢ ܡܢ ܓܢܝ̈ܬܐ ܕܓܒܘ܂
01:30 [ai]ܡܛܠ ܕܢܗܘܘܢ ܐܝܟ ܒܛܡܬܐ ܕܢܬܪܘ ܛܪ̈ܦܝܗܿ܂ ܘܐܝܟ ܓܢܬܐ ܕܡ̈ܝܐ ܠܝܬ ܠܗܿ܂
01:31 [ai]ܘܢܗܘܐ ܥܘܫܢܗܘܢ ܠܣܪܩܬܐ܂ ܘܥܿܒ̈ܕܝܗܘܢ ܠܒܠܨܘܨ̈ܝܬܐ ܘܢܐܩܕܘܢ ‍<‍ܒܢܘܪܐ#3#‍>‍ ܬܪ̈ܝܗܘܢ ܐܟܚܕܐ ܘܠܝܬ ܕܡܕܥܟ܀܀

next chapter